Навіны - Цалкам



НАШЭСЬЦЕ ГНОМАЎ

posted May 15, 2019, 8:53 PM by Адміністратар Навін   [ updated May 15, 2019, 8:54 PM ]

(Ліст на травеньскі Сойм Кансэрватыўна-Хрысьціянскай Партыі – БНФ                                                                      і БНФ “Адраджэньне”

Згодна рэкамендацыяў і рашэньняў красавіцкага Сойму мы падрыхтавалі два зьмястоўныя дакуманты: “Мэмарандум да ўрадаў заходніх краін і грамадзтва” і падпісны ліст аб прызнаньні пэрсонай “нон-грата” рускага спэцамбасадара Бабіча. Пачалося зьбіраньне подпісаў, але тут здарыўся рэдкі выпадак – падзеі апярэдзілі нашу ініцыятыву. Маскоўцы адклікалі Бабіча. Маўляў, ён сваю справу зрабіў, мы яму дзякуем і адклікаем.

Бабіч, сапраўды, нарабіў шмат, пашыхтаваў усю расейскую рэзыдэнтуру, накіраваў яе на стварэньне паралельных структураў улады на мясцовым узроўні на выпадак прыходу ў Беларусь маскоўскіх “зялёных чалавечкаў” (акупантаў). Але самае галоўнае, што зрабіў шпіён Бабіч – гэта пачаў рыхтаваць расейскую агентурную змову па адхіленьні Лукашэнкі ад улады. Усё яно рабілася амаль адкрыта, бо вакол свае маскоўскія кадры, расстаўленыя іхным жа “сукіным сынам”. Такі лубянскі кадр у Маскве, як журналіст Дарэнка, адкрыта вяшчаў, што, маўляў, чакайце, наш Бабіч там паламае «яму» клыкі. Італьянская камэдыя: “шпіён жыве на паверх вышэй”.

У гэты ж час Масква арганізоўвае сваю дробную агентуру, каб страшыць і нэрваваць кліента. Выскачыў раптам спадар Лябедзька і пачаў прад’яўляць ультыматумы правіцелю, -- маўляў, альбо адкажы на пытаньні, чаму давёў Беларусь да ручкі, альбо зыходзь. Маўляў, даю 24 гадзіны на прыняцьце рашэньня. Выступаць у ролі паяца яму не ўпершыню, таму паўтарыў свой “ультыматум” яшчэ два разы.

І вось у гэты час нешта пайшло ня так. Пра ўсё даведаўся Правіцель, паехаў да Пуціна і закаціў гістэрыку. У выніку Бабіча адклікалі, а былога начальніка аховы эфэсбіста, маскоўца Вцюрына (ён жа па сумяшчальніцтву выхавацель байструка правіцеля), арыштавалі, нібыта, “за хабар”.

Тым часам іншы кадр у Маскве, той жа вось Дарэнка заявіў, што рыхтуе перадачу ў эфір, дзе раскажа, што насамрэч адбылося ў Менску, наконт змовы. Праз дзень Дарэнка памірае ад разрыву сэрца, едучы на матацыкле. Ягоная дачка тут жа піша ў пракуратуру, каб рассьледвалі, ад чаго ў сапраўднасьці памёр Дарэнка, бо ў яе ёсьць падставы меркаваць, што яго зьвялі. (Праўда, гэта марны занятак ў такіх абставінах у гэбоўскай Расеі. Напішуць, што ўсё ў норме.)

Такія вось козьні рэжымнага двара. Выпадак з Дарэнкам, аднак, паказвае, што ў гэтай злачыннай дзейнасьці замешана некалькі расейскіх груп (якія дрэнна каардынуюцца).

Важна не забывацца, што тут не суперніцтва палітычных сьветапоглядаў і палітычных фармаваньняў, дзе ўлічваюцца законы, субардынацыя, папулярнасьць, электарат, «эстэблішмэнт» і т.п. Тут крымінальныя разборкі злачынцаў, зладзеяў, якія апанавалі краіны, смокчуць іх, як упыры, і пагражаюць апанаваць увесь сьвет, прытым ужо без ідэалёгіі (бо камунізм ляснуў), а так сабе – па паняцьцях.

Я пішу пра ўсё гэта зь іроніяй, успамінаючы свае ранейшыя словы, што калі маскалі палезуць у Беларусь, як на Украіну, то знойдуць тут сваю магілу.

Сітуацыя ў Беларусі даўно склалася як крытычная. Разбураныя і вынішчаюцца асновы існаваньня нацыі, эканоміка, адукацыя, сацыяльныя магчымасьці, грамадзянская супольнасьць, разбурана вёска, адбываецца дэмаграфічная катастрофа, прыніжэньне асобы, уведзены кантроль за кожным чалавекам, які павялічваецца. Пры гэтым створаны такія дачыненьні, што народ адхілены ад фармаваньня ўлады і назіраньня за ёй (замест выбараў прафанацыя, адміністрацыйны кантроль рэжыму). Ліквідаваныя ўсе магчымасьці канстытуцыйнай зьмены ўлады. Поўны тупік. Антыбеларуская ўлада праводзіць антынародную акупацыйную палітыку, і грамадзтва нічога ня можа зрабіць, толькі назіраць, як нішчацца правы людзей і прадаецца сувэрэнітэт краіны. Нацыя становіцца пасіўным сьведкам нацыянальнага забойства, закладнікам здрады.

Тут ёсьць некалькі варыянтаў падзей. Першы. Грамадзтва будзе даведзена да поўнай дэградацыі, краіна ліквідавана, тэрыторыя аддадзена ў расейскае рабства. Другі варыянт – рэвалюцыя, паўстаньне, сілавое зьвяржэньне рэжыму.

Але гэтага варыянту можа ня быць. Ніхто не захоча паўставаць. Масавая згода на рабства. Такіх прыкладаў дастаткова (Куба, Паўночная Карэя і інш.). І тады застаецца трэці варыянт, пра які некалі выказваўся адзін салдат-дэсідэнт Вэрмахта за часы нямецкай акупацыі: “Калі б у сваім часе забілі Сталіна і Гітлера, то і вайны не было б”. І гэта, дарэчы, ёсьць лапідарная бандыцкая праўда.

Вось гэты лапідарны варыянт і хацелі скарыстаць Бабіч, Вцюрын і іншая масква ў сваіх інтарэсах. Антынародная дыктатура сама вызначае характар зьмены сваёй улады.

Нажаль, ён не прыдатны для беларусаў, бо мала што зьменіць па сутнасьці. Корань зла, вока спрута крыецца ў крамлёўскага гнома. І не выпадкова, што якраз гном хацеў скарыстацца крымінальным варыянтам, каб павялічыць свае акупацыйныя магчымасьці (якія і так бязьмежныя). Змаганьне зь метастазамі ня вылечыць анкалагічнай хваробы ў Менску, калі пухліна стварылася ў Маскве.

Я не выпадкова пачаў гэтую гаворку, бо зьявіўся рэальны прэцэдэнт, і ў грамадзтве даўно ўжо ня толькі правакатары, але нават цалкам рэспэктабэльныя людзі пачынаюць у голас казаць, што краіна гіне, можа страціць незалежнасьць, што поўны тупік і адзіны выхад – забіць драня, бо іншых выхадаў не існуе.

Дарэчы, усё правільна. У гэтым характэрнасьць дыктатарскай улады. Зьмясьціць Гітлера не было іншай магчымасьці, акрамя яго фізычнага зьнішчэньня. І немцы паспрабавалі зьмяніць гісторыю такім чынам. Але гісторыя, відаць, мусіла дайсьці да свайго выніку, не спыняючыся на паўстанках.

Асаблівасьць палітычных дачыненьняў у Беларусі выклікае непакой, бо няма адзінага рацыянальнага разуменьня прычыны і выніку становішча. Антыпатыя і непрыняцьце ўзурпатара вырастае да масавага маштабу, але шмат хто (нават не распрапагандаваная большасьць) не разумее, што корань зла ў Крамлі, у яго імпэрскай агрэсіўнай палітыцы, у крамлёўскіх гномах, якія маніпулююць залежным ад іх калгасным сатрапам і праз яго вядуць сваю антыбеларускую палітыку. Зьмена сатрапаў ня зьменіць антыбеларускай палітыкі, калі ня будзе агульнанацыянальнага супраціву Маскве.

Тлумачу рэальнае становішча. Беларусы, якія думаюць уратаваць краіну і зьнішчыць цмока, на самой справе зробяць гэтым паслугу Вцюрыну-Бабічу, пазбавяць іх ад неабходнасьці выканаць тое самае. У краіне пры дапамозе “іхняга сукінага сына” створана акупацыйная сістэма ўлады. Увесь Савет бясьпекі краіны (акрамя адной прадажнай асобы) складзены з расейцаў, выхадцаў з Расеі і рускай агентуры. Міністэрства ўнутраных спраў (і ўсе ўнутраныя сілавыя структуры) знаходзяцца пад начальствам расейца кагэбіста-эфэсбіста з Луганшчыны, які навіду ўсіх ходзіць у форме злачыннага савецкага НКВД. Кіраўніцтва войска, генэралітэт складаецца з выпускнікоў расейскай вайсковай акадэміі і агентуры; ключавыя міністэрствы (адукацыі, культуры, інфармацыі і інш.) займаюць расесйкія агенты, камуністы, не грамадзяне Беларусі. Камітэтам Дзяржбясьпекі Беларусі кіруе расеяц і расейскі агент, не кажучы ўжо пра тое, што КГБ і рускае ФСБ цяпер, фактычна, адно ведамства, якое наладзіла ў Беларусі цэнтралізаваную сістэму відэаназіраньня за грамадзянамі краіны (500 тысячаў відэакамэр). Уся ахова сатрапа (дзьве тысячы ахоўнікаў) таксама складаецца з расейцаў тыпу Вцюрына. Беларусаў там няма. І ўсё гэта стваралася на вачах народа, паплёўваючы беларусам у твар, з дапамогай “іхняга сукінага сына”, які хоча быць вечным начальнікам над гэтым балотам. І быў бы, калі не ўзьніклі праблемы ўлады ў крамлёўскага гнома, дзе трэба сьпяшацца.

Маскоўскі план быў просты. Зьмяняюць наравістага «сукінага сына» на іншага сукінага сына – і ўсё. Больш нічога ня трэба рабіць, толькі прымаць рашэньні. Акупацыя, лічыце, адбылася, бо акупацыйная сістэма ўжо існуе. Ніхто нават не заўважыць, што краіны няма.

(Тут зноў нагадаю, што Захад на сёньняшні дзень бяссільны перад гібрыднай вайной, тэхналёгія супроцьдзеяньня ня створана. Там ня ведаюць, што рабіць).

Першая спроба маскоўцам не ўдалася. Але план застаўся. Цяпер мы бачым, што антыканстытуцыйнае прысьпешваньне псэўдавыбараў у Беларусі патрэбна Маскве. Намеры празрыстыя – захапіць “палатку” і наладзіць дэмарш (улічваючы, што Цэнтральнай выбарчай камісіяй кіруе ФСБ).

Што тут могуць беларусы? Могуць шмат што. Практычна, -- усё. Але для гэтага трэба стаць беларусамі, людзьмі, годнымі сваёй нацыі.

Цмок сядзіць у Крамлі. У Менску – сатрап. Для суду над ім павінен быць як найхутчэй створаны Народны трыбунал. Любое рашэньне Народнага трыбунала, пагрунтаванае на Канстытуцыі і законах, будзе ў гэтых абставінах легітымным і падлягае выкананьню. Рашэньні трыбунала паспрыяюць правядзеньню законных выбараў і прыпыняць крамлёўскія авантуры “Вцюрыных-Бабічаў”. Але пра шмат што мы тут ня кажам, разумеючы нязначнасьць слоў там, дзе патрабуецца справа.

12 траўня 2019 г.                                                                                  Зянон ПАЗЬНЯК



Пост скрыптум

.Бадай нішто так фігуральна не характарызуе і не выяўляе ідэалягічна-мэнтальную сутнасьць рэжыму крамлёўскіх гномаў, як ваенны псіхоз, які накрыў цяпер расейскае грамадзтва. Тое, што мы назіраем, -- гэта ў поўным сэнсе ваенізаваная чартоўшчына інфантыльнага кшталту, вар'ятня, дзе расейскіх дзетак, пачынаючы ад ясельнага ўзросту, убіраюць у савецкую ваенную форму, абвешваюць чорна-карычневымі стужкамі, чырвонымі зоркамі, эмблемамі сярпа з молатам і водзяць на дэманстрацыі з партрэтамі Сталіна і іншых забойцаў 2-й Сусьветнай вайны.

На 9-га траўня (савецкі дзень сканчэньня вайны ў Эўропе і Афрыцы) гэтая ваен-чартоўшчына дабралася і да Беларусі. У Менск (як некалі ў Данбас) наехала шмат расейскіх "турыстаў" у форме НКВД, якія бадзяліся і галёкалі маскоўскія лёзунгі, кшталту "спасибо деду за победу". Цяперашняму рускаму ватняму грамадзтву крамлёўскія гномы ўклалі ў мазгі, што гэта толькі Расея, а не антыгітлераўская кааліцыя, начале з Вялікабрытаніяй і Амэрыкай (якія кіравалі стратэгіяй вайны), перамаглі нямецкі нацыянал-сацыялізм.

Дзякуючы, перш за ўсё, Вялікабрытаніі і Амэрыцы, сусьветная бойня, разьвязаная Сталіным-Гітлерам і іхным злачынным сацыялізмам, была спынена і асуджана. Дзень яе завяршэньня ў Эўропе -- гэта дзень страшлівай балючай памяці і жалобы. Загінулі дзясяткі мільёнаў людзей, сталі ахвярай антычалавечай камуна-нацыянал-сацыялістычнай ідэалогіі.

Асабліва трагічная гэтая памяць для нас беларусаў, у якіх акупанты з усходу і захаду забілі асмаль трэць насельніцтва, разбурылі гарады, спалілі тысячы вёсак, зьнявечылі зямлю.

Потым, ужо у канцы 1960-х гадоў, савецкія акупанты, прыватызавалі сабе перамогу над гітлераўскай Нямеччынай і ператварылі 9 травень у пампезнае "сьвята перамогі", у прыладу прпаганды, фальсіфікацыі гісторыі і абалваньваньня людзей, ськідваньне віны з сябе за разьвязваньне антычалавечай вайны толькі на Гітлера і Нямеччыну.

Але нават тады, пры Брэжневе, не было такога дзікага шызафрэнічнага маразму, такой вар'яцкай ваеннай чартоўшчыны, як цяпер пад рэжымам Пуціна. Ідзе паталагічная прапаганда вайны. Пра яе ўжо мроіць тупое пакаленьне, што ўзьнікла за часы Пуціна і наглядзелася пуцінскага кінематографа.

Злачынная гісторыя расейскіх войнаў паказвае, што калі расейскае скопішча жадае і хоча вайны, то вайна будзе, калі не здарыцца, аднак, выпадку ў гісторыі і Сталін з Гітлерам прападуць.

12.05.2019





Грамадзтва адварочваецца ад рэжымнай улады, але знаходзіцца пад ўплывам маскоўскай прапаганды

posted May 15, 2019, 8:38 PM by Адміністратар Навін   [ updated May 15, 2019, 8:38 PM ]

(Травеньскі Сойм 2019 г. Кансэрватыўна-Хрысьціянскай Партыі – БНФ                                                                         і Беларускага Народнага Фронту “Адраджэньне”)

        12 траўня ў Менску адбыўся чарговы Сойм КХП-БНФ і БНФ “Адраджэньне”. Сойм заслухаў выступ сп. Зянона Пазьняка, Старшыні Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”, -- “Нашэсьце гномаў”. Старшыня зрабіў аналіз падзей і тэндэнцый, зьвязаных з выдаленьнем зь Беларусі расейскага спэцпасла М. Бабіча. Патрыёты толькі пачалі зьбіраць подпісы па ўсёй Беларусі з патрабаваньнем аб яго экстрадыцыі, а Масква ўжо пасьпяшалася адклікаць яго. Гэты факт, а таксама арышты ў навакольлі Лукашэнкі сьведчаць аб тым, што дыктатар і многія зь ягоных падначаленых напалохаліся актыўнай дзейнасьці спэцпасла Масквы па стварэньню паралельнай структуры ўлады ў краіне. Адкрытыя дзеяньні па падрыхтоўцы захопу Беларусі прадэманстравалі намеры Крамля, выклікалі адмоўную рэакцыю нашага грамадзтва і вымусілі Маскву перайсьці да больш прыхаваных дзеяньняў на шляху да акупацыі нашай краіны. Але злачынная стратэгія імпэрскай палітыкі засталася тая самая. І менавіта беларускі народ павінен супрацьстаяць ёй у змаганьні за незалежнасьць і свабоду.

        Нажаль, значная частка беларускага грамадзтва не разумее неабходнасьці падтрымкі палітычнага змаганьня і палітычнага вырашэньня праблем, лёсавызначальных для нашай будучыні. Старшыня падкрэсьліў таксама, што спадзяваньні шэрагу людзей на тое, што адхіленьне ад улады Лукашэнкі зьяўляецца ключавым у справе незалежнасьці і дэмакратызацыі, ёсьць ілюзіяй. Корань зла знаходіцца ў Маскве, зьмена сатрапаў рукамі імпэрцаў прывядзе толькі да новых праблем. Павінен быць праведзены Народны трыбунал над сатрапам. Яго рашэньні будуць легітымнымі, паспрыяюць правядзеньню законных выбараў і сарвуць імпэрскія планы “бабічаў-вцюрыных”.

З дакладам выступіў сп. Сяргей Папкоў, намесьнік старшыні Партыі і Фронту. Ён спыніўся на дэталях маскоўскага плану па захопу Беларусі і яго няўдачы на гэтым этапе. Нават рэжымная бюракратыя на месцах разумее пагрозу для свайго існаваньня ў выпадку расейскай акупацыі. Мясцовыя чыноўнікі баяцца, што імпэрскія гаспадары знойдуць на іхнае месца бюракратаў з Расеі, а іх выкінуць з пасадаў. Цяпер Масква мяняе свае мэтады і пасьля няўдачнай дэманстрацыі салдафона Бабіча пераходзіць да гібрыдных формаў экспансіі. Курс імпэрыі па захопу Беларусі і выкарыстаньню нашай тэрыторыі для агрэсіі супраць суседніх дэмакратычных краін застаецца тым жа.

Эканамічная сітуацыя драматычная. На вачах у грамадзтва зачыняюцца прадпрыемствы, працоўныя губляюць працу або не атрымліваць заробкі. Многія ратуюцца, едуць на заробкі ў Польшчу. Людзі не бачаць пэрспэктывы існаваньня ў рэжымным бязладдзі і шукаюць шляхі паратунку. Гэта ёсьць вынік разбуральнай палітыкі рэжыму, кіруемага Масквой.

Выступілі таксама сябры Сойму з розных рэгіёнаў краіны. Крызіс ударыў па буйных прадпрыемствах Беларусі. Напрыклад, Гомсельмаш стаў нерэнтабэльным і набліжаецца да калапса. Разбураецца вытворчая інфраструктура на прадпрыемствах Жодзіна. Людзі не хаваюць сваёй нянавісьці да рэжыму, многія публічна выказваюць раскайваньне ў тым, што ў 1994 годзе спрычыніліся да ўсталяваньня ўлады Лукашэнкі, а не галасавалі за Зянона Пазьняка – “жыцьцё было б іншым, жылі б, як нармальная краіна”.

Аднак, замест таго, каб салідарызавацца ў палітычным змаганьні за свае інтарэсы і за вызваленьне краіны, шмат хто з нашых суайчыньнікаў масава “зарываюцца ў зямлю” – працуцюь на сваіх участках, каб выратавацца ад голаду. Многім проста не стае грошай да наступнага заробку.

Задача патрыётаў растлумачыць грамадзтву, што ніхто, акрамя нас самых, не дасягне кардынальнага вырашэньня праблемаў і не вызваліць краіну. Неабходна супрацьпаставіць гібрыднай прапагандзе Масквы нашу беларускую праўду.

Выступоўцы зьвярнулі ўвагу на брутальныя дзеяньні рэжыму па забароне публічнай грамадзкай дзейнасьці, што зьяўляецца грубым парушэньнем Канстытуцыі і міжнародных законаў. Патрабаваньне аплаты (прытым велізарнай і нерэальнай) пры правядзеньні шэсьцяў, мітынгаў, сходаў зьяўляецца рэжымным рэкэтам, сьведчыць яшчэ раз аб крымінальнай сутнасьці рэжыму. Былі, фактычна, забаронены нашыя партыйныя фронтаўскія мерапрыемствы, прызначаныя на 26 красавіка і 7 траўня. Агентура з асяроддзя псэўдаапазыцыі пачала вяшчаць, што “Чарнобыльскі шлях зжыў сябе як грамадзкае мерапрыемства”. Пасьпяшаліся імітатары, сьпяшаецца і рэжым, якому здаецца, што цяпер усё пад кантролем, і ніхто не выйдзе на вуліцы і плошчы. Але энэргія народнага пратэсту накопліваецца і калі-небудзь выбухне без рэжымных дазволаў.

Сёлета афіцыёзныя сьвяткаваньні “дня перамогі” прадэманстравалі абыякавасьць грамадзтва да траскучай дэмагогіі і раздражненьне фальшывымі дзеяньнямі рэжыму. На парады ў гарадах і мястэчках збольшага зьбіраліся мабілізаваныя ўладамі залежныя катэгорыі грамадзтва і «турысты» з маскоўшчыны. Людзям, прыдушаным сацыяльнымі праблемамі, не было настрою сьвяткаваць разам з рэжымам. Агульны настрой быў зусім не сьвяточны. Грамадзтва усё больш аддаляецца ад рэжымнай улады, успрымае яе як варожую сілу.

Сойм таксама разгледзеў планы партыйнай дзейнасьці на бліжэйшы пэрыяд.

Інфармацыйная камісія Кансэрватыўна-Хрысьціянскай Партыі – БНФ і Беларускага Народнага Фронту “Адраджэньне”

12 траўня 2019 г.



Савецкія акупанты ў час вайны

posted May 15, 2019, 8:33 PM by Адміністратар Навін   [ updated May 15, 2019, 8:34 PM ]

Вядома, што перад уцёкамі ад немцаў Менск спалілі расейцы. Гэтым займаліся атрады НКВД. Яны падпальвалі дамыі расстрэльвалі вязьняў у турмах. Калі б у іх было больш часу, то яны зьнішчылі б увесь горад. Але немцы наступалі імкліва і саветы бязладна ўцякалі, шкодзячы як маглі беларускаму насельніцтву.

Ніжэй мы зьмяшчаем тэкст у перакладзе з расейскай аб тым, што акупанты вытваралі перад адступленьнем у Адэсе, дзе мелі шмат часу на разбурэньне.

Невядомая гісторыя саветаў

Адгрымелі сьвяточныя даты, зьвязаныя з вызваленьнем Адэсы і перамогай антыгітлерскай кааліцыі ў 2-й Сусьветнай вайне. Пытаньне, чаму людзі там дагэтуль засталіся ў сымвалічнай прасторы СССР, а некаторыя перанялі крамлёўскі навароб з “георгіеўскімі стужачкамі”, “несьмяротнымі палкамі” ды “Расея вызваліла Эўропу і рэспублікі СССР ад фашызма!”.

Людзі не могуць жыць без уласнай карціны сьвету. Яны лёгка прымаюць любую зладжаную біпалярную тэорыю, у якой выразна размежаваны дабро і зло. Гэтая ж дыхатомія дазваляе ўладзе сыходзіць ад цяжкіх пытаньняў, якімі поўная рэальная гісторыя вайны. Таму ў Крамлі з 60-х гадоў мінулага стагоддзя ладзяць альтэрнатыўную гісторыю вайны. І многія ў гэта вераць.

Перад тым, як Адэсу вызваліць, яе спачатку здалі румынам у кастрычніку 1941 года. Праз месяц выйшаў Загад Стаўкі галоўнага камандваньня №428 “Аб стварэньні адмысловых каманд па разбурэньню і спальваньню населеных пунктаў у тыле нямецка-фашыстоўскіх войскаў”. Пры здачы Адэсы гэтыя практыкі ўжо прымяняліся ў адносінах да 300 тыс. цывільных жыхароў, што засталіся ў горадзе.

На падрыхтоўку Адэсы да здачы адводзілася 15 дзён. 2500 аўтамабіляў і 180 трактароў былі скінуты ў мора. Уключна з санітарнымі машынамі разам з параненымі чырвонаармейцамі. 90 паравозаў былі зьнішчаны. 9000 коней супрацоўнікі НКВД расстралялі з ППШ, павозкі спалілі. Вуліца Прымрорская была завалена трупамі коней. Сыходзячы, чэкісты расстралялі ваеннапалоных, што заставаліся.

У ноч з 15 на 16-га кастрычніка 1941 года пакінутыя ў горадзе падрыўныя групы зьнішчылі ўсё, што ўяўляла якую-кольвеч каштоўнасьць. Была ўзарвана плаціна і затоплена Пярэсып. Насельніцтва не папярэдзілі. У вадзе плавалі савецкія ўлёткі “Одессе быть!”. Гэтай жа ноччу НКВД падарваў гарадзкую электрастанцыю і ўсе хлебзаводы. Быў падарваны Варанцоўскі маяк.

Да раніцы згарэлі практычна ўсе гарадзкія школы. Раніцай зьявіліся чырвоназорныя самалёты і адбамбаваліся па Новым рынку і цяперашняму Музэю марскога флёту. Падчас абароны там быў наладжаны склад канфіскаваных у насельніцтва радыёпрыёмнікаў. Загінула каля сотні цывільных жыхароў. Увечары 16-га кастрычніка ў горад зайшлі румыны. Гэта была адна зь іхніх самых вялікіх перамог.

На абарончых пазыцыях было пакінута некалькі тысячаў жаўнераў і маракоў. Прычым многія сядзелі ў акопах і даведаліся, што горад ужо некалькі дзён пад румынамі, ад жыхароў, якія адмыслова прышлі ім гэта паведаміць. Некаму ўдалося зьмяніць форму на цывільную вопратку і прыкінуцца мясцовым жыхаром, а нехта быў адлоўлены і зьмешчаны ў адзін са спэцлягяроў.

Юры Хрыстэнзэн

Крыніца: Фэйсбук.

Пераклад з расейскай.


Характэрная карцінка пра заходніх тупых

posted May 15, 2019, 8:28 PM by Адміністратар Навін   [ updated May 15, 2019, 8:28 PM ]

Вельмі складана растлумачыць замежнікам сітуацыю ў Расеі. Не разумеюць!

Распавёў пра катастрофу Супэрджэта знаёмаму непалітызаванаму немцу: “Самалёт, створаны кампаніяй саслужыўца Пуціна па КГБ, загарэўся ў аэрапорце ягонага партнёра па дзюдо”. Прыяцель шчыра зьдзівіўся: “Якое супадзеньне, трэба ж”. Зь вялікай цяжкасьцю я здолеў патлумачыць яму, што гэта ёсьць звычайная ў Расеі практыка: саслужыўцу прэзыдэнт падарыў дзяржзамову на вытворчасьць самалётаў, а дзюдаісту – аэрапорт. Ну, а потым недапрацаваны самалёт не вытрымаў удару маланкі, а аэрапорт праваліў апэрацыю па выратаваньню пасажыраў.

Немец, здаецца, пачаў нешта разумець: “А ёсьць у Расеі нешта, што Пуцін яшчэ не падарыў сваім сябрам?”. “Ёсьць, -- тлумачу, -- усё, што не належыць сябрам Пуціна, захапілі сябры сяброў Пуціна, такіх, як Медведев, Патрушаў, Сечын і г.д., а таксама іхнія сямейнікі, сваякі і абслуга”. Прыяцель пачаў далей цікавіцца: “І як яны ўсім гэтым кіруюць?”. “Як, як, -- адказваю, -- дрэнна да гнюснасьці: самалёты ў іх падаюць, банкі ляскаюцца, лясы зьнікаюць, звалкі атручваюць навакольнае асяроддзе. Нават нафту яны дадумваюцца нейкай агіднасьцю бадзяжыць, так што ад яе замежныя пакупнікі адмаўляюцца. Кампаніі іхнія даўно б спаліліся, калі пры кожным шухеры не атрымлівалі тэрміновую дапамогу з дзяржбюджэта”. Нямецкі сябра зьлёгку прыбалдзеў: “І колькі гэта ўсё будзе, па-твойму, працягвацца?”. “Да тае пары, пакуль мільярдэрам не стане апошні кіроўца масажыста ахоўніка сябра Пуціна” – адказваю.

У нейкі момант мне падалося, што немец урэшце зразумеў сітуацыю. Але тут ён забіў мяне канчаткова. “Як вы гэта ўсё церпіце, чаму не адмовіце Пуціну ў даверы на выбарах?”. Што я яму адказаў, тут стрымаюся. Але цяпер ён ведае, як гучыць адборны расейскі мат.

Ігар Эйдман

Крыніца: Фэйсбук.

Перамогашаленства як праклён Расеі

posted May 15, 2019, 8:24 PM by Адміністратар Навін   [ updated May 15, 2019, 8:24 PM ]

Перамогай, прыпісанай Сталіну, апраўдваюць усе ягоныя злачынствы. Ваенны крах улетку 1941-га года – гэта наступства злачынстваў Сталіна перад сваім народам – рэпрэсіі цалкам дэзарганізавалі камандваньне РККА і сарвалі вытворчыя планы 3-й перадваеннай пяцігодкі. Але большасьць лічыць, што “мала расстрэльвалі, трэба было больш”. І гатовыя расстрэльваць цяпер.

Перамогай прыкрываюць той факт, што да бітвы пад Масквой РККА проста не было чым ваяваць, і СССР тады літаральна выратавалі ангельскія танкі і самалёты. Але чамусьці большасьць лічыць, што гэта зьявілася не з-за Лэнд-ліза, а з-за “пераносу прамысловасьці за Урал”.

Хлусьнёй “Сталін правёў індустрыялізацыю” хаваецца той факт, што большую частку заводаў спраектаваў геніяльны амэрыканец Альбэрт Кан. Але большасьць лічыць, што не было б яго, то “купілі б” іншага, а індустрыялізацыю правёў бы “геній” непісьменнага бандыта Сталіна, які расстраляў нават тых, хто ўласна Кана знайшоў і ўгаварыў прыехаць у СССР.

Што адпаведна прыводзіць да высноваў, што зараз непісьменныя гуманітарыі і бюракраты Пуціна могуць “паўтарыць індустрыялізацыю” або “купіць” геніяў, якія за іх гэта правядуць. У галовы прапагандай убіваецца, што каштоўнасьці ведаў і досьведу ніякай няма (у выглядзе “незаменных у нас няма” ў адносінах да навукоўцаў і інжынэраў), і мы ўсё можам зрабіць самы пад кіраўніцтвам непісьменных “журналістаў рагозіных”, якія сарвалі ГВП-2020 і зараз дабіваюць расейскі космас. І няма нічога страшнага ў рэпрэсіях – “мы ж перамаглі”, а новых навукоўцаў і інжынэраў “бабы народзяць” на фоне сістэмнай дэградацыі нацыянальнай адукацыі.

А па факце, калі быць шчырымі перад самымі сабой, то ні правесьці індустрыялізацыю, ні перамагчы ў вайне мы без дапамогі амэрыканцаў не здолелі.

Дзімітры Іхлоў (Расея)

Крыніца: http://www.kasparov.ru/material.php?id=5CD9030CB54C7

Сьпіс членаў кіраўніцтва РФ, што маюць другое грамадзянства

posted May 15, 2019, 8:22 PM by Адміністратар Навін   [ updated May 15, 2019, 8:22 PM ]

Адцягні ўвагу ад каларадзкай стужачкі, шалёна-памешаны “паўтаральшчык”. Глядзі, хто вучыць цябе патрыятызму! Менавіта за іх ты будзеш у акопе пад бамбардоўкай “варожага НАТО”, “калі радзіма загадае”. А яна загадае, нават не сумнявайся. Запомні гэтыя імёны, будучы “дзьвюхсоты”!

Сьпіс членаў ураду РФ, што маюць другое грамадзянства, нерухомасьць замяжой.

Члены ўраду:

Вице-премьер Дмитрий Козак имеет ВНЖ Швейцарии

Вице-премьер Ольга Голодец имеет ВНЖ Италии

Министр промышл. Д. Мантуров имеет ПМЖ Испании

Министр труда М. Топилин имеет ВНЖ Болгарии

Зам.министра торговли Каламанов Великобритании

Зам министра развития Талыбов имеет ВНЖ Франции

Зам министра финансов А. Лавров имеет ПМЖ Италии

Зам министра экологии Керимов имеет ПМЖ Франции

Зам министра культуры Овсиенко ВНЖ Болгарии


Губэрнатары:

А Воробьёв губернатор Моск.обл. ВНЖ Испании

А. Усс губернатор Красноярск края Германии

С.Воскресенский губернатор Ивановской обл. США

Б.Дубровский экс-губ. Челябинс обл Швейцарии

Ликсутов вице-мэр Москвы- гр-во Кипра


Члены Савета Фэдэрацыі:

В.Пономарёв имеет гражданство Великобритании

Борис Невзоров имеет гражданство Кипра

Андрей Клишас имеет ПМЖ Швейцарии

Арсен Каноков имеет ВНЖ Великобритании

Елена Мизулина имеет ВНЖ Бельгии

Александр Бабаков имеет гражданство Великобритании

Сулейман Керимов имеет ПМЖ Франции


Депутаты Дзяржаўнай Думы:

Александр Жуков — ВНЖ Великобритании

Андрей Голушко — ВНЖ Франции

Григорий Аникеев — гражданство Испании

Александр Прокопьев — ПМЖ Кипра

Айрат Хайруллин — ПМЖ Испании

Леонид Симановский — гражданство Израиля

Ризван Курбанов — ПМЖ Турции

Михаил Щапов — ВНЖ Испании

Александр Кравец — ПМЖ Черногории

Григорий Балыхин — ПМЖ Черногории

Елена Бондаренко — ВНЖ Италии

Игорь Лебедев — грин-карта США

Вячеслав Никонов — гражданство США

Александр Ремезков — грин-карта США

Николай Борцов — гражданство Великобритании

Отари Аршба — гражданство Грузии.


Саша Сотнік

Крыніца: Фэйсбук.

Рэжым рыхтуе чарговы этап зьнішчэньня крыжоў на магілах у Курапатах

posted May 15, 2019, 9:34 AM by Адміністратар Навін   [ updated May 15, 2019, 9:34 AM ]

            14 траўня нам стала вядома, што рэжым пачаў падрыхтоўку да наступнага этапа зьнішчэньня крыжоў на магілах пакутнікаў у Курапатах. На тэрыторыі Народнага мэмарыялу ўжо некалькі дзён працуюць работнікі Бараўлянскага лясгасу. Яны пакасілі траву каля Крыжовай алеі і каля агароджы, а таксама засыпалі ямкі, якія яшчэ з мінулага года былі падрыхтаваны грамадзтвам для ўстаноўкі новых крыжоў каля Крыжовай алеі. Зразумела, што пад выглядам “добраўпарадкаваньня тэрыторыі” праводзяцца дзеяньні з мэтай не дапусьціць устаноўкі новых крыжоў у Курапатах.

У той жа час мы атрымалі зьвесткі аб тым, што 16 траўня рэжым зьбіраецца правесьці “ачыстку тэрыторыі ад старых крыжоў” на магілах пакутнікаў. Зразумела, што самы работнікі або кіраўніцтва Бараўлянскага лясгасу не маглі прыняць такое рашэньне. Задача па зьнішчэньню крыжоў атрымана імі з самых вярхоў рэжыма, а рэжыму загадала пайсьці на гэтыя варварскія дзеяньні Масква.

Мы ўжо заявілі прысутным работнікам лясгасу, што такія дзеяньні недапушчальныя і злачынныя. Паводле хрысьціянскай традыцыі, пакуль крыж стаіць на магіле, ніхто ня мае права зьнішчаць яго, каб не дапусьціцца блюзьнерства. Сапраўдная мэта рэжыму зразумелая – паэтапнае зьнішчэньне крыжоў, пасьля чаго рэжымныя вандалы пачнуць зьнішчэньне магіл пакутнікаў.

Мы заклікаем грамадзтва далучыцца да абароны крыжоў і магіл у Курапатах, недапусьціць ліквідацыі Народнага мэмарыяла. Ня выключана, што рэжымная “ачыстка ад крыжоў” пачнецца не 16 траўня, а на дзень раней або пазьней. У сувязі з гэтым ужо з 15 траўня і ў наступныя дні на тэрыторыі Народнага мэмарыяла павінны знаходзіцца людзі, якія будуць сачыць за сітуацыяй і змогуць даць сігнал аб тым, што вандальскія дзеяньні пачаліся. Пасьля такога сігналу неабходна будзе падымаць грамадзтва на абарону крыжоў. Дзяжурствы дабраахвотнікаў павінны быць арганізаваны на працягу ўсяго дня. Збор у Курапатах.

Рэжым, які пабудаваў у ахоўнай зоне забаўляльны рэстаран і арганізоўвае там скокі на касьцях, які перасьледуе людзей, што ставяць крыжы на магілах пакутнікаў, які ламае крыжы ў Курапатах -- такі рэжым ня мае права вызначаць “стары” крыж або “не стары”, ня мае права зьнішчаць хрысьціянскія сымвалы на магілах пакутнікаў Беларусі.

Усе на абарону Народнага Мэмарыяла ў Курапаты!


Управа Сойму Кансэрватыўна-Хрысьціянскай Партыі – БНФ,
Намеснік старшыні Партыі Сяргей Папкоў
Грамадзкае аб’яднаньне Хрысьціянская злучнасьць Курапаты,
Намесьнік старшыні ГА Алесь Чахольскі

15 траўня 2019 г.

г. Менск


МЭМАРАНДУМ ДА ЎРАДАЎ ЗАХОДНІХ КРАІН І ГРАМАДЗТВА

posted May 3, 2019, 5:40 AM by Адміністратар Навін   [ updated May 3, 2019, 5:40 AM ]

    Кіраўніцтва Кансэрватыўна-Хрысьціянскай Партыі -- БНФ па даручэньні Сойму КХП -- БНФ упаўнаважанае заявіць наступнае:

У Беларусі таемнымі расейскімі спэцслужбамі поўным ходам ідзе падрыхтоўка інкарпарацыі краіны ў Расею. Пра гэта сьведчыць стварэньне спэцыяльнай пастаяннай групы "па інтэграцыі" ў Маскве, агрэсіўныя заявы кіраўніцтва Расеі (Мядзьведзеў) і дзеяньні залежнага ад Масквы рэжыму Лукашэнкі па канчатковым зьнішчэньні грамадзянскай супольнасьці. Пачаўся інтэнсіўны перасьлед журналістаў і недзяржаўных СМІ, перасьледуюць і зьнішчаюць незалежныя прафсаюзы, мэтадычна арыштоўваюць грамадзкіх актывістаў. З 1-га красавіка рэжым Лукашэнкі пачаў зьнішчэньня нацыянальнага некропаля -- Народны Мэмарыял Курапаты -- помніка першай катэгорыі пэрыяду расейска-бальшавіцкага генацыду 1937-1941 гадоў, дзе расейскія бальшавікі расстралялі чвэрць мільёна нявінных людзей.

У канцы мінулага года Масква запатрабавала прысутнасьці ў Беларусі спэцыяльнага прадстаўніка прэзыдэнта Расейскай Фэдэрацыі ў якасьці амбасадара. Ім быў прызначаны функцыянер КГБ-ФСБ Міхаіл Бабіч. Спэцпрадстаўнік, у парушэньне дыпляматычных нормаў, займаецца прапагандай "русского міра", гуртуе рускую шпіёнскую рэзідэнтуру ў Беларусі, наладжвае прыёмы рускім рэзідэнтам у амбасадзе Расейскай Фэдэрацыі, езьдзіць па Беларусі з мэтай арганізацыі ў Беларусі паралельных прарускіх ворганаў улады, якія (па прыкладу акупацыі Данбаса) мусяць праявіцца ў час "ікс" -- з пачаткам расейскай акупацыі Беларусі.

Функцыя "спэцпрадстаўніка" ўводзіцца Расеяй заўсёды дзеля падрыхтоўкі акупацыі памежнай краіны. Так былі акупаваныя Прыбалтыйскія краіны ў 1940-м годзе (спэцпрадстаўнік у Эстоніі -- А. Жданаў; у Латвіі -- А. Вышынскі; у Летуве -- Ул. Дэканозаў). Па гэтай жа схеме Расея разбурала Рэч Паспалітую ў XVIII стагоддзі.

На пасады кіраўнікоў сілавых ведамстваў (КГБ, Міністэрства ўнутраных спраў, войска і г. д.) Лукашэнка, які зьяўляецца марыянэткай Масквы, прызначыў расейскіх функцыянераў КГБ-ФСБ. Міністэрствы асьветы і адукацыі таксама ўзначальваюць функцыянеры, якія адраджаюць культ Сталіна, камсамола і камунізму. КГБ рэжыму Лукашэнкі і ФСБ Расеі праводзяць сумесныя калегіі і дэейнічаюць у інтарэсах Расеі. Руская рэзідэнтура ва ўладзе сьпешна перафарбоўвае наглядную агітацыю Беларусі пад колеры Расеі. Гэта прыкмета, што зь ведама здрадніцкага рэжыму Лукашэнкі задумана інкарпарацыя беларускай тэрыторыі і падпарадкаваньне Беларусі пуцінскай Расеі.

Наша задача папярэдзіць краіны-суседзі і краіны ўсяго заходняга сьвету аб тым, што калі будзе дапушчана інкарпарацыя і захоп Беларусі Масквой і рэстаўрацыя рускага сацыялізму ў акупаванай Беларусі, то гэта ня толькі стане пагрозай для ўсёй Эўропы, але, магчыма, пачаткам новай расейскай вайны супраць заходняга сьвету. Народ Беларусі будзе супраціўляцца расейскаму гібрыднаму захопу ўсімі спосабамі

Мы лічым, што заходняя палітыка і палітыка нашых суседзяў павінна сур'ёзным чынам улічваць імкненьні Масквы інкарпараваць Беларусь, зьмяніць баланс дачыненьняў у Эўропе і пагражаць вайной заходняй цывілізацыі. Мы хацелі б бачыць пазыцыю заходніх краін, якая б спыніла агрэсіўныя намеры пуцінскай Расеі і намеры падпарадкаваньня Беларусі.

Кіраўніцтва Кансэрватыўна-Хрысьціянскай Партыі -- БНФ:

Зянон ПАЗЬНЯК -- старшыня;

Юры БЕЛЕНЬКІ -- намесьнік старшыні;

Сяргей ПАПКОЎ -- намесьнік старшыні

19 красавіка 2019 г. 

МEMORANDUM TO THE GOVERNMENTS AND SOCIETIES OF THE WESTERN COUNTRIES

posted May 3, 2019, 5:34 AM by Адміністратар Навін   [ updated May 3, 2019, 5:34 AM ]

            The leadership of the Conservative Christian Party – Belarusian People’s Front on behalf of the Soim of the Party is authorized to declare the following:

The Russian secret special services are making preparations of the incorporation of Belarus into Russia. There are several witnesses of this activity: a special constant group of “the integration” has been founded in Moscow, the leadership of Russia (Mr. Medvedev) has made some aggressive statements as well as the Lukashenka pro-Moscow regime is acting in order to liquidate definitively the Belarusian civil society. The Lukashenka regime has started the intensive repressions against the journalists and non-governmental media. The regime is persecuting and liquidating the independent trade-unions and arresting the civil activists. Since April 4, 2019 the Lukashenka regime has started the destruction of the national Belarusian necropolis – the National Memorial in Kurapaty near Minsk which is the heritage monument of the first category. The Russian communists have shot 250 000 innocent persons in Kurapaty during the Russian communist genocide of the Belarusian nation in 1937-1941.

At the end of 2018 Moscow required the special representative of the president of the Russian Federation to be appointed in Belarus as the ambassador of Russia. The KGB-FSB functionary Mr. Mikhail Babich has been appointed to this post. The special representative Mr. M. Babich is violating the norms of diplomacy, is promoting the propaganda of “the Russian world”, coordinating the Russian secret residents in Belarus, arranging receptions of the Russian residents in the Embassy of the Russian Federation in Minsk as well as travelling regularly in Belarus for the purpose of founding of the parallel pro-Russian structures of power which will come to light at hour X (like in Ukrainian Donbass occupied by Russia) with the beginning of the occupation of Belarus by Russia.

Russia institutes the function of “the special representative” always in order to prepare the occupation of the neighbouring country. The Baltic states have been occupied by Russia in this way in 1940 (the Moscow’s special representative in Estonia was Mr. A. Zhdanov; in Latvia was Mr. A. Vyshinskiy; in Lithuania was Mr. V. Dekanozov). Russia has destroyed the Commonwealth of the Kingdom of Poland and the Grand Duchy of Lithuania in 18th century in the same way.

Mr. A Lukashenka is the puppet of Moscow. He has appointed the Russian KGB-FSB functionaries to the posts of chiefs of the security sector (the KGB, the Ministry of Internal Affairs, the Army etc.). The Ministry of Education and the Department of Education are headed also by the functionaries. They are restoring the cult of Stalin, the Young Communists Organization and the communist ideology. The Lukashenka regime’s KGB and the Russian FSB are holding regularly the common meetings and acting in the interests of Russia. The Russian residents in the Belarusian authorities are changing hurriedly the colours of the official billboards into the symbolic colours of Russia. This is a powerful signal of the fact that Putin’s Russia has elaborated plans of the incorporation of the Belarusian territory as well as of the subordination of Belarus acting with the consent of the traitorous Lukashenka regime.

We have a task to warn the neighbouring countries as well as all the countries of the Western world, that if the incorporation and occupation of Belarus by Moscow and the restoration of the Russian socialism in occupied Belarus will be allowed it would signify the danger for whole Europe and possibly would provoke the new Russian war against the Western world. The people of Belarus will resist the Russian hybrid aggression with all methods.

We consider that the politics of Western countries as well as politics of our neighbouring countries must take into account the Moscow’s efforts to incorporate Belarus, to change the balance of relations in Europe and to threat with war to the Western civilization very seriously. We would like to see the position of the Western countries which will stop the aggressive intentions of Putin’s Russia and its intentions to subordinate Belarus.

The leadership of the Conservative Christian PartyBelarusian Peoples Front

Zianon PAZNIAK – the Chairman;

Yuri Belenki – Vice Chairman;

Siarhey Papkou – Vice Chairman

April 19, 2019  

ЛУЎР У НЕБЯСЬПЕЦЫ

posted Apr 22, 2019, 9:32 AM by Адміністратар Навін   [ updated Apr 22, 2019, 9:32 AM ]

Гісторыя рухаецца хутчэй, чым робяцца прагнозы. У лібэральнай краіне Францыі згарэла частка сабора Парыжскай Маці Божай -- знакамітай сакральнай пабудовы гатычнага сярэднявечча. З гледзішча архітэктурнага вобразу ёсьць нямала велізарных касьцёлаў у Эўропе нашмат прыгажэйшых за Нотр-Дам, але гістарычная ўнікальнасьць гэтай пабудовы, асабліва ў дэталях аздобы, будаўнічых тэхналёгій і напоўненасьці сакральнымі рэліквіямі атуляе яго пабожнай містыкай і ўзьвелічэньнем.

Найбольш папулярнасьці сабору надаў ня менш папулярны ў свой час раман Віктора Юго "Сабор Парыжскай Маці Божай". Найперш дзякуючы гэтаму рамантычнаму твору, натоўпы турыстаў штодня цягнуцца да легенды французкай хрысьціянскай архітэктуры. Менавіта так гэты сабор і ўспрымаецца -- як зьява культуры і архітэктуры.

Тым часам раней ён быў сымвалам хрысьціянства ўсёй Францыі, самым сакральным збудаваньнем. У гэтым саборы, у яго рэліквіях і напоўненасьці, адлюстраваная гісторыя Францыі. Гэта галоўны будынак Парыжа, сымвал горада і французкай гісторыі.

15 красавіка загарэлася абстаўленая мэталічнымі арміраванымі рыштаваньнямі сігнатурная вежа-шпіль. Усё загарэлася вельмі хутка і гарэла, як склад пораху. Адбылася жахлівая нацыянальная страта, бяда ўсёй Францыі, удар па ўсёй нацыі і ўдар па Эўропе, па ўсім Хрысьціянстве.

Пытаньне ў тым, якія высновы зробіць з гэтага Францыя, і ці зробіць наогул. Ці зразумее заканамернасьць як сымволіку зьявы -- ці наадварот -- успрыме ўсё як трагічную выпадковасьць?

Па маіх меркаваньнях, якія, зразумела, я не выказваў, гэты сабор павінен быў ужо згарэць гадоў 15 таму, адразу пасьля разбурэньня Сусьветнага Гандлёвага Цэнтру ў Нью-Ёрку 11 верасьня 2001 года. Але гэта здарылася значна пазьней, праз некалькі гадоў пасьля піку новага нашэсьця варвараў на Эўропу і пераносу актыўнасьці гэтага нашэсьця ў ЗША, пасьля таго, як былі зроблены рыштаваньні і адкрыўся доступ да канструкцыі сабору.

І цяпер -- аб прозе сьвецкага жыцьця і аб нікчэмнай палітыцы.

У Францыі 65 мільёнаў насельніцтва. Зь іх палова называе сябе католікамі. З гэтай паловы толькі адна цэлая і восем дзясятых адсоткаў (1,8 %) два разы на год (Вялікдзень і Раство) наведваюць касьцёл і бяруць у касьцёле шлюб. Як правіла, яны маюць вельмі туманныя ўяўленьні пра каталіцтва, Бога і Хрысьціянства.

З гэтых 1,8 адсоткаў толькі нязначная доля людзей (парадку 60-80 тысячаў) зьяўляюцца практыкуючымі вернікамі, якія наведваюць імшу кожную нядзелю ў сьвяты і буднія дні.

У Францыі засталося больш 40 тысячаў касьцёлаў. Амаль усе яны стаяць пустыя, бо няма вернікаў. Касьцельныя будынкі альбо зносяць, альбо прыстасоўваюць пад гатэлі, залі, гаражы і т. п. У апошнія гады (і гэта пашыраецца) будынкі касьцёлаў гараць у пажарах. За паўгода перад пажарам Нотр-Дам было спалена 13 касьцёлаў. Гараць таксама іншыя дамы, зьвязаныя з французкай культурай, гандлем і бізнэсам (асабліва ў Парыжы). Усё гэта перамешана з тэрактамі, згвалтаваньнямі і т. п., колькасьць якіх павялічваецца.

Самай вялікай рэлігійнай (практыкуючай кожны дзень) групай у Францыі зьяўляюцца мусульмане -- амаль 6 мільёнаў (9%) супраць 60 тысячаў (0,000092%) практыкуючых католікаў.

Вось вынік усяго лявацкага французкага богаборства, пачынаючы ад якабінцаў і 1789 года. Францыя -- асноўная бязбожная і, фактычна, антыхрысьціянская краіна ў Эўропе.

Пасьля вайны, і асабліва пасьля ўтварэньня і пашырэньня Эўразьвязу, лаізацыя краіны пашла хуткімі тэмпамі. Дзяржавай стала кіраваць лявацкая праслойка з сацыялістычнай псіхалогіяй. Гэта яны ўпусьцілі ў Эўропу варвараў, зь якімі хрысьціянская Эўропа змагалася ўсю гісторыю. Толькі тады ворагі хрысьціянства былі за межамі краінаў і за сьценамі гарадоў. Цяпер яны ўнутры Эўропы, хутка размнажаюцца, займаюць пустыя касьцёлы, перарабляюць іх на мячэці альбо спальваюць і карыстаюцца прывеліяваным статусам у краіне. Выгнаць іх ужо немагчыма, а для змаганьня французы, немцы, гішпанцы і т. п. ужо ня здатныя. Яны пераходзяць у іслам, і колькасьць такіх павялічваецца.

Спачатку варвары, пры падтрымцы левых камэдыянтаў ва ўладзе, вынішчаць хрысьціянскую культуру, а потым ужо возьмуцца за самых камэдыянтаў. Унутраную вайну выйграюць варвары, бо эўрапейскія мужчыны, апрацаваныя зь дзяцінства збочанай і бязвольнай лібэральна-сацыялістычнай прапагандай, ўжо ня здольныя да барацьбы.

Гістарычнае злачынства левай нечысьці перад цывілізацыяй -- велізарнае (не кажу ўжо пра нямецкі нацыянал-сацыялізм і рускі камуна-бальшавізм). Гэта левыя дэмагогі ва ўладзе, як некалі іхны папярэднік люмпэн у Рыме, адчынілі брамы варварам -- ворагам эўрапейскай цывілізацыі і цяпер дураць людзям галаву сваімі псэўдатэорыямі пра мультыкультуралізм, "правы чалавека", гомасэксуалізм і ўсялякую ерась.

Глядзець, як вандалы ламаюць крыжы ў Курапатах, як гарыць хрысьціянскі храм у бязбожным Парыжы нам, беларусам, у якіх рускія акупанты і бальшавіцкія дзікуны спалілі, узарвалі тысячы старажытных храмаў, забілі мільёны людзей, -- нам на тое глядзець балесна і цяжка.

Але было адно відовішча, адзін факт, які мяне зьдзівіў і падтрымаў надзею на адраджэньне сьвятла. Гэта дзясяткі вернікаў на каленях у малітве перад палаючым Нотр Дам. Адкуль яны? Яны яшчэ ёсьць? Яны яшчэ жывыя? Сьпяваюць псальмы. Іх мала. Як гэта нам знаёма. Толькі кроў -- не вада. І над расстрэльнымі ямамі мы пераможам.

Згарэў знакавы храм Францыі. Бяда аб'яднала французаў. Можа, адродзіцца хрысьціянская Францыя? Але -- не адродзіцца. Тады -- па чарзе. Наступным можа стаць Луўр.

17 красавіка 2019 г.                  Зянон ПАЗЬНЯК   

1-10 of 1972