ЁМКІ КАМЭНТАР

posted Apr 13, 2011, 8:39 PM by Адміністратар Навін   [ updated Apr 13, 2011, 8:40 PM ]
Камэнтар маладога чалавека зь Менску Андрэя Кіма да трагедыі ў менскім мэтро кароткі, але вельмі ёмісты. Некалькі штрыхоў — а паўстае выразная карціна становішча ў нашай краіне. Беларусы зацята маўчаць, але гэта ня значыць, што яны ні аб чым не задумваюцца і нічога не разумеюць. Не чуваць распаўсюджаных раней выказваньняў: “Я вне політікі, я політікой не інтересуюсь...” Аказалася, аднак, што акупацыйны рэжым не дае ні стабільнасьці, ні бясьпекі.

Зацемка А. Кіма зьмешчана ў расейскім інтэрнэт-выданьні Грані.Ру.

Выбух

Першыя камэнтары пра выбух у Менску на ўсіх беларускіх сайтах навінаў: “КГБ узарваў”, “правакацыя”, “забойцы ў пагонах”...

Страшна, што першымі падазраванымі ў тэракце сталі тыя, хто па ідэі павінен яму запабягаць.

Можа ўлады і ня маюць дачыненьня да выбуху.

Але тое, што вэрсія аб іх датычнасьці ня толькі не здаецца немагчымай, але і для шмат каго зьяўляецца адзінай, грамчэй за ўсе лёзунгі крычыць аб адносінах “улада — народ”.

І яшчэ: дыктатура забірае свабоду ў абмен на эканамічную стабільнасьць і бясьпеку.

У Беларусі, дзе апошнім часам немагчыма купіць валюту, цукар, масла, грэчку, казаць пра эканамічную стабільнасьць немагчыма.

І здаецца, што нават для самых апалітычных бясьпека ўжо скончылася.

Андрэй Кім


Пераклад з расейскай