• АБЛІЧЧА ЗЬВЕРА
            На працягу студзеня-лютага 2022 года (да 24. 02. 2022) руская агентура на Украіне і за мяжой інтэнсіўна распрацоўвала тэму, што Расея не зьбіраецца (ня ў стане, не плянуе, ня будзе і т. п.) нападаць на Украіну, што Пуцін блефуе, каб шантажаваць Захад і г. д. Асаблівы посьпех у такой прапагандзе мелі замежныя экспэрты-агенты супэр-класу, у эрудыцыю і перакананасьць якіх шмат хто верылі безаглядна. (Вельмі стараўся Андрэй Іларыёнаў)
    17-га студзеня 2022 года пачалася акупацыя Беларусі рускім войскам. Захад не зварухнуўся. "Экспэрты-агенты" працягваюць баяць пра блеф Пуціна. І гэта тады, калі на вачах ўсяго атлантычнага сьвету адбывалася геапалітычная катастрофа -- расейскі вайсковы захоп Беларусі. 
    Без захопу Беларусі, практычна, не магла б пачацца маскоўская агрэсія супраць Украіны. Беларусь ёсьць важнейшая стратэгічная тэрыторыя ў гэтай частцы Эўропы пры існуючай раскладцы сілаў. Хто валодае гэтай тэрыторыяй, той валодае ініцыятывый наступу. Рускія разумелі гэта з 1991 года (адсюль іхняя палітыка і ўнутранная акупацыя Беларусі ў 1994-м). Украінцы зразумелі тое (нажаль) толькі 24-га лютага 2022 года. Эўраатлянтыцкія краіны, мне здаецца, да канца не разумеюць таго і цяпер, хаця стратэгічная пагроза для іх з боку Расеі стала рэальнасьцю. Лінія сутыкненьня з Расеяй, фактычна, ужо цяпер (пасьля ўвядзеньня ў Беларусь расейскага войска) праходзіць па межах Польшчы, Летувы, Латвіі. Калі, напрыклад, Эўропа з Расеяй вымусяць Украіну пайсьці на "дыялог" з агрэсарам і заключыць гнілы мір, то Калінінградзкі калідор (90 км) будзе зроблены праз Летуву за лічаныя гадзіны (магчыма нават без адзінага стрэлу). Пасьля чаго пачнуцца чарговыя "перамовы".
    І вось пад акампанемэнт блефу агентуры аб ненападзе 24 лютага Расея напала на Украіну. "Экспэрты-агенты" -- часова зьніклі, выскачыў другі рускі эшалон, "сьпікеры" якога (асабліва цяпер) гэтак разумна, рацыянальна, эрудыравана, і пастаянна пераконваюць усіх, што Пуцін ня выкарыстае ядзерную зброю, бо гэта яму на шкоду, бо гэта яму канец, бо гэта не рацыянальна, немагчыма  і г. д. Вельмі разумныя довады, між іншым, яны дэманструюць, "эўраразумнасьць" якіх, аднак, выклікае толькі трывогу, бо розум тут не патрэбны. 
    Непатрэбны па простай формуле, сфармуляванай самымі расейцамі -- "умом Расію не понять". У Расеі не жывуць заходняй логікай.
    Рускага ядзернага ўдару, вядома, можа ня быць (такое малаверагодна). Але ён якраз магчымы па рускай формуле. І магчымасьць яго здаецца тым большая, чым разумней даказваюць яго немагчымасьць заходнія разумнікі і эрудыраваная руская агентура. 
    Калі б такое здарылася, то можна абсалютна дакладна прадбачыць, што ядзерны ўдар будзе нанесены толькі з тэрыторыі Беларусі і толькі з пляцоўкі каля Астравецкай АЭС (для карэкцыі ўдару ў адказ і для зьнішчэньня Вільні і паловы Беларусі ня рускай зброяй). 
    Дзеля эфэктыўнай агрэсіі і пазьбяганьня страт мордару якраз і патрэбна чужая тэрыторыя. Звыклая зьява для маскоўцаў. (Можа хто ўжо забыўся як расейцы ў 1996 годзе апусьцілі чарнобыльскія радыяцыйныя воблакі на Беларусь.)
    Каб ядзернай правакацыі не адбылося, трэба зламаць хрыбет зьверу, у руках якога апынуўся лёс народаў. На жаль, -- час бяжыць, ніхто не сьпяшае.  Да вайны на ўсходзе сталі прывыкаць. Таму небясьпека застаецца.

    5 травень 2022 г. Зянон ПАЗЬНЯК

    P.S. ЗАЎВАГА. Адносна "рускай формулы" ёсьць тысячы штодзённых прыкладаў (дарэчы, таксама цяпер у падзеях расейска-украінскай вайны). За часы нападу маскоўцаў на Чачэнію, я добра кантактаваў з чачэнцамі. Ахмет расказваў мне, што на падворку ягонага дому ў Грозным рускія жаўнеры сядзелі за столікам і гралі ў карты. Усё спакойна, звыкла, будзённы рускі мат. Раптам адзін рускі пазяхнуў і гэтак "па-пацанскі" кажа: "да ладна, ребята, чэво там...", бярэ гранату і кідае на стол. Выбух -- усіх разносіць разам з "жартаўніком".
    Posted May 10, 2022, 4:23 AM by Адміністратар Навін
  • Зянон Пазьняк. Аб вызначэньні статуса акупаванай краіны для Беларусі
            Геапалітычная катастрофа, якая адбылася пасьля расейскага  захопу Беларусі і ўвядзеньня расейскага акупацыйнага войска на беларускую тэрыторыю (17-01-2022), выклікала рашысцкі напад Расейскай Федэрацыі на Ўкраіну, паставіла пад пагрозу Польшчу, Летуву, Латвію і ў цэлым Эўропу, але на Захадзе тое якбы яшчэ да канца не разумеюць, хоць вайна ўжо пачалася і Беларусь (яе тэрыторыю) Расея ўключыла ў стратэгічную зону сваёй агрэсіі.  
    Сумна на такое глядзець, але трэба ўсімі сіламі папраўляць становішча. Першым чынам неабходна дамагацца міжнароднага рашэньня аб вызначэньні статуса акупаванай краіны для Беларусі.  Рашэньне можа прыняць Міжнародны Суд ААН, што знаходзіцца ў Гаазе. Па Статуту МС з такім зваротам могуць выступаць дзяржаўныя ўстановы  акупаванай краіны. Але непрызнаны марыянэткавы антынародны рэжым Лукашэнкі ёсьць пасобнікам акупантаў. 
    Ролю ініцыятара ў цяперашніх абставінах магла б узяць на сябе Рада БНР і тут, мяркую, яшчэ ня страчаныя магчымасьці. Статут МС таксама прадугледжвае  выключэньні з правіла. Беларускі Нацыянальны Сакратарыят "Вольная Беларусь" скарыстаўся гэтым палажэньнем, зьвярнуўся ў Міжнародны Суд і яшчэ ў 15 міжнародных установаў з прапановай аб прызнаньні статусу акупаванай краіны для Беларусі. Лісты адпраўлены 4-га красавіка. 
    Мяркую што справа мусіць быць прадоўжаная ўсімі Беларускімі арганізацыямі, якія маюць дачыненьні да палітыкі. Задача мае агульнаграмадзкае агульнанацыянальнае значэньне. Звароты мусяць працягвацца. Сутнасьць пытаньня, выкладзенага ў лісьце, мы тут зьмяшчаем.
    -------------------------------------------------------

    4 красавік 2022

    ПРА ПРЫЗНАНЬНЕ РЭСПУБЛІКІ БЕЛАРУСЬ ДЗЯРЖАВАЙ, АКУПАВАНАЙ РАСЕЙСКАЙ ФЕДЭРАЦЫЯЙ
    На працягу 28 год  Расейская Федэрацыя ажыццяўляла палітыку накіраваную на аслабленне суверэнітэту Рэспублікі Беларусь і пашырэнне сваёй стратэгічнай прысутнасці на  тэрыторыі Беларусі. З аднаго боку гэтая палітыка ажыццяўлялася праз падтрымку рэжыма Лукашэнкі, які зьяўляецца нелегітымным з 1996 году, пасьля лістападаўскага дзяржаўнага перавароту у выніку якога быў ліквідаваны парлямант, праведзены антызаконны рэфэрэндум і ўведзена новая канстытуцыя дыктатуры з неабмежаванай уладай Лукашэнкі ў якасьці прэзыдэнта.  Дзяржаўны пераварот быў падтрыманы кіраўніцтвам Расеі і асабістым ўдзелам у ім прэм'ер-міністра Расейскай Фэдэрацыі Віктара Чарнамырдзіна і старшынь абеіх палат расейскага парляманту (Думы) – Генадзія Селязьнёва і Ягора Строева. 
      З гэтага часу Расея ўзмацняла залежнасць Беларусі праз рэалізацыю палітычных і стратэгічных інтэграцыйных праектаў. Адным з ключовых зьяўляецца дамова аб Саюзнай дзяржаве Беларусі і Расеі, якая была падпісана ў 1999 годзе насуперак законнай Канстытуцыі і законам Рэспублікі Беларусь, не была прызнаная грамадзкасьцю і зьяўляецца антызаконным палітычным утварэньнем.  Рэжым Лукашэнкі дзеля захаваньня сваёй улады стаў праводзіць антынацыянальную антыдэмакратычную марыянэткавую палітыку ў інтарэсах Расеі. 
    Дамова аб Саюзнай дзяржаве забясьпечвала А. Лукашэнку падтрымку Расеі ў захаваньні яго ўлады і ўнутраную палітычную  стабільнасць, адначасова давала магчымасьць  Расейскай Федэрацыі прасоўваць свае стратэгічныя інтарэсы . 
    Гэтая дамова стварыла перадумовы да паглыбленай вайсковай супрацы і інтэграцыі сістэмаў бяспекі двух краінаў, пад фактычным кантролем Расейскай Федэрацыі, што актыўна выкарыстоўваецца расейскім кіраўніцтвам у перыяд агрэсіі супраць Украіны.
    Эканамічная, палітычная і стратэгічная залежнасць марыянэткавага рэжыму Лукашэнкі ад Расеі прывяла да глыбокага сістэмнага крызісу ў Беларусі пасля прэзыдэнцкіх выбараў 2020 году, якія былі груба сфальсіфікаваныя, непрызнаныя беларускім народам і міжнароднай супольнасьцю. Толькі дзякуючы вонкавай уяўнай легітымнасці, якую забясьпечыла рэжыму ў Беларусі кіраўніцтва Расеі, Лукашэнка змог ўтрымаць уладу і жорстка задушыць нацыянальныя пратэсты ў краіне. Разам з гэтым, Лукашэнка цалкам страціў палітычны суверэнітэт, што (як вынікае з сітуацыі) было акрэслена падчас сустрэчы Пуціна і Лукашэнкі 14 верасьня 2020 году.
    Дзякуючы палітычнаму падпарадкаванню марыянэткавага рэжыма Лукашэнкі, Расея пачала больш актыўна пашыраць сваю вайсковую прысутнасць у Беларусі, выкарыстоўваючы дзеля гэтага фармальныя механізмы ў кшталце двухбаковых дамоўленасцяў, якія былі падпісаны на працягу 2020 - 2021 гадоў: 
    Дамова паміж урадам Рэспублікі Беларусь і ўрадам Расейскай Федэрацыі аб рэалізацыі праграмы вайскова-тэхнічнай супрацы паміж Рэспублікай Беларусь і Расейскай Федэрацыяй да 2025 году. Сам тэкст праграмы не быў надрукаваны, але на яе моцы ў Беларусі зьявіўся ваенна-навучальны цэнтр, дзейнасць якога была забяспечана расейскімі сістэмамі ПВА і ВКС, што сьведчыць аб вайскова-базавым прызначэньні аб'екта; 
    4 лістапада 2021 былі падпісаны 28 дарожным мапаў паглыбленай «саюзнай інтэграцыі», а таксама вайсковая дактрына «саюзнай дзяжравы».

     Марыянэткавая залежнасць рэжыму ад расейскага кіраўніцтва таксама выяўлялася і ў тым, што дзеянні Лукашэнкі ў знешняй палітыцы сталі правакацыйнымі і агрэсіўнымі. Гэта прывяло да:
    Прымусовай пасадкі пасажырскага самалету Boeing 737-8AS ірландскай авіякампаніяй Ryanair, які выконваў рэгулярны рэйс па маршруту Афіны –Вільня 23 траўня 2021 году. У выніку ўсе авіязносіны паміж заходнімі краінамі і Беларусьсю былі спынены.
    Міграцыйнага крызісу летам-зімой 2022 году на мяжы з краінамі Эўрапейскага Зьвязу, які быў акрэслены як гібрыдная агрэсія супраць Летувы, Латвіі і Польшчы.

    Комплекс прававых і неправавых дзеянняў Расейскай Федэрацыі пры выкарыстаньні нелегітымнай, марыянеткавай улады Лукашэнкі прывёў да гібрыднай акупацыі Рэспублікі Беларусь. Гэта азначае, што фармальна ўлада ўнутры краіны рэалізуецца ўласнымі палітычным інстытутамі, якія ў сваю чаргу не маюць магчымасці кантраляваць тэрыторыю дзяржавы і яе межы.
    Становішча гібрыднай унутранай акупацыі стварыла ўмовы для зьнешняй вайсковай акупацыі Беларусі, якая рэальна пачалася 17-га студзеня 2022 года пад выглядам падрыхтоўкі да незапланаваных вайсковых вучэнняў “Саюзная рашучасць 2022”.  На тэрыторыю Беларусі былоі  ўвядзенна 30-40 тыс. войска расейскай групоўкі з танкамі бронетэхнікай, артылерыяй і авіяцыяй, а пасля гэтага пачалося наўпроставае выкарыстаньне рускімі акупантамі тэрыторыі Беларусі як плацдарма для агрэсіі супраць Украіны 24 лютага 2022.
    Кіраўніцтва рэжыму Лукашэнкі ў Беларусі па сённяшні дзень не ў стане кантраляваць працэс дзеяньняў і перасоўваньня расейскіх акупацыйных войскаў і спецадзінак па тэрыторыі Рэспублікі Беларусь.

     Зыходзячы з таго, што:
    рэжым А. Лукашэнкі не зьяўляецца легітымным, знаходзіцца ў становішчы марыянэткі, не прадстаўляе суверэнных інтарэсаў беларускага народу і не бароніць іх;
    рэалізуе ўнутраную і знешнюю палітыку, зыходзячы з дыктату інтарэсаў іншай дзяржавы – Расейскай Федэрацыі;
    ігнаруе і парушае міжнародныя дамоўленасці і ўласныя прававыя нормы;
    прызнаць, што Рэспубліка Беларусь знаходзіцца пад акупацыяй збройных сіл Расейскай Федэрацыі, страціла сваю незалежнасць у палітыцы і яе тэрыторыя знаходзіцца пад вайскова-стратэгічным кантролем узброеных сіл Расеі, гэта значыць – зьяўляецца акупаванай краінай.

    Разам з гэтым, лічыць, што незаконна аб'яўленая «саюзная дзяржава» Беларусі і Расеі зьяўляецца механізмам падпарадкавання і дэканструкцыі беларускай дзяржавы, формай знешнепалітычнай экспансіі Расеі ў дачыненьні да Рэспублікі Беларусь. Нелегітымная і незаконная форма  «саюзнай дзяржавы» Беларусі і Расеі ня можа быць прызнанай ў форме міжнароднага права.

    –---------------------------- 
    (Ад БНС "Вольная Беларусь" ліст падпісаны Юры Беленькім, Паўлам Усавым, Зянонам Пазьняком)
    ------------------------------

    April. 04. 2022.

    ON RECOGNIZING THE REPUBLIC OF BELARUS AS A COUNTRY
    OCCUPIED BY THE RUSSIAN FEDERATION

    For already 28 years the Russian Federation had been conducting a policy directed toward weakening of the sovereignty of the Republic of Belarus and towards broadening of the Russia’s strategic presence on the Belarusan territory. This policy was realized through its support of the Lukashenka’s regime, which became illegitimate in November 1996 after a coup which resulted in liquidation of the parliament and holding an illegal referendum and passing a new Constitution, that gave Lukashenka as president an unlimited dictatorial power. This state coup was supported by the Russian leadership with the prime minister of the Russian Federation Mr. Viktor Tchernomyrdin as well as with Mr. Gennady Seleznev and Mr. Yegor Stroyev, heads of both chambers of the Russian parliament (Duma) personally involved in the coup. 
    Since that time Russia was increasing the dependence of Belarus through implementation of political and strategic projects directed at ‘integration’. One of the key projects is the agreement on the Union State of Belarus and Russia, which was signed in 1999 in violation of the legitimate Constitution and the laws of the Republic of Belarus and was not acknowledged by the people and is a nonlegitimate structure. In order to preserve its power, the Lukashenka regime conducted an anti-national, anti-democratic policy of a marionette, acting in the interest of Russia. 
    The Agreement about the Union State of Belarus and Russia provided for Lukashenka the support of Russia in preserving his rule and inner political stability, and at the same time gave the Russian Federation an opportunity to advance its strategic interests on the Belarusan territory. 
    This Agreement created a pretext for deepened military cooperation and for integration of the security systems of both countries, under the actual control of the Russian Federation, and it is being actively used by the Russian leadership during the aggression against Ukraine.
    The economic, political and strategical dependence of the Lukashenka’s puppet regime on Russia has led to a profound systemic crisis in Belarus after the 2020 presidential election, the results of which were flagrantly falsified and were not recognized by the Belarusan people and the international community.
    Only due to the false sham imitation of legitimacy, provided by the Russian ruling circles, was Lukashenka able to stay in power and brutally crush the active protests in the country. At the same time Lukashenka has completely lost the political sovereignty of his regime, which, as results from the situation, was agreed upon during a meeting between Putin and Lukashenka on September 14, 2020. 
    Because of the political subjugation of the Lukashenka’s puppet regime, Russia has more actively started to broaden its military presence in Belarus, using for that various formal mechanisms, embedded in bilateral agreements signed in 2020 and 2021, which include:
    -- The agreement between the government of the Republic of Belarus and the government of the Russian Federation on realization of the program of military and technical cooperation between the Republic of Belarus and the Russian Federation for the period to 2025. The text of the program was never published, but on its basis there was created in Belarus a military learning center with the antiaircraft systems and communication systems deployed at it, which proves the usage of the object as a military base. 
    -- On November 4, 2021, there were signed 28 road maps agreements aimed at profound “allied integration”, and also a military doctrine of the “Union State.”
    The satellite dependence of the Lukashenka regime on the Russian leadership also manifests in the provocative and aggressive actions of Lukashenka in the foreign policy of the regime. That caused, among other things:
    -- The forced landing of an international flight and Boeing 737-8AS aircraft of the Irish airline company Ryanair, flying from Athens to Vilnius, on May 23, 2021. As a result, all the airline communications between Belarus and the Western countries were stopped. 
    -- The migration crisis of the summer of 2021 through the winter of 2022 on the Belarus border with the European Union countries, which was recognized as a hybrid aggression against Lithuania, Poland and Latvia.
    The use by the Russian Federation of both legitimate and nonlegitimate actions for support of the Lukashenka’s illegitimate rule has led to the hybrid occupation of the Republic of Belarus by Russia. That means that though formally the power in Belarus is realized by the national political institutions of the Republic of Belarus, in reality they are not able to control its own state territory and its borders.
    This situation of the hybrid occupation by Russia created conditions for the external military occupation of Belarus, which has really started on January 17, 2022 under the cover of preparing for an unplanned military exercise “Allied Resolve 2022.” 
    About 40,000 of Russian troops was brought to Belarusan territory, along with tanks, armored vehicles, artillery and aircraft, and then the territory of Belarus was used by the Russian occupiers as a bridgehead for the aggression against Ukraine on February 24, 2022. 
    The leadership of the Lukashenka regime currently is not able to control the process related to the actions and movements of the Russian occupational forces and special units on the territory of Belarus. 
    Taking into consideration, that:
    -- the Lukashenka regime, being not an independent actor, is not a legitimate representative of the sovereign interests of the Belarusan people and does not defend these interests;
    -- the Lukashenka regime conducts its internal and external policy following the dictate of interests of another state, namely the Russian Federation;
    -- the Lukashenka regime ignores and violates the international agreements and its own laws and legal norms,
    It must be recognized that the Republic of Belarus is currently under the occupation of the military forces of the Russian Federation, the Republic of Belarus lost its sovereignty in politics, and its sovereign territory is under military strategic control of the armed forces of Russia. That means that Belarus is an occupied country.
    At the same time, it must be acknowledged, that illegitimately declared “Union State” of Belarus and Russia is the mechanism of the forced subjugation of the Belarusan state and the mechanism of its dismantling, and thus the “Union State” is a form of the external political expansion of Russia towards the Republic of Belarus. 
    The illegitimate and illegal creation called the “Union State” of Belarus and Russia cannot be recognized by the international law and will be dissolved.

    ----------------------------
    Posted May 1, 2022, 2:53 PM by Адміністратар Навін
  • "АДНЫМ ВАЙНА -- ДРУГІМ ВОЙНАЧКА" (Народная прымаўка)
            Пасьля нядаўняга фальшывага апавяшчэньня сп. Латушкам ангельскіх палітыкаў (аб нібыта ўдзеле беларускага войска ў вайне супраць Украіны), на партале "Свабода" зьявілася такая інфармацыя (цытата):
    "Падчас візыту ў ЗША Сьвятлана Ціханоўская перадала амэрыканскім палітыкам дакумэнты з доказамі саўдзелу рэжыму Лукашэнкі ў вайне, а таксама інфармацыяй пра лазейкі, якімі карыстаюцца беларускія ўлады для абыходу санкцыяў."
    Тут усё робіцца па вядомай парадыгме -- утапіць Лукашэнку разам зь Баларусяй. Вось што адбываецца, калі на целе Беларусі пікіруюцца дзьве прамаскоўскія сілы -- антыбеларускі прамаскоўскі рэжым і прамаскоўская квазі-беларуская апазіцыя. Умоўна паміж імі стаіць знак роўнасьці. І ня трэба шукаць, што горш, бо абое рабое.
    (ЗАЎВАГА. Дарэчы, аб тэрміналогіі. Уся гэтая публіка і "дэмсмі" ўпарта і пасьлядоўна, і выключна называюць лукашысцкі антыбеларускі рэжым і лукашысцкую акупацыйную ўладу толькі "беларуская ўлада", "беларускія ўлады", "беларускі рэжым", "палітыка Беларусі" і г.д. З такой тэрміналогіі выплываюць абвінавачваньні акупаванага, рэпрасаванага і скатаванага Беларускага народа ў "агрэсіі" сапраць Украіны і т.п.
    (Між іншым, у гэтым рэчышчы супраць Беларусі працуе яшчэ цэлая зграя рускай агентуры і маса мясцовых аматараў рознай накіраванасьці.)

    1-05-2022.       Зянон Пазьняк


    Posted May 1, 2022, 8:57 AM by Адміністратар Навін
  • СХАВАНАЯ НЕБЯСЬПЕКА?

    Становішча прымушае з засьцярогай глядзець на тое, чаму акупанты замінавалі лясы ў Гомельскай вобласьці (дакладней, уваходы ў лясы), а самы ў тых лясах засталіся, схавалі сваю цяжкую зброю. Туды (у лясы) увесь час едуць акупанцкія машыны, падвозяць паліва.
    Рэжымныя ўлады і маскалі забаранілі беларусам уваходзіць у лес. Ніхто ня  ведае, што там маскалі робяць. Ня выключана, што пры пэўных створаных абставінах рашысты хацелі б адсюль паўтарыць прарыў на Кіеў.
    "Ствроаныя абставіны" маскалі могуць прыдумаць самы. Аналітыкі БНС асьцерагаюцца, што такімі абставінамі можа стаць нечаканае ўжываньне забароненай альбо тактычнай зброі на захадзе Украіны (Львоў і інш). Тут шмат можа залежыць ад ходу рашысцкай апэрацыі на поўдні. Гэбоўская кліка Пуціна цяпер знаходзіцца ў такім стане, што магчымыя нечаканасьці .

    28-04-2022. Зянон Пазьняк
    Posted May 1, 2022, 8:55 AM by Адміністратар Навін
  • З РАНЕЙШАГА, ЯКОЕ ЁСЬЦЬ ЦЯПЕРШЧЫНАЙ

                У 2014 годзе, калі змагаўся Кіеўскі майдан супраць зграі Януковіча і калі рыхтаваўся расейскі напад на Украіну, і калі адбыўся гэты напад, палітыкі нашай Народнай Партыі (КХП – БНФ) дэталёва аналізавалі абставіны і пэрспэктывы падзей ва Усходняй Эўропе (Беларусь, Украіна, Польшча).

    У той год я напісаў каля дзясятка прац на тэму вайны на усходзе Эўропы, пра палітыку Расеі, Украіны, Беларусі і Захаду. Гэтыя працы былі зьмешчаны ў Сеціве на рэсурсах Народнай Партыі, пасланыя ва Ўкраіну, і потым уключаны ў чацьверты том аўтарскага зборніка «Цяжкі час» (Варшава -- Нью Ёрк, «Беларускія Ведамасьці», -- 2018 г.).

    Асаблівасьць чалавечага ўспрыняцьця такая, што чалавек, як правіла, не ўспрымае таго, што выходзіць за рамкі ягонага розуму і вопыту (калі тое не стала чыньнікам масавай інфармацыі і прапаганды). З 24 лютага гэтага года пачалася другая (знішчальная) фаза вайны Расеі супраць Украіны. Мы ня ўбачылі, фактычна, нічога новага, пра што ўжо намі ні было сказана і што б было невядома восем гадоў таму. Аднак узьнікла новая сітуацыя. Украінцы ўмацавалі войска, здольнае аказваць супраціў, і другое – рэальна занепакоіўся Захад, які стаў падтрымліваць Украіну.

    Шмат гаворыцца і пішацца пра рускую варварскую вайну (якая для эўрапейскіх галоў стала нечаканасьцю), але ў сутнасных праявах паводзінаў і ў палітыцы расейцаў нічога не перамянілася (і не пераменіцца, пакуль будзе існаваць Расея).

    Бачачы стандартныя ўмовы расейскай палітыкі, яе ўчынкі і паводзіны, я (дзеля эканоміі часу) вырашыў проста перадрукаваць пару артыкулаў і інфармацыяў з 2014 году. Яны цалкам адпаведныя цяперашняй сітуацыі, якая, у прынцыпе, не зьмянілася (я ўжо перадрукоўваў тут матар“ял «Мадыфікацыя фашызму»). Гэтая сьціплая друкаваная праца -- абы пайшла на карысьць беларусам і украінцам.

    Зянон Пазьняк


    СЛАВА УКРАІНЕ!

    Падзеі на Ўкраіне абавязваюць мяне зрабіць гэтую заяву ў дачыненьні да Ўкраіны і Беларусі.

    У Кіеве правячая прамаскоўская кліка перайшла рубікон вайны. Пачалі страляць у людзей на Майдане. 22 студзеня забілі пяць чалавек (сярод іх аднаго беларуса). Вяртаньня да мірнага супроцьстаяньня цяпер можа ня быць.

    Цяпер калі ўкраінцы адступяць, -- Украіну патопяць ў рэпрэсіях, растопчуць супольнымі сіламі прамаскоўскай улады здрайцаў і пуцінскіх агентаў.

    Калі ўкраінцы не адступяць, -- гэта будзе вайна з бандыцкім рэжымам і імпэрскай Масквой.

    Масква зацікаўлена ў крывавым канфлікце на Ўкраіне. Тады ў Крамля зьяўляецца магчымасьць ўмяшацца са сваім войскам. Дзеля гэтага яна (нагадваючы пра 15 мільярдаў даляраў крэдыту) штурхае Януковіча да рэпрэсіяў, на расправу, і на карніцкае вырашэньне супроцьстаяньня, але патрабуе тактычна зацягваць час. У асяроддзе пратэстоўцаў Масква накіравала масу сваіх шпіёнаў, правакатараў і тэрарыстаў. Эўразьвяз абмяжоўваецца заявамі і “заклапочанасьцю”.

    Лічу абавязковым паведаміць некалькі істотных высноў:


    1. Рэвалюцыя мусіць мець дакладную, зразумелую ўсім мэту і хутка наступаць.

    Страта часу і абарона – сьмерць рэвалюцыі.


    1. Які б ня быў цяпер выбар украінцаў – ці мірная абарона і, вынікаючы зь яе разгром супраціву народа, ці наступ і верагодная за ім вайна, -- мы, беларусы, мусім сур’ёзна рыхтавацца да падобных пратэстных падзеяў у Беларусі, якія могуць пачацца праз пэўны час.


    1. Пры варыянце вайны нам, беларусам, неабходна дапамагаць украінцам і падтрымліваць украінскі народ усімі спосабамі ў тым ліку і ўдзелам дабраахвотнікаў, памятаючы, што лёс Беларусі вырашаецца таксама і на Ўкраіне.


    1. Пры ваенным канфлікце з крамлёўскай Расеяй ні ўкраінцам, ні беларусам ня трэба спадзявацца на Заходнюю Эўропу. Эўропа ня пойдзе супраць Расеі. Абапіраймася на сябе і на свой народ.


    1. Прадухіленьню маштабнага канфлікту на Ўкраіне мог бы паспрыяць загад аб арышце Януковіча (за ўжываньне зброі супраць народу) і хуткае выкананьне загаду.


    Слава Украіне! Жыве Беларусь!


    23 студзеня 2014 г.                                                      Зянон Пазьняк

    Старшыня Беларускага Народнага Фронту “Адраджэньне” і КХП – БНФ,

    Кіраўнік парляманцкай Апазыцыці БНФ

    ў Вярхоўным Савеце

    Рэспублікі Беларусь (1990-1996 гг.)


    ---------------------------------------------------------------------------------------------


    АЙЧЫННАЯ ВАЙНА -- ЗБРОЯ НАРОДУ

    Тактыка цяперашняга Захаду адносна акупацыі Украіны Масквой была зразумелай адразу, і нават наперад. Але трэба было, каб мінула два тыдні бязвыніковай гаварыльні пра іхную “заклапочанасьць”, каб адбылася фактычная анэксія Крыма, каб усім, хто ня ў стане быў разумець, усё стала зразумела. Заходнія палітыкі паводзяць сябе дакладна так, як некалі пры здачы Чэхаславаччыны Гітлеру. І таксама, як той Чэмбэрлен, яны задаволеныя сабой.

    Зразумела, што цяперашнія чэмбэрлены вырашылі ўлагодзіць Пуціна (як гэта знаёма!): аддаць яму Крым і абараніць Украіну. Адным словам, і козы жывыя, і ваўкі наеліся. Яны думаюць, што Пуцін супакоіцца на дасягнутым, і тады яны загоняць яго ў “дыялог” з украінцамі, палохаючы санкцыямі. І будуць гаварыць, гаварыць... Гэта іхняя тыповая філісьцерская манера паводзінаў у палітыцы. Яны заўсёды “заклапочаныя”... сваім камфортам.

    Калі б такое здарылася, як яны думаюць, то трэба было б адразу распускаць АБСЭ, як поўную непатрэбшчыну ў новай геапалітычнай рэальнасьці. Трэба б было здаць у архіў Гэльсінскія пагадненьні і шэраг іншых актаў, на якіх грунтуецца цяперашні цывілізаваны сьвет у міжнародных адносінах. Зрэшты, такое, відаць, здарыцца, бо ўжо, фактычна, здарылася. Перадзел сьвету пачынаецца.

    Першымі зрэагавалі кітайцы, і ўжо падрыхтавалі праект закона аб сібірскіх тэрыторыях і кітайскім грамадзянстве за межамі Кітая. Мяркую, што самы час беларусам падумаць пра вяртаньне сваіх тэрыторыяў і сталіц. Стары часовы парадак у Эўропе бурыцца. Арда, якая ўтварылася на вялікай крыві, ня можа зьнікнуць бяссьледна, але толькі праз вялікую кроў. Каб гэтага ня здарылася, трэба, вобразна кажучы, даць па Ардзе, пакуль яна яшчэ не паднялася. Гэта адзіны мэтад у размове з Ардой. І адзіная мова, якую яна разумее. Уся бяда ў тым, што няма каму ёй даць у сьвеце, дзе сілай кіруюць бязвольныя палітыкі з філісьцерскімі мазгамі.

    Нікчэмнасьць іхных паводзінаў яшчэ і ў тым, што анэксіяй Крыма справа не абмяжуецца. Барацьба вядзецца за Украіну. Гэтая апэрацыя плянавалася Масквой даўно. Іншага шанцу для яе ажыцьцяўленьня ў Крамля ўжо ня будзе. Гэта шанец для Масквы апошні, і назад у іх дарогі няма. І пуціністы тое разумеюць.

    Украінцам трэба спадзявацца, перш за ўсё, на самых сябе. Армія слабая. Улада нікчэмная. Моцны толькі народ. Трэба раздаць зброю народу, узброіць яго. Калі не раздадуць, то украінцам трэба ўзброіцца самым, забраць зброю і не палохацца пакутаў і ахвяр. Гэта ёсьць для іх Айчынная вайна. Вораг ужо аб’явіў, што будзе засяляць украінцамі ўсходнюю Сібір. Арду пераможа ня армія, яе пераможа толькі Украінскі Народ.

    Такая самая збройная матрыца супраціўленьня павінна быць і для Беларусі, захоп якой ўжо падрыхтаваны Лубянкай знутры. Ключавыя пазыцыі ў краіне абстаўлены расейцамі і расейскімі цітушкамі. Мяжа адчынена. Расейскія ваенныя базы ўведзены ў Беларусь. Авіяцыя перакінута на беларускую тэрыторыю. Чорнай расейскай прапагандай нашпігаваны сеціва і эфір. Увесь час нішчаць ўсё беларускае.

    Усё гэта сьведама зроблена праз здрадніка і вырадка народа, якога не павінна насіць беларуская зямля. Яшчэ дзесяць гадоў таму рэжым адабраў ўсю паляўнічую зброю ў беларусаў, а беларуса Аўтуховіча за знойдзеныя ў яго чатыры паляўнічыя патроны кінулі на доўгі час і на зьдзек ў турму. Гэта частка плану расейска-гэбоўскай палітыкі па раззбраеньню народа і падрыхтоўка захопу Беларусі.

    Ужо гадзіньнік празваніў на Айчыннай вежы. Рыхтуймася да сур'ёзных падзей, бо яны ўжо пачаліся. Ганьба – не наш шлях. Наш шлях – гонар і барацьба.

    Слава Украіне! Жыве Беларусь!


    10 сакавіка 2014. Зянон Пазьняк


    --------------------------------------------------------------------------------------------------------------------------------


    ПАГРОЗА НАРОДАМ АД ІМПЭРЫІ ЗЛА

    (Ліст на сакавіцкі 2014 г. Сойм КХП-БНФ і БНФ “Адраджэньне”)


    Гэты мой ліст аб галоўным – аб акупацыі часткі Украіны расейцамі. Падзеі датычаць таксама і нас. Мяркую, што так трэба і ўспрымаць: вайна пуцінскай Масквы супраць Украіны – гэта ёсьць таксама і вайна супраць Беларусі.

    Маскоўска-гэбоўскі спрут атрымаў моцны ўдар на Майдане, падрэзалі яго шчупальцы на Украіне. Ён адчуў пачатак свайго канца і прысьпешыў планы вайны, аб якой мы, праз наш партыйны друк, папярэджвалі пастаянна ўжо некалькі гадоў запар.

    Пуцінская Расея пачала рыхтавацца да вайны адразу пасьля 2008 года. Пасьля таго, як міжнародная супольнасьць зьмірылася з акупацыяй часткі Грузіі. Пуціністы зразумелі, што ўсё можна. Тыя заявы, дзеяньні і ваенныя вучэньні, якія рабіла потым пуцінская Масква, паказвалі, што распрацоўваюцца планы супраць Беларусі, Польшчы, Украіны, Малдовы.

    План супраць Украіны распрацаваны па традыцыйнай энкавэдзісцка-нямецкай схеме, якую Масква выкарыстоўвала яшчэ з 17-га стагоддзя для захопу чужых тэрыторыяў. Потым схему пераняў Гітлер (захоп Чэхаславаччыны і Польшчы) і працягвалі бальшавікі.

    Апошняе прымяненьне маскоўскага стандартнага плану акупацыі адбылося ў Асэціі ў 2008 годзе. Маштаб падрыхтоўкі нападу на Украіну ўражвае. Такое ня робіцца за месяц-два. Падрыхтоўка вялася доўгі час. Мабілізавалі ня толькі свае расейскія спэцслужбы, войска, палітыкаў, журналістаў, але і ўвесь свой вялікі расейскі крымінальны сьвет. Прытым прапагандысцкая апрацоўка расейскага грамадзтва вялася цягам амаль што паўгода і дасягнула цудаў хлусьні, вывертаў і інфармацыйнай подласьці, перад якой ведамства Гёбэльса выглядае школьніцтвам.

    І тым ня менш план не спрацаваў (як, відаць, спадзяваліся) у самым пачатку. Украінцы, зыходзячы са слабасьці свайго войска і негатовасьці да вайны, не адказалі ніводным стрэлам. Акупацыя працягваецца, расейскія войскі захапілі ўжо ўвесь Крым, а ўкраінцы не страляюць і… інфармацыйна выйграюць, бо перацягнулі на свой бок усю міжнародную супольнасьць. Але калі адбываецца акупацыя, гэтага міжнароднага меркаваньня вельмі мала. Павінен быць збройны супраціў супраць агрэсіі.

    На двары 21-е стагоддзе, а гэбоўская Расея яшчэ ў сярэднявеччы. Вобраз “кацапа”, апісаны Салжаніцыным, выявіўся тут ва ўвесь рост.

    І хоць стрэлы яшчэ не гучаць, мы разумеем, што адносіцца да маскоўскага вайсковага нападу на Украіну трэба вельмі сур’ёзна. Гэта акупацыя. Гэбоўскі спрут усьведамляе, што калі ён ня зьнішчыць і ня высмакча Украіну, то яму канец. (Расейцы пасьпяшаліся нават аб’явіць, што будуць высяляць украінцаў у Сібір і на Далёкі Усход. Ну чым ня план Бормана!) Расейскі гэбізм яшчэ жыве ў сьвеце 30-х гадоў мінулага стагоддзя.

    У гэтым становішчы, калі ня будзе жорсткіх дзеяньняў па спыненьні акупантаў з боку міжнароднай супольнасьці, вайна на зьнішчэньне і ліквідацыю дзяржавы Украіна будзе працягвацца. Зрэшты, будзе працягвацца, нават нягледзячы на жорсткія меры Захаду. Гэбізм не адступіцца, бо справа йдзе аб яго імпэрыялістычным і крымінальным існаваньні. Прытым (чаго ніяк ня могуць умясьціць лібэралістычныя галовы), калі паўстане магчымасьць нанесьці эфэктыўны атамны ўдар, Пуцін зробіць тое не задумваючыся.

    Найбольшае, на што здолелі заходнія гора-аналітыкі, гэта палічыць Пуціна неадэкватным, вар’ятам і шызафрэнікам. Такая характарыстыка сьведчыць аб разумовай абмежаванасьці аналітыкаў, якія ня ў стане растлумачыць зьявы, што выходзяць за межы іхных стэрэатыпаў. Пуцін – гэта тып расейца-гэбіста, цыніка і бандзёра, які ня спыняецца ні перад чым дзеля дасягненьня мэты. Чалавечае жыцьцё для яго ня мае ніякага значэньня. Школу захапілі ў Беслане чачэнцы. Не здаюцца? Загад Пуціна: страляць з танкаў. Забілі 700 дзяцей. І хоць бы што, і Гаага па ім ня плача. Тэатр на Дуброўцы захапілі чачэнцы ў Маскве. Не здаюцца? Ах так! Загад Пуціна: пусьціць баявы газ. Умярцьвілі 131 закладніка, гледачоў тэатра, і пайшлі на абед.

    Гэта гэбоўская парыя, а не звыклы чалавек. А падрывы дамоў зь людзьмі, а забойства Літвіненкі, Яндарбіева, Ганны Паліткоўскай! І пасьля гэтага адзін заходні прэзыдэнт глянуў у алавянныя вочы спадара Пуціна і сказаў, што “убачыў там душу рускага народа”. Зрэшты, магчыма, спадар Буш фармальна меў рацыю! Нешта ён там убачыў. Напад пуцінскай ваеншчыны на Украіну ў каторы ўжо раз выявіў глыбокую шчарбатасьць, ксэнафабізм і калецтва рускага грамадзтва, грамадзтва без інтэлігенцыі, бяз гуманістычных людзей, грамадзтва вычварных халопаў, дзе пісьменьнікі і людзі мастацтва не зьяўляюцца сумленьнем краіны і падтрымліваюць любога дыктатара, любы гвалт над свабодай народаў. Так было заўсёды, пачынаючы ад часоў Арды і рускіх цароў, так і цяпер, калі шэрага гэбоўскага забойцу з крымінальнай лексікай узьвялічылі да стану народнага героя і выставілі на Нобэлеўскую прэмію міру.

    “Скопішча зла” не распадаецца само праз сябе. Яго можна толькі ліквідаваць. І над гэтым усім нармальным народам трэба глыбока задумацца. На ўсходзе Эўропы вырас новы Гітлер, з фашызаваным грамадзтвам, якое не паважае ні адзін народ на сьвеце, якім кіруюць гэбісты і крымінальнікі, што ненавідзяць усё чалавецтва, якія не адчуваюць ніякай адказнасьці за лёсы людзей на Зямлі, у тым ліку і за лёсы людзей сваёй жа імпэрыяістычнай дзяржавы.

    Напад пуцінскай ваеншчыны на Украіну ставіць перад усімі народамі, пацярпелымі ад маскоўскага монстра, катэгарычнае пытаньне аб ліквідацыі імпэрыі “скопішча зла” у інтарэсах усяго чалавецтва. Пакуль яна будзе існаваць – ня будзе міру на Зямлі. Мне ўжо прыходзілася пісаць, што дзеяньні супраць гэбоўскіх акупантаў Украіны павінны быць перанесены ў вялікі інтэрнацыянальны і ксэнафабічны горад Маскву. Для украінцаў гэта айчынная вайна і змагацца трэба будзе па вялікай шкале. Тым больш, што на справе гэта і нашая беларуская вайна, і грузінская, і ўвогуле – каўказкая і татарская, і башкірская, і якуцкая, і ўвогуле сібірская. Гэбоўскі монстр павінен быць зьнішчаны і асуджаны за злачынствы супраць чалавецтва. Якраз гэтак і павінны разьвівацца падзеі. Імпэрскіх монстраў трэба супольна зьнішчаць знутры ў іхным логаве. Там іхняя атамная зброя ня мае значэньня.

    Наша партыйная палітыка ва ўсіх дачыненьнях павінна зараз улічваць чыньнік пуцінскай агрэсіі на Украіну, чыньнік вайны. Гэта прычына, якая павінна вызначаць нашыя паводзіны і ўсяго нашага грамадзтва.

    Лукашысцкі рэжым насуперак Канстытуцыі і інтарэсам Беларусі ўпусьціў пуцінскую ваеншчыну ў Беларусь, паставіў яе над беларусамі, заключыў антызаконныя антынацыянальныя пагадненьні. Пры пэўных абставінах антыбеларускі рэжым накіруе беларускіх вайскоўцаў на вайну ва Украіну. Беларусы, салдаты і афіцэры, памятайце, што ўкраінцы нашы браты па волі. Страляць ва ўкраінцаў – гэта тое самае, што страляць у сябе. Нельга ўдзельнічаць у братазабойчай вайне на баку ўсходніх гэбоўскіх варвараў. Калі вас усё ж прымусам закінуць ва Украіну, не ваюйце з украінцамі. Не пакрыйце сябе ганьбай. Кожны можа зрабіць выбар, каб змагацца разам супраць пуцінскіх агрэсараў. Разам мы пераможам расейска-гэбоўскага спрута. Будуць вольнымі Беларусь і Украіна. Хто пачаў братазабойчую вайну, той ад яе і згіне.

    Беларусы мусяць мець кантроль над сваім чыгуначным, дарожным і водным транспартам, каб недапусьціць перавозкі расейскай зброі, тэхнікі і жывой сілы на Украіну праз нашу тэрыторыю. Патрабаваць такое ад вырадка няма сэнсу. Людзям трэба будзе самым ўсё браць у свае рукі і кантраляваць дарогі. Беларусы павінны сачыць, каб зь дзьвюх расейскіх ваенных базаў у Лідзе і Баранавічах, якія дапусьціў здраднік народа, не падымаўся ў паветра ні адзін расейскі самалёт. Усё гэта магчыма для грамадзтва, якое здольнае самаарганізоўвацца. Небясьпека вайны прымусіць да самаарганізацыі. Інакш людзей затопчуць, як траву. Калі вайна, то трэба будзе ваяваць, а не гнюсавіць “абы вайны не было”. Расея – гэта вайна.

    З пачаткам расейскай вайны важнейшым і першачарговым пытаньнем для беларускага грамадзтва ёсьць тэрміновая неабходнасьць аднаўленьня мяжы з Расеяй і строгі памежны кантроль уезду ў Беларусь. Зразумела, што рэжым здраднікаў Беларусі на гэта ня пойдзе. Але пры ўмове грамадзкай актыўнасьці і павелічэньні самаарганізацыі народа людзі маглі б самы браць пад кантроль памежныя пераходы. Гэта, аднак, магчыма пры адпаведных умовах, пра якія я тут не кажу з-за пэўных абставінаў, якія цяпер ёсьць у Беларусі.

    Напад пуціністаў на Украіну яскрава высьветліў нават для шэраговага абывацеля, што натварыў у Беларусі здраднік нацыі, якога зямля наша насіць не павінна. Фактычна мы ўжо ёсьць у акупацыйным мяшку, які засталося толькі завязаць, калі (ня дай Божа!) зьнішчылі б Украіну.

    Але перамены будуць. Рыхтуймася да іх сур’ёзна. Скопішча зла не павінна існаваць. Час расплаты і краху шалёнай Арды настане.

    9 сакавіка 2014 г. Зянон ПАЗЬНЯК


    ------------------------------------------------------------------------------------------------------------------


    Пазьняк распаўсюджвае ў Беларусі ўлёткі з заклікамі назапашваць зброю

    і ехаць ваяваць ва Ўкраіну


    16.07.2014. аўтар Радыё Свабода


    «Так, гэта робіць Зянон Пазьняк», — пацьвердзіў Радыё Свабода намесьнік старшыні КХП-БНФ Юры Беленькі.


    У Менску па паштовых скрынях невядомыя распаўсюджваюць улёткі ад імя Зянона Пазьняка з заклікам рыхтавацца да партызанскай вайны з Расеяй.


    Адна з улётак апынулася ў распараджэньні сайта «Беларускі партызан».


    Лідэр КХП-БНФ Зянон Пазьняк заклікае беларусаў яднацца ў невялікія групы па 2-3 чалавекі, шукаць зброю і рыхтавацца да супраціву Расеі, якая пагражае нацыянальнай бясьпецы і незалежнасьці Беларусі.


    «Так, гэта робіць Зянон Пазьняк, — пацьвердзіў Радыё Свабода намесьнік старшыні КХП-БНФ Юры Беленькі. — Якімі мэханізмамі распаўсюду ён валодае, цяжка сказаць. Ён працуе ня толькі з партыяй, але і зь іншымі структурамі, якія могуць распаўсюджваць зварот зь яго подпісам. Партыя КХП-БНФ гэтым не займаецца. Зянон Пазьняк — нацыянальны лідэр, зь якім працуюць розныя структуры».


    Таксама ва ўлётцы сказана, што расейска-ўкраінская вайна — гэта і беларуская вайна. Лідэр КХП-БНФ заклікае беларусаў дапамагаць ўкраінцам, ехаць добраахвотнікамі і ўступаць у батальёны.


    Раней МУС Беларусі распаўсюдзіла заяву, у якой папярэдзіла беларусаў аб крымінальнай адказнасьці за ўдзел у баявых дзеяньнях у суседняй краіне.


    Радыё Свабода © 2014 РС | Усе правы захаваныя.

    http://www.svaboda.org/content/article/25458770.html









    Posted Apr 21, 2022, 7:36 AM by Адміністратар Навін
  • ЛЯЎДЭТУР ЕЗУС ХРЫСТУС!
            Дарагія землякі, дарагія сябры, паважаныя Беларусы! Віншую нас ўсіх з Зьмёртвыхустаньнем Хрыстовым! Хрыстос уваскрос!
    У цяжкі час для беларусаў адбываецца сёлета Вялікдзень -- 17- га і 24-га красавіка. Рускі "мордар" ашуканствам, са згоды здраднікаў народа, увёў сваё войска на тэрыторыю Беларусі і акупаваў нашу краіну. Прыйшла небясьпека, пра якую мы казалі і якой баяліся ўсе гэтыя 27 гадоў пад уладай антыбеларускага рэжыму. І вось тое адбылося. Укрыжавалі Айчыну. І потым -- напалі на ўкраінскі народ.
    Тут узьнікае мне карціна, калі Хрыстос стаяў перад Пілатам, а натоўп крычаў: "Укрыжуй яго, укрыжуй!"
    Хрыста ўкрыжавалі. На трэці дзень Ён уваскрос. Уваскрос, бо быў Богам у вобразе чалавека, які чалавечай пакутнай сьмерцю Сваёй на крыжы за грахі ўсяго чалавецтва засьведчыў збаўленьне людзей ад няволі сьмерці, збаўленьне -- дзеля жыцьця ў вечнасьці.
    І яшчэ Ён засьведчыў грэх нянавісьці асьлепленага натоўпу супраць справядлівасьці.
    Калі б сёньня Хрыстос прыйшоў у Беларусь -- што зрабілі б зь ім ворагі нашы? І што б рабілі мы? Што б рабілі тыя, што нават дар мовы і Слова Яго забілі ў душы і кінулі сьвіньням пад ногі?
    Ёсьць над чым падумаць у Беларусі ў Дзень Зьмёртвыхстаньня Хрыстова.
    Можа ад выніку такога думаньня будзе залежыць уваскрашэньне нашай Краіны, бо галоўным ёсьць Дух. Бо Дух вызначае жыцьцё і ўчынкі людзей.
    Ляўдэтур Езус Хрыстус!
    Слава Ісусу Хрысту!

    17 красавік 2022 год.
    Зянон Пазьняк
    Posted Apr 21, 2022, 7:32 AM by Адміністратар Навін
  • THE TRIAL OF THE RUSSIAN CRIMINALS WHICH HAVE PERPETRATED CRIMES AGAINST HUMANUTY

    (The open letter)

    I request the politicians as well as state and political structures of the EU and Ukraine to file a lawsuit to the International Court of Justice in the Hague in order to institute criminal proceedings and undertake an investigation of the genocide of civilians in Ukraine perpetrated by the Russian occupation army and specifically the mass killings of civilians in Butcha (Kyiv region).

    I make this call in the name of the Party of which I am a Chairman as well as personally because I have a moral right to do it as a person which fought the whole life against the Russian imperialist communism-fascism, and our struggle has lead to the proclamation of the independence of Belarus and to the elimination of communism in our country.

    I and my friend Mr. Viacheslav Chornovil (Chairman of the People´s Movement of Ukraine and the Hero of Ukraine, killed by the Russians in 1999) knew what are the Russian imperialism and its politics of hate towards the whole humanity. Russians have killed millions of persons.

    I make this call on my own behalf and on behalf of the memory of Mr. Viacheslav Chornovil. Ladies and Gentlemen, in accordance with the Statute of the International Court of Justice only the political and state institutions could bring cases on the crimes against humanity to the International Court of Justice. I beg you to do it!

    The blood of the killed and murdered persons in Ukraine and Belarus is pounding in our hearts. The Russian Empire of Evil must be stopped. The killers should know that the punishment is inevitable.


    Dr. Zianon Pazniak,

    Member of the Parliament of Belarus (1990-1995), Chairman of the democratic Opposition of the Belarusian People´s Front in the Supreme Soviet of Belarus of 12th convocation, Chairman of the Conservative Christian Party – BPF, Coordinator of the Belarusian National Secretariat.

    April 5, 2022


    Posted Apr 5, 2022, 5:12 PM by Адміністратар Навін
  • СУД НАД РОСІЙСЬКИМИ ЗЛОЧИНАМИ ПРОТИ ЛЮДСТВА

    (Відкритий лист)

    Я закликаю політиків, державні та політичні структури Європейського Союзу та України подати позов до Міжнародного суду ООН у Гаазі про відкриття кримінальної справи та розслідування геноциду народу України та конкретно розправи над мирними жителями міста Буча Київської області з боку російської армії.

    Звертаюся від Партії, яку я очолюю, і особисто від себе, тому що я відчуваю моральне право людини, яка все життя боролася проти російського великодержавного комуно-фашизму, і наша боротьба привела до незалежності та ліквідації комунізму в Білорусі.

    І я, і мій друг, лідер Українського Народного Руху та герой України В’ячеслав Чорновіл, якого знищили росіяни, знали, що таке російський великодержавний рашизм і його політика ненависті до всього людства. Росіяни вбили мільйони людей.

    Я виступаю від себе і в ім’я пам’яті В’ячеслава Чорновола. Пані та панове, згідно зі Статутом Міжнародного Суду ООН, лише державні та політичні органи держави можуть просити Міжнародний Суд порушити кримінальну справу про злочин проти людства. Прошу вас, зробіть це!

    Кров убитих та закатованих людей в Україні та Білорусі пульсує у наших венах. Потрібно зупинити російський мордор! Нехай вбивці знають, що відплата буде і покарання неминуче.

    Зянон Пазьняк,

    Доктор наук, депутат Незалежності, голова парламентської демократичної опозиції Народного фронту у Верховній Раді Білорусі 12-го скликання, голова Консервативно-християнської партії - БНФ, координатор Білоруського національного секретаріату

    5 квітня 2022 року




    Posted Apr 5, 2022, 5:09 PM by Адміністратар Навін
  • СУД НАД РАСЕЙСКІМІ ЗЛАЧЫНЦАМІ СУПРАЦЬ ЧАЛАВЕЦТВА
    (Адкрыты ліст)

    Зьвяртаюся да палітыкаў, да дзяржаўных і палітычных структураў Эўразьвязу і Украіны з уражлівай просьбай падаць іск у Міжнародны Суд ААН у Гаазе аб узбуджэньні крымінальнай справы і правядзеньні сьледзтва аб генацыдзе народа ва Украіне, зьдзейсьненага расейскім войскам і канкрэтна аб масавых забойствах мірных жыхароў у горадзе Буча Кіеўскай вобласьці.
    Я зьвяртаюся ад Партыі, якую ўзначальваю, і асабіста ад сябе, бо адчуваю маральнае права чалавека, які ўсё жыцьцё змагаўся з расейскім вялікадзяржаўным камуна-фашызмам, і гэтая нашая барацьба прывяла да незалезнасьці краіны і ліквідацыі камунізму ў Беларусі.
    І я, і мой сябра, кіраўнік Украінскага Народнага Руху і герой Украіны Вячаслаў Чарнавіл, якога зьнішчылі расейцы, ведалі, што такое рускі вялікаджяржаўны рашызм і яго палітыка нянавісьці да ўсяго чалавецтва. Расейцы забілі мільёны людзей.
    Выступаю ад сябе і ад імя памяці Вячаслава Чарнавіла. Спадары і спадарыні, згодна Статуту Міжнароднага Суда ААН, толькі дзяржаўныя і палітычныя ворганы дзяржавы могуць ставіць пытаньне перад Міжнародным Судом пра ўзбуджэньне крымінальнай справы аб злачынстве супроць чалавецтва. Прашу вас, зьвярніцеся!
    Кроў забітых, закатаваных людзей ва Украіне і ў Беларусі стукае ў нашы сэрцы.Трэба спыніць расейскага мордара. Хай ведаюць забойцы, што расплата будзе і пакараньне не ўнікнёнае. 

    5 красавік 2022 год
    Зянон Пазьняк, 
    доктар навук, Дэпутат Незалежнасьці, кіраўнік парляманцкай дэмакратычнай Апазыцыі Народнага Фронта ў Вярхоўным Савеце Беларусі 12-га скліканьня, Старшыня Кансэрватыўна-Хрысьціянскай Партыі -- БНФ, Каардынатар Беларускага Нацыянальнага Сакратарыяту
    Posted Apr 5, 2022, 7:03 AM by Адміністратар Навін
  • ДЭМАКРАТЫЧНАЯ "ПРЫВАБНАСЬЦЬ" РАСЕЙСКАЙ АГЕНТУРЫ
            Расейская акупацыя Беларусі і агрэсія супраць Украіны адчыніла супярэчнасьці -- паказала прагніласьць ваеннай арганізацыі расейскай арміі і выявіла разбуральную сілу гібрыднай вайны ў дэзінфармацыі і прапагандзе.
    Зьнішчальна спрацавала Расея па Беларусі. За дваццаць гадоў марыянетачнага рэжыму Лукашэнкі былі разбураны асновы нацыянальнай дзяржавы і нацыянальнай культуры, што дало магчымасьць Маскве (сумесна зь немцамі) разбурыць беларускую нацыянальную апазыцыю (Народны Фронт), стварыць у 2020 годзе прамаскоўскую апазыцыю рэжыму і вывезьці яе за мяжу дзеля прамаскоўскай дзейнасьці ў эміграцыі пад відам  змаганьня з Лукашэнкам.
    Мэтодыка спрацавала разбуральна для эміграцыі, паспрыяла расейскай акупацыі Беларусі. Адпаведна, ажывілася прарасейская агентура ў беларускіх эміграцыйных СМІ, кантраляваных праз замежныя рэсурсы. Сродкі масавай інфармацыі сталі банальна ўключаць расейшчыну ў свой зьмест і кантэкст (не даючы інфармацыі па нацыянальнай палітыцы і нацыянальнаму Адраджэньню).
    Найбольш рэзкі паварот зрабіла тэлебачаньне Белсат. Русіфікацыя Белсату ў Польшчы і ўскосная падтрымка пуцінскіх ваенных бандытаў зьбянтэжыла шмат якіх беларусаў. Такога не чакалі. Але такое здарылася і працягваецца. 
    Характэрнай перадачай па-руску стала інтэр'ю Белсата ў маці рускага бандыта-кантрактніка, якая маркоціцца, што яе вырадак трапіў у палон да ўкраінцаў, а рускамірныя так званыя "журналісты" Белсату сумнымі галасамі выказваюць ёй спачуваньне і падтрымку.  Фантастычна -- але факт. 
    Увогуле, парадаксальна, што лукашысцкія рускамірскія бандзюгі адчуваюць сябе ў дэмакратычнай Польшчы вольна, адкрыта і нахабна. Нядаўна на мітынгу ў Варшаве, які арганізоўвала групоўка Латушкі-Ціханоўскай, некаторыя беларусы, якія крытычна ўспрымаюць асобу Ціханоўскай, пачалі выкрыкваць "ганьба". Да іх рынулася група замаскаваных тыпажоў у чорным убраньні (так званая "ахова" групнікаў) і пачала штурхаць людзей, выбіваць тэлефон з рук, пагражаць і хапаць рукамі.
    Такое магло здарыцца ў лукашысцкім Менску, але ня ў вольнай Варшаве. Тым ня менш, такое адбылося. Невядомыя нападнікі ў чорным -- гэта, магчыма, нават замаскаваныя амонаўцы зь Менску. Ніхто не высьвятляе паходжаньня нападнікаў з асяроддзя прамаскоўскай групоўкі.
    Такое, відаць, будзе працягвацца, але да пары. Цяпер жа трэба ўсё зафіксаваць і задакумэнтаваць.Прыдзе час -- іх знойдуць нават на дне марскім. Ніхто не схаваецца, ніхто не ўцячэ, хто шкодзіў беларусам у цяжкі для Бацькаўшчыны час.

    2 красавік 2022 г. Зянон ПАЗЬНЯК
    Posted Apr 5, 2022, 7:00 AM by Адміністратар Навін
  • РАСЕЙСКІ "МОРДАР" ПАВІНЕН БЫЦЬ РАЗБУРАНЫ
            Чаго толькі не прыдумвала канторская цемра супраць беларусаў. Асабліва выгаляліся ў прафанацыі Пагоні і Нацыянальнага Сьцяга. Тут былі і "бусьлікі", і "зубрыкі", і "пахне чабор", і нават "джынсавыя порткі" замест Беларускага сьцяга (калі хто памятае гэбоўска-мілінкевічаўскую кампанію "рэвалюцыя-джынс"). Тады яшчэ жывы Аляксандар Літвіненка, калі ўбачыў тую джынсавую "анучу", і, ведаючы як рэжым лукашыстаў зьневажае нацыянальны Бел-Чырвона-Белы Сьцяг, назваў беларусаў "нацией болванов", якая топча сваё.  Крыўдна, магчыма, каму-небудзь чуць, але падстаўная апазыцыя балваноў сапраўды была. 
    Цяпер маскавіты (зьява ўзьнікла адразу ў некалькіх канторскіх месцах) прыдумалі нібыта новы рускі "антываенны сьцяг" -- белая, сіняя і белая палосы -- як альтэрнатыва ("вываратка") сьцягу Беларускай нацыі. Маўляў, яны выдалілі з рускага сьцяга "колер крыві" (гэтак і кажуць). Такое вось лапцюжнае ўяўленьне пра геральдыку. (Чырвоны колер, дарэчы, у геральдычнай сімволіцы -- гэта колер высокароднага гонару і  высокага духа, сімвал сьмеласьці і вялікадушнасьці, гэта каралеўскі колер).
    Хутка мы ўбачым цікавыя мэтамарфозы з гэтай сіняй маніпуляцыяй (нават Латушку з Ціханоўскай і з "невераятнымі" ўбачым -- для іх і прыдумана). Але схавацца ня ўдасца. Цёмны расейскі "мордар" павінен быць разбураны. Ня ўдасца ўцячы ні пад які "сьцяг", і нішто не ўратуе іх, бо каяцца яны ня здольныя (толькі шукаюць выйсьця). 
    Не павінна быць больш ніякой Арды, ні пад якім "сьцягам". Мімікрыя ня пройдзе, не перакуляцца ваўкалакі. Зьнішчыць расейскі "мордар" -- гэта экзыстэнцыяльная задача, якая стаіць найперш перад беларусамі і украінцамі (інакш нас ня будзе), але, фактычна, гэта задача -- перад усім сьветлым чалавецтвам, бо цёмны расейскі "мордар" выступіў супраць чалавецтва.

    31 сакавік 2022 г. Зянон Пазьняк

    Posted Mar 31, 2022, 2:59 PM by Адміністратар Навін
  • СЛАВА ГЕРОЯМ (працяг)
    1).   Адкрыцьцё помнікаў Каліноўскаму і Касьцюшку ў Нью-Ёрку. (Частка 1, ідэёвасьць)
    https://youtu.be/YhMV9PSKL7E 

    2).   Адкрыцьцё помнікаў Каліноўскаму і Касьцюшку ў Нью-Ёрку (Частка 2, фрагмэнты)
    https://www.youtube.com/watch?v=ybZgOnkcAdk 
    Posted Mar 29, 2022, 7:33 AM by Адміністратар Навін
  • СЛАВА ГЕРОЯМ

    (Спавешчаньне ў дзень адкрыцьця помнікаў Кастусю Каліноўскаму

    і Андрэю-Тадэвушу Касьцюшку 26-га сакавіка ў Нью-Ёрку).

        Паважаныя спадарыні і спадары, дарагія госьці, вітаю Вас у гэты ўрачысты дзень. Але хачу нагадаць, што гэты ўрачысты дзень адбываецца ў трагічны час, калі нашая Айчына Беларусь акупаваная рускім войскам і на Украіну напалі расейскія акупанты. У сувязі з гэтым такое паведамленьне.

        Сёньня ў барацьбе з маскоўскімі акупантамі загінуў беларускі ваяр Зьміцер Апанасовіч. Беларуская група батальёну імя Кастуся Каліноўскага ўдзельнічала ў баявой апэрацыі, падбіла тры рускія БНП, Зьміцер быў цяжка паранены, сьцёк крывёй і не жыве. Ён загінуў за Украіну і за Беларусь. Прапаную хвіліну маўчаньня. (Маўчаньне.)

        Прадаўжаем. Сёньня мы адчыняем помнікі двум знакамітым героям, якія змагаліся за свабоду Беларусі, Амэрыкі, Польшчы, Летувы і Ўкраіны -- генэралу Андрэю-Тадэвушу-Банавантуру Касьцюшку і кіраўніку паўстаньня супраць царскай Расеі Кастусю Каліноўскаму.

        Бюсты герояў стварыў скульптар Гэнік Лойка, які выцерпеў катаваньні ў лукашысцкай турме за беларускую пазыцыю, але здолеў ўцячы ад рэжыму і завершыць творчую працу.

        Стварэньню помнікаў спрыяла Царкоўная рада Сабору Кірылы Тураўскага, Уладыка Сьвятаслаў і Беларуска-Амэрыканскае Задзіночаньне.

        Асаблівая падзяка арганізатару працы і каардынатару праекта Аляксандру Хомчанку.

        І цяпер пра нашых герояў.

        Генэрал Андрэй-Тадэвуш-Банавантура Касьцюшка -- гэта сусьветна знакамітая асоба. Ён нарадзіўся ў Беларусі ў шляхетным праваслаўна-ўніяцкім родзе, вучыўся ваенна-інжэнернай справе ў Польшчы, удзельнічаў у вайне амэрыканскага народа за незалежнасьць у 1776-1783 гадах, стварыў форт і арганізаваў знакамітую абарону ў Вэст-Пойнце, быў генэралам Кантынэнтальнай арміі Амэрыкі, сябрам Томаса Джэферсана, адзначаны ордэнам Цынцыната, асабіста падтрымліваў кантакты з Напалеонам-Банапартам і рускім царом Аляксандрам І, уплываў на палітыку барацьбы за незалежнасьць.

        У 1794 годзе генэрал Касьцюшка ўзначаліў паўстаньне народаў Рэчы Паспалітай супраць царскай Расеі, якая захапіла нашыя землі. Касьцюшка застаўся героем ў памяці народнай, у песьнях і беларускім фальклёры. Народ любіў Касьцюшку і сьпяваў пра яго:

    "Едзе-едзе наш Касьцюшка

    Будзе біці маскалюшку."

    "Наш Касьцюшка слаўны быў,

    Маскалёў ён добра біў..."

        Сёньня, калі расейскі "мордар" зноў акупаваў Беларусь і напаў на Украіну, справа Касьцюшкі для нас жыве і натхняе на барацьбу за свабоду.


        На працягу ХІХ-га стагоддзя кожнае пакаленьне беларусаў і палякаў паўставала супраць рускіх акупантаў, каб вярнуць свабоду. Вялікае паўстаньне ў Беларусі, Польшчы і Летуве адбылося ў 1863 годзе. У Беларусі барацьбу ўзначаліў Кастусь Каліноўскі.

        Каліноўскі сфармуляваў беларускую нацыянальную ідэю таго часу, якая была адлюстраваная ў паролі паўстанцаў: "Каго любіш? Люблю Беларусь. Так узаемна."

        Каліноўскі быў малады, разумны і мужны чалавек. Яго схапілі царскія жандары ў выніку здрады. Перад сьмерцю ў Лукішскай турме ў Вільні Кастусь напісаў запавет "З-пад шыбеніцы" да Беларускага народа, які заканчваецца так:

        "Бо я табе з-пад шeбеніцы кажу, Народзе, што тагды толькі зажывеш шчасліва, калі над табою маскаля ўжэ ня будзе".

        На сёньняшні дзень, калі дзікі маскаль зноў захапіў нашу Беларусь і напаў на Украіну, гэты запавет Кастуся Каліноўскага гучыць, як звон на змаганьне. І не выпадкова адзін з аддзелаў беларускіх дабраахвотнікаў, якія змагаюцца разам з украінцамі супраць расейскіх акупантаў, названы батальёнам імя Кастуся Каліноўскага.

        Дык няхай жа сьветлая памяць пра нашых герояў уздымае наш дух і вядзе нас да перамогі над расейскімі ворагамі чалавецтва, каб вечна была вольная Беларусь і вольная Украіна. Жыве Беларусь! Слава Украіне!


    26-03-2022. Н.Ё.          Зянон Пазьняк

    Posted Mar 29, 2022, 7:30 AM by Адміністратар Навін
  • АДКРЫЦЬЦЁ ПОМНІКАЎ КАСТУСЮ КАЛІНОЎСКАМУ І АНДРЭЮ-ТАДЭВУШУ-БАНАВАНТУРУ КАСЬЦЮШКУ Ў НЬЮ ЁРКУ
            26 сакавіка гэтага года ў Нью Ёрку адбылося адкрыцьцё помнікаў беларускім героям беларускай гісторыі генэралу Андрэю Тадэвушу Банавантуру Касьцюшку і кіраўніку паўстаньня Кастусю-Вінцэнту Каліноўскаму. Урачыстасьць была перад Беларускім Саборам сьвятога Кірылы Тураўскага. Адчыніла імпрэзу Старшыня  Беларуска-Амэрыканскага Задзіночаньня Натальля Федарэнка. 
    Выступіў Зянон Пазьняк, які аб'явіў хвіліну маўчаньня па забітым на вайне ва Украіне ваяры-беларусу з батальёна імя Кастуся Каліноўскага Зміцеру Апанасовічу. Вечная памяць герою. 
    Потым прамаўляў каардынатар праекту Аляксандар Хомчанка. Пасьля пад сьпеў Духоўнага гімну "Магутны Божа" (ў запісе царкоўнага хору Сабора з 1957 года у час адчыненьня Беларускай Царквы) павольна былі ўзьняты і спушчаныя белыя пакрывалы з помнікаў героям. Тады епіскапам-уладыкам Сьвятаславам пра асісьце духавенства адбылося асвячэньне усталяваных бюстаў.
    Імпрэза працягвалася ў грамадзкай залі Сабора. Выступалі госьці-амэрыканцы, украінцы, летувісы, прысутнічаў прадстаўнік ад палякаў, прамаўлялі дзеячы беларускіх арганізацый з Канады, з Чыкага, з Фларыды, Каліфорніі, Мінесоты, Філадэльфіі і іншых мясьцінаў. Выступіў аўтар бюстаў скульптар Гэнік Лойка.
    Амэрыканскія беларусы лічаць, што ўсталяваньне і адчыненьне ў Амэрыцы помнікаў нацыянальным героям Беларусі, якое сталася ў час расейскай акупацыі нашай краіны, у час брыдкага зьневажэньня нашага вялікага культурнага Беларускага народа -- гэтая акцыя ёсьць моцным патрыятычным чынам для ўсіх Беларусаў у сьвеце. Хвала беларускаму народу. Слава яго героям.
      (Чужыя сродкі масавай інфармацыі праігнаравалі вялікую нацыянальную падзею.) 
    Сьвята ўсталяваньня помнікаў працягвалася таксама ў нядзелю 27 сакавіка, калі адзначалі Дзень Волі -- 104-ю гадавіну аб'яўленьня незалежнасьці Беларускай Народнай Рэспублікі. Шмат было прамоўцаў. Поўная заля гасьцей. Выступаў Сяргей Доўгушаў з музычнай і сьпеўнай праграмай. Пачаўся Дзень Волі агульным сьпяваньнем усёй заляй беларускага гімну "Пагоня". Закончылася імпрэза -- узьнёслым сьпяваньнем гімну Украіны (у знак пашаны і падтрымкі ўкраінцаў) і беларускім дзяржаўным гімнам Рады БНР "Мы выйдзем шчыльнымі радамі".
    Лунаў дух рашучасьці і аптымізму. Жыве Беларусь!

    Ніжэй зьмяшчаю (па-беларуску і  па-ангельску) выступ на адкрыцьці помнікаў каардынатара праекту спадара Аляксандра Хомчанкі. А таксама фатаграфіі з адкрыцьця, зробленыя Яўгенам Папковым

    28-03-2922. Зянон Пазьняк
    -----------------------------------------------------------------------
    ФАТАГРАФІІ:
    1)   Натальля Федарэнка адчыняе ўрачыстую імпрэзу.
    2)   Выступае Старшыня Нью-Ёрскага аддзелу БАЗА Аксана Пятрашка
    3)   Выступае стараста Сабору Аляксандар Хомчанка
    4)    Выступае Зянон Пазьняк
    5)   Запрошаныя госьці перад Саборам.
    6)   Пасьля зьняцьця пакрывалаў.
    7)   Асьвячэньне помнікаў япіскапам Сьвятаславам.
    8)   Кастусь Каліноўскі.
    9)   Скульптар Гэнік Лойка выступае ў грамадзкай залі Сабора.
    https://www.facebook.com/ivan.viktarovic.5/posts/724757682238206 
    ---------------------------------------------------------------------------

    ВЫСТУП АЛЯКСАНДРА ХОМЧАНКІ  (26.03.2022. Нью-Ёрк).
       Шаноўнае спадарства
       Дзякуй усім, хто знайшоў магчымасць наведаць вельмі важную для ўсіх нас падзею: адкрыццё бюстаў Андрэя - Тадэвуша Банавентуры Касьцюшкі – Hацыянальнага Героя Беларусі, Злучаных Штатаў і Польшчы і Кастуся Каліноўскага - Hацыянальнага Героя Беларусі.
        Два гады таму, па ініцыятыве Беларускай Аўтакефальнай Праваслаўнай Царквы, Парафіяльнай Pады Катэдральнага Cаборy Сьвятога Кірылы Тураўскага, Беларуска-Амерыканскага Задзіночання і з блаславення архіепіскапа Святаслава, было прынята рашэнне ўсталяваць бюсты Hацыянальным Героям перад будынкам Катэдральнага Cаборy з мэтай падтрымкі барацьбы беларускага народа з тэрарыстычным, антыбеларускім, прарасейскім рэжымам Лукашэнкі, а таксама для падтрымкі свабоды веравызнання ў Беларусі. Pэжым Лукашэнкі прыняў за афіцыйную дзяржаўную царкву расейскую маскоўскую царкву, якую гвалтам навязалі Беларусі. Парафіяльная Pада Cаборy звярнулася з прапановай распрацаваць бюсты да вядомага беларускага скульптара спадара Генадзя Лойкі, на што спадар Лойка ахвотна пагадзіўся. На жаль, Covid-19 змяніў планы парафіян Cаборy але, ня гледзячы на праблемы з Covid-19, а таксама арышт і зняволенне спадара Лойкі рэжымам Лукашэнкі, праца не спынялася, бюсты былі зробленыя і адлітыя з бронзы ва Украіне.
        Парафіяльная Pада Катэдральнага Cаборy і Беларуска-Амерыканскае Задзіночанне звярнуліся да ўсіх неабыякавых людзей як ў ЗША так і за мяжой, з просьбай фінансава падтрымаць праект, агульны кошт якога складаў каля 30 тысячаў даляраў. З мэтай больш зручнага збору сродкаў у «Фэйсбуку» быў адкрыты рэсурс «GoFundMe».
        Хачу выказаць падзяку ўсім 276 асобам, якія зрабілі ахвяраванні на гэты праект, у тым ліку рэлігійным і грамадскім арганізацыям, якія аказалі фінансавую дапамогу праекту, а менавіта:
    - “Парафіяльнай  Радзе Катэдральнага Cаборy Сьвятога Кірылы Тураўскага”
    - “Беларуска -- Амэрыканскаму Задзіночаньню”, асабіста спадарy  Сяргею Кудзелічу i спадарынe Наталлi Федарэнка
    - «Карпарацыi мясцовага развіцця Atlantic Avenue», асабіста выканаўчаму дырэктарy спадарy Говардy Колінзy
    - “Беларуска -- Амэрыканскаму Згуртаваньню “Пагоня”, асабіста спадарy Віталю Зайка і спадарынe Ірынe Хадарэнка
    - «Беларускаму Фонду імя Крычэўскага» і асабіста віцэ-прэзідэнтy спадарынi Алe-Орса Рамана.
    -  “ Investors Bank
    -  “Будаўнічай кампаніi «Агра» і асабіста спадарy Гары Жыгунy.
        Таксама xачу выказаць падзяку за дапамогу ў рэалізацыі праекта спадару Аляксандру Ромскаму, які адліў бронзавыя бюсты і шыльды ва Украіне, а сёння абараняе Украіну і родны Харкаў ад расійскіх агрэсараў. Дзякуй вялікі спадарy Зянону Пазьняку і спадарy Джону Кунштадтару, доктару Вітаўту Кіпелю, спадару Яну Запрудніку, спадарынe Ганне Сурмач за падтрымку і прафесійныя кансультацыі, а таксама вялікая падзякa нашым “Гарадзенскім Зубрам” з Філадэльфіі.
    Жыве Беларусь! Слава Ўкраіне!
    ---------------------------------------------------------------------

    Opening of the busts. (03/26/2022. New York).
       Ladies and Gentlemen
         Thank you to everyone who found the opportunity to come and attend a very important event for us all: the opening of the busts of  Andrey - Tadevush Banaventura Kas’tsiuska - the National Hero of Belarus, the United States and Poland and Kastus’ Kalinouski - the National Hero of Belarus.
        Two years ago, on the initiative of the Belarusian Autocephalous Orthodox Church, the Parish Council of the St. Cyril of Turau Cathedral, the Belarusian-American Association and with the blessing of the Archbishop  Sviataslau, were decided to install  busts of National Heroes in front of building of St. Cyril of Turau Cathedral in order to support the struggle of the Belarusian people against the terrorist, anti-Belarusian, pro-Russian Lukashenka’s regime and also to support religious freedom in Belarus. Regime has adopted the Russia’s Moscow church, which has been imposed on Belarus by force, as its official State Church. The Parish Council addressed a proposal to design busts to the famous Belarusian sculptor Mr. Henadz Lojka, to which Mr. Lojka willingly agreed. Unfortunately, Covid-19 changed the plans of parishioners of the Council. Despite the problems with Covid-19 as well as the arrest and imprisonment Mr. Lojka by Lukashenka’s regime, work didn’t stop, the busts were made and cast in bronze in Ukraine. 
         The Parish Council of the Cathedral and the Belarusian-American Association, appealed to all concerned people, both abroad and in the United States, to financially support the Project, the total cost of which is close to $30.000. For the purpose of more convenient fundraising, the “GoFundMe” resource was also opened on “Facebook”.
        I want to express my gratitude to all 276 people, who made donations for this project, including religious and public organizations that provided financial assistance to the project, namely:
     Parish Council of St. Cyril of Turau Cathedral
    “Belarusian-American Association”, personally Siarhey Kudelich Ms. Nataliya Fedarenko
    “Atlantic Avenue Local Development Corporation”, personally Action Executive Director Mr. Howard Kolins 
    “Belarusian-American Cohesion “Pagonya”, personally Mr. Vital Zaika and Iryna Khadarenka
    “Belarusian Krichevskiy Foundation” and personally Vice President Ms. Alla-Orsa Romano.
    Investors Bank. 
    Construction Company “Agra” and personally Mr. Garry Zigun.
      I would like to say thank you for the help in the implementation of the project to Mr. Aleksandr Romskiy, who casts bronze busts and signs in Ukraine and today he defends Ukraine and his hometown Kharkov from russian aggressors. Thank you to Mr. Zianon Pazniak and Mr. John Kundshtadter, Dr. Vitaut Kipel’, Mr. Yan Zaprudnik, Ms. Hanna Surmach for support and professional consultations, also thanks to our strong Belarusian Team from Philadelphia. 
    Long Live Belarus!
    Glory for Ukraine!



    Posted Mar 28, 2022, 2:09 PM by Адміністратар Навін
  • "ХАЙ ВОЛЯ ВЕЧНА БУДЗЕ З НАМІ"
    (Дзень Волі -- 2022)

    Дарагія Беларусы, віншую нас ўсіх з Днём Волі, вялікім беларускім нацыянальным сьвятам 25 Сакавіком!
    Мы перажываем цяжкі час -- расейскую акупацыю нашай краіны і вымушаныя спатыкаць гэты Дзень у народнай няволі. Але доўга так ня будзе. Скора сканае расейскі мордар і на гэты раз -- назаўсёды. 
    25 Сакавік -- гэта таксама Дзень Зьвеставаньня Гасподняга -- хай, як Зорка сьвеціць перад намі заўсёды, бо памятаем, што тады 25 Сакавіка 1918 года адрадзілася наша Вялікае Княства Літоўскае ў новай пастаці -- у вобразе Беларусі, Беларускай Народнай Рэспублікі. Гэта найвялікшая падзея, якая абазначыла нашае адраджэньне і новае гістарычнае нацыянальнае існаваньне.
    Новая дзяржава Беларусь нарадзілася таксама ў цяжкі час, у час Першай Сусьветнай вайны, калі вырашаліся лёсы шмат якіх народаў. Тады народы дапамагалі адзін аднаму ў барацьбе за свабоду. Войска беларускага генэрала Станіслава Булак-Балаховіча абараняла незалежнасьць Эстоніі,  дапамагло Эстонцам зьберагчы свабоду Айчыны.
    Таксама ўкраінцы, якія змагаліся за вольную Украіну з расейска-бальшавіцкімі ордамі, дапамагалі ў барацьбе Беларускай Народнай Рэспубліцы (выдзялялі крэдыт).
    Салідарнасьць нашых продкаў у змаганьні за незалежнасьць мы памятаем і разам пераможам маскоўска-рашысцкую арду.
    Змагаймася супраць расейскіх акупантаў! Падтрымліваем Украіну! Няхай уваскрэсьне наша свабода! "Хай воля вечна будзе з намі, а гвалту мы дамо адпор", -- пяецца ў нашым Беларускім гімне. Памятайма і ўстаём!  Слава Айчыне! Слава змагарнай Украіне! Жыве Беларусь!

    25 Сакавік 2022.
    Зянон Пазьняк 
    (Ад Беларускага Нацыянальнага Сакратарыяту "Вольная Беларусь")





    Posted Mar 25, 2022, 6:16 PM by Адміністратар Навін
  • АСАБЛІВАЯ ІНФАРМАЦЫЯ
            Атрымаў аўтарытэтныя зьвесткі, што ў сувязі з расейскай акупацыяй Беларусі і вайной Расеі супраць Украіны, маскалі напусьцілі на беларускае Сеціва фабрыку троляў. І сапраўды, руская бесаўшчына адчуваецца нават у Фэйсбуку. 
    У сувязі з гэтым дзейнічаць лепш па законах ваеннага часу: як толькі запахне смалой і серай -- выкідваць "інтруса" без папярэджаньня. Раней я цярпеў у Сетцы нават драняў, якія сістэматычна абгаджвалі маё імя. Цяпер няма часу для высьвятленьня біяграфіі троляў. 
    Шкода існуе ад самой іх прысутнасьці. Заходзіць бес і пачынае пісаць, што 2х2 = 5. Усе наіўна пачынаюць спрачацца, і гадзінамі даказваць, што 2х2 = 4 (пад хіхіканьне сатаніста). Але на гэтым -- крэс.
    У пачатку 90-х сярод прыблудаў яшчэ было модным рускае ёрнічаньне: "А на каком это языке вы разговариваете?". Тады хлопцы арганізаваліся і на пытаньне "на каком?" без папярэджаньня білі ў морду. Мода зьнікла.
    Зь нечысьцю трэба разьвітвацца. Ня будзе ні Лукашэнкі, ні Пуціна, ні газпрамаўскай гразі. Вялікія перамены чакаюцца ў сьвеце.

    22 сакавіка 2022 г. Зянон ПАЗЬНЯК
    Posted Mar 25, 2022, 6:14 PM by Адміністратар Навін
  • НАРОДЖАНЫЯ ПОЎЗАЦЬ
            За часы савецкай акупацыі русіфікацыя на вусна-бытавым узроўні абгрунтоўвалася для ідыётаў "необходімостью поніманія". Маўляў, "как жэ мы будзем употрэбляць белорускій язык, вдзь у нас жывут і рускіе, і таджыкі і прыезжают разныя народнасці. Ані не паймут".
    Дарэчы, такія дурныя аргуманты гучэлі паўсюдна (былі распрацоўкай). Наколькі памятаю, гэтых дэбільных сцьвярджэньняў для шмат каго было дастаткова, каб беларусы (асабліва зь вёскі) пагаджаліся, што сапраўды, "дзяйсьцьвіцельна" зачэм этат язык. 
    Русіфікацыя зьява брудная і пачварная для цёмных людзей.
    І вось мінае чвэрць стагоддзя дэгенератыўнага існаваньня пад русіфікацыйнай уладай псіхапата. Рабства цёмных ужо відаць на адукаваным узроўні. Тэлестудыя Белсат паэтапна, паволі пераходзіць на расейшчыну. Нічога не зьмянілася ў каланіяльных мазгах. І адукацыя, і дэмакратыя не ўплывае. Маўляў, нас жа чуюць у Расеі, Малдове, ва Ўкраіне, кажуць журналісты няшчаснага Белсату, -- яны ж па-беларуску не разумеюць. 
    Тут ужо няма пра што гаварыць. Нявольнік ня можа думаць як вольны чалавек. Халера на вас на ўсіх, ідыёты!

    21 сакавік 2022. Зянон Пазьняк.

    Posted Mar 25, 2022, 6:12 PM by Адміністратар Навін
  • АГУЧВАЮЦЬ МЕРКАВАНЬНІ ПРА КАНЕЦ ВАЙНЫ
            Сімптаматычная зьява. Канфармісцкія "дэмсмі" зьмясьцілі разважаньні нейкай нікому невядомай былой амэрыканскай дыпляматкі, якая "прагназуе" тры варыянты заканчэньня расейска-ўкраінскай вайны. Першы  -- варыянт кампрамісу. Ён мала карысны для абодвух бакоў (асабліва для Украіны). Варыянт 2 -- "Пуцін перамагае" і варыянт 3 (што вельмі сьмешна) -- "рэвалюцыя ў Расеі" -- зьвяржэньне Пуціна. 
    Пакінем ў баку прымітыўны інфантылізм былой васпані. (Там на Захадзе шмат хто так думае). Зьвернем ўвагу на два характэрныя мамэнты. Спадарыня не "прагназуе" ваеннай перамогі Украіны і крах пуцінскай авантуры. І другое -- гэта тое, што "дэмсмі" выкапалі на паверхню такія маргінальныя разважаньні. 
    У цэлым тут  прадэманстравана падспудная праява заходняга разуменьня палітыкі пэўных катэгорый людзей -- неяк дамовіцца з Расеяй шляхам узаемных саступак, але коштам Украіны і абяцаньнем кампэнсацыі Украіне пасьля заключэньня міру. 
    Нягледзячы на фразеалогію і дапамогу ўкраінцам Захад (катэгорыя пэўных людзей) баіцца разгрому і распаду Расеі, (рынак, газ, нафта), гэтак жа, як і разгрому Украіны, і ўмацаваньня Масквы. Прыклад як Захад здаў Беларусь шмат пра што кажа. З захопу Беларусі якраз ўсё пачалося. 
    Беларусам цяпер галоўнае ўратаваць дзяржаву Беларусь, дамагчыся ад Захаду (ад міжнароднай супольнасьці) прызнаць Беларусь часова акупаванай тэрыторыяй войскам Расейскай Фэдэрацыі. Наступнае -- усімі сіламі дапамагаць украінцам у барацьбе з агрэсіяй Расеі і пачаць партызанскае змаганьна з расейскімі акупантамі ў Беларусі. 
    Вайна супраць Украіны і акупацыя Беларусі разьвіваецца (на жаль) па пуцінскім маніякальным сцэнары, а не па інфантыльных меркаваньнях заходніх левакоў.

    18-03-2022.      Зянон Пазьняк

    Posted Mar 25, 2022, 6:09 PM by Адміністратар Навін
  • АБ ІСНАВАНЬНІ
            Наша галоўная задача -- збавіцца ад акупацыі і зьберагчы дзяржаву. Найперш мусяць быць два дзеяньні: не дапусьціць уцягваньня беларускага войска ў вайну супраць Украіны на баку Пуціна і другое -- дамагчыся міжнароднага прызнаньня для Беларусі статусу часова акупаванай краіны  войскам Расейскай Фэдэрацыі. 
    Дзеля разуменьня гэтых задачаў трэба ведаць базавыя неабходнасьці беларускага нацыянальнага існаваньня. Мусім выразна разумець, што за вораг стаіць перад намі і чаго ён хоча дасягнуць. 
    Калі коратка: галоўнае для расейскаё арды -- забраць тэрыторыю Беларусі і зьнішчыць Беларускі народ шляхам русіфікацыі і перасяленьня. Пры супраціве -- фізічнае вынішчэньне. (Дарэчы, тое ж і з украінцамі). 
    Гэта важна ведаць і разумець, хоць меркаваньне сацыяльных ідыётаў (як правіла) будзе іншым, галасьлівым і пераважным. 
    Ніжэй прапаную абнавіць памяць пра рэчы, якія беларусам нельга забываць.  

    22-03-2022 Зянон Пазьняк

    https://www.youtube.com/watch?v=31elJHohK5g 
    Posted Mar 25, 2022, 6:07 PM by Адміністратар Навін
  • ПРА ЗЬНІШЧЭНЬНЕ БЕЛАРУСІ І ПРА ІНФАРМАЦЫЙНУЮ АТАКУ НА БЕЛАРУСКІ НАРОД
            Цяпер, калі адбылася ваенная акупацыя Беларусі войскамі Расейскай Фэдэрацыі, назіраецца зьява, якую можна акрэсьліць як татальную інфармацыйна-псіхалагічную атаку, накіраваную на экзістэнцыйнае зьнішчэньне Беларускай дзяржавы і будучыні Беларускай нацыі. 
    Атака ўражвае, бо накіравана ня супраць акупацыйнага рэжыму, а супраць акупаванага беларускага народа, пры гэтым ініцыятары атакі змаглі падключыць да гэтага нападу масы агрэсіўных недасьведчаных людзей, практычна, на ўсім сьвеце. У некаторых краінах (напрыклад, як ня дзіўна, -- у Эстоніі) пачалася адкрытая дыскрымінацыя беларусаў па нацыянальнай прыкмеце. Далей усё коціцца нібы само па сабе.
    Усё выглядае ненатуральна, але разумныя галасы ў Беларусі і ва Украіне, практычна, топяцца ў масавай сьляпой нянавісьці і статкавай псіхалогіі. 
    Такога ірацыянальнага нападу наш народ не перажываў ніколі ў гісторыі, выключаючы, хіба што, пэрыяд паўстаньня 1863 года. Але тады масавая нянавісьць зыходзіла толькі з аднаго боку -- з Расеі, зь якой ваявалі паўстанцы. 
    Галоўная тэхналёгія цяперашняга абсурду заключаецца ў тым, што стратэгам інфармацыйнай вайны ўдалося перанакіраваць масавую нянавісьць са злачынцы на ахвяру і аб'явіць ахвяру вінаватай у ваеннай агрэсіі супраць Украіны.
    Масавыя мірныя пратэсты беларусаў у 2020-м годзе былі добра і з разуменьнем (з захапленьнем) сустрэты на Захадзе, у Амэрыцы і ў Польшчы. Тым часам разгром пратэстнага ўздыму ў Беларусі, пры падтрымцы  лукашысцкага рэжыму Крамлём, быў страшны, жорсткі, пэрманэнтны і рацыянальна не матываваны дзеяньнямі пратэстоўцаў. Практычна, на працягу ўсяго 2021 году і па сёньняшні дзень адбывалася жорсткая расправа над усімі іншадумцамі і патрыётамі Беларусі. Абвінавачваньні і расправа былі неадэкватнымі і выкліканы падрыхтоўкай (дакладней, зачысткай) беларускага грамадзтва перад плануемай расейскай акупацыяй Беларусі. 
    У краіне начыста зьнішчана ўся грамадзянская супольнасьць як грамадзкая зьява. Дзясяткі тысячаў беларусаў кінутыя ў турмы, сотні тысячаў выгнаныя за мяжу, дзясяткі скалечаных і забітых. У краіне ўсталяваны жорсткі антыбеларускі антынацыянальны рэжым, кантроль за людзьмі, рэпрэсіі і атмасфэра страху. 
    У гэтых умовах адбылася ваенная акупацыя Беларусі Расейскай Фэдэрацыяй. 17 студзеня 2022 года пад выглядам ваенных манеўраў расейцы ўвялі ў Беларусь свае войскі. Адбылася геапалітычная катастрофа ва Усходняй Эўропе. Узьнікла глабальная перадваенная сітуацыя. 
    Але дзіўна: сьвет гэтага нібы не заўважыў. Не заўважыў, бо акупацыя адбылася без беларускага супраціву пад выглядам вайсковых вучэньняў.  
    Захапіўшы Беларусь, расейцы пачалі рыхтаваць напад на Украіну. 24-га лютага напад пачаўся. З тэрыторыі акупаванай Беларусі рускія абстрэльваюць ракетамі ўкраінскія гарады. 
    І тут жа пачалася інфармацыйная вайна супраць задушанага беларускага народа з абзываньнем яго "агрэсарам", вінавайцам у агрэсіі супраць Украіны, на што народ, што знаходзіцца пад прэсам рэпрэсіяў марыянеткавага рэжыму, ня ў стане нават штосьці адказаць. Хаця і ў гэтых умовах беларусы супроцьстаяць акупантам, як могуць.
    Інфармацыйная атака супраць Беларускага народа распачата ва ўсім сьвеце. Але найбольш -- ва Украіне і ў Беларусі. Ва Украіне скарыстаны эмацыйны стан простых людзей, пацярпелых ад расейскага нападу.
    У Беларусі -- агучыла сябе рускамірская агентура і асабліва дэнацыяналізаванае беларускае "бесталкоўе", якое ненавідзіць само сябе. Сваю нішу тут займае так званая праяўленая "кансэрва" -- асобы, якія перад гэтым выступалі супраць Масквы і за дэмакратыю, набіваючы сабе вядомасьць і ўплыў. 
    Асноўная задача "кансэрвы", троляў і прапагандыстаў -- гэта ўкараненьне дэпрэсіўных настрояў і прышпільваньне беларусам пачуцьця неіснуючай калектыўнай віны за акупацыю Беларусі і за рускую агрэсію супраць Украіны. Прапаганда актыўна вядзецца на эмацыйным узроўні шляхам падтасовак і лагічных маніпуляцыяў, калі ў палітычным нявольніцтве, рэпрэсіях, пакутах і русіфікацыі абвінавачваецца не тэрарыстычная палітыка прамаскоўскага рэжыму, не імпэрская палітыка Масквы, ня рускія акупанты, а самы беларусы, якія церпяць ад гэтай палітыкі.
    Прыём надзвычай подлы, у юрыспрудэнцыі не дапушчальны, але ў інфармацыйным полі для непасьвечаных і для простых людзей ён робіць сваю дэструктыўную справу. 
    Становішча беларускага народу цяпер можна параўнаць са становішчам вязьняў рускага канцлягеру, якім кажуць, што яны самы вінаватыя ў тым, што іх схапілі ў канцлягер.
    Дзікунства інфармацыйнай атакі на беларускі народ найбольш відавочнае ў тым, што беларусы, калі не на 100, то на 99 адсоткаў стаяць супраць вайны з Украінай і прыхільна настаўлены да ўкраінцаў. Беларусь -- гэта не Расея, дзе арда ненавідзіць украінцаў і ня любіць ўвесь сьвет. Беларусы і ўкраінцы ёсьць натуральныя дабразычлівыя суседзі. 
    Але прапаганда супраць беларусаў вельмі шалёная. Гэта частка расейскай інфармацыйнай вайны і агрэсіі супраць Беларусі і Украіны. Супрацьстаяць інфармацыйнаму нападу можна таксама шляхам інфармацыі. Але інфармацыйны супраціў такой палітыцы слабы ва Украіне (як і ўсюды, разумных людзей тут мала чуюць) і амаль поўнасьцю правалены ў Беларусі, дзе вольных СМІ не існуе, а за межамі краіны яны спрэс канфармісцкія з нацыянальна няразьвітымі журналістамі.
    Магчымасьць праўдзівай інфармацыі застаецца толькі ў Інтэрнэце. Гэта значыць, што ролю абароны ад інфармацыйнага наезду на народ можа ўзяць на сябе перадавое беларускае грамадзтва ва ўсім сьвеце.
    Вызначальны паварот будзе залежыць ад таго, прымусіць ці не прымусіць Масква беларускую армію прыняць удзел ў рускай агрэсіі супраць Украіны. Гэта цяпер пытаньне нумар адзін. Масква разьбіваецца ў блін, каб сутыкнуць беларусаў з украінцамі. Бальшыня беларускіх вайскоўцаў ня хоча ваяваць. Але, на жаль, ёсьць асобіны з прамытымі прарасейскімі мазгамі і рускія генэралы ў камандаваньні. І тое трэба ўлічваць.
    Здаецца, што ўсе разумныя рэкамендацыі, каб не ваяваць з Украінай, для вайскоўцаў агучаныя. На ўсё Воля Божая. Але калі б, напрыклад, "сукін сын" (як публічна называюць яго расейцы) аддаў загад войску ісьці на Украіну, то трэба альбо павярнуць зброю супраць "сукінага сына", альбо перайсьці на бок украінцаў. 
    Беларусы не павінны  сьцярпець загаду параноіка пачаць вайну з Украінай. Як казаў адзін шчыры беларус -- усім трэба будзе выйсьці на плошчы ды вуліцы і павешаць "сукінага сына" за ногі галавой уніз, а рускім акупантам сказаць валіць зь Беларусі ў сваю Маскву, пакуль яны тут ня здохлі.  Жорстка гучыць. Але будзьма гатовыя і на такі крок. Гэта вайна.

    23 сакавік 2022 г. Зянон ПАЗЬНЯК

    Posted Mar 24, 2022, 7:57 PM by Адміністратар Навін
  • АКУПАЦЫЯ. КАНСТЫТУЦЫЯ ДЛЯ НЕПАПРАЎНЫХ
            Гэта такая канстытуцыя, якая як быццам, ёсьць, але яе, як быццам, -- няма.
    27-га лютага гэтага года  прыблізна трэць непапраўных грамадзянаў Беларусі пайшлі на ідыёцкі рэфэрэндум галасаваць за ідыёцккую канстытуцыю. У вніку рэжым намаляваў 80 адсоткаў "за" і 15-га сакавіка канстытуцыйная "ліпа" ўступіла ў дзеяньне.
    Ліпа то ліпа, але для Лукашэнкі, Пуціна і непапраўных гэта што?
    Калі для іх гэта "што", то дазволю  для іх нагадаць за што яны нібыта "прагаласавалі".
    Сам Лапаць сваёй рукой ўставіў у тэкст сакрамэнтальныя папраўкі і гэта цяпер для фальсіфікатараў і для непапраўных павінна быць галоўным законам. А палажэньні такія:
    "Артыкул 7. Конституция имеет высшую юридическую силу и прямое действие на всей территории Республики Беларусь."
      "Артыкул 18. Республика Беларусь исключает военную агрессию со своей территории в отношении других государств."
    Ну, што -- уліплі, шалунішкі-нягоднічкі?! Прыдзецца парушаць сваю найноўшую ліпавую канстытуцыю? Ці ня прыдзецца?
    Але жаўнерам і афіцэрам беларускага войска я раіў бы якраз аднесьціся да справы сур'ёзна, напісаць вялікімі літарамі на танках гэтыя  артыкулы лукашысцкай канстытуцыі і не кранацца зь месца. Усіх парушальнікаў лукашысцкай канстытуцыі пасылаць туды, куды рускі карабель паплыў. Бо беларускі выйсковец ня мае права ўрывацца ва Украіну. Маўляў, закон забараняе. Жыве Беларусь!

    15 сакавік 2022. Зянон Пазьняк

    Posted Mar 17, 2022, 4:00 PM by Адміністратар Навін
  • СЬЛЯПАЯ НЯНАВІСЬЦЬ ЦЕМРЫ
            Уся гэтая сьляпая нянавісьць, ўсе гэтыя неразумныя блакаваньні Беларускага народа, ахаіваньне і абплёўваньне беларусаў, што знахадзяцца пад расейскай акупацыяй, пад рэпрэсіямі, у турмах пад катаваньнямі, пад жорсткім перасьледам, усе гэтыя подлыя санкцыі супраць абяскроўленага Беларускага народу пасьля задушэньня пратэстнай рэвалюцыі, народу, які зьнішчаюць акупанты і які перажывае за Украіну, -- усё гэтае аблайваньне беларусаў паказвае на нізасьць абмежаваных людзей, хто тое робіць, выяўляе пачварнае аблічча варожай агентуры, саўковага плебейства, грамадзкай прымітыўнасьці, дэманструе агрэсію сусьветнага зла, якое штурхае Беларусь на сьмерць у Расею тады, калі ў краіне рэпрэсіўна зьнішчана ўся грамадзянская супольнасьць народа і ліквідаваныя нацыянальныя інстытуты народнага існаваньня.
    Як нізка яна ўпала, гэтая неўміручая абывацельская  сьвядомасьць "ўсіх краін, часоў і манкуртаў", калі сталі вінаваціць у "калектыўнай адказнасьці" за расейскую агрэсію задушаны антынародным рэжымам, акупаваны расейцамі, харошы, культурны Беларускі народ, ведаючы, што пад лёзунгамі прыдуманай  "калектыўнай адказнасьці" рускімі камуна-фашыстамі бальшавікамі былі зьнішчаны мільёны людзей. Варвары дзікіх думак нічаму не навучыліся, нічога не засвоілі, ня ведаюць, што гавораць.
    Ідзе цывілізацыйная вайна. У гэтым становішчы па-над цемрай павінны гучэць, як званы, галасы лепшых, разумных людзей -- беларусаў і украінцаў. Голас справядлівасьці мусіць гучэць над ўсім, голас праўды, спагады і гневу. Бо, як пісаў наш сьветлы геній, забіты расейскім мордарам у Маскве: "Гэта бітва йдзе сусьветна між сьвятлом і апраметнай". І пакуль існуе мордар, ня спыніцца зло.
    Мы бачым -- няшчасьце акупацыі нашай краіны, зьнішчэньне нацыі -- гэта нашы праблемы. Разумеем. Фінал вайны будзе ў Беларусі. 
    Зьцерпім усё -- і пераможам. Бо з намі Бог. Ён -- непераможны.

    14 сакавік 2022. Зянон Пазьняк
    Posted Mar 15, 2022, 10:18 AM by Адміністратар Навін
  • ІСНУЕ ШАНЕЦ СКОНЧЫЦЬ З РАСЕЙСКАЙ АКУПАЦЫЯЙ І З РЭЖЫМАМ ЛУКАШЭНКІ
            Беларусь 27 гадоў існавала пад рэжымам унутранай прамаскоўскай акупацыі. 17 студзеня 2022 года краіна трапіла пад зьнешнюю збройную акупацыю Расеі, якая пад выглядам манэўраў і па дамоўленасьці з сатрапам Лукашэнкам увяла на беларускую тэрыторыю армады свайго войска, заняла ўсе важныя ваенныя і цывільныя асяродкі нашай краіны і пачала рыхтаваць напад на Украіну. Акупанты сталі распараджацца на нашай зямлі, рабаваць насельніцтва, карыстацца нашай дзяржаўнай інфраструктурай у агрэсіі супраць Украіны. 
    У цяжкім стане апынулася беларускае войска, якое не аказала супраціву акупантам і якое расейцы імкнуцца ўцягнуць у вайну супраць украінцаў пад выглядам саюзу з Лукашэнкам. 
    50 тысячаў беларусаў лукашысты кінулі за краты, болш за тысячу палітвязьняў знаходзіцца ў турме, беларусы церпяць нацыянальны перасьлед, бяспраўе, знаходзяцца пад жорсткімі, дзікімі рэпрэсіямі прамакоўскага рэжыму, цалкам зьнішчана ўся грамадзянская супольнасьць Беларусі.
    Людзі Беларусі -- супраць акупантаў, супраць Лукашэкі і ягонай рэпрэсіўнай улады. Нянавісьць і злосьць да рэжыму акупантаў павялічваецца і чакае моманту, каб вырвацца на паверхню.
    Такім момантам можа стаць рашучы паварот беларускіх вайсковых аддзелаў на абарону Айчыны супраць расейскіх інтэрвентаў і супраць прадажнага рэжыму Лукашэнкі. Дзеяньні мусяць быць рашучымі, хуткімі і простымі. 
    Якраз: 
    1. Трэба катэгарычна адмовіцца ваяваць супраць Украіны і ад пераходу украінскай мяжы, на што штурхаюць жаўнераў генэралы;
    2. Арыштаваць расейскіх генэралаў, якія камандуюць беларускім войскам;
    3. Накіраваць беларускія войскі і тэхніку на Менск і зьнесьці хунту Лукашэнкі;
    4. Арыштаваць, узяць у палон альбо ліквідаваць акупантаў у Лідзе, Лунінцы, Мачулішчах і іншых захопленых аэрадромах, забраць пад свой кантроль авіяцыю акупантаў і ракетныя комплексы;
    5. Раздаць зброю беларускім дабраахвотнікам і партызанам;
    6. Разам зь беларускім народам ваяваць супраць акупантаў, змагацца за Бацькаўшчыну і свабоду;
    7. Зьвярнуцца да расейскіх вайскоўцаў, каб спынілі агрэсію і вярталіся дадому ў Расею. Ім непатрэбная гэтая вайна. Ім няма справаў у Беларусі;
    8. Збройны выступ арміі і народу Беларусі супраць расейскіх акупантаў і прадажнага рэжыму Лукашэнкі наблізіць крах пуцінскага рэжыму ў Маскве і канец агрэсіі Масквы супарць Украіны.

    Жыве Беларусь! Слава Украіне!

    13 сакавік 2022 г.

    Зянон ПАЗЬНЯК 
    (ад Беларускага Нацыянальнага Сакратарыяту "Вольная Беларусь") 
    Posted Mar 13, 2022, 7:48 PM by Адміністратар Навін
  • АКУПАЦЫЯ БЕЛАРУСІ АГАЛІЛА АГЕНТУРУ

            Пуцін акупаваў Беларусь, увёў сюды свае войскі і напаў на Украіну. І тут прапуцінская групоўка Латушкі-Ціханоўскай паказала прыклады мімікрыі і інфармацыйнай тэхналёгіі.

    "Незалежнасьць губляе Лукашэнка, а не Беларусь", -- заявілі групнікі вуснамі Ціханоўскай. Маўляў, ерунда, тут не акупацыя краіны, гэта Лукашэнка страціў Беларусь. Маўляў, нічога страшнага. І групнікі выдаюць "маніфэст антываеннага руху" -- за дэмакратыю. "Не -- вайне!" -- усклікаюць яны, маўляў, выступайма супраць вайны.

    Не гаворыцца пра расейскую акупацыю краіны, пра канкрэтнага маскоўскага ворага. Тут галоўнае для іх, каб не было нацыянальнага супраціву акупацыі, каб беларусы не ваявалі супарць маскоўцаў ды не зьнішчалі акупантаў, ды не імкнуліся вызваліць Айчыну са зброяй ў руках.

    Гэта ёсьць закамуфляваная, але на самой справе адкрытая нахабная абарона расейскай агрэсіі ў Беларусі, адвядзеньне ўвагі людзей у бок ад барацьбы пад лёзунгам "не -- вайне". Рускамірскі прыём у пацыфісцкай абгортцы.

    Гэтую пуцінскую рускамірскую агентуру трэба сур'ёзна спыняць. Шкоду Беларусі, якую яны ўжо зрабілі, паспрыяўшы маскоўскай акупацыі краіны (агітацыяй за эканамічныя санкцыі і інш.), нельга дараваць ніколі. Яны сталі такой жа праблемай для беларусаў, як Лукашэнка. І гэтую праблему трэба рашаць.

    2 сакавік 2022 год.    Зянон ПАЗЬНЯК

    Posted Mar 4, 2022, 6:00 AM by Адміністратар Навін
  • ПАЦЫФІСЦКІ МАНІФЭСТ ШКОДНІКАЎ
            Сёньня газпрамаўская групоўка напісала "маніфэст антываеннага руху", а Ціханоўская яго па-руску агучыла. Беларусы, якія, магчыма, яшчэ не разумеюць паскуднасьці такой дзейнасьці, ня слухайце гэтай дэмагогіі групнікаў, якія толькі што вяшчалі за "мудрага Пуціна" (яшчэ нават не пераабуліся, скачуць на адной назе). Не чытайце іхных "маніфэстаў".  Не паўтарайце гэтае пацыфісцкае глупства. Трэба змагацца з расейскімі акупантамі ўсімі збройнымі спосабамі. Няхай спаткае акупантаў наша куля. Хай яны захлынуцца ад гарэлкі і падавяцца нашым хлебам. Хай іх разарве на часткі і спаліць наша памста. Прэч з нашай зямлі! Сьмерць расейскім акупантам! Жыве вольная Беларусь! Слава Украіне!

    2 сакавік 2022.   Зянон Пазьняк

    ПОСТ СКРЫПТУМ
    У Расеі, некаторыя людзі, што разумеюць крыху больш за іншых, выступаюць нясьмела супраць вайны пад лёзунгам "НЕТ ВОЙНЕ!". Тут, праўда, схавана сутнасьць зьявы, лёзунг якой (калі па-праўдзе) мог бы быць: "РАСЕЯ, СПЫНІ ВАЙНУ СУПРАЦЬ УКРАІНЫ". Ну, але як ёсьць. У іх такое магчыма.
    Прамаскоўскія групнікі зь Вільні  імкнуцца прыклеіць гэтае расейскае гуканьне да акупаванай Беларусі. Маўляў, ня трэба ваяваць і зьнішчаць акупантаў, гукайма "Нет вайне". Прапануюць нават "выводить из строя технику". Чыю тэхніку, драні? Беларускую? Яны ўжо гукалі пра эканамічныя санкцыі супраць Беларусі. Наклікалі акупацыю краіны. Вось так паліцца агентура. (Праўда, цяпер ўжо могуць паставіць  на сабе крыж)
    Дарэчы. На беларускай чыгунцы зьнішчылі электронныя шчыткі кіраваньня. (Чамусьці гэты ўчынак прыпісалі Байполу.)  Моцны ўдар па беларусах, вялізныя чэргі на вакзалах, людзям цяжка выехаць і прыехаць. А рускія эшалоны са зброяй і жывой сілай як ішлі праз Беларусь, так і йдуць. Вось такія справы. Павучыліся б у дзядоў, як цягнікі пад адхон пускаць, ня робячы сабе шкоды.

    2 сакавік 2022.   Зянон Пазьняк
    Posted Mar 3, 2022, 2:27 AM by Адміністратар Навін
  • ШЫБЕНІЦА
            Сёньня, 26 лютага 2022 года, я спаткаў у Варшаве беларускага ўцекача ад акупацыі і рэжымнага перасьледу. Задаю пытаньне: 
    -- Дык што рабіць з Лукашэнкам, калі разваліцца Расея і здохне Пуцін? (А ён здохне.)
    Адказ не зьдзівіў, і нават ня ўразіў, але прымусіў задумацца.
    -- Павешаць, -- кажа дзядзька. 
    -- Суд такога не прысудзіць, -- кажу я.
    -- Ня трэба ніякіх судоў і ніякой "Гагі", -- адсек суразмоўца. -- Павешаць сукінага сына за ногі, каб доўга здыхаў, як Мусаліні. Беларусь разбурыў, народ панішчыў, акупантаў упусьціў, краіну зглуміў. Ніякай Гагі, курва! На шыбеніцу!
    О-о-о, думаю, нешта рушыцца ў галовах электарата.

    З.П.

    Posted Feb 26, 2022, 12:24 PM by Адміністратар Навін
  • №3 ПАПЯРЭДЖАНЬНЕ АБ НЯЎДЗЕЛЕ Ў ФАЛЬШЫВЫМ РЭФЭРЭНДУМЕ
    №1
    НЯ ЙДЗІЦЕ НА ФАЛЬШЫВЫ РЭФЭРЭНДУМ. 
    НЕ ПАДТРЫМЛІВАЙЦЕ ЗДРАДУ

    Здраднік і нішчыцель беларускай нацыі Лукашэнка, які адчыніў дарогу расейскім акупантам і здаў Беларусь пад расейскую акупацыю, хоча заўтра, 27 лютага, правесьці незаконны рэфэрэндум аб увекавечваньні сваёй прамаскоўскай нелегітымнай ўлады. 
    Беларусы! Ня йдзіце на гэты рэфэрэндум. Тут пастка. Рэфэрэндумы пад час акупацыі і вайны не праводзяцца. Гэты злачынец Лукашэнка разбурыў Беларусь, зганьбіў наш народ, падтрымаў маскоўскіх агрэсараў, што напалі на братнюю Украіну. Калі нашы людзі (ня дай, Божа) прыйдуць на ўчасткі для галасаваньня, гэта дазволіць злачынцам хаваць фальсіфікацыю і казаць пра падтрымку народам іхных дзеяньняў, бо ня мае значэньня для фальсіфікатараў, хто як будзе галасаваць. Абы прышлі галасаваць, а галасы прыдумаюць. Не давайце магчымасьці схавацца за народ ворагам Беларусі. Хай фальсіфікуюць у пустаце, хай усе бачаць іхнюю хлусьню і здраду. Фальшывы рэфэрэндум ніхто не прызнае.
    Не падтрымлівайце здрадніцкі рэжым. Не падтрымлівайце ягоны фальшывы рэфэрэндум. 
    Ня слухайце розных агентурных прарэжымных і прамаскоўскіх зазывалаў. Гэта не сябры Беларусі. Дбайма пра будучыню Бацькаўшчыны. Прэч пуцінскіх акупантаў! Прэч Лукашэнку і яго антынародны рэжым!
    Жыве Беларусь!

    26 люты 2022 г.
    Зянон ПАЗЬНЯК
    (ад Беларускага Нацыянальнага Сакратарыяту "Вольная Беларусь")

    -----------------------------------------------------------

    № 2
    ХАПУН ПАСЬЛЯ РЭФЭРЭНДУМУ

    Толькі што атрымана інфармацыя зь Беларусі.
    Зафіксаваны загад Пуціна (Лукашэнка ўжо не распараджаецца) беларускім спэцлужбам і мабільным рэпрэсіўным атрадам, каб з тых, што прыйдуць галасаваць на рэфэрэндум, арыштоўвалі і хапалі маладых беларусаў ды завозілі ў ваенкамат. (Як трэба разумець, дзеля мабілізацыі і адпраўкі на бойню ва Украіну.)
    Спэцыяльная перасьцярога бацькам. Паклапаціцеся пра вашых дарослых дзяцей. 

    26 люты 2022 г.
    Зянон ПАЗЬНЯК

    ----------------------------------------------

    №3
    ПАПЯРЭДЖАНЬНЕ АБ НЯЎДЗЕЛЕ Ў ФАЛЬШЫВЫМ РЭФЭРЭНДУМЕ

    Антыбеларускі рэжым і яго спэцслужбы сфармавалі на працягу лютага гэтага году мабільныя рэпрэсіўныя групы з гэбістаў, былых спэцназаўцаў, амонаўцаў, адстаўных элемэнтаў і іншых, узброілі іх і паставілі задачу выхопліваць падазроных элемэнтаў на ўчастках для галасаваньня. У выпадку супраціву -- ужываць зброю.
    Зразумела, што гэтыя "групы" выстаўленыя ў якасьці правакатараў, каб задзейнічаць супраць народу збройныя сілы (у тым ліку сілы  акупантаў) і патапіць у крыві, пастраляць "экстрэмістаў-нацыяналістаў". (Зважайма, што на двары акупацыя, вайна і акупантам "не да законаў")
    Гэтак жа, як 7 жніўня 2020 года, я мушу папярэдзіць беларусаў. Ня йдзіце галасаваць на фальшывы рэфэрэндум. Пуцінска-лукашысцкія бандыты рыхтуюць расправу над народам. Ня слухайце прарасейскую агентуру (асабліва групоўкі Латушкі-Ціханоўскай, "Страну для жызьні", "Голас" і іншых, якія заклікаюць беларусаў ісьці галасавааць на  рэфэрэндум; тут правакацыя безадказных асобаў.)
    Трэба прапусьціць гэты дзень міма і зьберагчы людзей ад турмы, сьмерці і калецтва, зьберагчы сілы. Наперадзе час, калі беларусы выйдуць шчыльнымі радамі, каб пахаваць здрадніцкі рэжым разам зь яго маскоўскім халуём.
    Жыве Беларусь!

    26 люты 2022 г.
    Зянон ПАЗЬНЯК
    Posted Feb 26, 2022, 12:20 PM by Адміністратар Навін
  • ЗАЯВА БЕЛАРУСКАГА НАЦЫНАЛЬНАГА САКРАТАРЫЯТУ "ВОЛЬНАЯ БЕЛАРУСЬ"
            У сувязі з акупацыяй Беларусі расейскім акупацыйным войскам; у сувязі з нападам расейскіх узброеных сілаў на Украіну і ў сувязі зь небясьпекай 3-й сусьветнай вайны Беларускі Нацыянальны Сакратарыят "Вольная Беларусь" бярэ на сябе адказнасьць за палітыку беларускага супраціву расейскім акупантам і выступае ў якасьці альтэрнатыўнага ураду змагарнай Рэспублікі Беларусь.
    Мы заяўляем аб падтрымцы вольнай Украіны і яе барацьбы супраць расейскага агрэсара. Мы сьведчым, што расейскія акупацыйныя войскі зьявіліся ў Беларусі ў выніку агрэсіўнай палітыкі Масквы і ў выніку здрады і садзеяньня інтэрвентам з боку Аляксандра Лукашэнкі, улада якога не прызнаная беларускім народам і нікім на сьвеце, акрамя Расеі.
    Мы сьведчым аб недальнабачнай прамаскоўскай, пазыцыі групы, сабранай вакол Сьвятланы Ціханоўскай, памылковыя дзеяньні якой паспрыялі рэпрэсіям і акупацыі Беларусі Пуцінскай Расеяй. 
    Мы заклікаем беларусаў яднацца пад Беларускім  нацыянальным Бел-Чырвона-Белым Сьцягам пад лозунгамі свабоды, волі, незалежнасьці, дэмакратыі, салідарнасьці і адзінства беларусаў супраць маскоўскай акупацыі і супраць прамаскоўскага антынароднага рэжыму Аляксандра Лукашэнкі. 
    Няхай жыве вольная, незалежная Беларусь! Прэч маскоўскіх акупантаў! Слава Украіне!

    24 люты 2022 год
    Беларускі Нацыянальны Сакратарыят "Вольная Беларусь"
    ----------------------------------------
    (Каардынацыя БНС: Зянон Пазьняк, <bielnacsak@gmail.com>)

    Posted Feb 24, 2022, 7:43 AM by Адміністратар Навін
  • ЗВЕРНЕННЯ ДО БІЛОРУСЬКОЇ АРМІЇ
         Путінська кремлівська кліка під виглядом військових маневрів окупувала Білорусь, ввела на нашу територію свої війська, танки, ракети та літаки. Окупанти господарюють і роблять на нашій землі все, що хочуть.
        Сьогодні, 24 лютого, о 4 ранку Росія напала на Україну. Росіяни бомбардують українську військову інфраструктуру, аеродроми та міста. Російські танки рухалися з Криму та зі сходу до Харкова та Маріуполя. Українська армія захищає Батьківщину. Українці готові воювати за свою землю. Президент України дав розпорядження про роздачу зброї людям, які здатні захищати Батьківщину.
        Російські окупанти в Білорусі переодягнули своїх бійців у білоруську військову форму, знайшли білоруські шеврони і готуються атакувати українців під виглядом білорусів. Росіяни вже обстріляли Чернігівську область з Білорусі.
        Наше звернення з цього приводу до білоруських військових і білоруської армії: не стріляйте в українців, не стріляйте в Україну. Переведіть зброю проти російських окупантів у Білорусі, знищуйте їх усіма засобами та видами зброї. Це конституційний обов’язок кожного білоруського солдата і кожного білоруса. Якщо неможливо повернути зброю проти окупантів, переведіть цілі підрозділи на бік українців.
        Смерть російським окупантам! Живе Білорусь! Слава Україні!

    24. 02. 2022.
    Зянон ПАЗЬНЯК 
    (Ад Беларускага Нацыянальнага Сакратарыяту "Вольная Беларусь")

    Posted Feb 24, 2022, 7:40 AM by Адміністратар Навін
  • АДОЗВА ДА БЕЛАРУСКАГА ВОЙСКА
            Крамлёўская кліка Пуціна акупавала Беларусь пад выглядам ваенных манеўраў, завезла на нашу тэрыторыю сваё войска, танкі, ракеты і самалёты, акупанты гаспадараць і робяць, што хочуць на нашай зямлі. 
    Сёньня, 24 лютага, а 4-й раніцы Расея напала на Украіну. Расейцы бамбардуюць ракетамі ўкраінскую ваенную інфраструктуру, аэрадромы і гарады. Расейскія танкі рушылі з Крыму і з усходу на Харкаў і Марыёпаль. Украінская армія бароніць сваю Айчыну. Украінцы гатовыя змагацца за сваю зямлю. Прэзыдэнт Украіны выдаў распараджэньне раздаваць зброю народу тым, хто здольны да абароны сваёй Радзімы.
    Расейскія акупанты ў Беларусі пераапранулі сваіх жаўнераў у беларускую ваенную форму, нашылі беларускія шэўроны і рыхтуюцца напасьці на украінцаў пад выглядам беларусаў. Расейцы ўжо абстралялі Чарнігаўскую вобласьць з боку Беларусі.
    Наш зварот у сувязі з гэтым да беларускіх вайскоўцаў і беларускай арміі: не страляйце ва ўкраінцаў, не страляйце ў бок Украіны. Паварочвайце зброю супраць расейскіх акупантаў у Беларусі, зьнішчайце іх усімі спосабамі і відамі зброі. Гэта ёсьць канстытуцыйны абавязак кожнага беларускага жаўнера і кожнага беларуса.  Пры немагчымасьці разьвярнуць зброю супраць акупантаў, пераходзьце цэлымі аддзеламі на бок украінцаў.
    Сьмерць расейскім акупантам! Жыве беларусь! Слава Украіне!

    24 люты 2022 год
    Зянон ПАЗЬНЯК 
    (Ад Беларускага Нацыянальнага Сакратарыяту "Вольная Беларусь")
    Posted Feb 24, 2022, 7:38 AM by Адміністратар Навін
  • ЖАЎНЕРЫ БЕЛАРУСІ
    Сёньня (16-02-2022) "дэмсмі" надрукавалі матэрыял пра "усе" галадоўкі і ўсіх галадоўшчыкаў за часы прамаскоўскага рэжыму (мы іх разумеем). Не напісалі толькі ("выпадкова", вядома) пра героя Беларусі, узнагароджанага за гераізм мэдалём Рады БНР -- Сяргея Каваленку. 
    Сяргей Каваленка -- вядомая асоба ў гісторыі беларускай барацьбы. 7-га студзеня 2010 года Сяргей адкрыта і дэманстратыўна вывесіў вялікі беларускі нацыянальны сьцяг на галоўнай навагодняй  елцы горада Віцебска. Яго схапілі амапаўцы, жорстка зьбілі і кінулі за краты. У турме Каваленка аб'явіў галадоўку. 
    Зрэшты, прывяду некалькі цытатаў з тагачаснага друку:
    <<<<<
     "Сяргей Каваленка працягвае галадоўку ў Мінскім рэспубліканскім турэмным шпіталі, хоць і вельмі слабы, яго вага зараз складае каля 50 кілаграмаў. Адміністрацыя турэмнага шпіталя робіць захады па прымусовым вывадзе вязня з галадоўкі...." 

    "Каваленку прымусова робяць ін’екцыі
    19 сакавіка з палітвязнем Сяргеем Каваленкам у турме на вуліцы Валадарскага сустрэўся ягоны брат Віталь Каваленка і сямігадовы сын Валянцін. Пасля спаткання Віталь Каваленка паведаміў, што Сяргей амаль цалкам ляжачы і з цяжкасцю прыйшоў у пакой для спаткання.

    «Яго абколваюць лекамі. Гэта робяць у камеры ў прысутнасці васьмі міліцыянераў. Гэта супраць ягонай волі, ён увогуле адмаўляецца, каб яму штосьці калолі. Я запытаўся, чым абколваюць, а ён кажа — мне зусім невядома, што мне колюць. Ён стаў пачувацца яшчэ горш."

    21 сакавіка на спатканне з Сяргеем Каваленкам хадзіла яго жонка Алена Каваленка.

     « Я была з дачкой. Ён прыйшоў вельмі худы, вельмі слабы і знясілены. Відавочна, што цяжка яму рабіць рухі, нага амаль не рэагуе. Каб перакінуць нагу праз лаўку, дапамагаў сабе рукамі. Колер скуры жоўты. Тэмпература вагаецца паміж 35,1–35,2. Вага тры дні таму была 50 кілаграмаў, больш не ўзважвалі. Аддзялення сліны ўжо няма. Кропельніцы яму ставяць па-ранейшаму прымусова, як прывязваюць да ложка. 8 чалавек пры гэтым прысутнічае. Каля камеры, дзе яго трымаюць, трывала дзяжураць два супрацоўнікі, усю ноч гучна размаўляюць. Кажа — можа, гэта наўмысна робяць, каб пазбавіць яго адпачынку?
     Алена Каваленка сказала, што муж па-ранейшаму не збіраецца спыняць галадоўку і заяўляе, што будзе працягваць змаганне за справядлівасць."
    https://humanrightshouse.org/articles/%D1%81%D1%8F%D1%80%D0%B3%D0%B5%D1%8F-%D0%BA%D0%B0%D0%B2%D0%B0%D0%BB%D0%B5%D0%BD%D0%BA%D1%83-%D0%BF%D1%80%D1%8B%D0%BC%D1%83%D1%81%D0%BE%D0%B2%D0%B0-%D0%B2%D1%8B%D0%B2%D0%BE%D0%B4%D0%B7%D1%8F%D1%86/

    "Галадоўкі Сяргея Каваленкі агулам доўжыліся каля 3 месяцаў, за час якіх ён схуднеў на 40 кілаграмаў".
    https://be.wikipedia.org/wiki/%D0%A1%D1%8F%D1%80%D0%B3%D0%B5%D0%B9_%D0%90%D0%BB%D1%8F%D0%BA%D1%81%D0%B0%D0%BD%D0%B4%D1%80%D0%B0%D0%B2%D1%96%D1%87_%D0%9A%D0%B0%D0%B2%D0%B0%D0%BB%D0%B5%D0%BD%D0%BA%D0%B0 

    >>>>>>>
    Цяпер зноў вернемся ў наш час, у пачатак 2022 года. 
    Я праглядзеў некалькі відэазапісаў, дзе Сяргей Каваленка выступае ў Варшаве сярод "невероятных" і рэжа праўду матку лапідарна, як сякерай сячэ. А вакол яго "невероятные" спадарыні рознага ўзросту гэтак па-руску супярэчаць яму, хіхікаюць, круцяць носікам. Ён ім пра Вялікае Княства, пра Беларусь, пра маскоўскую арду ды пра Пуціна-злачынцу, што гробіць Беларусь, а яны: "Да? Неужелі? Хі-хі, непонятно, как это?" А Каваленка: "Непонятно, таму што вы глупыя, кніжкі трэба чытаць."  Вось такі "дыялог". 
    Невероятные нэрвуюцца, адключаюць Каваленку мікрафон, завочна абзываюць яго гопнікам, прымітывам, правакатарам і так абураюцца, так абураюцца... Ён ім здаецца такім некультурным. 
    Сапраўды, Каваленка ўпарты, просталінейны і настырны, і лексіка яго рабочая (ён будаўнік). 
    Але горкая праўда ў тым, што шурпаты, гучны і недалікатны Каваленка, калі трэба, пакладзе галаву за Беларусь і пойдзе за краіну на сьмерць. Мы гэта ведаем, і ён тое ўжо даказаў, калі на Нараджэньне Хрыстова ўзьняў Беларускі Бел-Чырвона-Белы Сьцяг у цэнтры горада над Віцебскам (разумеючы, што яго схопяць і кінць за краты), калі больш за два месяцы пратэстна галадаў у турме, страціў 40 кілаграмаў вагі і адмаўляўся падпісваць прапанову для Лукашэнкі аб памілваньні, быў гатовы на сьмерць. Гэта я (як старшыня партыі КХП-БНФ) прымусіў яго падпісаць лукашэнкаўскую паперу аб памілваньні, калі стала вядома, што яго хочуць кінуць у псіхушку і там зьнішчыць. 
    Антынародны рэжым мог такое зрабіць, бо лявацкая Эўропа не ўступілася за нацыянальнага патрыёта і сябра Хрысьціянскай партыі, а член Савета па правах чалавека пры прызыдэнце Расеі (фінансуецца Крамлём) нейкая С. Ганнушкіна, замест таго, каб падтрымаць беларускага вязьня, выступіла нават з гнеўным (каб не сказаць гнюсным) лістом супраць Каваленкі, абураная яго словамі супраць імпэрскай палітыкі Масквы. 
    І тут лукашысты зразумелі, што калі яны Каваленку кончаць, то ім нічога ня будзе -- ні Эўропа, ні тым больш Масква, ня ўступяцца. (Дарэчы, пасьля падпісаньня паперы Каваленку ўсё ж укінулі ў Навінкі, псіхіятрычная экспэртыза прызнала яго здаровым.)
    Такім чынам Каваленка застаўся жыць, але быў вымушаны ўцячы за мяжу ў Польшчу. 
    Аб'ектыўна гэтыя "невероятные" спадарынькі, што не чытаюць кніжак і па-руску круцяць пальчыкам перад Каваленкам, не дарасьлі яму і да пятак. Яны ўжо даўно бязмозгла здалі і Беларусь, і беларускую мову, і беларускі народ, і пабягуць да "мудрага" забойцы Пуціна за проста так, абы не за Лукашэнку. 
    Трэба бачыць, чуць і разумець праўду. Трэба глядзець наўпрост, расплюшчыўшы вочы. Час, які мы, беларусы, перажываем цяпер, агаліў сутнасьць падзей і сутнасьць людзей, каб людзі ўбачылі, што нас, нашу нацыю і народ, хочуць сьцерці з твару зямлі. І гэта пачалося ня сёньня і ня ўчора. 
    У такіх абставінах у нацыі няма лішніх людзей. Няма лішніх, акрамя здрады. Мусяць быць ня толькі думальнікі і працаўнікі слова, але і жаўнеры Беларусі, здольныя яе бараніць не на жывот, а на сьмерць усюды перад расьперазаным злом.
    Нішто ня будзе забыта. Бо забыцца пра тое зло, што зрабілі і робяць беларусам імпэрская Масква і прадажныя лукашысты, -- нельга. Кара ім незваротная. Беларусь пераможа. Беларусь будзе жыць. Баранем і беражэм нашу Айчыну.

    16 люты 2022 год Зянон ПАЗЬНЯК
    Posted Feb 19, 2022, 4:41 AM by Адміністратар Навін
  • ТОЛЬКІ ЗБРОЙНАЯ БАРАЦЬБА БЕЛАРУСАЎ СУПРАЦЬ РУСКІХ АКУПАНТАЎ ПАКІНЕ БУДУЧЫНЮ БЕЛАРУСІ (аўдыё-відэа)

    Выступ, аўдыё-відэа:
    https://www.youtube.com/watch?v=mnshnp48VO8 
    Posted Feb 19, 2022, 4:38 AM by Адміністратар Навін
  • ТОЛЬКІ ЗБРОЙНАЯ БАРАЦЬБА БЕЛАРУСАЎ СУПРАЦЬ РУСКІХ АКУПАНТАЎ ПАКІНЕ БУДУЧЫНЮ БЕЛАРУСІ

        Пачынаючы з 17-га студзеня 2022 года Беларусь падверглася акупацыі расейскай ваеншчынай. Цяпер краіна цалкам акупавана. Акупанты праводзяць вайсковыя псэўдавучэньні (каб напалохаць Украіну) і ствараюць у Беларусі акупацыйную інфраструктуру, уводзяць кантрольны рэжым (праверка дакумантаў ва ўсіх беларусаў, што едуць самаходамі на дарогах), будуюць казармы і гарнізоны.

    Захад робіць выгляд, што нічога не разумее і ня бачыць. З сур'ёзнай чэмбэрленаўскай упэўненасьцю заходнія палітыкі гавораць пра нібыта "манеўры" ў Беларусі, куды ўламаліся амаль дзьве расейскія арміі і армада збройнай тэхнікі з усёй Расеі.

    Але вось, нарэшце, Захад, як быццам, пачаў нешта казаць у сваім класічным прытворным стылі. Далей цытата:

    "Сэнатар-рэспубліканец Джэймс Лэнкфард унёс у верхнюю палату Кангрэсу ЗША праект «Закону аб адказнасьці Беларусі за агрэсію»...

    «Беларусь упускае ў сваю краіну тысячы расейскіх вайскоўцаў на мяжу з Украінай", -- гаворыцца ў праекце ...

    "Праект закону прадугледжвае, што ЗША ня будуць рабіць адрозьненьняў паміж Расеяй і Беларусяй.., да Беларусі будуць ужытыя жорсткія эканамічныя і дыпляматычныя санкцыі» https://www.svaboda.org/a/31700182.html

    Вось так, спадары Беларусы. Салдафонскае "мысьленьне" сьведчыць Вам ўсім (і патрыётам, і "невераятным", і "нашпрэзідзентам", і "зачэмэтатязык") сьведчыць, што гэта, аказваецца, Вы вінаватыя ў тым, што Вас акупавалі і ўзялі ў закладнікі ворагі нацыі. Таксама Вы, маўляў, не закладнікі агрэсараў, Вы "агрэсары". Па-іхнаму, па-заходняму, гэта не расейскіх акупантаў, а Вас трэба прыдушыць эканамічнымі санкцыямі за тое, што Вас, закладнікаў, гнобяць, кідаюць ў турмы, катуюць, звальняюць з працы, зьневажаюць лукашысты і ворагі чалавецтва. Санкцыі на Вас, прыдушаных у вязьніцах, абрабаваных, запалоханых, бяспраўных ды беспрацоўных -- санкцыі! За Лукашэнкам -- Пуцін. А вы -- хто?

    Тут -- логіка "варвараў" у белых манішках, пуцінскае думаньне ў заходніх мазгах. Памятаем -- захапілі школу чачэнцы ў Беслане, тысяча дзяцей у закладніках. Страляць па ўсіх з танкаў і вогнямётаў загадаў крамлёўскі Пуцін -- сотні трупаў. Захапілі тэатр на Дуброўцы, гледачы ў закладніках. Загадана пусьціць газ -- 130 трупаў. Падрывы дамоў з жыхарамі ў Маскве й Волгадонску... -- 300 трупаў.

    За тое, што Масква ўдзерлася ў наш беларускі дом, могуць яшчэ і бомбы на нашыя галовы зьлятаць, каб памяталі, як п'яны прыпеў, што "Пуцін мудры", "абы вайны не было" і што Расея Ваш "друг". Захад Вас навучыць Маскву палюбіць. Кланяйцеся да зямлі паганай Маскве.


        Гэта, вядома, іранічны пасаж і публіцыстыка. Ня трэба крыўдаваць, браты-беларусы, бо ў тут праўда. Але калі сур'ёзна -- выснова простая і вечная, як сьвет: калі ня будзе, як найхутчэй, беларускага збройнага супраціву маскоўскім акупантам, -- нас, беларусаў, закапаюць і расейцы, і Захад (з дапамогай газпрамаўскіх калабарантаў) і абвінавацяць яшчэ ў агрэсіі і вайне, і забяруць усё, і разьдзяруць на часткі. Такое было не адзін раз у нашай гісторыі.

    Тое што адбылося цяпер і што адбываецца на нашых вачах, мы назіраем (і пастаянна паведамляем) ад самага пачатку татальнай інвазіі расейскай ваеншчыны на Беларусь.

    Пад гучную і ў значнай частцы фальшывую кампанію (разьвязаную Вашынгтонам і Крамлём) аб баццам бы немінучым збройным нападзе Расеі на Украіну, адбылася акупацыя Беларусі расейскім войскам і рыхтуецца яе поўны аншлюс.

    Прапаганда аб расейскай пагрозе Украіне стала дымавой заслонай над захопам Беларусі для палітычных маніпулятараў. Паўтаруся: маўчаньне Захаду аб відавочнай, нахабнай, маштабнай акупацыі Беларусі Расеяй і дурацкія законапраекты ў Верхняй палаце Кангрэсу ЗША аб пакараньні Беларускага народа «за агрэсію» – гэта ня ёсьць вынік неразуменьня і палітычнай блізарукасьці адпаведных палітыкаў. Захад ня хоча нічога бачыць, таму што гуляе ў эгаістычную сваю гульню аб уладзе і інтарэсах. Гэтак жа, як гуляе Крэмль (ня кажам ужо пра Лукашэнку).

    Першае, што трэба цяпер неадкладна рабіць беларусам у такой сітуацыі, гэта зьвярнуцца ў ААН, у Раду Бясьпекі ААН, у Місію ЗША пры Радзе Бясьпекі ААН з патрабаваньнем прызнаць Расею краінай агрэсарам і акупантам, і, галоўнае, -- засьведчыць Беларусь акупаванай краінай.

    Толькі трэба ведаць, хто сядзіць у Радзе Бясьпекі і хто распараджаецца ў ААН (каб ня мець ілюзій). Мы (Беларускі Нацыянальны Сакратарыят «Вольная Беларусь») 31-га студзеня гэтага году ўжо зьвярталіся і на паседжаньне Рады Бясьпекі, і ў Місію ЗША пры Радзе Бясьпекі аб акупацыі Беларусі і аб вывадзе зь Беларусі акупацыйных расейскіх войскаў. Вынік быў прадказальны (я глядзеў непасрэднае ўключэньне паседжаньня Рады Бясьпекі).

    Тым ня менш усім Беларускім арганізацыям трэба пісаць у ААН. Наша краіна Беларусь ёсьць сябрам і фармальна заснавальнікам ААН. Трэба звяртацца туды абавязкова, але не спадзявацца, бо ў гэтай сітуацыі ёсьць толькі адзін рэальны шанец прызнаньня Беларусі акупаванай краінай – гэта збройная барацьба беларусаў супраць рускіх акупантаў. Ворага трэба зьнішчаць.

    Супраціўляймася акупацыі і акупантам дзеля волі, свабоды і будучыні Беларусі.


    12 люты 2022 год

    Зянон Пазьняк

    (Ад Беларускага Нацыянальнага Сакратарыяту "Вольная Беларусь")

    Posted Feb 13, 2022, 12:22 PM by Адміністратар Навін
  • СПАСЫЛКІ
    Пазьняк - Расейскія акупанты займаюць нашыя гарады і мясцовасьці пад выглядам манёўраў уздоўж мяжы
    https://www.youtube.com/watch?v=hgACRf1WdKI


    4 люты, 2022 год. Зянон ПАЗЬНЯК, ШТО ТРЭБА ВЕДАЦЬ ПРА РЭФЭРЭНДУМ
    https://www.youtube.com/watch?v=OXrgLbRnoY4


    Зянон Пазьняк, ЗВАРОТ ДА БЕЛАРУСАЎ, 8 люты 2022 г.
    https://www.youtube.com/watch?v=H3sg4lYLxYQ


    Зянон Пазьняк 15 снежань 2021 год (Ад Беларускага Нацыянальнага Сакратарыяту "Вольная Беларусь")
    https://www.youtube.com/watch?v=b_rZyQOlkBc
    Posted Feb 11, 2022, 7:38 AM by Адміністратар Навін
  • СЬВЕДЧАНЬНЕ ПРА АБАВЯЗАК

    Мы, беларусы, перажываем цяпер гістарычна небясьпечны пэрыяд, які можна параўнаць у нашай мінуўшчыне хіба што з канцом ХVІІІ-га тагоддзя -- падзелам Беларусі і Рэчы Паспалітай паміж імпэрскай Эўропай і імпэрскай Расеяй.

    Рэальна зараз адбываецца разбурэньне Беларускай дзяржавы. Разбураюць нашу краіну тыя ж самыя геапалітычныя актары (сілы) -- імпэрыялістычная Расея і саюзная Эўропа пад уплывам немцаў. Маем і кіруемага "Панятоўскага", і "Таргавіцу", і неразуменьне наступстваў.

    Вельмі небясьпечнае ў гэтым становішчы тое, што непрыяцелі разбурылі моцны арганізаваны беларускі нацыянальны супраціў і што ягонае месца мэдыйна заступіла зрусіфікаваная псэўда-альтэрнатыва, ськіраваная на Маскву і скарыстаная Эўразьвязам. Гэта прыводзіць да дызарыентацыі і дэзарганізацыі грамадзтва.

    Беларусам трэба гуртавацца зараз ва ўсім сьвеце ў розных формах па нацыянальных прынцыпах пад гасламі ўратаваньня Айчыны:

    -- Беларусь перад усім;

    -- Беларуская мова;

    -- Беларуская незалежнасьць;

    -- Беларуская свабода;

    -- Прэч лукашысцкі рэжым;

    -- Пуцінская Расея -- вораг Беларусі.

    Настаў вырашальны час. Цяперашнім беларусам выпаў лёс і абавязак ратаваць Айчыну. Памятайма пра прыярытэты стану. Калі будзе дзяржава Беларусь, калі будзе Беларуская мова, калі будзе незалежнасьць і свабода -- тыды стане магчымым усё астатняе.


    15 сьнежань 2021 г.

    Ад Беларускага Нацыянальнага Сакратарыяту

    Зянон ПАЗЬНЯК 

    Posted Feb 10, 2022, 2:20 PM by Адміністратар Навін
  • ЗВАРОТ ДА БЕЛАРУСАЎ
        Гэты мой зварот да ўсіх беларускіх суполак, арганізацыяў, Інтэрнэт-старонак, таварыстваў, партый, згуртаваньняў і актыўных асобаў.
        Адвечны вораг Беларусі ўламаўся ў наш дом. Гэта не манёўры. Гэта расейская акупацыя Беларусі і пагроза Украіне пад выглядам манёўраў. Калі не супраціўляцца і маўчаць -- мы можам страціць дзяржаву і краіну.
        Акупанты не пакінуць нашу зямлю, хіба часткова паказальна ад'едуць, пакінуўшы танкі, ракеты і зброю, каб імгненна вярнуцца, пакуль жыве іх сатрап. 
        Заклікаю ўсіх беларусаў замежжа выказацца пра расейскую інтэрвэнцыю і акупацыю Беларусі расейскім войскам, засьведчыць пратэст, патрабаваць спыніць расейскую інвазію і выдаліць акупацыйныя войскі зь Беларусі. 
        Патрыётам Беларусі ў Бацькаўшчыне прапаную пачаць партызанскую барацьбу з акупантам. Гэта вырашыць шмат.
        Тэма акупацыі трэба каб гучэла кожны дзень на ўсіх беларускіх рэсурсах, ва ўсіх беларускіх арганізацыях і суполках.
        Заклікаю быць гатовымі да стварэньня Беларускіх дабраахвотніцкіх аддзелаў за мяжой. Толькі барацьба з нашэсьцем зьберажэ нам будучыню Айчыны.
     Жыве Беларусь!

    8 люты 2022 г. 
    Зянон ПАЗЬНЯК 
    (Ад Беларускага Нацыянальнага 
    Сакратарыяту "Вольная Беларусь")
    Posted Feb 9, 2022, 6:11 AM by Адміністратар Навін
  • АКУПАЦЫЯ. ДЗЕНЬ 21-Ы
         Расейскія акупанты  займаюць нашыя гарады і мясцовасьці пад выглядам манёўраў уздоўж мяжы з Украінай. Расейскія войскі ўжо па ўсёй Беларусі. Няма іх пакуль што толькі на поўначы Віцебскай вобласьці.
         Колькі жывой сілы акупантаў уламалася ў Беларусь пакуль што цяжка падлічыць. Тыдзень таму іх было 30 тысячаў. Вельмі шмат танкаў, ракетных установак, баявых машынаў пяхоты. На нашых аэрадромах ужо абселі дзясяткі сучасных ваенных расейскіх самалётаў і бамбавікоў. У Лунінцы і іншых месцах акупанты сталі будаваць казармы і дамы для афіцэраў. 
        Гэта цяжкі ганебны час. Найбольш ганебнай ёсьць цішыня вакол расейскага ваеннага ўварваньня ў Беларусь. 
        Адпор мусіў бы быць хуткі і моцны. Яго няма. І гэтая цішыня можа паставіць крыж на нашай дзяржаве. 
        Лісты, якія мы (Беларускі Нацыянальны Сакратарыят "Вольная Беларусь") адаслалі ў Раду Бясьпекі ААН, па ўсёй Эўропе і па ўсім эўрапейскім друку ня будуць мець ніякага значэньня без адпору акупантам у Беларусі.
     Сталі чуваць разважаньні (такія тыповыя), што калі пасьля 20-га лютага расейцы ня вывядуць свае войскі зь Беларусі, то толькі тады можа пачацца партызанская барацьба, але не раней. 
        Аднак адцягваньне барацьбы ня лепшы варыянт. Задача маскоўцаў была пад шум і прапаганду аб нападзе на Украіну ціха захапіць Беларусь. Яны ня зьнікнуць. Акупантаў трэба граміць адразу. 
        Інтэрвэнцыя ідзе поўным ходам. Пасьля 20-га лютага частку войска расейцы перакінуць у іншае месца. Частка (палявыя гарнізоны, часовыя базы, дыслакацыі, артылкрыя, авіяцыя і г.д.) застанецца ў Беларусі.
        Да гэтага часу (калі ня будзем супраціўляцца) Захад нас можа прадаць канчаткова як тэрыторыю з насельніцтвам ня здольным да супраціву і згодным на няволю.
        Але ў Беларусі ёсьць людзі, што змогуць змагацца з ворагам за волю і свабоду нацыі. Не сумняваюся, што абарона будзе. Сам лёс народа гэтага патрабуе, каб мець будучыню.

    7 люты 2022 г. 
    Зянон ПАЗЬНЯК 
    (Ад Беларускага Нацыянальнага 
    Сакратарыяту "Вольная Беларусь")
    Posted Feb 9, 2022, 6:09 AM by Адміністратар Навін
  • Зянон ПАЗЬНЯК. АКУПАЦЫЯ, "МУДРЫ ПУЦІН" І МАСКОЎСКІ БЛАТНЯК
          Беларусь перажывае нашэсьце арды -- маскоўскую акупацыю пад выглядам манеўраў. Армады расейскіх танкаў і ваенных машын на нашых дарогах. 23 студзеня Беларускі Нацыянальны Сакратарыят паведаміў пра гэта ўсяму сьвету. Сьвет маўчаў, і толькі цяпер нешта пачаў казаць.
        Тым часам канторскія групнікі вакол Латушкі-Ціханоўскай пра захоп тэрыторыі Беларусі ня кажуць нічога. Яны гэтага ня бачаць і агітуюць людзей пайсьці на незаконны рэфэрэндум Лукашэнкі.
        Галоўная фігура групы Валер Кавалеўскі патлумачыў, што, маўляў, ня Пуцін, ні Назарбаеў, ні агрэсія Расеі не галоўнае, а галоўнае -- дыктатар Лукашэнка, якога трэба ськінуць, і тады ўсё пераменіцца.
        Вайна стукаецца ў нашыя дзьверы. Вораг ужо ў нашым доме, і мова непрыняцьця подласьці і здрады робіцца ў беларусаў ўсё больш жорсткай і бязьлітаснай. 
     Далей відэа Натальлі Сяргеевай:

    https://www.youtube.com/watch?v=joIrKR7CLng 

    Posted Feb 9, 2022, 6:07 AM by Адміністратар Навін
  • ШТО ТРЭБА ВЕДАЦЬ ПРА РЭФЭРЭНДУМ
          Імкліва адбываецца расейская акупацыя Беларусі. Ганебны час. Ужо заехала 30 тысячаў акупантаў (поўная армія). На падыхадзе яшчэ столькі ж. Бясконца рухаюцца цягнікі расейцаў з жывой сілай, танкамі і гарматамі. Гэта вайна ў адзін бок. І -- цішыня.
        Але не азіраймася на Захад (які нас здаў), бо за Беларусь і за волю Беларусі мусяць змагацца беларусы, але ня нехта іншы. 
        Тым часам прадажныя няспынна гавораць не пра вайну, не пра катастрофу Беларусі, але пра незаконны рэфэрэндум, бо ён патрэбны Крамлю і акупантам. Ня буду даваць цяпер ацэнак такім паводзінам. Прыгледзімся да рэфэрэндума, што ён абазначае. 
     Рэфэрэндум -- гэта мэтад непасрэднай дэмакратыі, у якім ўдзельнічае ўсё грамадзтва. Ня ўсе пытаньні могуць выносіцца на рэфэрэндум, і гэта мусіць быць адлюстравана ў заканадаўстве, каб пазьбегнуць маніпуляцыяў. 
        Рэфэрэндумы ня могуць праводзіцца ў час акупацыі, у прысутнасьці чужога акупацыйнага войска, у пэрыяд ваеннага і надзвычайнага становішча.
        Маніпулятыўныя рэфэрэндумы ёсьць зброяй дыктатуры і акупацыйнай улады.
        З вышэй адзначанага вынікае, што рэфэрэндум рэжыму, які прызначаны на 27 лютага, не павінен праводзіцца з прычыны расейскай акупацыі Беларусі (якая пачалася з 17 студзеня 2022 года) і з прычыны прысутнасьці чужога расейскага войска на беларускай тэрыторыі.
        Рэфэрэндум ня можа прызначаць самазванец, нелегітымны, не прызнаны народам і міжнароднай супольнасьцю кіраўнік улады, якім зьяўляецца ў Беларусі Аляксандар Лукашэнка.  Рэфэрэндум ня можа аб'яўляць нелегітымная ЦВК.
        Прызначэньне рэфэрэндуму аб чарговай зьмене рэжымнай канстытуцыі ёсьць бяспраўным, незаконным рашэньнем.
        Палітычна сьпелае грамадзтва, адказнае за свой лёс і за лёс краіны, ня мусіць прымаць удзел у незаконным рэфэрэндуме, не павінна сваім удзелам сьведчыць прызнаньне незаконнай справы ўзурпатара ўлады ў Беларусі. 
        Удзел у рэфэрэндуме зьяўляецца выяўленьнем свабоднай волі і выбару людзей. Нявольніцкі выбар і ўдзел у незаконным мерапрыемстве засьведчыць дэ-факто яго прызнаньне грамадзтвам, незалежна ад таго, якія вынікі аб'явіць фальсіфікацыйная машына галасаваньня. Тут галоўнае.
     І цяпер аб інтарэсах. Лукашэнка зацікаўлены захаваць сваю абсалютную ўладу шляхам маніпуляцыі з канстытуцыяй і стварэньнем фікцыі транзіту ўлады. 
        За аснову ўзятая казахстанская мадэль Назарбаева. Ствараецца прызначальны ворган -- Усебеларускі народны сход (УНС), -- да якога павінна перайсьці ўся паўната ўлады і кантроль над выканаўчай уладай. Начале УНС становіцца Лукашэнка. Выбіраецца прэзыдэнт, які захоўвае выканаўчыя функцыі ўлады і будзе падканстольны УНС і Лукашэнку. 
         Гэта азіяцкая мадэль улады, абапертая на кланавую сістэму грамадзтва,  магла б доўга існаваць у Казахстане, калі б ні ўмяшалася Масква.
        У Беларусі, дзе няма кланавай сістэмы грамадзтва, уплыў Масквы на ўладу пры новай канстытуцыі быў бы непасрэдным і шматкроць большым. Фармальна закладзенае ў такой мадэлі двоеўладдзе стала б маніпуляцыйным рычагом Масквы для ціску на сістэму ўлады рэжыму.
        З гледзішча інтарэсаў Лукашэнкі, ягоны праект не надзейны, але выйсьці з праекту ён ня ў стане, бо за гэтым стаіць інтарэс Крамля. 
        Для Масквы правядзеньне "канстытуцыйнага" рэфэрэндуму ў Беларусі ёсьць важнай справай крамлёўскай палітыкі. Крэмль зацікаўлены ў трох палажэньнях, якія фармальна можна было б скарыстаць у абгрунтаваньні акупацыі Беларусі і дзеля ўплыву на палітыку лукашысцкага рэжыму. Менавіта: Масква зацікаўлена ў скасаваньні палажэньняў аб нэўтралітэце Беларусі і аб бяз'ядзерным статусе краіны. У маскоўскім інтарэсе ёсьць зацьвярджэньне сістэмы ўлады з УНС і з прэзыдэнтам (падводны камень двоеўладдзя і маскоўскага ўплыву). 
     Увесь час ідзе прапагандысцкая агітацыя за адносіны беларускага грамадзтва да незаконнага рэфэрэндума. Лукашэнку і ягоную ініцыятыву рэфэрэндуму падтрымліваюць прыхільнікі рэжыму, бюракратыя, настаўнікі, чыноўныя пенсіянеры і іншыя. 
        За Маскоўскую пазыцыю голасна выступаюць некаторыя маргінальныя антырэжымныя групы, і найбольш -- групоўка вакол Латушкі-Ціханоўскай. Яны цынічна заклікаюць людзей масава ісьці на рэфэрэндум, псаваць бюлетэні, здымаць іх на тэлефон і адсылаць здымкі на "дэмакратычную платформу". (Тут мушу патлумачыць, хто ня ведае, што ўсё, адсыланае праз тэлефон, стоадсоткава кантралюецца міліцыяй праз спэцпраграмы. І ня важна нават, да якой канторы адносіцца тая "дэмплатформа".)
        Прыход людзей на рэфэрэндум і галасаваньне калабаранты з Масквой абгрунтоўваюць неабходнасьцю засьведчыць дэманстрацыю актыўнасьці грамадзтва і непрыняцьце рэжымнага рэфэрэндуму (скзаць "НЕ" Лукашэнку.) Нельга, маўляў, заставацца пасіўным, кажуць калабаранцкія камэнтатары. Трэба, маўляў, паказаць актыўнасьць, што нас шмат і т.п. прыёмы ашуканства і завабліваньня на галасаваньне.
        Усё гэта ўжо вядома ў дэмагогіі падстаўных і прадэманстравана яшчэ ў 2004 годзе на рэфэрэндуме аб "вечнай уладзе" Лукашэнкі. 
        Але ёсьць іншы, сучасны (выказаны на паўголас) аспэкт зацягваньня людзей на незаконны антынародны рэфэрэндум. Групнікі спадзяюцца, што калі будзе масавы прыход на ўчасткі, то зноў удасца выклікаць масавыя пратэсты, як у 2020 годзе.
         Мушу сказаць, што ў сітуацыі рэпрэсіўнай вайны з народам і прысутнасьці расейскіх акупацыйных войскаў такія намеры выглядаюць амаль злачынствам. 
        Група апазыцыі газпрамаўскага кшталту (Латушкі-Ціханоўскай) выступае супраць улады Лукашэнкі не ў інтарэсах беларусаў, а ў інтарэсах Масквы, дзе меркавалася б замена існуючага сатрапа на іншую асобу, падтрыманую Крамлём і "мудрым" Пуціным. Тут праява тыповага рускага нэакаляніялізму -- зьмена сатрапа ў каланіяльных інтарэсах. 
        Групнікі, як бачым, не гнушаюцца нічым: ні заклікам да эканамічных санкцыяў супарць народа, ні правакацыйнымі ўльтыматумамі, ні лебязеньнем перад Масквой, ні планамі падставы мірнага народу пад збройны разгром.
        Дэмагогія дэмагогіяй, але выглядае, што, сапраўды, народ для іх ёсьць расходным матэрыялам у чужой палітыцы. 
        Гэта не такія ўжо бяскрыўдныя наёмнікі і "інфантылы", калі думаюць скарыстаць прышэсьце людзей на рэфэрэндум з мэтай справакаваць маніфэстацыю беларусаў у час расейскай акупацыі краіны, рэпрэсій і прысутнасьці акупацыйнага войска. Безабаронных людзей проста пастраляюць. 
        Мірная дэманстрацыя ня можа супрацьстаяць войску і  ўзброенай ваеншчыне. Ці сучасныя папы-Гапоны таго ня ведаюць? Сумняваюся. 
        Час мірных маніфэстацыяў скончыўся. Над народам навісла зграя ўзброеных бандытаў, здраднікаў і маскоўскіх агрэсараў. Ідзе вайна супраць беларускага народа. 
        Зьнішчаць акупантаў можна цяпер толькі партызанскімі мэтадамі нябачнай сілы, але ня мірнымі пратэстамі. 
        Нельга палітычна супрацоўнічаць з антынародным рэжымам. Нельга йсьці на незаконны рэфэрэндум незаконнай улады ў час акупацыі і руху чужога войска ў нашай краіне. 
        Трэба не забывацца пра нацыянальны гонар і палітычны розум. Для фальсіфікацыйнай машыны галасаваньня важна, каб людзі прыйшлі на ўчасткі і прагаласавалі. Тады вынік машына зробіць сама і схлусіць пра ўсенародную падтрымку рэжыму.
         Каб паказаць рэжымную хлусьню, трэба пакінуць фальсіфікацыйную машыну працаваць ў халастую і не хадзіць галасаваць. Хай хлусяць груба, на пустым месцы. Хай подласьць іх будзе відавочная і бачная ўсім (а яна будзе бачная). Якраз тут трэба праявіць народную салідарнасьць супраць Масквы і супраць антынароднага рэжыму.
        Не давайце лукашыстам магчымасьці ў хлусьні абапірацца на галасаваньне людзей. Ня слухайце здраднікаў і калабарантаў Масквы. Трэба дэманстраваць непрызнаньне гэтай афёры, а ня йсьці на збор нечасьцівых, не паддавацца на правакацыі. Беражэм і мацуем сілы для рэальнай барацьбы з ворагамі нацыі і свабоды.  

    4 люты, 2022 год. Зянон ПАЗЬНЯК

    Posted Feb 9, 2022, 6:05 AM by Адміністратар Навін
  • Зянон. ПРЫПАВЕСЬЦЬ АБ НЯВОЛІ
         Пасьля доўгіх акупацыяў, пасьля доўгай няволі некалі вялікай краіны, пасьля доўгага вынішчэньня нацыі, мовы, гонару і свабоды заўсёды сярод страху, здрады, бяспамяцтва і аняменьня застаецца, жыве авангард незабыўных, нават вельмі маленькі. Але ў час буры, павароту і ўпадку прыгнёту ён здольны ахвярна здабыць для народа свабоду і волю для ўсіх. І тады ўсе вольна, шчасьліва ідуць на вольныя выбары і выбіраюць -- ворага. Так паўтараецца кола зла.

    2. 02. 2022 г.

    Posted Feb 9, 2022, 6:03 AM by Адміністратар Навін
  • ЗВАРОТ ДА БЕЛАРУСКІХ ВАЙСКОЎЦАЎ

            Расейскія акупанты пад выглядам ваенных вучэньняў на нашай зямлі ўехалі са зброяй у Беларусь. Іх прывёў здраднік самазванец Лукашэнка, які ёсьць катам Беларускага народа. Іхняя мэта -- стварыць у нашай краіне плацдарм для нападу на вольную Украіну і ўцягнуць Беларусь у сваю брудную вайну, адабраць беларусам будучыню і свабоду.

            Зьвяртаюся да беларускіх вайскоўцаў і асабліва да беларускіх жаўнераў. Калі расейцы памкнуцца напасьці на Украіну і ўцягнуць вас, не падтрымлівайце іх, ня ўдзельнічайце ў чужой вайне. Не страляйце па ўкраінцах і ў бок украінцаў. Паварочвайце зброю супраць рускіх акупантаў нашай краіны, стварайце беларускія салдацкія камітэты. Зрынайце прадажных здраднікаў з ваеннага кіраўніцтва. Змагайцеся за вольную Беларусь. У выпадку неабходнасьці пераходзьце на бок украінцаў і разам зь імі змагайцеся супраць агульнага ворага за незалежнасьць Украіны, за волю і свабоду роднай Беларусі.

    Жыве Беларусь! Слава Айчыне!


    23 студзень 2022 г.

    Зянон ПАЗЬНЯК

    (Ад Беларускага Нацыянальнага Сакратарыяту "Вольная Беларусь") 

    Posted Jan 28, 2022, 8:54 AM by Адміністратар Навін
  • ВЫ ТОЛЬКІ ПАСЛУХАЙЦЕ, ШТО ЯНЫ КАЖУЦЬ.
            Цытата. "Калі разьвіцьцё сытуацыі прывядзе да сталага разьмяшчэньня расейскіх войскаў на беларускай тэрыторыі, тады відавочна, што Захаду давядзецца разглядаць санкцыі. Ужо прагучалі галасы, асабліва са Злучаных Штатаў, што будзе адказ і патэнцыйна санкцыі супраць Беларусі, калі яе ўлады надоўга пакінуць расейскія войскі на сваёй тэрыторыі.
    Пра гэта, відавочна, трэба будзе дамаўляцца з эўрапейцамі, і я магу ўявіць, што ў будучыні зьявіцца пакет санкцыяў, які будзе грунтавацца якраз на гэтым пытаньні."

    (Ёрг Форбрыг, палітычны "экспэрт" дырэктар па Цэнтральнай і Ўсходняй Эўропе Нямецкага фонду Маршала)
    https://www.svaboda.org/a/31674588.html

    І гэта там кажуць асобы ў добрым здароўі без мазаічнай псіхапатыі. Вось што падрыхтавана беларусам, калі яны ня  стануць змагацца за сваю свабоду і ня будуць ваяваць супраць рускай акупацыі, якая пачалася. -- Іх будуць душыць з ўсіх бакоў. Не акупантаў стануць душыць, а нас, дарагія землякі. Не агрэсара, але ахвяру.
    Вось да чаго прыводзіць нявольніцкі пацыфізм -- "абы не было вайны". (Пра заходніх "чэмбэрленаў" ужо не гаворым.). 
    Цяпер адбываецца поўнамаштабная акупацыя Беларусі, пуцінскія войскі без супраціву займаюць рашаючую для Захаду і для Украіны стратэгічную тэрыторыю, але "чэмбэрлены" камфортна разважаюць, што (цытата) -- "пытаньне Беларусі тут будзе на другім ці трэцім месцы."
    Акупацыя -- гэта вайна. Для беларусаў -- вайна ўжо пачалася. Хто яшчэ не зразумеў, хутчэй вымайце з пяску галаву, пакуль яе ня страцілі, і -- да зброі!

    28-01-2022 г.
    Зянон Пазьняк

    Posted Jan 28, 2022, 7:39 AM by Адміністратар Навін
  • O OKUPACJI BIAŁORUSI

    1. "Mocna" odpowiedź Putina, jaką obiecywał on dać Zachodowi, już staje się rzeczywistością, lecz nie jest to jeszcze koniec. Wojska rosyjskie wkroczyły na terytorium Białorusi. Proces okupacji postępuje. Moskwa ściąga wojsko z całej Rosji. W drodze znajduje się 200 pociągów, z których każdy liczy 50 wagonów (w sumie 10 tysięcy wagonów). Razem ze sprzętem wojskowym tymi pociągami jedzie 80-100 tysięcy żołnierzy – to więcej niż liczy cała armia białoruska.

    2. Wprowadzenie wojsk rosyjskich trwa za zgodą nielegitymizowanego samozwańca u władzy, Aliaksandra Łukaszenki, pod pozorem mających się odbyć rosyjskich ćwiczeń wojskowych na terenie Białorusi i stworzenia zagrożenia dla Ukrainy, przy poważnym pogwałceniu Konstytucji i praw Białorusi, a także prawa międzynarodowego.

    3. Okupacja jest wynikiem agresywnej polityki Putina i zdrady stanu dokonanej przez samozwańca Łukaszenkę. Okupację ułatwiły także ekonomiczne sankcje, które z inspiracji Moskwy oraz pod przykryciem retoryki prorosyjskiej grupy opozycyjnej P. Łatuszko-S. Cichanouskiej Zachód wprowadził przeciwko Białorusi.

    4. Dziś sytuacja radykalnie się zmieniła. Okupowanie Białorusi postępuje bardzo szybko przy milczeniu międzynarodowej społeczności. Rosja wykorzystuje fakt, że uwaga całego świata jest skupiona na sztucznie rozdmuchanej informacji o zagrożeniu atakiem na Ukrainę. Moskwa tymczasem w ciszy zajmuje Białoruś. Planowane jest (i o tym donoszą media) przejęcie kontroli nad urzędami administracji państwowej, zakładami przemysłowymi i strategicznymi obiektami Białorusi.

    5. W sensie strategicznym zajęcie białoruskiego „balkonu terytorialnego” oznacza uderzenie w NATO i w politykę Unii Europejskiej ze wszystkimi konsekwencjami geopolitycznymi.

    Taki jest obecnie pierwszy wynik rosyjskiej agresji i krótkowzrocznej polityki Zachodu wobec Białorusi.

    6. Dla Białorusi okupacja rosyjska jest katastrofą państwową, która dzieje się na naszych oczach. Jedyną drogą, by tej katastrofie zapobiec, jest walka przeciwko okupantowi. Powinno zostać reaktywowane partyzanckie podziemie i Białoruska Armia Wyzwoleńcza (BAW). Krótki czas na przygotowanie, a potem – partyzanckie akty oporu, póki okupanci jeszcze wciąż przybywają drogą kolejową.

    7. Okupacja Białorusi sprawia, że nasza ziemia staje się placem działań wojennych, z którego putinowski agresor zamierza atakować inne państwa. W odpowiedzi uderzać będą w kierunku naszego kraju, w nasze domy i w naszych ludzi. W taki sposób Moskwa w swoich brudnych planach agresji zamierza wystawić na śmierć naród białoruski.

    Białorusini, pamiętajmy: podczas okupacji i w obliczu brudnej cudzej wojny, którą Rosjanie zamierzają rozpocząć z naszego okupowanego przez nich terenu, nie mają już znaczenia żadne ludzkie i polityczne podziały, oprócz zdrady i putinowskiego wroga przed nami. Bomby nie będą wybierały, na którą głowę spaść. W czasie zagrożenia swojego istnienia naród powinien się zjednoczyć w walce przeciwko putinowskiej Rosji i rosyjskiemu okupantowi.

    Powstańmy wszyscy razem do obrony Ojczyzny!

    Okupancie, precz z Białorusi!

    Niech żyje wolna Białoruś!

    23 styczeń 2022 r.

    Zianon PAŹNIAK

    (w imieniu Białoruskiego Sekretariatu Narodowego „Wolna Białoruś”)



    Posted Jan 25, 2022, 7:05 AM by Адміністратар Навін
  • ON THE OCCUPATION OF BELARUS

    (Statement)

    1. A „strong” response promised by Mr. Putin to the West is not yet completed but it has just become a reality. Russian troops were being moved into Belarus. The occupation process is continuing. Russian troops from whole Russia are moving up. 200 military trains are en route. Every train has 50 wagons (totally 10 thousand wagons). They are bringing the military equipment as well as 80-100 thousand troops. This is more than the whole Belarusan army.

    2. The illegitimate impostor of the state power Aliaksandr Lukashenka has agreed to move the Russian troops into Belarus under the guise of Russian training exercises on the territory of Belarus in order to pose a threat to Ukraine.

    The Constitution and the laws of Belarus as well as the principles of international law have been grossly violated.

    3. The occupation has been provoked by the aggressive Putin's politics as well as by the impostor Lukashenka's high treason. The West has contributed to the process of occupation by its economic sanctions against Belarus. These sanctions have been inspired by Moscow and covered with rhetoric used by the pro-Russian opposition group of P. Latushka and S. Tsikhanouskaya.

    4. To date, the situation has sharply changed. The process of Russian occupation is moving quickly and the international community remains silent. Russia is using the moment when the international community has fixed its attention on the artificially manipulated Russian threat to attack Ukraine. At the same time Russia is quietly occupying Belarus.

    Moscow is planning to take control of the state institutions, industrial enterprises as well as strategic objects of Belarus. The media have provided information regarding the Russian plan.

    5. Strategically, the Russian occupation of the Belarusan “territorial balcony” is a blow to the NATO and the whole EU policy with disastrous geopolitical consequences.

    This is the first result of the Russian aggression as well as of the short-sighted Western policy towards Belarus.

    6. The Russian occupation could be a disaster for Belarus. This disaster is taking place.

    It is the only road to prevent the disaster -- to fight against the occupants. The people must rebuild the underground movement and the Belarusan Liberation Army (BLA). It is necessary to be battle-ready in short time and to start the resistance using the guerrilla tactics while occupants are arriving in the military trains.

    7. The threat of the occupation transforms our territory into a military bridgehead from which the Putinsaggressors intent to attack other countries. These countries will strike back the Belarusian territory, our houses and our people. Thus Moscow intends to implement its aggressive and criminal plans and to leave the Belarusan people exposed to the mortal threat.

    Belarusian people, remember: under the occupation and during the dirty and foreign war provoked by the Russian occupants from our country any human or political differences will have any importance anymore apart the treason and the Russian enemy in front of us. Bombs will fall on everybody. Our nation must be united against Putins Russia and the Russian occupants in a situation where our national existence is threatened.

    Let us stand in defense of our Homeland!

    Occupants, out of Belarus!

    Long live free Belarus!

    January 23, 2022

    Zianon PAZNIAK (on behalf of the Belarusan National Secretariat Free Belarus)




    Posted Jan 25, 2022, 7:02 AM by Адміністратар Навін
  • ЗАЯВА АБ АКУПАЦЫІ БЕЛАРУСІ

    1. "Моцны" адказ Пуціна, які ён абяцаў Захаду, яшчэ не завершаны, але ўжо рэальна адбыўся. Расейскія войскі ўведзены ў Беларусь. Працэс акупацыі працягваецца. Рускае войска сьцягваецца з усёй Расеі. У дарозе 200 цягнікоў па пяцьдзесят вагонаў кожны (10 тысяч вагонаў; гэта акрамя тэхнікі -- 80-100 тысячаў жывой сілы; больш, чым уся беларуская армія).

    2. Увядзеньне рускіх войскаў адбываецца са згоды нелегітымнага самазванца ўлады Аляксандра Лукашэнкі пад выглядам правядзеньня расейскіх вайсквых вучэньняў на тэрыторыі Беларусі і стварэньня пагрозы Ураіне.

    Груба парушаныя Канстытуцыя і законы Беларусі, прынцыпы міжнароднага права.

    3. Акупацыя выклікана агрэсіўнай палітыкай Пуціна і дзяржаўнай здрадай самазванца Лукашэнкі. Акупацыі спрыялі эканамічныя санкцыі Захаду супраць Беларусі, інсьпіраваныя Масквой і прыкрытыя рыторыкай прамаскоўскай апазыцыйнай групы Латушкі-Ціханоўскай.

    4. На сёньняшні дзень сітуацыя рэзка перамянілася. Акупацыя Беларусі разгортваецца хутка на фоне міжнароднага маўчаньня. Расея скарыстала канцэнтрацыю міжнароднай ўвагі вакол штучна раздзьмуханай інфармацыйнай пагрозы нападу на Украіну дзеля ціхага захопу Беларусі.

    Плануецца (і пра тое паведамлена ў СМІ) адпрацоўка акупацыйнага кантролю над дзяржаўнымі ўстановамі, прамысловымі прадпрыемствамі і стратэгічнымі аб'ектамі Беларусі.

    5. У стратэгічным сэнсе захоп беларускага "тэрытарыяльнага балкону" -- гэта ўдар па НАТО і па ўсёй заходняй палітыцы Эўразьвязу з усімі геапалітычнымі наступствамі.

    Такі ёсьць першы вынік расейскай агрэсіі і недалёкай палітыкі Захаду адносна Беларусі на сёньняшні дзень.

    6. Для Беларусі расейская акупацыя можа стаць дзяржаўнай катастрофай, якая адбываецца ў нас на вачах.

    Каб прадухіліць катастрофу, ёсьць адзіны шлях -- ваяваць супраць акупантаў. Мусіць зноў паўстаць партызанскае падзем'е і Беларуская Вызвольная Армія (БВА). Кароткі час на падрыхтоўку і потым -- партызанскія дзеяньні адпору, пакуль акупанты прыбываюць яшчэ цягнікамі.

    7. Акупацыя, якая навісла над Беларусяй, ператварае нашу тэрыторыю ў ваенны плацдарм пуцінскіх агрэсараў, зь якога яны намераны наносіць удары па іншых краінах. Удары ў адказ будуць па нашай тэрыторыі, па нашых дамах і па нашых людзях. Гэтак Масква ў сваіх брудных намерах агрэсіі хоча падставіць пад сьмерць і пагібель беларускіх людзей.

    Беларусы, памятайма: у час акупацыі і ў бруднай чужой вайне, якую хочуць пачаць расейцы з нашай акупаванай імі тэрыторыі, ужо ня будуць мець значэньня ніякія людзкія і палітычных падзелы, акрамя здрады і пуцінскага ворага перад намі. Бомбы ня будуць выбіраць, на якія галовы ўпасьці. У час пагрозы нацыянальнаму існаваньню нацыя павінна быць адзінай супроць пуцінскай Расеі і рускіх акупантаў.

    Усе разам станем на абарону Айчыны!

    Акупанты, прэч зь Беларусі!

    Няхай жыве вольная Беларусь!

    23 студзень 2022 г.

    Зянон ПАЗЬНЯК

    (Ад Беларускага Нацыянальнага Сакратарыяту "Вольная Беларусь")



    Posted Jan 24, 2022, 5:16 AM by Адміністратар Навін
  • ЗЛАЧЫНСТВА ЗАЛЕЖНАСЬЦІ

    (Ліст сябрам Народнай Партыі)

    Калі нарвэжская кампанія Яра (Yara) пад ціскам Эўразьвязу аб'явіла, што спыняе да 1-га красавіка адносіны і гандаль зь "Беларуськаліем", то на абліччах групнікаў газпрам-апазыцыі засьвяцілася шчасьце -- яны запісалі гэта на свой рахунак і палічылі, што дамагліся свайго, бо дакучалі Яры словаблудствам ўвесь час, каб абрэзаць гандаль зь Беларусяй. "Гэта пазіцыя беларусаў, я раблю гэта дзеля іх", -- важна казала Сьвятлана нарвежцам. І вось Яра пад уплывам Брусэля і на шкоду сабе рашылася на разрыў.

    Шчасьлівая Сьвятлана Ціханоўская (якая ўвайшла ў ролю), усур“ёз заявіла, што «Yara зможа вярнуцца да партнэрства з прадпрыемствамі новай Беларусі».


    Яра -- ня самы моцны партнёр "Беларуськалія", але ўсё ж такі, калі абапірацца на камэрцыйную выгаду ды на сумленьне, ды калі ведаць і разумець, што адбываецца ў Беларусі, то так рабіць было ня варта і ня хораша, тым больш, што Нарвэгія не належыць да Эўразьвязу.

    Праўда, Яра яшчэ крыху нібы вагаецца, але групнікі -- у захапленьні. Магчыма, ім здаецца, што яны асабіста ўвагналі цьвічок ў дамавіну Беларусі. І нельга сказаць, што яны ня ведалі, не разумелі, што рабілі.

    І цяпер уявім іх поўнае шчасьце -- гэта значыць, калі б ворагі Беларусі начыста ўгробілі "Беларуськалій". Найперш -- гэта быў бы поўны крах горада Салігорска (110 тысячаў насельніцтва). Увесь горад, уся інфрастуктура, уся яго сацыяльная сістэма, абслуга, культура, медыцына, школа, уся праца людзей завязана на калійнае прадпрыемства, на якім працуе 20 тысячаў працоўных (зьвесткі на 2010 год). І яны таксама апынуліся б бяз працы на вуліцы. (Было б з чаго парадвацца прамаскоўскім самагубцам.)


    Сумесныя дзеяньні Пуціна і Лукашэнкі па падрыхтоўцы інвазіі ў Казахстан яшчэ раз праілюстравалі для самых някемлівых, што ніякія санкцыі Лукашэнку ня зваляць. Лукашэнка прыліп да "мудрага" Пуціна, як пабіты слуга, як карысны халуй, гатовы на ўсё: на агрэсію, здраду, на чужую вайну. Тым больш, што яны, здаецца, знайшлі адзін аднаго, маўляў, пасьля нас -- хоць патоп.

    Санкцыі ўвогуле не ліквідуюць улады дыктатараў і тэрарыстаў. Яны толькі гробяць дзяржаву, краіну і народ. Гісторыя стоадсоткава тое пацьвярджае.

    Вось сьвежы прыклад -- Аўганістан. Талібы выгналі амэрыканцаў і ўсіх эўразьвязаўскіх саюзьнікаў. Як помсту Захад заблякаваў гандаль і ўсе банкаўскія рахункі аўганцаў (фірмаў і людзей), увёў санкцыі і блакаду Аўганістана.

    На сёньняшні дзень у Аўганістане -- голад. Галадае палова насельніцтва краіны, мільёнам людзей ня стала чаго есьці, галадаюць дзеці ў халодных школах, хворыя ў халодных шпіталях. Людзі, каб сагрэцца, нават разьбіраюць і паляць пабудовы. Гуманітарная катастрофа.

    Генэральны сакратар Аб'еднаных Нацыяў Антоніу Гутэррыш узьняў свой голас, заклікаючы ратаваць аўганцаў. Неабходна мінімум пяць мільярдаў даляраў, каб на нейкі час падтрымаць людзей.

    І талібам нічога ня сталася. Яны як уладарылі ў краіне, так і ўладараць. (Дарэчы, паўтаруся, талібы не ваююць за іслам ва ўсім сьвеце. Яны стаяць за Аўганістан. У іх аўганская пазыцыя.)


    Калі я гляджу на гэтых групнікаў, што атабарыліся ў Вільні, на іхныя халяўна-гламурныя постаці і позы, у мяне заўсёды ўзьнікае думка: навошта іх утрымлівае ў Вільні ўрад Летувы? Чаму не адмаўляецца ад падтрымкі гэтых русафільскіх паліттурыстаў (якім начхаць на лёс беларускай нацыі і нацыянальнае адраджэньне)? Ці ўлады сапраўды ня бачаць, як тырчаць там "мудрыя" пуцінскія вушы? Ці, можа, палітыкі ў Вільні не разумеюць рэальнасьці? Загадка.

    Усё, што зрабілі летувісы з эўрасанкцыямі, -- гэта найперш нашкодзілі сабе (панесьлі вялікія эканамічныя страты) і потым – нашкодзілі беларусам (таксама вялікія эканамічныя страты). Пытаньне -- чыя гэта такая экстравагантная палітыка? Каму тут выгада?

    Такая рэальнасьць. Прытым гэтая рэальнасьць пад уплывам "мудрага" Пуціна можа (нечакана і на ўзьдзіў "экспэртам") на працягу трох гадзін абярнуцца, скажам, "калінінградзкім калідорам" і анэксіяй тэрыторыі. І наўрад ці НАТО ўступіцца. Такі час. Такія людзі кіруюць уладай.


    Я даўно засьведчыў, што (пры добрай зьмене абставінаў у Беларусі) шкода, якую зрабіла ў цяжкім часе для краіны групоўка вакол Ціханоўскай-Латушкі, шкода гэтая ім ніколі ня сыйдзе з рук. Іхныя паняцьці пра палітыку і рыторыка -- гэта фальшывая зьява, падмена ідэалаў нацыянальнага змаганьня і свабоды нацыі каланіяльным дабрабытам -- «страной для жизьни», -- прамаскоўскі тупік. Адказваць будуць разам з Лукашэнкам.

    Яны дэманструюць і кажуць за Беларусь, але за Беларусь у залежнай (нэакаланіяльнай) сістэме адносінаў з Расеяй. Вось у гэтым ёсьць іх прарасейская сэрвільная сутнасьць. Тут і "рускі язык", і "двуязычыя» і русіфікацыя. Яны не адмаўляюцца ад расейскай залежнасьці, не змагаюцца за свабоду ад расейскага імпэрыялізму. Яны думаюць, што будуць існаваць разам з ворагам, выконваючы ягоная патрабаваньні, і ён ім дазволіць жыць.

    Шмат чаго яшчэ беларусы даведаюцца пра гэтую прамаскоўскую групку, узьнятую на шчыт прапагандай. Важна будзе, аднак, зразумець што сітуацыя "Абы не Лукашэнка" не павінна больш паўтарыцца.

    14 студзеня 2022 г.                 Зянон ПАЗЬНЯК

    Posted Jan 16, 2022, 10:58 AM by Адміністратар Навін
  • НАПАМІН
            Мушу нагадаць вядомую праўду, бо яна вартая напамінаньня. Найвялікшым злачынцам зьяўляецца той правіцель, які дзеля вырашэньня ўнутраных супярэчнасьцяў у дзяржаве запрашае на дапамогу ў краіну чужое войска.
    Такі правіцель дае магчымасьць ворагу акупаваць не гатовую да абароны краіну без аб'яўленьня вайны і дазваляе яму пазьбегнуць міжнароднай адказнасьці за злачын акупацыі.
    Гісторыя поўніцца тыповымі прыкладамі і амаль усе яны зьвязаныя з Масквой. (Тут і Таргавіца, і акупацыя Прыбалтыкі, і Казахстан).
    Грэблівыя азначэньні выклікаюць таксама халуйскія падзельнікі такога роду агрэсіі, якімі маскуецца агрэсар. Але ў гісторыі, на жаль, ніхто ня вучыцца. І ўсё паўтараецца.

    8 студзень 2022 г.
    З.Пазьняк
    Posted Jan 9, 2022, 3:45 AM by Адміністратар Навін
  • РУКІ ПРЭЧ АД КАЗАХСТАНА!

        Казахі паўсталі за лепшую долю. Падтрымліваем казахскі народ у ягонай барацьбе з аджылай дыктатурай і здрадай, падтрымліваем у змаганьні за Айчыну і свабоду.

    Бунт і расстрэлы людзей у Казахстане -- гэта, перш за ўсё, праявы агрэсіўнай палітыкі Масквы, змовы Пуціна і Такаева.

    Пуцінскі і лукашысцкі рэжымы, а таксама залежныя ад Расеі рэжымы Арменіі, Кіргізстана і Таджыкістана, паслалі войскі ў Казахстан і выступілі ў ролі калектыўнага агрэсара і інтэрвента. Наш адказ: рукі прэч ад Казахстана!

    Што датычыць менскага сатрапа, які самавольна паслаў беларускае войска ваяваць у Казахстан, мы павінны адзначыць тут грубае парушэньне законнай Канстытуцыі Беларусі. Беларускае войска ня мае права ўмешвацца ва ўнутраныя канфлікты іншых краін. Антыпраўны ўчынак Лукашэнкі кладзецца чарговай улікай у сьпіс злачынстваў гэтай асобы перад народам Беларусі, гэтак жа, як і адказнасьць яго за сьмерць людзей, якіх ён паслаў у Казахстан паміраць за інтарэсы маскоўскай клікі Пуціна.

    Беларускія войскі мусяць быць адкліканыя з Казахстана і вернутыя ў Беларусь.

    Згодна законнай Канстытуцыі, прынятай Врхоўным Саветам у 1994 годзе, Беларусь ёсьць бяз'ядзерная дзяржава, якая імкнецца да нэўтралітэту ў міжнародных дачыненьнях.

    Гэтага трэба трымацца беларусам і не хадзіць на незаконныя рэфэрэндумы па незаконнай псэўда-канстытуцыі, якую хоча навязаць беларусам сатрап і газпрам-апазыцыйная здрада, каб ва ўгоду Маскве ліквідаваць палажэньні пра нэўтральныя адносіны і бяз'ядзернасьць нашай краіны ды лягчэй уцягнуць Беларусь у чужую вайну.

    Памятаем пра Радзіму. Беларусь парад усім.

    7 студзень 2022 г.

    Зянон ПАЗЬНЯК

    (Ад Беларускага Нацыянальнага Сакратарыяту) 

    Posted Jan 7, 2022, 8:22 AM by Адміністратар Навін
  • КАРОТКІЯ ЗАЦЕМКІ АБ РАСКЛАДЗЕ СІЛ

    (Ліст да адраджэнцаў Беларусі)

    Іміграцыю за часы існаваньня СССР (і цяпер пуцінскай Расеі, што ў плане палітычным, фактычна, адно і тое) татальна выкарыстоўваў КГБ для засылкі агентуры на Захад. За саветамі КГБ найбольш агентурна скарыстаў масавую габрэйскую іміграцыю ў Амэрыку і Ізраіль. Пасьля 1991 года гэтая апэрацыя пайшла прахам, спарадзіўшы сэрыю выкрывальных публікацыяў засланай агентуры, якая адчула сябе нікому не абавязанай.

    У 2010 годзе (пасьля лукашысцкага пагрому беларускай грамадзянскай супольнасьці і хвалі антыбеларускіх рэпрэсій) сотні палітычных імігрантаў-беларусаў хлынулі ў суседнія краіны. Гэбоўска-эфэсбоўская агентура таксама паплыла на той хвалі. Яна атабарылася найбольш у Польшчы і Вялікабрытаніі. З нацыянальна-дэмакратычнай беларускай эміграцыяй гэтыя людзі ў кантакт не ўступалі, але і не выяўлялі адкрытай варожасьці. Сваю дзейнасьць (на рускай мове) абмяжоўвалі рэзкай крытыкай рэжыму Лукашэнкі (называючы яго ўладу "белорусский режим") і замоўчвалі інфармацыю аб антыбеларускай ролі Масквы.


    Цяперашняя хваля іміграцыі больш масавая (накіраваная ў асноўным на Польшчу, Украіну, Летуву і ЗША) мае іншы характар. У значнай частцы гэта людзі з сьвядомасьцю "рускага сьвету", вырашчанага ў лукашысцкай Беларусі (дакладней, "каланіяльнага сьвету", арыентаванага на Расею). Яны шукаюць тут "русских школ", "русских врачей", "русского языка" і г. д.

    Найбольшы ўплыў на іх мае газпрамаўская квазі-апазыцыя (група вакол Ціханоўскай-Латушкі), агентурна падрыхтаваная значна раней.

    Масква на гэты раз правяла грунтоўную працу, каб стварыць за мяжой прамаскоўскую "беларускую" эміграцыю на рускай мове, арыентаваную адначасна супраць Лукашэнкі і супраць Беларускага Нацыянальна-Вызвольнага руху.

    Гэта прынцыпова новая сітуацыя для беларускага замежжа. Фактычна, Масква праз газпрамаўскую падстаўную апазыцыю стварае для беларусаў трэці фронт барацьбы. Сітуацыя выгадная Маскве дзеля ўплыву і маніпуляцый.

    Канфліктны расклад выглядае так:

    Лукашэнка -- Пуцін -- адзінства.

    Пуцін -- Лукашэнка -- канфлікт.

    Газпрам-апазыцыя -- Пуцін -- адзінства.

    Лукашэнка -- Газпрам-апазыцыя -- канфлікт.

    Нацыянальна-Вызвольны рух -- Лукашэнка -- канфлікт.

    Нацыянальна-Вызвольны рух -- Газпрам-апазыцыя -- канфлікт.

    Нацыянальна-Вызвольны рух -- Пуцін -- канфлікт.

    У гэтую схему ўцягнуты і Захад са сваім амбівалентным падыходам да Пуціна, які ў выніку выкарыстоўвае Захад супраць Беларусі на поўніцу

    Можна нават вывесьці тут матэматычную формулу ўраўненьня з пераменнай велічынёй (квазі-апазыцыя), перамена якой кардынальна зьмяняе сітуацыю. І гэты працэс пачаўся.

    Менавіта. У працэсе змаганьня людзі ("невераятныя") пачынаюць расплюшчваць вочы, расчароўвацца і адпадаць ад падстаўной апазыцыі Ціханоўскай-Латушкі. Калі б працэс адыходу пашырыўся, тады невялікая частка "невераятных", магчыма, магла б далучыцца да нацыянальна-вызвольных беларусаў, большая -- хутчэй за ўсё адышла б у побытавае існаваньне. Сама газпрамаўская групоўка апазыцыйнага "квазі" напэўна засталася б на маргінальным узроўні, але калі спыніцца яе зьнешняе фінансаваньне -- яна зьнікне (гэтак жа, як пасьля адмовы фінансавага ўтрыманьня зьнікла дзейнасьць Мілінкевіча, "Говправду" і т. п.).


    Цяпер важна і для беларусаў у замежжы, і ў Беларусі (падземна) ствараць суполкі Нацыянальна-Вызвольнага руху "Вольная Беларусь". Істотна, каб тое было грамадзкай ініцыятывай, ішло з гушчы. Беларускі Нацыянальны Сакратарыят тут адыгрывае толькі ідэйную і арганізацыйна-каардынуючую ролю.

    У барацьбе з прамаскоўскім антыбеларускім рэжымам і з пуцінскай Масквой рэальна абараніць Беларусь і Беларускі народ могуць толькі самы беларусы, якія стаяць на Беларускай нацыянальнай ідэі і салідарныя ў ёй, змагаюцца за свабоду супраць антынароднага рэжыму Лукашэнкі і супраць палітыкі імпэрскай Расеі.

    2 студзень 2022 г.

    Зянон ПАЗЬНЯК

    (Ад Беларускага Нацыянальнага Сакратарыяту "Вольная Беларусь")  

    Posted Jan 5, 2022, 8:26 AM by Адміністратар Навін
  • ФАЗА ЛІКВІДАЦЫІ

    Злачынца прывыкае да зьверстваў гэтак жа, як забойца да крыві, калі не спатыкае супраціву. Аб зьнішчэньні беларусаў Лукашэнка цяпер стаў казаць больш адкрыта чым раней. Вось некалькі яго апошніх выказваньняў падчас нарады аб супрацьдзеяньні санкцыям. Сатрап запатрабаваў разабрацца зь іншадумствам у кіроўным апараце краіны.

    "Разьбярыцеся, бо занадта шмат стала ў нас кіраўнікоў, якія займаюць антыдзяржаўную пазыцыю, больш за ўсё ў Менску. І што мяне зьдзіўляе, гэта кіраўнікі ўстаноў аховы здароўя. Шмат „разумных“ зьявілася..."

    "Але калі кіруеце калектывам, вы дзяржаўныя людзі (усё роўна, прыватнае ці дзяржпрадпрыемства). Тым больш калі пагоны носіце ці ў апараце працуеце. У адваротным выпадку будзем расцэньваць гэта як здраду».

    «Прыйшлі сьпісы з КДБ». За што сотнямі звальняюць беларусаў...

    Усіх гэтых падпісантаў мы павінны бачыць, асабліва калі яны дзесьці „наверсе“, у вэртыкалі ўлады. ....

    Тых, хто парушаў закон, штурхаў людзей на парушэньні, вось з гэтымі мы павінны разабрацца...

    Спуску не павінна быць, хто вінаваты, хто здраднік, хто проста ня наш чалавек"... ( https://www.svaboda.org/a/31612165.html ).

    Такія маналогі ўжо не сьціхаюць.

    Тут падложа і схема вынішчэньня грамадзтва. Меры няма. Існуе толькі мэта. У бліжэйшы час рэпрэсіі заканамерна пачнуцца ў самой рэжымнай сістэме ўлады (зрэшты ўжо пачаліся).

    Калі б у рэжымнага чынавенства (у генэралаў, дырэктараў, загадчыкаў і інш.) былі за душой нейкія пачаткі беларускага патрыятызму (ці хаця б элемэнтарныя абавязкі перад Радзімай), то, магчыма, з вар'ятам маглі б неяк парадзіць. Але, відаць, адмоўная сэлекцыя адбылася настолькі моцна, што апальная абслуга, зьнікаючы, будзе маўчаць.

    Разборкі наверсе ў час рэпрэсіяў -- справа вядомая. Шкода, аднак, добрага даверлівага народу, асабліва моладзі і жанчын, якіх заўсёды шанавалі ў беларускім жыцьці.

    Калісьці, гадоў дзесяць-патнаццаць таму, на пасадзе старшыні КГБ быў такі масковец Жадобін. Гэты масковец складаў сьпісы беларусаў, якіх планавалася (ў выпадку маскоўскай патрэбы) забіць у першую чаргу. Ён нават абнародваў, колькі беларусаў налічыў на расправу -- 1667 чалавек. (Лукашэнка ў 90-х казаў толькі пра 400).

    Ва ўсёй гэтай прамаскоўскай пячорнай палітыцы паўдзікуноў зьдзіўляе нават ня іхняе адкрытае бахвальства аб зьнішчэньні беларусаў, але паспалітая рэакцыя (дакладней, адсутнасьць рэакцыі) шырокага беларускага грамадзтва, якое падтрымлівала рэжым (усё чуючы) і хваліла Лукашэнку. Вось тут і ёсьць фэнамэн існаваньня антынацыянальнай дыктатуры.

    Прычына зразумелыя -- страх, псіхалогія савецкага нявольніцтва і адсутнасьць нацыянальнага патрыятызму. Усё пачалося з уцёкаў ад свабоды, -- з акупацыйнай фразы: "зачэм этат беларускі язык"; "какая разьніца". Тут -- аснова асноў няшчасьця людзей.

    Напачатку было Слова. Значэньне мае толькі Слова. Астатняе збоку. І Слова беларускага генія Багушэвіча вісіць, як Дамоклаў меч, над існуючым пакаленьнем: "Не пакідайце ж мовы нашай Беларускай, каб не ўмёрлі". Шкода, калі не пачуюць нават цяпер.

    17 сьнежань 2021 г.          Зянон ПАЗЬНЯК

    Posted Jan 5, 2022, 8:24 AM by Адміністратар Навін
  • ЗАЎВАГІ ПА СУТНАСЬЦІ "АПАЗЫЦЫЙНАЙ" ПАЛІТЫКІ, ЯКІЯ ТРЭБА ЎЛІЧВАЦЬ

    Генацыд і рэпрэсіі прымусілі шмат якіх беларусаў падняць галаву і пацікавіцца, што робіцца. ДэмСМІ і лукашысцкае тэлебачаньне даюць ім гатовыя адказы, зноў клічуць на свой рэфэрэндум, называюць Ціханоўскую апазыцыяй і глядзяць на Пуціна.

    Думаньне паводле СМІ сталася для некаторых беларусаў, на жаль, думаньнем паводле ілжы. Але што на справе? На справе ў 2019-2020 гг. Масква ўзмацніла сваю палітыку па падпарадкаваньні Беларусі і падрыхтоўку да будучай анэксіі нашай краіны.

    Узьнікла праблема зь верным маскоўскім сатрапам Лукашэнкам, які заўсёды гатовы быў падтрымліваць і ажыцьцяўляць імпэрскую палітыку Крамля ў Беларусі, але заўсёды хацеў бы заставацца абсалютным і самастойным дыктатарам у сваім бастыёне.

    Маскве гэта не падабалася. У выніку ў Крамлі ўзьнік план зьмены сатрапа. Гэта значыць план замены Лукашэнкі на інашага "лукашэнку", які быў бы таксама "сваім" чалавекам, верным Маскве, але без амбіцый да абсалютнай улады і не ствараў бы праблем для маскоўскай стратэгіі.

    Кадр на замену быў падрыхтаваны ў сістэме Газпрама (эканамічна-фінансавым сэрцы расейскага гэбізму і пуцінскага рэжыму). Такой асобай стаў правераны чалавек Масквы (20 гадоў працы на пасадзе) -- дырэктар Белгазпрамбанку Віктар Бабарыка. Праект быў разгалінаваны і сістэмна задзейнічаны з варыянтамі ды падстрахоўкай. Акрамя Бабарыкі зьявіліся іншыя асобы, невядомыя раней у беларускай палітыцы: Сяргей Ціханоўскі (з жонкай Сьвятланай), Валеры Цапкала (з жонкай Веранікай), Марыя Калесьнікава (сакратарка Бабарыкі). У плане ўдзельнічала ўся прамаскоўская партыя АГП у поўным складзе, дзе зноў найбольш праявіўся Анатоль Лябедзька ("Раймон").

    Для беларусаў гэтая замена адной прамаскоўскай улады на іншую прамаскоўскую ўладу магла б быць больш разбуральнай за лукашызм, у тым плане, што прысьпешыла б здачу краіны без супраціву пад Расею. (Цяпер без супраціву не атрымаецца. Там дзе супраціў – там нараджаецца перамога.)

    Беларускіх актыўных палітыкаў рэжым замкнуў у гэты час у турму і адначасна разграміў газпрамаўскую групу пуцінскага плану. Бабарыку, Ціханоўскага і Калесьнікаву пасадзіў за краты, Цапкала з жонкай уцяклі ў Расею, а Ціханоўскую па дамоўленасьці зь Летувой вывезьлі прымусова ў Вільню, дзе яе ўзялі пад апеку летувіскія, маскоўскія, менскія і заходнія спэцслужбы.

    Масавыя народныя пратэсты супраць Лукашэнкі, якія пачаліся ў жніўні 2020 года пад нацыянальнымі сьцягамі і зьместам беларускай салідарнасьці, напалохалі Крэмль і прымусілі Пуціна падтрымаць Лукашэнку, не адмаўляючыся, аднак (моўчкі), ад альтэрнатывы групы Газпраму.

    Упор быў зроблены на групоўку вокол Ціханоўскай у Вільні. Групоўка назвалася "штабам" і пачала працу на Захадзе, патрабуючы ўвесьці эканамічныя санкцыі супраць Беларусі, сцьвярджаючы, што гэта падарве і паваліць уладу Лукашэнкі. Захад ахвотна прыняў гульню "ў Сьвятлану Ціханоўскую". Санкцыі сталі актыўна ўводзіць пакет за пакетам.

    Тут выявіўся, бадай што, найбольш значны вынік пуцінскай палітыкі зацугляньня Лукашэнкі. Лукашэнка апынуўся ў стане міжнароднай ізаляцыі, пасвараны з усімі суседзямі. Адзіны шлях у яго застаўся -- да Пуціна, у Маскву, выконваць (за крэдыты) усе загады і пажаданьні Крамля. Гэта забясьпечвае яму захаваньне ўлады і імунітэт перад санкцыямі, якія ня зьнішчаюць яго ўлады, але разбураюць краіну, эканоміку, глумяць жыцьцё беларусаў, спрыяюць генацыду і рэпрэсіям супарць нацыі з боку антынароднага рэжыму. Узьнікла вельмі дрэннае становішча -- разбурэньне Беларускай дзяржавы з двух бакоў: з Захаду і Ўсходу.

    У групоўцы вакол Ціханоўскай (карту якой акуратна разыгрывае Крэмль) сабралася ў асноўным вядомая праштампаваная агентура і людзі, гатовыя да палітычнага бізнэсу. Яны стварылі для Захаду "брэнд" Ціханоўскай, які адпаведна аплочваецца і ў істоце сваёй -- шкодны для цяпершчыны і будучыні Беларусі. Ціханоўская выконвае ў групе ролю падстаўной асобы, якая агучвае намеры. Група не імкнецца да ўлады. Задача, якую яна дэкляруе, -- гэта правесьці новыя "справядлівыя" выбары пры лукашысцкім рэжыме, пры лукашысцкай ЦВК, пры "Ярмошыне нумар два" ды па лукашысцкай канстытуцыі, мяркуючы забясьпечыць на гэтых выбарах перамогу Віктару Бабарыку (альбо іншай асобе з прамаскоўскай газпрамаўскай групоўкі).

    Гэтая групоўка не дэкляруе беларускай нацыянальнай пазыцыі і беларускіх нацыянальных інтарэсаў. Там агучваюць сэнтэнцыі пра "мудрасьць" Пуціна, пра гатовасьць супрацоўнічаць з Масквой, адпаведна падразумеваецца, што будуць сплочваць мафійныя крэдыты Лукашэнкі і захоўваць увесь палітычны антыбеларускі гармідар, які Лукашэнка нагарадзіў разам з Пуціным ("мытны саюз", "союзное государство", АДКБ, здачу Белтрансгазу, ліквідацыю дзяржаўнай мяжы, рускую вайсковую прысутнасьць і г. д.).

    Група вакол Ціханоўскай выяўляе пазыцыю людзей, якія думаюць каляніяльнымі катэгорыямі і ў рэальнасьці гатовыя працягваць палітыку залежнасьці ад Масквы, ад імпэрскай пазыцыі Расеі. Прытым гэта ня толькі палітычная пазыцыя. Гэта іхняя каляніяльная ідэалёгія, залежніцкі сьветапогляд. Менавіта таму яны прынцыпова не карыстаюцца нацыянальнай мовай (але акупацыйнай расейшчынай), менавіта таму яны імкнуцца ліквідаваць законную Канстытуцыю 1994 года. Ім у прынцыпе і па сутнасьці не патрэбная беларуская свабода, бо нацыянальная свабода гэта ёсьць, перш за ўсё, -- афіцыйная дзяржаўная Беларуская мова, зацьверджаная ў законнай Канстытуцыі Беларусі.

    Плануючы замену сатрапа на больш зручнага для Масквы сатрапа, Крэмль стараецца скарыстаць нянавісьць бальшыні беларусаў да Лукашэнкі. Крэмль мяркуе (як некалі, на непрыняцьці беларусамі Кебіча) разыграць старую камбінацыю 1994 года на адмаўленьні Лукашэнкі. Але справа ня ў Кебічы і не ў Лукашэнку, а ў Маскве, у маскоўскай імпэрскай агрэсіўнай палітыцы і, што істотна (на жаль), у каляніяльнай савецкай псіхалогіі значнай часткі беларусаў, якая перашкодзіла ім тады, у 1994-м, зразумець, што такое свабода.

    У той час, калі беларускія патрыёты сядзяць у турме альбо забітыя злачынным рэжымам, альбо выгнаны за межы Айчыны, палітычна чужародныя для Беларусі сілы разыгрываюць паміж сабой спэктакль змаганьня супраць Лукашэнкі, быццам бы за свабоду і правы чалавека, але на справе -- аб зьмене сатрапа і аб працягу антыбеларускай палітыкі маскоўскай арды.

    14 сьнежань 2021 г.              Зянон ПАЗЬНЯК

    Posted Jan 5, 2022, 8:22 AM by Адміністратар Навін
  • ПАЛІТЫЧНЫ КАНФЛІКТ У БЕЛАРУСІ

    (працяг тэмы)

    І для людзей на Захадзе, і для шмат які беларусаў, далёкіх ад грамадзкіх інтарэсаў, складана зразумець сутнасьць палітычнай барацьбы ў Беларусі.

    Асноўны канфлікт тут паміж трыма няроўнымі сіламі і іхнымі адгалінаваньнямі.

    Пэрыяд канца 80-х і пачатак 90-х гадоў. Змаганьне паміж беларускім нацыянальным Адраджэньнем (якое выяўляў Беларускі Народны Фронт) і камуністычнай партыяй Савецкага Саюза (КПСС), якую прадстаўляла камуністычная партыя БССР (КПБ).

    Трэба адзначыць, што ў гэты час Беларускі Народны Фронт у барацьбе супраць камунізма і за незалежнасьць Беларусі падтрымліваў расейскую групу Ельцына, якая пад відам дэмакратыі змагалася з уладай Гаарбачова ў СССР. Тут трэба мець на ўвазе, што ў гэты час пры ўдзеле агентуры КГБ быў створаны шэраг дэмакратычных партыяў у піку БНФ. Дзейнасьць іх, практычна, не разьвілася (акрамя прамаскоўскай АГП). Напрыклад, кіраўнік адной зь іх (Нацыянальна-дэмакратычнай партыі) Алесь Емельянаў у 1991 годзе адкрыта заявіў у друку пра сваё супрацоўніцтва з КГБ. (Гл. "Свобрдные новоси", -- 1991, июнь, №10, стар 7, "Я был сексотом КГБ")

    Пасьля паразы КПСС (КПБ), паўраспаду СССР і здабыцьця незалежнасьці Беларусі (1991 год) канфлікт ускладніўся (патроіўся). Ён адбываўся паміж беларускім нацыянальным Адраджэньнем (БНФ) і паміж былой камуністычнай намэнклатурай, якая захавала ўладу ў Беларусі і абапіралася на імпэрыялістычныя сілы Масквы. У гэты час Фронт стаў крытычна ставіцца да палітыкі Ельцына ў Расеі.

    "Дэмакратыя" Ельцына (пры дапамозе якой была забрана ўлада ў Гарбачова) паступова скочвалася да палітыкі традыцыйнага рускага імпэрыялізму (працягваліся імпэрыялістычныя войны, грувасьціліся вялікадзяржаўныя прэтэнзіі). У 1993 годзе імпэрскія тэндэнцыі палітыкі Ельцына ўжо сталі пагрозай для іншых. Савецкі ўрад Кебіча пачаў перамовы з Масквой аб увядзеньні расейскага рубля ў Беларусі. Сітуацыя стала пагрозьлівай для незалежнасьці краіны.

    У пачатку 1994 года ў газэце "Нородная газэта" зьявіўся мой артыкул на рускай мове "О руссском империолизме и его опасности", які сарваў фальшывую маску зь ельцынскай дэмакратыі і меў эфэкт выбуху, ударыў па масавай сьведамасьці тых беларусаў, якія спадзяваліся на пабудову дэмакратыі ў Расеі і на суіснаваньне з Масквой.

    Маса насельніцтва былой БССР жыла яшчэ каляніяльнымі ўяўленьнямі, што можна вольна існаваць побач з Расеяй, захоўваючы савецкія сантымэнты. А тут на табе -- папярэджаньне пра рускую небясьпеку.

    Нават праз дзясяткі гадоў пасьля публікацыі каляніяльная інтэлігенцыя Беларусі агучвала яшчэ філісьцерскія прэтэнзіі да аўтара, што, маўляў, ня трэба было агаляць становішча, бо савецкі народ, маўляў, не гатовы быў яго ўспрыняць.

    Канфлікт стаў патройным (БНФ -- урад Кебіча -- Масква) і ўвесь час насіляўся з боку Масквы. Схема падпарадкаваньня Беларусі за часы Ельцына была шаблонна расейскай: паставіць у Беларусі свайго стаўленьніка і праз яго праводзіць дэнацыяналізацыю краіны, русіфікацыю, падпарадкаваньне эканомікі і фінансавай сістэмы Маскве і паступова, ціха, з падтрымкай міжнароднай супольнасьці ажыцьцявіць паглынаньне пад лёзунгам "аб'яднаньня".

    Спачатку пайшло ўсё па задуме. Быў знойдзены патрэбны (з гледзішча Масквы) выканаўца яе палітыкі: выхадзец з нізоў, ненавісьнік усяго беларускага, прыхільнік СССР, зьвязаны з КГБ, псіхапатычна залежны ад зьнешніх уплываў і апантана настроены на дасягненьне ўлады.

    Апошняя паранойная якасьць стаўленьніка якраз і сыграла з Масквой у "злы жарт". На хвалі дасягненьня ўлады кліент захацеў у Крэмль, каб аднавіць СССР і ўсім кіраваць.

    У гэта амаль ніхто ня мог паверыць, хаця ўсё было на віду, і толькі кулуарны выпадак у нетрах расейскай улады прадухіліў авантуру.

    Стаўка КГБ на нікому невядомага шэрага Пуціна канчаткова пахавала магчымасьць рэалізацыі запаленчых фантазіяў Лукашэнкі пра пасаду ў Крамлі. І тады пры падтрымцы Масквы ён стаў маніякальна ствараць у Беларусі свой крэмль.

    Узьнік новы складаны і разбуральны для Беларусі канфлікт палітычных і ўладных інтарэсаў.

    Такім чынам летам 1994 года маскоўскі план адбыўся (выцягнулі Лукашэнку). Патройны канфлікт абвастрыўся, набыў рэзкія рысы. У 1996 годзе сілы беларускай самастойнасьці і законнасьці выйшлі наверх. Быў падрыхтаваны імпічмант Лукашэнку. Справа зьмены ўлады імкліва рабілася рэальнасьцю.

    Сітуацыю з крахам Лукашэнкі ўратавала Масква. (Ратаваць сатрапа прыляцела ў Менск усё кіраўніцтва Расеі, акрамя Ельцына.) У выніку ў Беларусі адбыўся дзяржаўны пераварот. Лукашэнка ліквідаваў законную Канстытуцыю. Пачаліся рэпрэсіі.

    Наступнае ўскладненьне канфлікту сталася ў 1999-2000 гг. і зьвязана было зь дзейнасьцю ў Беларусі заходніх паліттрэгераў, і найперш немцаў (кіраўнік Менскай місіі АБСЕ Ганс Вік і інш.), якія дзейнічалі часткова ў рускай парадыгме і спрыялі "аб'яднаньню" (паглынаньню) Беларусі Расеяй. Дзеля гэтага з боку Захаду былі пастаўлены дзьве задачы:

    1. ліквідаваць Беларускі Нацыянальны Вызвольны Рух (БНФ);

    2. паставіць і прафінансаваць сваіх стаўленьнікаў і стварыць у Беларусі сваю ідэёва і фінансава падпарадкаваную дэмакратычную апазыцыю, праз якую можна б было ўплываць на працэсы.

    Характэрна, што нямецкая місія ў Беларусі (Ганс Вік і інш.) дзейнічала супраць беларусаў сумесна з КГБ (пра што было публічна засьведчана: (гл. БелГазета, -- 2004, 12 студзеня).)

    У 1999 годзе пры дапамозе, найперш, немцаў быў расколаты Беларускі Народны Фронт. У 2000-м годзе (пры ўдзеле Ганса Віка і КГБ) была створана і прафінансавана падстаўная аб'яднаная апазыцыя, эклектычна арыентаваная і на Захад, і на Маскву.

    Падстаўная апазыцыя, кіруемая з двух цэнтраў і кантралюемая рэжымам, выявіла фармальныя тэндэнцыі да замены Лукашэнкі, але пры захаваньні залежнага статус-кво ў дачыненьнях з Масквой. Барацьба за незалежнасьць ад Масквы не прадугледжвалася. Сутнасьцю існаваньня гэтага апазыцыйнага новатвора сталася паразітнае спажываньне заходніх фінансаў, своеасаблівы палітбізнес, што прывяло да імітацыі палітычнай дзейнасьці (пад выдзяленьне новых грошай).

    Такое становішча нейкі час задавальняла ўсіх даўцаў, у тым ліку і рэжым, які адкрыта маніпуляваў гэтай "апазыцыяй" і нават зьдзекваўся зь яе.

    Неўзабаве са стаўкай на падстаўную апазыцыю Захад зайшоў у тупік і зразумеў тое толькі ў 2015 годзе, калі рэзка спыніў амаль усё фінансаваньне падстаўных.

    Зьяўленьне квазі-апазыцыі яшчэ больш ускладніла палітычны канфлікт у Беларусі і моцна заблытала розум электарату. Аслабленыя нацыянальна-вызвольныя сілы вымушаныя былі змагацца на тры франты, судакранаючыся з квазі-апазыцыяй толькі па асобных пытаньнях у адносінах да рэжыму Лукашэнкі і да палітыкі Эўразьвязу. У цэлым у Беларусі стварыўся фармальна чатырохзначны канфлікт палітычных інтарэсаў, хаця рэальная небясьпека для Беларусі, якая вызначала ўсё астатняе, выходзіла з Расеі.

    Сітуацыя выглядала так. Пагроза беларускай незалежнасьці і беларускай нацыянальнай ідэнтычнасьці ішла з Масквы праз рэжым Лукашэнкі. Гэта агульная сіла, якая русіфікавала і нішчыла беларускую нацыю. Прытым Масква імкнулася крок за крокам падпараткаваць сабе цалкам усе сфэры жыцьця Беларусі і зрабіць залежнай ад Масквы ўсю ўладу Лукашэнкі, падганяючы становішча да анэксіі краіны.

    Лукашэнка ахвотна зьнішчаў эдэнтычнасьць Беларусі і праводзіў маскоўўскую палітыку русіфікацыі, але тут зноў узьніклі нечаканыя для Крамля абставіны: ён выявіў паталагічную цягу да абсалютнай улады, не жадаючы саступаць Маскве. Узьнік парадаксальны канфлікт. Абедзьве злыя сілы супольна гробілі Беларускую нацыю і адначасна востра канфліктавалі між сабой за ўладу над Беларускай дзяржавай і з-за крэдытаў, якімі Масква аплочвала здраду Лукашэнкі.

    Падстаўная апазыцыя падтрымлівала палітыку Эўразьвязу, г. зн. выступала за ліквідацыю ўлады Лукашэнкі, але заставалася ў каляніяльнай сфэры ўплыву Масквы і падтрымлівала зь ёй сувязі. У падстаўной апазыцыі меркавалі, што пры падтрымцы Эўразьвязу яны зробяць для Масквы лепшую прапанову, чым Лукашэнка. Масква, у сваю чаргу (як думалі падстаўныя), дазволіць у Беларусі забясьпечваць правы чалавека і дэмакратыю. (У гэтым выяўлялася тыповая рэтрансьляцыя інфантыльных уяўленьняў эўрапейскіх палітыкаў.

    Перакрыжаваньне дачыненьняў выглядала так: нацыянальна-вызвольныя беларускія сілы змагаліся супраць імпэрскай палітыкі Расеі, супраць антыбеларускага рэжыму Лукашэнкі і, у большай частцы, супраць падстаўной апазыцыі.

    Масква падтрымлівала палітыку Лукашэнкі і адначасна прыдушвала яго, заганяючы ў залежнасьць, падтрымлівала квазі-апазыцыю і не прымала беларускія нацыянальна-вызвольныя сілы.

    Лукашэнка не ўспрымаў і душыў беларускія нацыянальна-вызвольныя сілы, падтрымліваў маскоўскую імпэрскую палітыку і не падпарадкоўваўся маскоўскаму ўціску на сваю ўладу, часта маніпуляваў падстаўной апазыцыяй, дэманструючы крытыку.

    Квазі-апазыцыя дэманстравала непрыняцьце рэжыму Лукашэнкі, падтрымлівала маскоўскі ціск на Лукашэнку і палітыку Эўразьвязу ў дачыненьні да Беларусі, непрыхільна ставілася да Беларускага Нацыянальна-Вызвольнага Руху.

    Такая ж схема дачыненьняў засталася і цяпер. Але адбылася істотная зьмена з падстаўной апазыцыяй. Пасьля таго, як Захад рэзка зьменшыў фінансаваньне вікаўскай квазі-апазыцыі, новую падстаўную апазыцыю ў 2017-2020-х гадах стварыла Масква, скарыстаўшы кадры, уплыў і "крамлёўскі кашалёк" Газпрама. Адбылася рэзкая зьмена спонсараў гэтай зьявы. Новая падстаўная апазыцыя мае выразныя русіфікацыйныя прыкметы, карыстаецца расейскай мовай, арыентуецца на Пуціна, на Расею і ня бачыць каштоўнасьці ў незалежнасьці Беларусі (выказваньні В. Бабарыкі). Усе існуючыя перакрыжаваныя канфлікты рэзка павялічыліся. Рэжым Лукашэнкі пачаў рэпрэсіі і гібрыдны генацыд супраць беларусаў і Беларускага Нацыянальна-Вызвольнага Руху. Адначасна сатрап кінуў у турму прадстаўнікоў газпрамаўскай апазыцыі і ўпакарыўся Пуціну ў гатовасьці здаць інтарэсы Беларусі.

    Пуцін распачаў наступ на суверэнітэт Республікі Беларусь і падрыхтоўку да анэксіі краіны.

    Газпрамаўская апазыцыя, арыентаваная супраць улады Лукашэнкі, патрабуе яго замены ў сфэры ўплыву Расеі. Яна выступіла на баку Пуціна, патрабуючы ад Захаду эканамічных санкцыяў супраць Беларусі, якія разбураюць краіну, заганяюць беларускі народ у беднасьць, а Лукашэнку -- у лапы да Пуціна, які патрабуе здаць Беларусь.

    Захад успрыняў станоўча пазыцыю Пуціна і газпрамаўскай апазыцыі адносна Беларусі.

    У створаных умовах газпрамаўская падстаўная апазыцыя, гэтак жа, як Пуцін і Лукашэнка, арыентавана супраць нацыянальна-вызвольнай ідэалогіі Беларусі, супраць законнай Канстытуцыі Беларусі 1994 года, адкідае гісторыю барацьбы Беларускага Народнага Фронту за незалежнасьць Беларусі.

    Сілы Беларускага Нацыянальна-Вызвольнага Руху і Беларускага Адраджэньня, якія апынуліся ў падпольлі і часткова за мяжой, накіраваныя рэзка супраць імпэрыялістычнай анэксіянісцкай палітыкі пуцінскай Расеі, супраць газпрамаўскай русіфікатарскай апазыцыі і супраць антынароднага тэрарыстычнага рэжыму Лукашэнкі.

    Перасячэньне канфліктаў вымагае іх веданьня і арыентацыі ў падзеях. З гэтай карціны мы бачым, што пазыцыя і палітыка Лукашэнкі, Пуціна і газпрамаўскай падстаўной апазыцыі супадаюць у канечнай мэце -- пакідаюць Беларусь (якія б перамены ні адбыліся) у сфэры татальнага ўплыву Расеі і ў пэрспэктыве -- анэксіі краіны. Супраць гэтых трох палітычных зьяў выступаюць Беларускія Нацыянальна-Вызвольныя сілы і Беларускае Адраджэньне. Нацыянальна-Вызвольныя сілы тактычна перасякаюцца толькі з газпрамаўскай падстаўной апазыцыяй у плане ліквідацыі ўлады Лукашэнкі. Але мэты розныя. Беларускае Адраджэньне змагаецца за ліквідацыю рэжыма Лукашэнкі і за ліквідацыю каляніяльнай залежнасьці ад Расеі (прынцып -- краіны Балтыі). Газпрамаўская квазі-апазыцыя агучвае пуцінскі план замены Лукашэнкі на іншага маскоўскага кадра ў сфэры імпэрскага ўплыву Масквы. Пад пуцінскі план заангажаваны і Эўразьвяз, які прадставіў сваё поле агітацыі для газпрамаўскай падстаўной апазыцыі і спасылаецца на яе заявы.

    З існуючага становішча вынікае вельмі важная выснова. Ня гледзячы на перасячэньне пазыцыяў адносна ліквідацыі ўлады Лукашэнкі, у беларускіх нацыянальна-вызвольных сіл Адраджэньня і ў газпрамаўскай падстаўной апазыцыі, аб'яднаньне палітычных дзеяньняў паміж імі ў прынцыпе -- немагчымае. (Тут узьнікае сітуацыя "непрэдрэшэнства", якая невырашальная.) Магчымыя толькі вымушаныя сітуацыйныя клаўзулы з розных бакоў барацьбы. (Напрыклад, падзеньне ўлады Лукашэнкі будзе супольна падтрымана. Але далей -- вырашальнае змаганьне з Масквой па розныя бакі фронту.)

    І цяпер пра электарат, які масава раз у пяць гадоў хадзіў галасаваць пры адсутнасьці парляманту, вольных мэдыяў і свабоды друку. Гісторыя паказала і паказвае, што ва ўмовах несвабоды дзікага рэжыму і чужой прапаганды ніхто з выбаршчыкаў толкам ня ведае, што адбываецца, з прычыны складанасьці канфлікту.

    У выпадку пратэсту усё зводзіцца да нескладанага пачуцьцёвага рашэньня тыпу "абы не Лукашэнка". На жаль, на дабро такая пазыцыя не спрацоўвае, а калі і спрацоўвае (як з Кебічам ды Ціханоўскай), то на карысьць Масквы, адвечнага ворага Беларусі.

    Паправіць існуючую сітуацыю бяз сродкаў масавай інфармацыі, без свабоды друку і пры адсутнасьці парляманту вельмі складана, асабліва тады, калі ў электарата недастаткова разьвітая сьвядомасьць ідэйнай і нацыянальна-культурнай самаідэнтыфікацыі. Тады людзі лёгка робяцца аб'ектам маніпуляцыі, зьяўляюцца сацыяльыя поклічы, тыпу "абы ня гэты" ці "какая разьніца" (каляніяльны кліч русіфікаваных) і т. п.

    Паправіць інфармацыйныя веды і ідэйную сьвядомасьць ва ўмовах нацыянальнай несвабоды можна беларускім асьветніцтвам і асьветніцкай контрпрапагандай у зоне свабоды, якой часткова зьяўляецца сусьветнае Сеціва, вольны друк і эміграцыя, плюс падземнае змаганьне беларусаў на Бацькаўшчыне за волю і сваё існаваньне.

    Прытым адзначу, што гэта абавязковыя дзпеяньні. Інакш ніякія схемы, планы і канцэпцыі змаганьня на карысьць беларусаў не спрацуюць. Пачынаць трэба з сябе і працаваць на сваіх.

    Сітуацыя можа быць разьвязана на карысьць народа толькі з павелічэньнем уплыву беларускіх нацыянальна-вызвольных сіл.

    19 сьнежань 2021 г.              Зянон ПАЗЬНЯК





    Posted Jan 4, 2022, 7:53 AM by Адміністратар Навін
  • КАРОТКІЯ ЗАЦЕМКІ АБ РАСКЛАДЗЕ СІЛ

    (Ліст да адраджэнцаў Беларусі)

    Іміграцыю за часы існаваньня СССР (і цяпер пуцінскай Расеі, што ў плане палітычным, фактычна, адно і тое) татальна выкарыстоўваў КГБ для засылкі агентуры на Захад. За саветамі КГБ найбольш агентурна скарыстаў масавую габрэйскую іміграцыю ў Амэрыку і Ізраіль. Пасьля 1991 года гэтая апэрацыя пайшла прахам, спарадзіўшы сэрыю выкрывальных публікацыяў засланай агентуры, якая адчула сябе нікому не абавязанай.

    У 2010 годзе (пасьля лукашысцкага пагрому беларускай грамадзянскай супольнасьці і хвалі антыбеларускіх рэпрэсій) сотні палітычных імігрантаў-беларусаў хлынулі ў суседнія краіны. Гэбоўска-эфэсбоўская агентура таксама паплыла на той хвалі. Яна атабарылася найбольш у Польшчы і Вялікабрытаніі. З нацыянальна-дэмакратычнай беларускай эміграцыяй гэтыя людзі ў кантакт не ўступалі, але і не выяўлялі адкрытай варожасьці. Сваю дзейнасьць (на рускай мове) абмяжоўвалі рэзкай крытыкай рэжыму Лукашэнкі (называючы яго ўладу "белорусский режим") і замоўчвалі інфармацыю аб антыбеларускай ролі Масквы.


    Цяперашняя хваля іміграцыі больш масавая (накіраваная ў асноўным на Польшчу, Украіну, Летуву і ЗША) мае іншы характар. У значнай частцы гэта людзі з сьвядомасьцю "рускага сьвету", вырашчанага ў лукашысцкай Беларусі (дакладней, "каланіяльнага сьвету", арыентаванага на Расею). Яны шукаюць тут "русских школ", "русских врачей", "русского языка" і г. д.

    Найбольшы ўплыў на іх мае газпрамаўская квазі-апазыцыя (група вакол Ціханоўскай-Латушкі), агентурна падрыхтаваная значна раней.

    Масква на гэты раз правяла грунтоўную працу, каб стварыць за мяжой прамаскоўскую "беларускую" эміграцыю на рускай мове, арыентаваную адначасна супраць Лукашэнкі і супраць Беларускага Нацыянальна-Вызвольнага руху.

    Гэта прынцыпова новая сітуацыя для беларускага замежжа. Фактычна, Масква праз газпрамаўскую падстаўную апазыцыю стварае для беларусаў трэці фронт барацьбы. Сітуацыя выгадная Маскве дзеля ўплыву і маніпуляцый.

    Канфліктны расклад выглядае так:

    Лукашэнка -- Пуцін -- адзінства.

    Пуцін -- Лукашэнка -- канфлікт.

    Газпрам-апазыцыя -- Пуцін -- адзінства.

    Лукашэнка -- Газпрам-апазыцыя -- канфлікт.

    Нацыянальна-Вызвольны рух -- Лукашэнка -- канфлікт.

    Нацыянальна-Вызвольны рух -- Газпрам-апазыцыя -- канфлікт.

    Нацыянальна-Вызвольны рух -- Пуцін -- канфлікт.

    У гэтую схему ўцягнуты і Захад са сваім амбівалентным падыходам да Пуціна, які ў выніку выкарыстоўвае Захад супраць Беларусі на поўніцу

    Можна нават вывесьці тут матэматычную формулу ўраўненьня з пераменнай велічынёй (квазі-апазыцыя), перамена якой кардынальна зьмяняе сітуацыю. І гэты працэс пачаўся.

    Менавіта. У працэсе змаганьня людзі ("невераятныя") пачынаюць расплюшчваць вочы, расчароўвацца і адпадаць ад падстаўной апазыцыі Ціханоўскай-Латушкі. Калі б працэс адыходу пашырыўся, тады невялікая частка "невераятных", магчыма, магла б далучыцца да нацыянальна-вызвольных беларусаў, большая -- хутчэй за ўсё адышла б у побытавае існаваньне. Сама газпрамаўская групоўка апазыцыйнага "квазі" напэўна засталася б на маргінальным узроўні, але калі спыніцца яе зьнешняе фінансаваньне -- яна зьнікне (гэтак жа, як пасьля адмовы фінансавага ўтрыманьня зьнікла дзейнасьць Мілінкевіча, "Говправду" і т. п.).


    Цяпер важна і для беларусаў у замежжы, і ў Беларусі (падземна) ствараць суполкі Нацыянальна-Вызвольнага руху "Вольная Беларусь". Істотна, каб тое было грамадзкай ініцыятывай, ішло з гушчы. Беларускі Нацыянальны Сакратарыят тут адыгрывае толькі ідэйную і арганізацыйна-каардынуючую ролю.

    У барацьбе з прамаскоўскім антыбеларускім рэжымам і з пуцінскай Масквой рэальна абараніць Беларусь і Беларускі народ могуць толькі самы беларусы, якія стаяць на Беларускай нацыянальнай ідэі і салідарныя ў ёй, змагаюцца за свабоду супраць антынароднага рэжыму Лукашэнкі і супраць палітыкі імпэрскай Расеі.

    2 студзень 2022 г.

    Зянон ПАЗЬНЯК

    (Ад Беларускага Нацыянальнага Сакратарыяту "Вольная Беларусь")  

    Posted Jan 3, 2022, 10:56 AM by Адміністратар Навін
  • ВІНШАВАНЬНЕ З НОВЫМ 2022 ГОДАМ У ЦЯЖКІМ ЧАСЕ

          Усім беларусам, якія схоплены ў палон прамаскоўскім рэжымам і кінутыя ў турму за краты на пакуты і зьдзек за тое, што яны беларусы, і тым, што пад чужой уладай жывуць у турме бяз кратаў, зычу ў новым 2022 годзе ўбачыць Беларусь вольнай і быць у свабодзе.

    Трымайцеся і мужайцеся, мацуйцеся духам. Беларусь ведае пра вас і не забудзе гісторыя барацьбы за волю і вольную нацыю.

    Ёсьць за кратамі розныя людзі, нават тыя, што блудзілі ў Расеі і спадзяваліся на Маскву. Але Масква іх здала цемрашалу, бо маніпулявала і гуляла ў свае інтарэсы. Дзеля гэтых вязьняў скажу:

    -- Сябры, братове, вы беларусы, за вамі наш беларускі род. Кідайце глядзець на Маскву. Расея наш вораг, вораг свабоды і ўсяго чалавецтва. З Масквою нельга дружыць, бо яна рыхтуе нам народную сьмерць. З Масквою трэба змагацца, бо толькі змагаючыся -- пераможам зло.

    Беларусь -- наша сьвятая зямля. Шануйма нашу зямлю і свабоду. Шануйма нашу вялікую Беларускую мову, наш Хрыстовы Бел-Чырвона-Белы сьцяг і гэрб "Пагоня". Вяртаймася да вытокаў, да нашых карэньняў, да нашай народнай сутнасьці і вялікай культуры, гаварэм па-беларуску ўсюды, дзе мы ёсьць, любем нашу Айчыну і наш народ, не аддавайма яго на рабунак і зьдзек маскоўскай ардзе.

    Тыя, што хлусяць народу і за юдавы грошы хваляць чужых, тыя, што наклікаюць бяду на краіну ды кажуць, што "Пуцін мудрэц" і Расея ім друг, -- гэта здраднікі нацыі, якія набліжаюць вайну, клічуць гора людзей і расейскі захоп.

    Зычу ўсім, каб вайны не было. Але мы бачым, як рыхтуюць яе падпальшчыкі вайны -- маскоўскія тэрарысты, бачым, як пры дапамозе здраднікаў плануюць завезьці атамную зброю ў Беларусь і падставіць народ на зьнішчэньне, бачым, як рыхтуюць напад на Ўкраіну, як хочуць уцягнуць Беларусь у вайну.

    І цяпер маё рэалістычнае канкрэтнае навагодняе пажаданьне: беларусы, рыхтуймася да абароны Айчыны. Будзьма гатовыя да супраціву рускім акупантам. Рыхтуймася да партызанскай вайны, калі першым чынам трэба будзе зьнесьці ненавісны прадажны антынародны рэжым. Хай шчасьціць нам Бог.

    Калі два злачынцы-тэрарысты паспрабуюць уцягнуць наша войска ў вайну супраць Украіны, вайскоўцы, памятайце: ніхто не павінен страляць па ўкраінцах і ў бок Украіны. Пераходзьце на бок украінцаў цэлымі вайсковымі аддзеламі, стварайце салдацкія камітэты; прарасейскіх афіцэраў, што будуць гнаць вас супраць украінцаў, судзіце па законах ваеннага часу. У вас будзе зброя, танкі і амуніцыя. Паварочвайце зброю супраць акупантаў і іх халуёў. Калі пуцінскія тэрарысты пачнуць вайну -- яна стане ім гробам.

    Беларускі Нацыянальны Урад, які рыхтуецца і заступіць пасьля ліквідацыі рэжыму, вызваліць з турмы ўсіх незаконна асуджаных беларусаў, выплаціць ім кампэнсацыю і забясьпечыць медыцынскую рэабілітацыю здароўя. Будзе спынена акупацыя і антыбеларуская палітыка. Будзе адноўлены суверэнітэт, вернута законнасьць і праца. Будуць вернуты з выгнаньня беларускія лекары, будзе забясьпечана медыцына для народа ў час пандэміі. Сотні тысячаў беларусаў, выгнаных варварамі рэжыму, вернуцца з-за мяжы ў Бацькаўшчыну, узьяднаюцца з сем'ямі, стануць гаспадарамі сваёй шчасьлівай Айчыны.

    Зычу зьдзяйсьненьня гэтай пэрспэктывы для ўсіх беларусаў у Новым 2022 годзе. Віншую ўсіх з Новым Годам надзеі і перамен.

    Слава Айчыне! Жыве Беларусь!

    31 сьнежань 2021 г.

    Зянон ПАЗЬНЯК

    ад Беларускага Нацыянальнага Сакратарыяту "Вольная Беларусь"

    Posted Dec 31, 2021, 5:08 AM by Адміністратар Навін
  • НЯ БУДЗЕ ВАР'ЯТ ПЛЯВАЦЬ У ТВАР УСЁЙ НАЦЫІ

    Пісьменьнік Артур Клінаў даў інтэрв'ю інтэрнэт-парталу "Свабода" і выказаў думку, што беларусы павінны йсьці на дыялог і кампраміс з бандыцкім рэжымам, каб уратаваць незалежнасьць, дзяржаву, нацыю і культуру.

    Думка пісьменьніка выклікала розгалас, таму лічу патрэбным выказаць палітычную ацэнку гэтай думцы. Беларусы мусяць рэальна ўяўляць, пра што гавораць.

    Найперш адзначу гуманістычную і патрыятычную матывацыю выступу спадара Клінава, характэрную ўвогуле для творчых людзей культуры. Але, на жаль, сітуацыя, якую разглядае шаноўны пісьменьнік, не належыць ні да гуманістычнай, ні да патрыятычнай, ні, тым больш, да юрыдычнай сфэры. Яна выйшла за межы гэтых паняцьцяў і на іх узроўні невырашальная. Прапанова аб дыялогу ў дадзенай сітуацыі супярэчыць элемэнтарным асновам паліталогіі, якія зьяўляюцца аксіёмамі.

    "Дыялог" апазыцыйных беларусаў з антыбеларускім рэжымам тут, у прынцыпе, немагчымы. І вось чаму. Для дыялогу (перамоваў) паміж праціўнікамі мусіць быць пэўная раўнавага сілаў, гэта значыць кожны з бакоў мусіць мець сродкі ўплыву на дзеяньні іншага боку. (Такімі сродкамі, напрыклад, валодае Эўразьвяз.)

    Калі б нават зьяднаць беларускія групоўкі за мяжой у адну платформу, то рэальна ніякай перамоўнай сілы для дыялогу з праціўнікам (Лукашэнкам) яны ўяўляць ня будуць. У груповак рэальна няма ні моцных арганізацыяў, ні колькасных структур, ні сілавых груп, ні фінансаў, ні ўплыву на эканамічныя дачыненьні, на палітыку, няма падпарадкаванага руху супраціву ў Беларусі, і, адпаведна, няма ніякага рэальнага ўплыву на рэжым у Беларусі, акрамя інфармацыйнай крытыкі і сьведчаньняў пра злачынствы.

    Апазыцыйныя беларусы і беларускія групоўкі ў абставінах існуючай сітуацыі знаходзяцца ў такім стане, што ў прынцыпе ня могуць быць перамоўным бокам. Яны тут, за мяжой, існуюць у ролі ахвяры, але не перамоўнай сілы, зь якой вымушаны быў бы лічыцца праціўнік.

    Калі б уявіць абсурдную зьяву, што нейкія групы ў іхным становішчы заявілі б пра дыялог з бандыцкім рэжымам, то ў рэальнасьці гэта выглядала б капітуляцыяй, прызнаньнем магчымасьці і неабходнасьці злачынных дзеяньняў рэжыму, і больш таго -- выглядала б апраўданьнем рэжымных злачынстваў і здачай сябе ў няволю.

    Таму такое немагчыма. Колішнія заявы мэдыйна раскручанай групоўкі Ціханоўскай-Латушкі пра іхныя перамовы з рэжымам Лукашэнкі, -- гэта сьведчаньне камплектнай інфантыльнасьці ў палітыцы. Лукашэнку няма пра што гаварыць з палітычнымі фантомамі (акрамя, хіба, як пасадзіць іх за краты). Эўропа, вядома, была б тады "заклапочана", але ніхто там сатрапу цяпер нічога ня зробіць. Для Лукашэнкі рубікон пяройдзены. Для Эўропы -- час страчаны.

    Тры месяцы таму я ад імя Беларускага Нацыянальнага Сакратарыяту настойваў (і пра тое пісаў) аб перамовах Эўразьвязу з рэжымам па пытаньні зьняцьця забароны і адкрыцьця пасажырскіх авіа і наземных камунікацый. (Пытаньне пра "Белавія" і інш. Гл., напрыклад, выступ на Белсаце ў варасьні гэтага году). Фактычна, і Эўразьвязу, і Лукашысцкаму рэжыму было прапанавана адступіць на адзін крок. Гэта тады было неабходна, і на той час кантакты яшчэ былі магчымымі. Працяг мог бы прывесьці да аднаўленьня транспартных сувязяў і да карэкцыі санкцыйнай палітыкі, шкоднай для Беларусі. Эўразьвяз не скарыстаў такую магчымасьць, бо яна яму была непатрэбная.

    Захад, сумесна з Пуціным, праводзіць сваю эгаістычную геапалітыку адносна Беларусі, дарэчы, выкарыстоўваючы для апраўданьня сваёй пазыцыі фантом Сьвятланы Ціханоўскай.

    Зараз ужо позна, магчымасьці перамоўнага кантакту ліквідаваныя, нават на дыпляматычным узроўні. Заходнія дзеячы сваёй прымітыўнай санкцыйнай палітыкай, інсьпіраванай Пуціным (прымусовая пасадка самалёта кампаніі "Райнэр" у Менску), загналі Лукашэнку ў кут. Як быццам яны ня ведалі, што нельга заганяць злачынцу ў кут, калі ў яго ёсьць дзьверы. Дзьверы ў Расею.

    У выніку Лукашэнка пад ціскам Масквы "папаліў масты", прызнаў Крым расейскім, пачаў гібрыдную іміграцыйную вайну з Эўразьвязам на мяжы з Польшчай, заявіў аб магчымасьці ўвядзеньня ў Беларусь расейскага войска і расейскай ядзернай зброі, даў зразумець, што ў выпадку нападу Расеі на Украіну ён будзе на баку Расеі. Сатрап павялічыў рэпрэсіі на ўсё грамадзтва, распаўсюдзіў іх на ўвесь беларускі народ, на ўладныя структуры. "Всех вырежем", "всех ликидируем", -- публічна крычыць Лукашэнка, -- "всех предателей" і "не наших людей" і т. п. Паўвар'ят, якому далі абсалютную ўладу над краінай і народам, знаходзіцца ў стане афэкту, робіцца правадніком вайны, у злобе і нянавісьці гатовы зьнішчыць краіну і нацыю.

    Тут не публіцыстыка -- гэта рэальнасьць. Рэальнасьць магчымай і надыходзячай нацыянальнай катастрофы.

    Ня дзіўна, што некаторыя беларусы, ня бачачы простага выйсьця, кідаюцца ў роспач і, каб захаваць народ, краіну і культуру, гатовыя прасіць перамоваў, здацца на ласку і міласьць бандытам узамен за жыцьцё, не разумеючы, што жыцьцё будзе ў ганьбе, а ўрэшце -- яны страцяць і жыцьцё, разам з краінай.

    Такія людзі, інтэлігенцыя (прывыклыя да простых гуманнных і законных рашэньняў) ня бачаць выйсьця. Яны ўсьведамляюць, што Беларусь гіне. Краіну і 10-мільённы народ гробіць адзін зацугляны Масквой паўвар'ят, плюючы ўсім у твар, і ніхто ня ведае, што рабіць.

    Рэпрэсіўная палітыка, тэрор і паводзіны Лукашэнкі стварылі становішча, зь якога людзям няма выйсьця. Тут так: альбо загіне краіна -- альбо зьнікне Лукашэнка. Краіна загінуць не павінна. Мусіць зьнікнуць Лукашэнка.

    Але гэта палова рашэньня. Другая палова -- ў Маскве.

    Сітуацыя, якую спарадзіў Лукашэнка (разам з Пуціным) у Беларусі, падобная на сітуацыю з Саддамам Хусэйнам у Іраку. Злачынствы і небясьпека ад Хусэйна была такая вялікая для нацыі, людзей і ўсяго сьвету, што было прынятае рашэньне аб яго арышце, судзе і ліквідацыі. (Нагадаю гісторыю дыктатур. Пра адмаўленьне ад улады з дыктатарамі нельга дамовіцца, іх можна было толькі ліквідаваць.)

    У мінулым годзе Беларускі Нацыянальны Сакратарыят працаваў над стварэньнем Беларускага народнага крымінальнага Трыбуналу, які павінен бы быў заняцца судовай справай Лукашэнкі.

    Прафэсійныя юрысты-беларусы, суддзі, сьледчыя, пракуроры у ЗША і ў Польшчы, зь якімі мне прышлося гаварыць пра стварэньне Трыбуналу, не рашыліся рызыкаваць. Шкода, бо рэвалюцыйны Трыбунал можна было стварыць з апорай на Канстытуцыю і на праўныя падыходы.

    Але праблема застаецца, і яна цяпер можа вырашыцца толькі спосабам асаблівай элімінацыі дыктатара, шляхам адпаведнай працэдуры.

    Улічваючы небясьпеку для краіны і выключныя абставіны, якія стварыў у Беларусі антыбеларускі рэжым Лукашэнкі, паўстае задача стварэньня Беларускага грамадзкага Суду (Калегіі грамадзкага Трыбуналу), якая разгледзіць справу, правядзе грамадзкае сьледзтва, заслухае сьведкаў і вынесе прысуд аб арышце ўзурпатара.

    Асабліва падкрэсьлю (не ўдаючыся ў тлумачэньні), што, калі будзе вынесены грамадзкі прысуд аб арышце, тады Лукашэнка будзе арыштаваны. Ён зьнікне з улады. Грамадзкі суд павесіць над ім Дамоклавую сякеру, якая даканае злачынцу.

    Схема стварэньня грамадзкага суду (Калегіі грамадзкага Трыбуналу) не складаная. Пасьля знаёмства беларусаў з гэтай задачай можна будзе прыступіць да яе ажыцьцяўленьня. Ня будзе вар'ят пляваць у твар усёй нацыі.

    Тым часам іронія злога лёсу (дакладней -- становішча) у тым, што і гэтае рашэньне можа стацца ня выйсьцем, а пасткай, калі б, скажам, нацыянальна-вызвольныя сілы ня здолелі апанаваць сітуацыю і тады вылез бы наверх легіён новых пуцінска-газпрамаўскіх "лукашэнак" і не пачалося б ўсё па кругу. Ёсьць над чым падумаць. Ілюзій, што грамадзтва істотна зьмянілася, -- няма, бо гатовае падтрымаць (як некалі Лукашэнку) любую выскачку з чужой табакеркі (абы не Лука). Але Грамадзкі Трыбунал ствараць трэба.

    22 сьнежань 2021 г.              Зянон ПАЗЬНЯК

    Posted Dec 23, 2021, 9:18 AM by Адміністратар Навін
  • ЧАКАЕЦЦА ПАСТАЯННАЕ НАСІЛЕНЬНЕ РЭПРЭСІЯЎ СУПРАЦЬ БЕЛАРУСАЎ

            Нядаўна паказалі відэа-інтэрв'ю Лукашэнкі для Бі-Бі-Сі. Тут усё, як заўсёды, як 27 гадоў падрад: хамства, хлусьня, злосьць, нянавісьць і паранойя.

    Зьвяртаю ўвагу на тыповае сістэматычнае прагаворваньне Лукашэнкам сваіх (альбо чыіхсьці) задум. Задуманае ў ім доўга не трымаецца. Зласьлівы выраз "вырежем всех" і ўсе пратэстуючыя "будут ликвидированы" -- гэта прамаўленьне рэальных намераў, якія яго апанавалі і якія ён будзе імкнуцца ажыцьцявіць.

    Імпульсіўны чалавек альбо нэўрастэнік можа сарвацца і нагаварыць лішняга. Але потым, калі ён супакоіцца, -- пра намеры забудзе. Рэакцыя імпульсыўнага нэўрастэніка ня ёсьць пабуджэньнем да дзеяньня. Тым часам паранойны псіхапат выяўляе свае ідэі "фікс", якія ён намераны ўвасабляць. Гэтым вар'яты небясьпечныя ва ўладзе.

    Ідэя "фікс" Лукашэнкі вынікае зь яго дыягназу і заснавана на псіхапатычнай нянавісьці да ўсяго беларускага.

    Рэжым унутранай акупацыі стаў праводзіць адкрыта акупацыйную палітыку генацыду. Пастаўлена задача вынішчыць усё нацыянальнае, беларускае: мову, адукацыю, навуку, друк, выдаведствы, бібліятэкі, музэі, школы, тэатры, творчыя саюзы, мастацтва, краязнаўства, літаратуру, -- словам, усю беларускую культуру і грамадзянскую супольнасьць і пры гэтым рэпрасаваць усіх патрыятычна думаючых беларусаў. У прынцыпе рэжым (па ўскосных назіраньнях і намёках) хацеў бы ліквідаваць адзін мільён актыўных патрыётаў. Але як гэта зрабіць за кароткі час пацыент пакуль што ня ведае.

    Разумным людзям трэба зважаць на тое, што адбываецца сістэмнае вынішчэеньне беларускай нацыі. Трэба прымаць неабходныя ў такіх умовах меры абароны і супраціву. (Дзеяньні рэжыму настолькі злачынныя, што часам нават далёкія ад палітыкі беларусы ўзбуджана крычаць: "Халера, зь ім трэба нешта рабіць!") Але вока спрута ў Крамлі. І «ўзбуджаныя» тое цяжка разумееюць.

    Пазыцыя Эўропы тут не адназначная. У цэлым эўрапейская палітыка каардынуецца з Пуціным і спрыяе ўпадку Беларускай дзяржавы ў плане накладаньня эканамічных санкцый і выкарыстаньня падстаўной ролі Ціханоўскай, за адносінамі да якой эўрапейскія дзеячы хаваюць свае геапалітычныя інтарэсы.

    Цяпер у беларускай палітыцы распараджаюцца чужыя сілы. Менавіта:

    акупацыйны рэжым Лукашэнкі, апазыцыйная група, падтрыманая Газпрамам (Ціханоўская-Латушка) і левыя сілы Эўразьвязу, якія на справе падтрымліваюць газпрамаўскую авантуру Пуціна аб нібыта прыдушэньні і замене Лукашэнкі.

    Сітуацыя пераменіцца толькі тады, калі палітычна, арганізавана і нацыянальна заявяць пра сябе беларусы, насуперак дзеяньням Масквы і яе крэатураў у Беларусі.

    Ідзе адкрытая вайна супраць Беларускага народу з прыкметамі генацыду. Складваецца адчуваньне, што мусіць быць нейкая разьвязка, нейкія дзеяньні, пакуль два злачынцы не пачалі страляць.

    27 лістапад 2021 г.      Зянон ПАЗЬНЯК




    Posted Dec 15, 2021, 5:34 AM by Адміністратар Навін
  • СЬВЕДЧАНЬНЕ ПРА ВЯЛІКУЮ БЕЛАРУСКУЮ СПРАВУ

            У 1994 годзе, калі Масква выцягнула на ўладны пасад Лукашэнку, стала зразумела, што будуць гробіць усё беларускае, і першым чынам -- Народны Фронт. Адразу ўсё й пачалося. Рана ці позна (калі б рэжым застаўся надоўга) глумілі б усю нашу вызвольную працу і найперш факталогію і гісторыю здабыцьця незалежнасьці Беларусі ў 1991 годзе і саму Незалежнасьць. Так ўсё і сталася.

    Сярод Дэпутатаў Незалежнасьці БНФ было некалькі асоб, якія добра трымалі пяро і маглі б напісаць пра падзеі змаганьня за незалежнасьць, пакуль жывая памяць. Пасьля маёй і Сяргея Навумчыка эміграцыі ў 1996 годзе стала відавочна, што зрабіць тое найлепш змог бы якраз Сяргей Навумчык.

    Але ўзяцца за працу было ня проста. Мусілі быць пэўныя гарантыі, што напісанае пойдзе ня ў стол. Нарэшце, у 2005 годзе, калі ўжо агледзеліся ў эміграцыі, я ўгаварыў Сяргея выдаць ягоную кнігу пра змаганьне за незалежнасьць яго ўласным аўтарскім коштам і ўзяўся яе надрукаваць у сваім самвыдавецтве "Беларускія Ведамасьці" ў Варшаве. Справа пайшла. У 2006 годзе кніжка выйшла пад назвай "Сем гадоў Адраджэньня альбо фрагмэнты найноўшай беларускай гісторыі (1988-1995)", праўда, невялікім накладам: усяго адна тысяча асобнікаў. Кніжка імгненна разышлася і добра чыталася, прытым беларускі ПЭН-цэнтар адзначыў яе прэміяй.

    Гэтыя добрыя весьці ўмацавалі аўтара ў рашэньні сур'ёзна працягваць працу далей, сістэмна і мэтанакіравана. У выніку за 15 гадоў выдадзена шэсьць кніжак, апісаныя падзеі з 1991 па 1996 гг., галоўным чынам пра дзейнасьць Вярхоўнага Савета 12-га скліканьня аж да дзяржаўнага перавароту Лукашэнкі ў лістападзе 1996 года.

    Што гэта за кнігі. (На некаторыя раней я ўжо пісаў рэцэнзіі.) Без перабольшаньня адзначу, што Сяргей Навумчык напісаў палітычную гісторыю падзей у Беларусі за часы ўнікальных 90-х гадоў канца 20-га стагоддзя, калі йшло фінальнае змаганьне з Савецкім Саюзам і з камунізмам за волю, дэмакратыю і незалежнасьць Беларусі. І галоўнае, што гэтае змаганьне беларусаў, якое ўзначальваў і выяўляў палітычны авангард народа Беларускі Народны Фронт "Адраджэньне", -- галоўнае, што гэтая барацьба завяршылася перамогай беларусаў. Дзейнасьць камуністычнай партыі і савецкага камсамола была спынена. Беларусь пазбавілася ад СССР і здабыла незалежнасьць, вярнула на дзяржаўны фасад свой дзяржаўны Бел-Чарвона-Белы сьцяг і дзяржаўны гэрб "Пагоню".

    Палітыка (як на практыцы было вядома нам, фронтаўцам) -- гэта ёсьць мастацтва немагчымага. І вось у 1991 годзе гэтае немагчымае было рэальна і разумна дасягнута без аніводнага стрэлу. Парляманцкая мяншыня Фронту, правільна скарыстаўшы сітуацыю, перамагла ў дзесяць разоў большую камуністычную прасавецкую бальшыню і аднагалосна дамаглася незалежнасьці Беларусі. Адбылася падзея найвялікшага гістарычнага значэньня (часам незразумелая, дарэчы, шаблоннаму думаньню). Кнігі Сяргея Навумчыка якраз апісваюць гэтую падзею (дзеля якой варта было жыць у гэтым сьвеце).

    Галоўная і добрая якасьць кніг С.Навумчыка -- гэта іхняя факталагічная дакладнасьць, гістарычна-палітычнае граматнае разуменьне сутнасьці працэсаў і зьяў, якія былі. Добрае веданьне аўтарам беларускіх нацыянальных інтарэсаў, мэты і зьместу барацьбы Беларускага Адраджэньня за незалежную Беларусь вылучае яго дасьледваньне (абапертае на дакумантах) як найбольш адпаведнае гісторыі і таму, што адбылося ў першай палове 1990-х гадоў.

    Тым часам кнігі напісаныя па-журналісцку, ад першай асобы, з украпленьнем успамінаў, асабістых ацэнак, з апісаньнем асабістых спатканьняў, гаворак, тэлефонных размоваў з рознымі асобамі, з выяўленьнем сваіх уражаньняў і іншых дачыненьняў, часам не абавязковых для напісаньня і малазначных, але ў цэлым спрыяльных, дзеля ўспрыняцьця (чытабельнасьці) тэксту чытачом. Гэтая акалічнасьць дала повад для недабразычліўцаў казаць, што тут не задакумэнтаванае арыгінальнае апісаньне і дасьледваньне, але толькі мэмуарыстыка, і таму значэньне кніг невялікае.

    Гэтае абвінавачваньне прыдуманае, зласьлівае і несправядлівае і тлумачыцца, на мой погляд, тым, што "найноўшая гісторыя" -- гэта яшчэ ня ёсьць класічная гісторыя, бо яшчэ жывуць людзі, якія па-рознаму назіралі падзеі, зыходзілі з іншых інтарэсаў (і нават выступалі супроць) і, відаць, хацелі б тут па сваім разуменьні нешта бачыць па-свойму інакш. Гэта марны занятак, але, як кажуць, вечна існуе.

    Шэсьць кніг (а дакладней сем) Сяргея Навумчыка аб пачатку стварэньня і дзейнасьці незалежнай Рэспублікі Беларусь -- гэта ёсьць дасьледчы здабытак нашай палітычнай гісторыі незалежнасьці Беларусі, напісаны ўдзельнікам і сьведкам падзей.

    Хачу пажадаць аўтару, каб хутчэй была напісана кніга пра 1990 год (пачатак дзейнасьці Вярхоўнага Савета 12-га скліканьня) і быў завершаны цыкл парляманцкай панарамы змаганьня за волю і незалежнасьць Беларусі.

    14 сьнежань 2021 г.         Зянон ПАЗЬНЯК 

    Posted Dec 15, 2021, 9:07 AM by Адміністратар Навін
  • ЗАЦЕМКІ ПРА НАЦЫЮ І СВАБОДУ (Дапоўнена)

    Спачатку ўзьнікае ўсьведамленьне сваіх і чужых. Потым зьяўляецца сьведамасьць агульнай мовы і тэрыторыі. Затым настае дзеяньне па забесьпячэньні парадку і свабоды дзеля жыцьця кожнага і для ўсіх сваіх. Фармуецца нацыянальная ідэялогія. Ствараецца нацыянальная дзяржава. Тут схема ўтварэньня нацыі.

    Асобным чыньнікам у гэтым разьвіцьці ёсьць рэлігія. Яна ўлучана ў працэс жыцьця нацыі і адыгрывае кансалідуючую ролю. Калі рэлігія ня ўлучана ў нацыянальны працэс, тады нацыя можа страціць свабоду альбо нават яе не здабыць. Пэрыяд утварэньня нацыяў – XVIII -- пачатак XX-га стагоддзяў.

    * * *

    Нацыя – гэта вынік разьвіцьця і дзейнасьці народа. Па сваёй грамадзкай прыродзе нацыя імкнецца да сумеснага існаваньня, да агульнай супольнай справы, выяўляе імкненьне да дэмакратычнай формы ўлады.

    Нацыя стварае ўмовы для гістарычнага аптымальнага разьвіцьця супольнасьці, зацікаўлена і спрыяе індывідуальнай рэалізацыі асобы ў межах нацыянальнага парадку і нацыянальнай свабоды. Нацыя абараняе нацыянальныя каштоўнасьці, нацыянальную супольнасьць, нацыянальную ідэнтычнасьць, нацыянальную асобу і нацыянальную свабоду.

    * * *

    Калі нацыя траціць свабоду (напрыклад, у выніку акупацыі), яна здольная выжыць тады, калі зможа зьберагчы сваю мову, рэлігію і культуру. Гэта залежыць ад волі акупаванай нацыі, ад рэжыму акупацыі і ад часу трываньня несвабоды. Вельмі важна таксама зьберагчы этнічную (аўтэнтычную) частку насельніцтва.

    Калі ва ўмовах несвабоды дзейнічае палітыка акупантаў аб ліквідацыі нацыі шляхам генацыду, этнацыду, лінгвацыду, асіміляцыі, фізічнага вынішчэньня набілітэту, элітаў, актыўных, разумных і заможных людзей, асацыяцыяў і носьбітаў культуры, тады нацыя яшчэ можа нейкі час выжываць, захоўваючы мову, нацыянальную сьведамасьць і пачуцьцё нацыянальнай годнасьці.

    Нацыянальная годнасьць і мова – гэта тое першае, што імкнецца разбурыць зьнішчальнік, гэта значыць – зламаць волю да супраціву, да захаваньня сябе і сваёй тоеснасці, прышчапіць псіхалогію нявольніка (раба), залежнага ад нішчыцеля і акупанта.

    * * *

    Першай прыкметай зьяўленьня нявольніцкай (каланіяльнай) псіхалогіі становіцца адмаўленьне ад нацыянальнай мовы.* Адмаўленьне ад мовы – гэта ёсьць адмаўленьне ад свабоды. Гэта крок у псіхалагічнае падпарадкаваньне перад акупантам (каланіялістам). Гэта параліч жаданьня і волі да барацьбы за нацыю. Тым часам толькі праз супраціў і змаганьне можна вярнуць незалежнасьць і свабоду.

    * * *

    Чым даўжэй цягнецца акупацыя і палітыка ліквідацыі нацыі, тым цяжэйшыя ўмовы і магчымасьці для нацыянальнага адраджэньня і свабоды, бо ў выніку доўгіх пастаянных рэпрэсіяў і ўціску адбываецца нэгатыўны генетычны і сацыяльны адбор насельніцтва, дзе нявольніцкая (каланіяльная) псіхалогія становіцца натуральнай зьявай, тыпам думаньня і паводзінаў.

    Для нацыі, якая знаходзіцца ў пэрманэнтным крытычным стане акупацыйных рэпрэсіяў і выжываньня, істотным чыньнікам адраджэньня зьяўляецца наяўнасьць ідэі нацыянальнага адраджэньня і жыцьцё носьбітаў гэтай ідэі. Пакуль ёсьць носьбіты і генератары адраджэньня, нацыя мае магчымасьць адрадзіцца цалкам, нягледзячы на тое, што нішчыцелямі сьветачаў нацыянальнай свабоды становяцца таксама свае «нявольнікі», дакладней, жыхары, што вырасьлі ў няволі і перанялі ідэалогію акупантаў.

    Сацыяльна-псіхалагічная складанасьць у тым, што нявольнікі чужой волі ёсьць аўтэнтычным аб’ектам адраджэньня нацыі. Адраджэньне магчымае тады, калі зьявяцца вольныя людзі пазбаўленыя нявольніцкага думаньня; яно здольнае перамагчы тады, -- калі ўзьнікне крытычная маса такіх людзей. (Прытым не абавязкова каб іх была бальшыня.)

    * * *

    Адраджэньне пачынаецца ад ідэі, ад усьведамленьня годнасьці і адчуваньня ідэнтычнасьці сваёй супольнасьці. Наступны крок – прызнаньне нацыянальнай мовы сваёй мовай, нават жывучы ў рэжыме чужой асіміляцыі (гэта значыць, не валодаючы сваёй мовай). Чарговы крок – вяртаньне да нацянальнай мовы. (Часам яно вымагае аднаго-двух пакалньняў.)

    Адраджэньне нацыі рухаецца, як правіла, ў рэжыме паскарэньня, патрабуе меншага часу для рэалізацыі, але мераецца пакаленьнямі.

    * * *

    Вымушаная гвалтоўная страта нацыянальнай тэрыторыі (прымусовае перасяленьне на чужыну, масавая дэпартацыя з радзімы, асабліва з распарушэньнем народа па розных месцах) – гэта нацыянальная катастрофа.** Ацаленьне нацыі залежыць тут ад салідарнай волі пераселеных, ад рэжыму на чужой тэрыторыі, ад дэмаграфічнага адзінства і ад часу трываньня на чужыне.***

    Пры невяртаньні на сваю зямлю, ва ўмовах пэрманэнтнага працягу рэпрэсій, асіміляцыі, адмаўленьня ад нацыянальнай мовы і адсутнасьці супраціву – нацыя зьнікае. (Выключэньнем стаў толькі габрэйскі народ, які ад старажытнасьці меў прыкметы нацыі.)

    * * *

    Такім чынам, падсумоўваючы наш агляд, аб жыцьцёвасьці нацыі, прыходзім да разуменьня простай праўды: каб зьберагчы сваё, трэба сваё шанаваць. І пачынаецца ўсё ад першаснага ў людзкай культуры: "Шануй бацьку свайго і матку сваю". Беражы сям'ю. Шануй сваю Беларускую мову, гавары на ёй на сваёй зямлі заўсёды і ўвесь час. Шануй, паважай і любі свой народ, не кажы пра яго дрэнна. Шануй і абараняй свой край, ведай яго гісторыю, беражы яго прыроду і хараство. Паважай іншыя народы, іхныя звычаі і жыцьцё, каб ня мець ворагаў. Ня бойся тых, хто пагражае, але стварай і паказвай моц. Працуй, каб жыць, і рабі дзеля агульнага дабра і краіны.

    Такім ёсьць чалавек нацыі. Гэта ўсё так проста. Гэта лёгка. Нацыя ёсьць гістарычна найвышэйшы ўзровень супольнасьці ў разьвіцьці чалавечай культуры.

    7 сьнежань 2021 г.           Зянон ПАЗЬНЯК

    ---------------------------------------------------

    *Заўвага 1. Трэба адрозьніваць сьведамы індывідуальны выбар, асабістае адмаўленьне ад сваёй нацыянальнай мовы (пры захаваньні прыналежнасьці да нацыі) і пасіўнае (часта неусьвядомленае) падпарадкаваньне асіміляцыйным моўным абставінам у акупаваным соцыуме пры захаваньні ідэнтычнасьці.

    **Заўвага 2. Дабрахвотнае (негвалтоўнае) перасяленьне часткі народнай супольнасьці на іншыя малазаселеныя тэрыторыі (вядомыя ў гісторыі як каланізацыя) не зьяўляецца народнай катастрофай, прыводзіць да пашырэньня анклаву рассяленьня альбо да ўтварэньня новых (эміграцыйных) нацыяў.

    ***Заўвага 2. Палітычная эміграцыя часткі нацыянальнай супольнасьці ў іншыя краіны можа мець выратавальнае значэньне для прыгнечанай метраполіі, калі эміграцыя адбылася ў выніку ўцёкаў ад акупацыі, ад генацыду і нацыянальнага перасьледу. Але ўзровень нацыянальнага разьвіцьця ў эміграцыі залежны з большага ад тых жа чыньнікаў, што і пад акупацыяй (нацыянальная воля, нацыянальная сьведамасьць, нацыянальная мова, нацыянальная салідарнасьць, нацыянальная адукацыя і культура, рэлігія, пасіянарнасьць і інш.).


    Posted Dec 24, 2021, 5:12 AM by Адміністратар Навін
  • АБ ПРАМАСКОЎСКАЙ АПАЗЫЦЫІ І ЯЕ ШКОДНАСЬЦІ

        Пасьля 25 жніўня 1991 года пытаньне разьмежаваньня незалежнай Беларусі з Савецкім Саюзам (а дакладней, з Расеяй і з усімі суб'ектамі Саюза) было вырашана разумна. За аснову падзелу быў узяты нулявы варыянт. Гэта значыць, што ўсё, што было на тэрыторыі і ў гаспадарцы савецкай Рэспублікі, застаецца яе нацыянальнай уласнасьцю. Ніхто нікому не павінен, кожны самастойны. Са зьнешнім доўгам СССР таксама парадзілі. (Праўда, пры падзеле Беларусь тут прайграла, але па волі сваіх бесталковых чыноўнікаў.) Словам, пачыналі стартаваць з таго, што ёсьць і было. У Беларусі склаліся тады, бадай што, найлепшыя стартавыя ўмовы.

    Праз пару гадоў праўленьня старой камуністычнай намэнклатуры (якая засталася пры ўладзе) Беларусь страціла свае перавагі (пакралі ды змарнавалі). Урад Кебіча, па сваёй савецкай звычцы і халуйскай каланіяльнай прыродзе, вырашыў ісьці ў кабалу (аб'яднаньне) пад Расею, бо ў іх, маўляў, нафта і газ. Пачалі аб'ядноўваць грашовыя сістэмы. Кебічаўскія ідыёты хацелі ўвесьці ў Беларусі расейскі рубель і "фінансава" аб'яднацца. З гэтай мэтай арганізавалі прэзыдэнцкія выбары пад Кебіча, які павінен быў правесьці і завяршыць "аб'яднаньне".

    Паколькі на гэтыя працэсы ў Беларусі ўплывала Масква і народ не ўспрымаў Кебіча, то Крэмль падрыхтаваў беларускаму электарату "дэмакратычную" альтэрнатыву -- Лукашэнку, даў старт прапагандысцкаму лёзунгу "Абы ня Кебіч!" і неўзабаве зьмяніў коней на пераправе. (Значыцца, зьмяніў Кебіча на Лукашэнку.) Астатняе -- вядома.

    Цяпер (а канкрэтна ў 2019 годзе) Масква задумала аналягічны "фінт" зьмены коней у Беларусі. Была падрыхтаваная новая "дэмакратычная" альтэрнатыва Лукашэнку -- газпрамаўскі выканаўца дырэктар Белгазпрамбанка Віктар Бабарыка і шэраг дапаможных варыянтаў (Цапкала, Ціханоўская і інш.) Пачалася прапаганда "абы не Лукашэнка!".

    І тут узьніклі перашкоды. Лукашэнка зразумеў план Масквы і засадзіў маскоўскую "дэмакратычную" альтэрнатыву за краты, потым шляхам фальсіфікацыі выбараў, аб'явіў сябе прэзыдэнтам.

    Сур'ёзна затармазілі Маскоўскі план замены Лукашэнкі на іншага маскоўскага стаўленьніка народныя пратэсты пад нацыянальным сьцягам. Нейкі час Крэмль быў у прастрацыі ад нечаканасьці таго, што сталася (ад беларускай салідарнасьці і беларускіх сімвалаў). Потым, напалохаўшыся, падтрымаў Лукашэнку і ажывіў дапаможны варыянт з Ціханоўскай (праведзены, трэба сказаць, ліха і на пэўны час пасьпяхрова).

    Гэта, так бы мовячы, схема падзей у простым пераказе.

    Цяпер -- што такое варыянт з Ціханоўскай і Латушкам. Гэта такі ж самы каляніяльны маскоўскі праект, як і з Лукашэнкам 27 гадоў таму. Мэты, пра якія яны кажуць, істотна не адрозьніваюцца. Тут тая ж арыентацыя на Расею, на супрацоўніцтва з Масквой, на прызнаньне яе палітыкі і дачыненьняў, а значыцца і на перайманьне таго, што натварыў Лукашэнка (на прызнаньне пазыкаў і даўгоў, якія нелегітымны сатрап узяў ад Масквы дзеля ўтрыманьня ўлады і павесіў на шыю беларускаму народу). Пры перамозе афёры з Ціханоўскай у дачыненьні з Расеяй нічога б не зьмянілася. Тая ж палітыка і тая ж залежнасьць ад Масквы.

    Гэта ня ёсьць беларуская апазыцыя, але група замены існуючага сатрапа на іншага сатрапа ў рэчышчы каляніяльнай імпэрскай палітыкі і залежнасьці Беларусі ад Масквы.

    У сапраўднасьці тут антынацыянальная антыбеларуская апазыцыя. Яна дзейнічае ў інтарэсах Масквы і выкарыстоўвае нянавісьць народа да Лукашэнкі дзеля замены старога скампраметаванага халуя на іншага новага прамаскоўскага выканаўцу.

    У гэтае рэчышча падключана агентура старой квазі-апазыцыі. Яны рыхтуюць новую незаконную канстытуцыю дыктатуры. Яны супраць законнай Канстытуцыі 1994 года. Яны прынцыпова не карыстаюцца беларускай мовай і супраць, як яны кажуць, "национально ориентированных беларусов". Гэта ёсьць, падкрэсьліваю, ненацыянальная прамаскоўская квазі-апазыцыя, якая абапіраецца на падстаўную фігуру (на "гаворачы рот") Ціханоўскай.

    Вельмі не спрыяльна для беларусаў тое, што левы Захад таксама выкарыстоўвае падставу Ціханоўскай у сваёй палітыцы супрацоўніцтва з Пуціным і Масквой. Адсюль абсурдная антыбеларуская палітыка эканамічных санкцыцяў з боку Захаду, блакаваньне камунікацыцяў, інвестыцыяў і т. п. У той час кожнаму прафэсійна-думаючаму палітыку павінна быць зразумела, што эканамічныя санкцыі не паваляць уладу Лукашэнкі, за якім стаіць Расея, але зглумяць жыцьцё Беларускаму народу.

    У беларускім друку найбольш даходліва раскрыў каляніяльную прарасейскую палітыку новай квазі-апазыцыі і сутнасьць яе дзейнасьці ў інтарэсах Масквы спадар Віталь Станішэўскі. Ягоны артыкул тут: (https://www.facebook.com/vitali.stanisheuski/posts/6827420667267926) Гэта, на мой погляд, на сёньняшні дзень -- лепшая праца на адзначаную тэму.

    Каб не пераказваць палажэньні артыкула, раю пачытаць яго па спасылцы. А тут, для ўвядзеньня ў тэму, друкую некалькі выбраных цытат з тэксту В. Станішэўскага.

    * * *

    Цытата: (............"Разгледзім беларускія бакі працэсу. Гэта тыя беларускія палітыкі, якія адначасова трансліруюць Захаду пасылы аб санкцыях, “агучваюць” іх для фармальнасці як прадстаўнікі народу – і ў той жа час вядуць перамовы з афіцыйнай Расіяй. Давайце не будзем іх называць здраднікамі адразу, а разбяромся дэталёва. Па-першае, яны аргументуюць, што ў Беларусі ад Расіі шмат залежыць і таму з такім партнёрам і бягучаму, і будучаму кіраўніку трэба дамаўляцца. Па-другое, яны дэманструюць Расіі, што яны больш дагавораздольныя, больш прадказальныя, больш сумленныя за бягучага Лукашэнку.

    Добра, дапусцім. (...) Дзе ў развагах новых сяброў Расіі – гэтых усіх штабістаў – інтарэсы беларусаў у параўнанні з інтарэсамі расіян? Яны кажуць, што з Расіяй як з аб’ектыўнасцю не варта сварыцца, яны кажуць, што Расіі трэба паказаць нейкую сваю нармальнасць – і тады яна дазволіць ім кіраваць або зробіць на іх стаўку. Ці разумеюць яны, што кажуць пра гатоўнасць служыць інтарэсам Расіі? Ці разумеюць яны, што служыць інтарэсам Расіі так, каб падабацца Расіі, больш чым падабаецца Лукашэнка...?

    З эканамічнага гледзішча, паводле схемы рэйдарскага захопу. Беларусь мае даўгі, абавязкі, абяцанні і г.д. перад Расіяй. Яны ёсць пры бягучым рэжыме, яны застануцца пры наступным. Зараз Расія цісне на Беларусь, каб канверсаваць гэтыя фінансавыя цяжары у геапалітычны эквівалент – каб пазбавіць Беларусь суверэнітэту за даўгі. Яна будзе рабіць гэта і пры новым кіраўніку. І калі Вячорка-малодшы або Ціханоўская кажа, што абавязкі і даўгі, якія нарабіў перад Расіяй Лукашэнка, новая ўлада Беларусі сплаціць і нават будзе больш карыснай для Расіі, то я маю пытанні да іх:

    - А ў чым ваша карысць для Беларусі?

    - Ці разумееце вы з гэтых размоў, што Расія выгрызае зубамі свой дзяржаўны інтарэс, а не дапамагае беларускаму народу ў яго лепшай долі?

    Здаецца, гэта ж элементарна. (...)

    Паводле логікі даўжніка і крэдытора выглядае, што ёсць людзі, якія хочуць скінуць з улады бягучага даўжніка, каб стаць новым даўжніком. Яны рэкламуюць сябе крэдытору як лепшага даўжніка, лепшага выканаўцу абавязкаў. Іх стаўка – не на грамадзян сваёй краіны, якія ў той ці іншай ступені пяроймуць гэты доўг, а на ліхвяра, які трымае краіну і народ у кабале. Яны прапануюць ліхвяру больш выгадныя ўмовы – але больш выгадныя самому ліхвяру. Мяркую, гэта вычарпальнае тлумачэнне, чаму гэтыя людзі выступаюць у якасці здраднікаў?"

    (...)

    Захоп, які робіцца камерцыйнымі метадамі, без сумнення будзе працягвацца камерцыйнымі метадамі. Чалавек, які дваццаць з нечым гадоў лаяльна служыў карпарацыі, не лез у палітыку, не наракаў на адсутнасць мінімальнага пакета акцый, - гэта суперлаяльны да карпарацыі чалавек, гэта яе рука і яе агент. Сама карпарацыя “Газпрам” таксама – гэта ўвасабленне суседняй краіны. Гэта яе блакітная паходня свеціць на экранах у рэкламе, гэта яе Чарнамырдзін зрываў імпічмент у Беларусі ў 1996 годзе і ён жа прасоўваў расійскую экспансію ва Украіне, гэта яна падкупіла Шродэра і не яго аднаго ў Германіі.

    І пры нагодзе гэты клерк, Віктар Бабарыка, адкрыта агучвае перспектывы Беларусі – яна не выжыве эканамічна, а калі ўвойдзе ў склад Расіі – людзі толькі ўсцешацца. Гэта не проста настрой ці бачанне прыватнага чалавека, гэта пазіцыя карпарацыі, якая ў сваю чаргу з’яўляецца пазіцыяй краіны – Расіі. Банальная карпарацыйна-камерцыйная логіка, і ажно дзіўна, няўжо ў “штабах” толькі мастакі вясёлых калажаў і няма эканамістаў?

    (...)

    Але якая сувязь між штабамі і Бабарыкам, ці не мажу я ўсіх адной фарбай? Сувязь непасрэдная. Расія хоча непасрэдна Бабарыку. Яна пра гэта дамаўляецца з беларускімі ўладамі, пра што потым гаворыць Латушка і дае тлумачэнні НН. Пра яго прагаворваецца Bloomberg. На яго тоўста намякае Ціханоўская, маўляў, а потым мы выберам менеджара (і гэта не пра яе мужа). І ніякі Вячорка гэтаму не пярэчыць. І ад іх будуць патрабаваць чалавека, вернага інтарэсам Расіі і яе карпарацыі.

    Таму, колькі б не гулялі ў дыпламатыю наіўныя хлопчыкі, думаючы, што падладжваннем да крэдытора яны змогуць яго перагуляць, іх вядуць да таго, каб да ўлады прыйшоў лаяльны і дысцыплінаваны выканаўца карпарацыйных каштоўнасцей, які даказаў сваю вернасць двума дзесяцігоддзямі супрацоўніцтва і публічна агучыў курс на здачу Беларусі Расіі"...........). Канец цытаты.

    * * *

    Беларускі дэмакратычны нацыянальны рух аб'ектыўна па вызначэньні павінен змагацца з лукашызмам і з прамаскоўскай альтэрнатывай лукашызму (група вакол Ціханоўскій і Латушкі, Бабарыкі, Цапкалы і т. п.), якая зьяўляецца працягам палітыкі рускага каляніялізму і залежнасьці ад Масквы.

    Першае, што мусіў бы зрабіць беларускі дэмакратычны рух, здабыўшы ўладу ў краіне, -- гэта спыніць каланіяльную і крэдытную залежнасьць ад Расеі, створаную мафіяй Пуціна-Лукашэнкі. Павінен быць нулявы варыянт. Беларусь ня стане сплочваць мафійныя даўгі Лукашэнкі маскоўскаму дзяржаўнаму гэб'ю. Беларусы вернуць і "Белтрансгаз", і іншае. Мы ня раз афіцыйна папярэджвалі Крэмль аб несапраўднасьці зьдзелак з Лукашэнкам. Лукашэнка ніякі не прэзыдэнт. Ён не легітымны, незаконны. Ягонае ўтрыманьне праз Маскву не накладвае абавязкаў на беларускі народ.

    Будзе вернута і мяжа, і памежны кантроль з Расеяй, і беларуская мова, і школа, і Канстытуцыя, і незалежная палітыка, і свабода. Мы не баімся пагрозаў Масквы, бо маем на яе лякарства. Яны яшчэ ня ведаюць беларусаў. Ня ведаюць, якая сіла існуе ў нас самых.

    Рэпрэсіі супраць беларусаў, якія па бандыцку праводзіць антыбеларускі рэжым, беларусаў не зламаюць. Сасьпее моцны рух супраціву. Лепш бы рэжым рэпрэсіямі не займаўся, не капаў бы сабе грабавую яму. Людзі нічога не забудуць.

    Пакуль што беларусы пазнаюць, хто ёсьць хто і што ёсьць што, каб далей ужо дзейнічаць у сваіх інтарэсах.

    28 лістапад 2021 г.      Зянон ПАЗЬНЯК

    Posted Dec 3, 2021, 1:01 PM by Адміністратар Навін
  • ЗАЎВАГА ПРА ВЫНІШЧЭНЬНЕ

        Абавязковыя атрыбуты і прыкметы эўрапейскай нацыі -- нацыянальны тэатр і нацыянальная літаратура. Калі гэтага не існуе -- няма і нацыі.

    Цяпер беларусы падвержаны нацыянальнаму генацыду гэтак жа, як і ў 1930-х, але пакуль што без масавых расстрэлаў (якія, аднак, могуць аднавіцца пры працягу антыбеларускай улады).

    Імкненьне ліквідаваць беларускую літаратуру прамаскоўскі рэжым праявіў ад самага пачатку (ліквідацыя Дома літаратара, Літфонду, пагром і падзел Саюзу пісьменьнікаў). Цяпер Саюз пісьменьнікаў зачынілі.

    Ліквідацыя нацыянальнага тэатру пачалася ў 2020 годзе разгромам (звальненьнем) трупы Дзяржаўнага Акадэмічнага тэатра імя Янкі Купалы.

    Зараз адбываецца разгром тэатра імя Якуба Коласа ў Віцебску (другой па значэньні беларускай сцэны ў краіне). Прыдумваюць неадэкватную (як правіла) прычыну і пачынаюць рэпрэсіі. Пагром тэатра ў Віцебску, напрыклад, стаўся з-за слоў "Жыве Фландрыя" ў гістарычным спэктаклі "ЦІЛЬ" (пастаноўка п'есы вядомага рускага драматурга Рыгора Горына). Горын ужо нябожчык, але, магчыма, кнігу Шарля дэ Костэра таксама забароняць. Як сказаў адзін мой злосны непрыхільнік: "захацелі вар'ята, дык і любуйцеся".

    Ёсьць ў гэтых зьдзеклівых словах і доля праўды. У 2022 годзе "хацельцы" і агітатары хадзіць на "рэфэрэндум" мазаічнага зноў зьбіраюцца яго ўладу ўвекавечыць. Паранойя, вядома, вечна ня будзе, але гісторыя ў чарговы раз паказвае, што для таго каб вынішчыць нацыю для Масквы хапае аднаго выр'ята.

    29 лістапад 2021 г. Зянон Пазьняк

    Posted Dec 3, 2021, 12:54 PM by Адміністратар Навін
  • ШКОДНАЯ РЫТОРЫКА КВАЗІ-АПАЗЫЦЫІ Ў БЛІСКУЧАЙ АБГОРТЦЫ
            Ціханоўскую запрасілі ў Стразбург на выступ ў Эўрапарляманце.
    Асноўнае мотта выступу -- просьба поўнасьцю заблякаваць краіну Беларусь: эканамічныя санкцыі,  ні гандлю, ні інвэстыцый, ні кантактаў, нават ні спорту, ні спаборніцтваў. Для народа гэта галеча. Для Лукашэнкі -- Расея, куды рэжым пацягне ўсю Беларусь.
    Такіх прысутных у палітыцы аматараў санкцый і эканамічных блакад для краіны называюць карыснымі ідыётамі. Пуцін пацірае ручкі. Шлюз для Беларусі ў Расею павялічвецца. Крок ў лева, крок ў права -- толькі ў Маскву. "Саюз" вар'ятаў мацнее. Эўрабюракратыя сустракае гэтую рыторыку ў эўрасьценах з энтузіязмам, а "дэмсмі" з радасьцю. Праўда, тут толькі рыторыка (і не дармовая), але маслам у крамлёўскія душы.
    Гучыць правільна, што неабходна спыніць рэпрэсіі, дапамагчы лекамі і вакцынай супраць Ковіда-19, выпусьціць незаконна зьняволеных. Гэта важна. І ў Эўропе пра тое гаворыцца (праўда, толькі гаворыцца). Але ў рацыянальнай палітыцы ёсьць прыярытэты, ад якіх залежыць сутнасьць існаваньня. Такім прыярытэтам ёсьць незалежная дзяржава і суверэнітэт краіны, -- каштоўнасьці, якія нават ускрсна, нават апасродкавана нельга падвяргаць небясьпецы. Страціўшы дзяржаву, суверэнітэт і незалежнасьць і трапіўшы пад Расею, забудзьце ўвогуле пра правы чалавека, пра працу, культуру, маёмасьць, нацыянальнасьць, павагу і мову, гонар і свабоду. Страціўшы галаву, не клапаціцеся пра валасы. Іх ня будзе. 
    Тут яшчэ трэба разумець.  Усялякія заклікі да іншых, каб "іншыя" вырашылі нашыя нацыянальныя праблемы, агучваюць звычайна далёкія ад нацыянальных інтарэсаў людзі. Як правіла "іншыя" нічога ня вырашаць, але могуць нашкодзіць, бо дбаюць найперш пра сябе. 
    Цяжка паверыць, што "квазі" настолькі неразьвітыя, што не размеюць пра што кажць. Неразумець можа Ціханоўская, групнікі -- разумеюць. Многія прайшлі праз службу ў пасольствах, скончылі МГИМО, вырабленая агентура, патрабуюць эканамічнай блакады Беларусі ды агітуюць цяпер лапідарна народныя гурты йсьці на незаконны рэфэрэндум, каб быццам сказаць  сваё "НЕ" але засьведчыць прыход.
    Калі беларусы ў палітыцы збавяцца ад інфантыльнага спосабу думаньня і возьмуцца з розумам самы за сваё і за сябе, -- тады атрымаецца. Як атрымалася ў 1918 і ў 1991. Так што Бог нам ў дапамогу. Усё будзе.

    24 лістапад 2021 г. Зянон Пазьняк.
    Posted Nov 24, 2021, 4:10 PM by Адміністратар Навін
  • ПАЎТОР ПРАВАКАЦЫІ
            Збой фальсіфікацыйнай машыны галасаваньня можа выклікаць ў Беларусі толькі байкот, непрыход на выбарчыя ўчасткі для галасаваньня. Непрыход відочная зьява, факт, які фіксуецца, які схаваць цяжка нават пры элемэнтарным назіраньні. Фальсіфікацыя колькасьці прагаласаваных пры непрыходзе на ўчасткі, доказна выяўляецца і правяраецца (у адрозьненьні ад разьмеркаваньня і характару галасоў, калі галасуюць тайна).  Непрыход на ўчасткі даказваецца яўна і рэальна, збайкатаванае галасаваньне ня можа быць прызнаным. Гэта важна ў лёсавызначальных пытаньнях і цягне за сабой высновы, якія падвешваюць рэжым у юрыдычным вакууме і  дапамагаюць здаровым сілам змагацца з дыктатурай.
     
    У 2004 годзе сваістага роду людзі насуперак закону забясьпечылі бястэрміновасьць выбраньня Лукашэнкі на пасаду прэзыдэнта, зацягнуўшы пратэстны электарат галасаваць на незаконны рэфэрэндум пад лёзунгам "Ідзі і скажі своё "нет". Шмат хто, не задумваючыся (хоць была адчувальная інфармацыя за байкот ад КХП -- БНФ), пайшлі і прагаласавалі, павешалі сабе на шыю вечнага Лукашэнку, бо галасы "малявала" Ярмошына па ўказцы рэжыму. Трэба было толькі забясьпечыць прыход людзей на ўчасткі. І ня важна, як яны прагаласуюць, галасы лічыла фальсіфікацыйная сістэма, якую праверыць пры тайным галасаваньні і ў рэжыме бяспраўя амаль немагчыма. Застрэльшчыкамі правакацыйнага прыходу на галасаваньне былі Лябедзька, Вячорка, Дабравольскі, Хадыка, Статкевіч і іншыя "энтузіясты".

    Цяперашнія прадаўжальнікі шаблоннай правакацыі канторы паўтараюць тое самае. Вось што пішуць пра іх ўзахлёб на  інтэрнэт-партале "Свабода" (20-ХІ-2021). Цытата:  "Сёньня дэмакратычныя сілы апублікавалі плян на дзень галасаваньня наконт новай Канстытуцыі. Яны заклікаюць далучыцца да стратэгіі дзеяньняў, якую распрацавалі грамадзянскія ініцыятывы «Сумленныя людзі», Zubr, плятформа «Голас» пры ўдзеле Офіса Сьвятланы Ціханоўскай, Народнага антыкрызіснага кіраўніцтва і Каардынацыйнай рады."

    А вось іхняя "стратэгія". Цытата: «„Рэфэрэндум“ заплянаваны на пачатак 2022-га года. Гэтае мерапрыемства — злачынства і падман, якое мы, беларусы, ператворым у „вотум недаверу“ рэжыму. „Сумленныя людзі“, „Зубр“, „Голас“ заклікаюць прыходзіць на ўчасткі і рабіць бюлетэнь несапраўдным. Гэтае дзеяньне азначае, што мы ня згодныя з рэжымам і выступаем за ўсталяваньне законнасьці і стварэньне ўмоў для правядзеньня сумленных выбараў».
     
    Такая ёсьць новая інфантыльная "стратэгія" пад кодавай назвай "Ідзі скажі "нет" па насьледзтву ад  старых канторскіх.
     
    Я ўжо ні кажу пра тое, што заклікаць цяпер, у час тэрору, на паўтор Жніўня 2020 года (калі беларусы яшчэ не акрэплі, а рэжым ашчэрыўся) ёсьць небясьпечная авантура (хоць і не выканальная), якая пахне расправай над людзьмі.

    Ведаючы нацыянальна нявызначаную сутнасьць гэтых квазі-апазыцыйных асобаў і прыхільнасьць іх (Латушка-Ціханоўская) да Масквы, я неаднаразова паўтараў, што сьледства аб іхняй "дзейнасьці" будзе неунікнёным. Хаця яны ўжо цяпер заслугоўваюць таго, каб іх спыніць, пакуль ні нарабілі непапраўнай шкоды народу і Беларусі. Яны ўсё больш раскрываюцца, але калі неўзабаве поўнасьцю зойдуць у свой палітычны тупік, тады псэўда-палітычнае існаваньне іх мусіць быць спынена жорстка і незваротна. Настане час, калі гэта зробіцца.

    20 лістапад 2021 г. Зянон Пазьняк
    Posted Nov 21, 2021, 6:46 PM by Адміністратар Навін
  • НІХТО НА РЭЖЫМНЫ РЭФЭРЭНДУМ!
            Апошнім часам зноў у тысячны раз пачалася чарговая хваля ахайваньня і прапаганды супраць майго імя. Паляць нават правераную агентуру. Мяркую, што ўсё яно зьвязана з падрыхтоўкай да рэжымнага так званага "рэфэрэндума".
    Калі б у краіне існаваў парлямант, незалежны суд, палітычныя партыі, вольны друк, законы, грамадзянская супольнасьць і г. д., тады разумны варыянт быў бы ў тым, каб абапершыся на законы, на ўладныя і грамадзкія інстытуты, не дапусьціць правядзеньня незаконнага, антынароднага рэфэрэндума. На сёньняшні дзень гэтага няма. Існуе толькі народ супраць якога ваюе нялюдзкая ўлада і праводзіць рэпрэсіі. З гэтага становішча трэба зыходзіць у змаганьні з палітычнымі авантурамі, якія хоча праштурхнуць рэжым пры выкарыстаньні народу.
    Праваліць і абясцэніць антыбеларускую авантуру з рэфэрэндумам цяпер рэальна можна толькі непрыходам на ўчасткі для галасаваньня, гэта значыць добра арганізаваным пасіўным байкотам (пад наглядам і назіраньнем грамадзян). Пра сутнасьць і пра мэту палітыкі байкоту і кантролю за галасаваньнем ва ўмовах рэжыму ўжо шмат напісана. 
    Найбольшую актыўнасьць у агітацыі за рэфэрэндум (у форме "супраць") праяўляе, як звычайна, псэўдаапазыцыя (у дадзеным выпадку групоўкі вакол Латушкі і Ціханоўскай). Агітацыя, як заўсёды, у такога роду правакатараў будуецца на дэманстрацыі пазыцыі супраць рэжыму і на закліках  прыйсьці прагаласаваць супраць (сказаць "не" альбо сапсаваць бюлетэнь), каб гэтым, маўляў, сарваць "рэфэрэндум", заваліць яго правядзеньне. 
    Такі падыход зьвязаны з тым, што прапаганда групнікаў псэўдаапазыцыі арыентуецца на пратэстны электарат. Іхняя задача -- любым спосабам зацягнуць пратэстны электарат на ўчасткі для галасаваньня. Астатняе ўсё зробіць фальсіфікатарская машына. Галоўнае, каб людзі прышлі і прагаласавалі. І няважна як прагаласавалі, вынік "намалюе" Ярмошына. Праверыць і доказна абвергнуць яго будзе немагчыма. Бюлетэні ўтылізуюць праз 24 гадзіны пасьля галасаваньня.
      Тым часам пры пустых участках фальсіфікацыя правальваецца. Яна ўсім відаць.
    Некаторыя групнікі квазі-апазыцыі (Латушка, напр.) выдумляюць сабе ўжо плян правакацыі №2. Заклікаюць ўсіх прыйсьці галасаваць на рэфэрэндум, парваць бюлетэні і паўтарыць 9-ы жнівень-2020. 
    Вось так і паводзяць сябе гэтыя гаваруны. Ніякой адказнасьці не адчуваюць. Абы зацягнуць нязгодных да Ярмошынай на галасаваньне.
      Пратэстная частка грамадзтва цяпер (ва ўмовах рэпрэсій і разгулу рэжымнага бандытызму) ніякага "Жніўня 20-га" паўтараць ня будзе. Не настаў яшчэ час. Грамадзтва ня купіцца на агітацыю правальшчыкаў. Але шкода ад такой гапонаўшчыны ёсьць.)
    Фэнамэн масавай сьвядомасьці ў тым, што чалавек імкнецца рабіць тое, што яму хочацца, але ня тое, чаго ня хочацца, але рабіць трэба. Прытым бальшыня не аналізуе паводзінаў і па-беларуску верыць у парадак і законнасьць, хоць ні закону, ні парадку ў выбарах рэжыму ўжо 27 гадоў няма, толькі фальсіфікацыя.
    Нельга ісьці галасаваць на рэжымны рэфэрэндум, які незаконны і задуманы для ўвекавечаньня ўлады Лукашэнкі ў антыканстытуцыйнай форме, якую хочуць зацьвердзіць галасамі беларусаў.
    Ніхто на рэжымны рэфэрэндум!

    16 лістапад 2021 г. Зянон ПАЗЬНЯК 

    Posted Nov 18, 2021, 5:40 PM by Адміністратар Навін
  • ПАВАРОТ ДА КАМПРАМІСУ
            Практычна, амаль усё, што можа вынікаць зь міграцыйнай атакі на мяжу Польшчы, складваецца не ў карысьць Беларусі. Выйграе, найперш, Пуцін пры ўсіх раскладах. Эўразьвяз, здаецца, пачаў разумець небясьпеку правакацыі і робіць крокі да перамоваў з агрэсарамі (Пуціным і Лукашэнкам). Гэты варыянт лепшы, чым адсутнасьць перамоваў. 
    (Зазначу, што гаворачы пра "лепшыя" і "горшыя" варыянты, маецца на ўвазе параўнаньне дрэннага зь яшчэ горшым. Палітыкай у дачыненьні да Беларусі цяпер распараджаюцца чужыя сілы.)
    Цана вымушаных перамоваў з рэжымам для Эўропы звычайная -- кампраміс на фоне амбіцый. Зьява ў гэтай частцы сьвету прывычная.  Прытым самы вінаватыя, бо зрабілі грубую памылку з увядзеньнем эканамічных санкцыяў супраць народа Беларусі, прымітыўна думаючы ліквідаваць гэтым уладу Лукашэнкі (якая дзьвюма нагамі загразла ў Крамлі). Намеры нерэальныя.
    Нішто Эўропу ня вучыць. Хочуць зваліць Лукашэнку, але караюць Беларускі народ, і адначасна зьвяртаюцца да Пуціна, каб дапамог.  Антыбеларускую ўладу называюць "беларускі рэжым". Дык хто тут з кім і за каго? 
    Магчыма, немцы забяруць сабе частку мігрантаў. Калі не, тады рэальна ім трэба будзе ўступаць у перамовы з рэжымам аб адмене пасьпешных зканамічных санкцыяў, пра што Эўропа хацела б гаварыць толькі з Пуціным. Але прыйдзецца з Лукашэнкам. Пры гэтым сатрап у сваёй агрэсіі ня спыніцца. Яны йшчэ таго ня ведаюць, зь кім будуць мець справу. 
    Пра характар і мэты магчымай гаворкі эўрапалітыкаў з Крамлём можна здагадацца -- нічога добрага для Беларусі. Тэма рэпрэсіяў і гібрыднага генацыду беларусаў ужо падменена "праблемай" інвазіі мігрантаў з Усходу. Эўразьвяз вырашае свае праблемы.
    Горшы варыянт, калі да перамоваў з лукашысцкім рэжымам ня дойдзе. Тады павялічыцца небясьпека збройнай правакацыі на беларуска-польскай мяжы. Працягам канфлікту можа стаць уезд расейскіх войскаў у Беларусь альбо ўвядзеньне ваеннага стану Лукашэнкам (як у 80-х гадах у Польшчы). Ваенны стан цалкам разьвязаў бы рукі бандытам рэжыму, адчыніў бы магчымасьць спыніць усялякія выбары і рэфэрэндумы, пашырыць шлях да масавых рэпрэсіяў народа па прыкладу сталінскіх. 
    Мушу сказаць, што нікому на Захадзе ня будзе справы да масавага генацыду ў Беларусі, калі Расея ў гэты час атакуе Украіну, што ня выключана, зыходзячы з абставінаў.
    Тут меркаваньні аб падзеях, якія могуць і не адбыцца. Але сутнасьць маіх разважаньняў у тым, каб нам, беларусам, быць падрыхтаванымі да ўсяго. Гэта значыць да ўнутранага супраціву, да перамены ўлады і да збройнага змаганьня супраць маскоўскага акупанта за волю і незалежнасьць Радзімы. Людзям (тым што да гэтага падрыхтаваныя) трэба быць у стане гатовасьці. Сітуацыя такая, што любая рэзкая авантура Пуціна-Лукашэнкі накрые авантурыстаў з галавой, але пры ўмове, калі будзе народны супраціў. Трэба каб ён быў. Мусіў бы быць.

    16 лістапад 2021 г. Зянон ПАЗЬНЯК

    Posted Nov 18, 2021, 5:36 PM by Адміністратар Навін
  • ПРА БАЙКОТ РЭЖЫМНЫАМУ РЭФЭРЭНДУМУ
            Увага СМІ і палітыкаў пераключылася на іміграцыйную атаку арабскіх вандроўнікаў на польскую мяжу з тэрыторыі Беларусі. Рэжым Лукашэнкі пры падтрымцы Крамля праводзіць небясьпечную авантуру на межах з суседзямі. А тым часам разбурэньне краіны, русіфікацыя і фактычная акупацыя Беларусі ідзе сваім ходам. Тысячы людзей у турмах, дзе патрыятычных беларусаў катуюць асабліва жорстка. Працягваюцца розныя рэпрэсіўныя формы генацыду. Беларусаў арыштоўваюць нават за "падабайку" у сацсетках, калі тэма неадпавядае фашысцкаму рэжыму Лукашэнкі. Пазачынялі нават лаяльныя для рэжыму рэдакцыі СМІ  і наклеіваюць ім ярлыкі "экстрэмісцкіх", дзеля апраўданьня арыштаў і перасьледу. Усё культурнае беларускае, нацыянальна-асьветніцкае зьняважліва абзываюць рознымі палітычнымі наклейкамі, зачыняюць і ліквідуюць, супрацоўнікаў перасьледуюць. Толькі што ліквідавалі Таварыства Беларускай Мовы, Таварыства Беларускай Школы, зачынілі чарговыя бізнэсы і арганізацыі, якія яшчэ існавалі. 
    Увага міжнароднай супольнасьці і СМІ амаль выключна занятая справакаваным нападам усходніх мігрантаў на польскую мяжу. Гэта сур'ёзная пагроза для краінаў Эўразьвязу. Тым часам фашысцкі рэжым працягвае рабіць у Беларусі сваю чорную разбуральную справу супраць Беларускай нацыі і ўсяго грамадзтва.
      Разбурэньню Беларусі рытарычна спрыяюць групоўкі вакол Латушкі-Ціханоўскай, просячы Эўразьвяз зачыніць межы зь Беларусяй, спыніць ўвесь транспартны транзіт праз Беларусь, заблякаваць беларускія банкі, зачыніць SWIFT і г. д. Палітычна недаразьвітыя людзі, магчыма, не разумеюць, што кажуць, бо ў існуючай сітуацыі такая эскалацыя -- гэта вайна і пакуты для беларусаў. Ужо за адну такую рыторыку іх трэба прыцягваць да адказнасьці гэтак жа, як і спраўцаў рэжыму.
    Цяпер рэжымныя загаварылі пра чарговы незаконны рэфэрэндум па чарговай рэжымнай "канстытуцыі". І тут зноў усплылі знаёмыя кадры і пачуліся знаёмыя гуканьні. Загучэла (паміж іншага словаблудзтва): "ідзі на рэфэрэндум, каб сказаць сваё "не". 
    У 2004 годзе такое гукалі сумнавядомыя асобы з падстаўной апазыцыі. Цяпер слова ў слова (абставіўшы дэмагогіяй) тое паўтараюць іхныя пасталелыя дзеткі з групоўкі вакол Латушкі-Ціханоўскай.  
    "Ідзі галасаваць і скажы "не" -- гэта ашуканцкі лёзунг усёй рэжымнай псэўдаапазыцыі 21-га стагоддзя, разьлічаны на пратэстны электарат. Тут галоўнае, каб людзі прыйшлі галасаваць. Галоўнае, каб зацягнуць іх на ўчасткі, астатняе -- справа фальсіфікацыйнай тэхнікі -- зробіць Ярмошына. 
    Прыход на ўчасткі і галасаваньне будзе відавочным, бясспрэчным фактам. Тады вынікі тайнага галасаваньня (як гэта ўвесь час было) рэжым намалюе, якія захроча. Праверыць немагчыма, бо праз 24 гадзіны бюлетэні галасаваньня зьнішчаць.
    Калі ж людзі ня прыйдуць галасаваць, то непрыход таксама стане відавочным зафіксаваным фактам, які засьведчыць, што выбаршчыкі не галасавалі. Тады Ярмошына (разам з АМОНам) хай сабе піша хоць 100 адсоткаў "за". Правал афёры будзе ўсім відаць гэтак жа, як і нацяжкі з фрэквэнцыяй. Ніхто правальны рэфэрэндум не прызнае (акрамя рэжыму). Ён стане чарговым фактам фшысцкага беззаконьня.
    Ня думаю, што цяпер шаблонная афёра пройдзе гладка. Але фальшывыя гукаюць. Пры іхняй дапамозе, як і раней, зацікаўленыя групы хочуць зацягнуць пратэстны электарат на рэжымны рэфэрэндум. 
    Падкрэсьлю. На лукашысцкі рэфэрэндум нельга хадзіць. Патрэбны масавы байкот і шчыльнае назіраньне за непрыходам людзей на ўчасткі для галасаваньня. Непрыход людзей на ўчасткі трэба дакладна зафіксаваць рознымі мэтадамі (і перашкоды фіксацыі -- таксама). 
    Прапаганда рэжыму, як звычайна, пойдзе потым дарогай ілжы. Але хлусьня правалу не ўратуе. 

    11 лістапад 2021 г. Зянон ПАЗЬНЯК
    Posted Nov 15, 2021, 3:48 PM by Адміністратар Навін
  • КВАЗІ-СТРАЙК, ПСЭЎДА-АПАЗЫЦЫЯ, ЗДРАДА ЛУКАШЭНКІ

    Толькі беларуская нацыянальна-вызвольная сіла, толькі беларускі нацыянальны адраджэнскі дэмакратычны рух, толькі сьведамая нацыянальная палітыка можа забясьпечыць вольную будучыню вольнай Беларусі. Хто спадзяецца на іншых -- ня майце ілюзій.

    Гуртуймася ў рух «Вольная Беларусь». Стварайма падземную Беларускую Вызвольную Армію.

    Цяперашняя апазыцыя, раскручаная ў канфармісцкіх мэдыях (групоўкі вакол Латушкі, Ціханоўскай і інш.), -- гэта праява і ўвасабленьне маскоўскай палітыкі, прарасейскай рыторыкі і шкодных дзеяньняў для Беларускай нацыі і незалежнай Беларусі. Дэманстрацыя барацьбы (замест рэальнай барацьбы), выяўленьне аднабокага, залежнага ад чужых уплываў пратэсту, зварот да чужых сілаў і чужой палітыкі насуперак нацыянальным інтарэсам ёсьць характэрнай дзейнасьцю псэўдаапазыцыі.

    Формай палітыкі псэўдаапазыцыі (а на справе -- сутнасьцю) зьяўляецца імітацыя, прафанацыя, фальш і хлусьня. Зьвязана тое з дабраахвотнай фінансава-палітычнай залежнасьцю ад чужой улады і чужых структур, абумоўлена адсутнасьцю беларускіх палітычных ідэалаў і беларускіх нацыянальных інтарэсаў.

    Псэўдаапазыцыя змыкаецца з палітбізнэсам на нізкім узроўні, схільная да здрады нацыянальных каштоўнасьцяў. Псэўдапазыцыя канфармісцкая, кампрадорская, прарасейская, прабрусэльская, але не нацыянальная, не прабеларуская. Слова "Беларусь" на вуснах яе групнікаў ня мае нацыянальнага сэнсу. Выступаючы супраць рэжыму Лукашэнкі, псэўдаапазыцыя не імкнецца да нацыянальнай улады, але адыгрывае ролю прылады чужой палітыкі і чужых інтарэсаў.

    Псэўдапазыцыю нельга падтрымліваць, бо падтрымка абернецца на шкоду Беларусі. Псэўдаапазыцыю трэба адкінуць і ліквідаваць разам з рэжымам Лукашэнкі.

    Беларусы могуць дакладна тое абазначыць, бо маюць вялікі вопыт назіраньня за такой псэўдаапазыцыяй, пачынаючы з 2000-га года, калі яе стварыў Ганс-Георг Вік на грошы Эўразьвязу ў супрацоўніцтве з лукашысцкім КГБ (пра што той Вік публічна засьведчыў).

    У квазі-палітыкаў ўжо склалася звычка, стэрэатып імітацыі псэўдазмаганьня з дыктатурай. Звычка ўзбуджае хэпэнінгавае выяўленьне пратэсту, узьдзейнічае ня толькі на паводзіны, але і на сьвядомасьць палітычна заангажаваных людзей, якія не ўяўляюць іншага змаганьня з рэжымам, як блефаваньне, дэманстрацыя пазыцый, імітацыя намераў і агучваньне авантур.

    Вось назіраем чарговыя пэрлы словаблудзтва і гапонаўшчыны -- заклікі да ўсеагульнай хатняй забастоўкі, заявы пра яе пачатак і хлусьню пра шматтысячнае трыюмфальнае шэсьце забастовачнага сядзеньня людзей па кватэрах ды мільённы патэнцыял нявыхаду на працу ў пэрспэктыве.

    Тым часам ніякай хатняй забастоўкі не існуе, няма яе і ў прынцыпе ня будзе ў цяперашняй сітуацыі тэрору і рэпрэсій. Забастоўка -- гэта масавыя, гучныя і салідарныя зборныя дзеяньні (праява калектыўнай сілы), але не індывідуальнае ціхае сядзеньне на кухнях, зь якіх кожнага (альбо выбарачна) можна выцягнуць, кінуць за краты і звольніць з працы за прагул.

    Былі ўжо раней інфантыльныя заявы віленскай групоўкі "дзеячоў" пра забастоўку, пра прымус Лукашэнкі да перамоваў і нават ультыматум рэжыму (якога рэжым не заўважыў).

    Але ёсьць справы сур'ёзныя, якія цяпер трэба рабіць кожны дзень, спакойна, упарта і жмудна, як гэта рабіла некалі польская "Салідарнасьць" у час ваеннага стану і рэпрэсій. Рабіла падпольна, нясьпешна, пасьлядоўна і -- перамагла.

    Ёсьць беларусы, якія тое разумеюць, робяць і ведаюць, што, каб перамагчы рэжым, прыдзецца разабрацца і з халяўнай русіфікаванай напоўненай агентурай псэўдаапазыцыяй, якая імітуе змаганьне за выбары пры Ярмошынай ў антылюдзкім рэжыме ды агітуе за эканамічныя санкцыі супроць Беларусі.

    Асабліва па шкодніцку гэта ўспрымаецца цяпер, калі узурпатар Лукашэнка антызаконна і злачынна падпісаў расейскія гібрыдна-акупацыйныя паперы і планы аб пакрокавым захопу Беларусі Расеяй (28 маскоўскіх крокаў) на бліжэйшыя два гады. Тое што гэтыя «падпісаньні» антызаконныя з боку Лукашэнкі, тое што яны нікчэмныя і ня маюць законнай праўна-юрыдычнай асновы,няхай нікога не супакойваюць. Тут здрада Радзімы. Вар'ят прадае беларускую дзяржаву па кавалках нацысцкаму рэжыму ў Маскве. Супраць Беларусі і Беларускай нацыі вядзецца гібрыдная крымінальная вайна з боку пуцінскай Расеі. У расейскіх агрэсараў, як кажуць палітычныя крымінальнікі, «не да законаў». Для Пуціна – галоўнае вынік, ціхі захоп краіны, ваенныя базы ў Беларусі, а там і пастраляць можна, і Эўропа праглыне. Рыхтуймася да абароны Радзімы ўсімі сродкамі.

    Заклік да хатняй паасобкавай "забастоукі" ў пэрыяд рэпрэсіяў і тэрору выглядае ня тое што нясьпелым рашэньнем, але бяссільнай банальнай авантурай, без характэрнай для забастоўкі дэманстрацыі калектыўнай пазыцыі і сілы. Тут не барацьба. Тут прафанацыя, імітацыя сабатажу. Ня больш. Пытаньне толькі ў тым, навошта натхняльнікі такіх паводзінаў для беларусаў тое прыдумалі?.. І навошта публічна хлусяць аб нібыта масавым шэсьці неіснуючай пакватэрнай забастоўкі?

    4 лістапада 2021 г.        Зянон ПАЗЬНЯК

    Posted Nov 6, 2021, 1:23 PM by Адміністратар Навін
  • ВЯЛІКАЯ ДАТА
            33 гады таму 19-га кастрычніка 1988 года былі створаны "Мартыралог Беларусі" і "Арганізацыйны Камітэт Беларускага Народнага Фронту "Адраджэньне". Праз месяц па ўсёй Беларусі ўжо дзейнічалі 500 суполак Народнага Фронта. 
    Фронт сыграў паваротную ролю ў гісторыі Беларусі. Па яго палітычнай ініцыятыве і пад яго палітычным лідэрствам была ліквідавана татальная ўлада камуністаў, Беларусь здабыла незалежнасьць, вярнула нацыянальную мову і нацыянальныя сімвалы на дзяржаўны пасад, была прынята Канстытуцыя незалежнай Рэспублікі Беларусь, напісаны і зацьверджаны дэмакоатычныя законы вольнай краіны.
    У 1994 годзе, пры дапамозе Масквы, у Беларусі адбылася рэстаўрацыя антыбеларускай прамаскоўскай рэакцыі.
    27 гадоў Беларусь змагаецца з антыбеларускім рэжымам. Гэта вельмі цяжкі час, але падзеі яго паказваюць, што Беларусь адродзіцца. Свабода і воля наперадзе. І гэта будзе ўжо назаўсёды.
    Слава Айчыне! 
    Жыве Беларусь!
    19 кастрычнік 2021 г. Зянон ПАЗЬНЯК
    Posted Oct 19, 2021, 6:20 AM by Адміністратар Навін
  • ПАЗБАЎЛЕНЬНЕ АД РАСЕІ

    На старонцы https://reform.by/ тыдзень таму зявілася вялікае інтэрв'ю, запісанае журналістам Аляксандрам Атрошчанкавым. Тут зьмяшчаю крыху дапоўнены яго фрагмэнт па важных патаньнях. Зянон Пазьняк.

    -----------------------------------------------------------------------------

    ....

    Аляксандар Атрошчанкаў:

    — Вы кажаце, што галоўнай функцыяй пратэстаў стала адраджэнне і аб’яднанне нацыі. Але сёння можна казаць пра існаванне ў Беларусі дзвюх калі не нацый, то субэтнасаў: умоўна, незалежніцкага бел-чырвона-белага, арыентаванага ў большай ступені на Захад і дэмакратычныя традыцыі, і чырвона-зялёнага, арыентаванага ў большай ступені на Усход і на традыцыі Расійскай Імперыі. І Лукашэнка робіць не пазбаўленыя поспеху спробы мабілізаваць вакол сябе гэтую другую групу. Ці ёсць магчымасць аб’яднання гэтых субэтнасаў у адзіную нацыю?

    Зянон Пазьняк:

    -- Двух субэтнасаў у Беларусі не існуе. Ёсьць адзін Беларускі аўтахтонны этнас пакалечаны акупацыйнай палітыкай і русіфікацыяй.

    У Беларусі не існуе іншых аўтахтонных этнасаў акрамя беларусаў. Гэта адлюстравана ў Канстытуцыі. ( "Артыкул 1. Рэспубліка Беларусь -- унітарная дэмакратычная сацыяльная прававая дзяржава").

    Канфлікт паміж людзьмі, якія супраць Лукашэнкі і прарасейскай бюракратычнай мафіі і паміж тымі, хто падтрымлівае аўтарытарную ўладу, мае перш за ўсё палітычны характар. Тут пытаньне сацыяльна-палітычнай арыентацыі, простае і прыземленае -- Лукашэнка гэта сініца ў руцэ ("пэнсіі дае", у крамах ўсё ёсьць і г. д.), а свабода, дэмакратыя, вольная нацыя, культура, самы сабе гаспадары без Расеі -- гэта для людзей, арыентаваных на Лукашэнку, -- журавель у небе. Астатняе (выяўленьне нянавісьці і т. п. ) стварае на гэтай глебе прамаскоўская прапаганда і рэжым Лукашэнкі. Незразумелыя многім людзям слоўцы тыпу "субэтнасы" нараджаюцца аддтуль жа.

    І да гэтай тэмы. Натуральнае права ўнітарнай аўтахтоннай краіны сьведчыць аб яе адзінай нацыянальнай мове, якая ёсьць (і становіцца) мовай дзяржаўнай. Руская мова як мова каланіяльнай палітыкі русіфікацыі ня можа па азначэньню быць дзяржаўнай мовай нацыянальнай краіны Беларусі, бо зьяўляецца праладай барацьбы з адраджэньнем свабоднай Беларускай нацыі. Спасылкі імпэрскіх прапагандыстаў на поліэтнічныя краіны тыпу Швайцарыі, Бэльгіі, эмігранцкай Канады і т. п. (каб навязаць расейскую мову для Беларусі) зьўляюцца не навуковымі і вульгарнымі.

    Тым часам існуе тыповая гістарычная сітуацыя, калі пасьля ўпадку імпэрыі (ці выхаду краіны з пад ўлады імпэрыі) імпэрская мова можа адыгрываць пэўны час функцыю мовы сацыяльных зносін у вольнай краіне (што, дарэчы, адзначана і ў законнай Канстытуцыі Беларусі, прынятай Вярхоўным Саветам у 1994 годзе).

    Гэтыя мае ўступныя тэзісы неабходныя тут для таго, каб лепш зразумець, што хаваецца за развагамі пра прыдуманыя "субэтнасы" і зь якога ўзроўню думак яны ўзьнікаюць.

    Нічога новага ў такой рыторыцы няма. Амаль 200 гадоў у Беларусі праводзілася мэтавая палітыка Расеі, накіраваная на знішчэньне Беларускай нацыі і культуры. Адбывалася татальная русіфікацыя, знішчэнне культурных здабыткаў, стваралася русіфікаваная псэўдакультура, псэўдаідэалогія. Імпэрцы дасягалі вынікаў. Па-першае, фізічна зьнішчаны быў беларускі набілітэт – інтэлігенцыя, шляхта, рэлігія і дзеячы рэлігіі. Зьнішчылі тысячы беларускіх кніг, ад якіх засталіся толькі назвы. Усё было вынішчана настолькі, што людзі, якія тут жылі – носьбіты спадчыны Полацка і Вялікага Княства Літоўскага – ня ведалі, хто яны такія, і называлі сябе «тутэйшымі». Такі вынік палітыкі Расейскай Імпэрыі.

    З нацыянальным адраджэннем пачала адраджацца ідэя беларускай дзяржаўнасьці, нацыі, культуры, збіраньне ўсяго разбуранага па частках. Гэты працэс ідзе па сёньняшні дзень. Імпэрыя ня зьнікла. Яна зьмянялася: царская імпэрыя зьмянілася ў бальшавісцкую, бальшавіцкая ў чэкісцкую. Калі Савецкі Саюз падышоў да свайго канца, узьнік новы беларускі нацыянальны рух, які абапіраўся на каштоўнасьці барацьбы ХІХ-ХХ стагоддзяў – на тое, за што змагаўся Кастусь Каліноўскі. Таму што і вораг быў той самы.

    У гэтых абставінах існаваў канфлікт паміж імпэрскім (савецкім) афіцыёзам і тымі беларусамі, якія не прымалі імпэрскай ідэалогіі і расейскага спосабу думаньня альбо адмовіліся, адыйшлі ад імпэрскай сьвядомасьці і ад каланіяльнага стану жыцьця, зрабілі сьвядомы выбар на карысць свабоды і пабудовы нацыянальнай дзяржавы.

    Гэты канфлікт (паўтаруся) сьведчыць не пра існаванне дзвюх нацый ("субэтнасаў") – каланіяльнай і антыкаланіяльнай, але выяўляе працэс пазбаўлення ад імпэрскага каланіялізму, працэс паўтаральнага адраджэньня Беларускай нацыі (які пэрыядычна доўжыцца ўжо другое стагоддзе, і тое трэба разумець; гэтая вайна суправаджаецца стратамі, ахвярамі, змаганьнем і выжываньнем). Тут таксама класічная схема, шлях, праз які праходзілі шмат якія забраныя народы.

    Нацыянальная дзяржава прадугледжвае агульную нацыянальную ідэю, агульнае кіраўніцтва, агульныя прынцыпы. Нацыянальная дзяржава зьяўляецца базісам — дэмакратыя ёсьць надбудова. Так было па ўсёй Эўропе, так пачыналася «Вясна народаў» (шэраг антыфеадальных і нацыянальна-вызвольных рухаў у Эўропе ў сярэдзіне ХІХ стагодзя, – заўв. Reform.by). У сваім часе праз гэта прайшлі і чэхі, і палякі, і сербы з балгарамі, і вэнгры, і славакі, і ўсе іншыя. У Беларусі гэтыя працэсы адбыліся крыху пазьней, бо Аўстра-Вэнгерская, Пруская, Атаманская імперыі распаліся, а Расея застаецца дагэтуль, і барацьба яшчэ працягваецца.

    Нельга сур'ёзна ўспрымаць разважаньні пра субэтнасы. Тут адлюстраваньне адвечнай барацьбы акупацыйнай палітыкі і прапаганды рускага каланіялізму супраць беларускага нацыянальнага Адраджэньня. Беларусы — адзінародная нацыя, у якой ёсць гістарычна выпрацаваная адзіная мова, адзіная тэрыторыя, адзіная гісторыя. У выніку рускай каланіяльнай палітыкі беларускую мову забаранялі, абмяжоўвалі, не пускалі, знішчалі, вырасталі пакаленні, якія размаўлялі на чужой мове, не ведаючы сваёй. Ім ужо стала прывычна размаўляць на чужой мове. Тут сітуацыйная праблема і сітуацыйны падзел, але іншага выхаду, акрамя як адраджэньне нацыі, няма. Калі беларусы не будуць вяртацца да сваёй мовы, гісторыі, культуры, да сваёй нацыі – іх шлях у Расею, у каланіяльную імпэрыю. Другога шляху няма. Прытым, гэты шлях будзе нават бяз іх волі. Сваю дзяржаву «ябацек» дэнацыяналізаваныя беларусы не пабудуюць. Няма пэрспэктывы такога існаваньня побач з Расеяй. Няма нацыянальнай дзяржавы без нацыянальнай сьвядомасьці.

    А ў цэлым тут маніпултарская імпэрская палітыка, якая паразітуе на здэградаванай самаідэнтыфікацыі людзей, што стварылася ў выніку каланіяльнай (савецкай) русіфікацыі.

    Цяпер канфлікт існуе паміж старой каланіяльнай русіфікатарскай палітыкай, паміж тым сацыяльным пластам, які яна стварыла, і паміж новымі людзьмі волі, свабоды, незалежнасьці, якія бачаць існаваньне нацыі і будучыню ў вольнай беларускай нацыянальнай дзяржаве. Гэта канфлікт паміж нацыянальнай ідэалёгіяй і пазыцыяй сацыяльнага выбару, які можа зьмяніцца ў залежнасьці ад абставін (што часткова пацьвердзілася нават у падзеях 2020 года).

    Беларуская нацыя можа лёгка стаць палітычна адзінай у нацыянальнай свабодзе, калі гэтая свабода прынясе выгаду і дабрабыт. І вось тут шмат будзе залежыць ад сілы нацыянальнага духу, бо нацыянальную дзяржаву трэба будаваць, каштоўнасьці напрацаваць і выпрабаваньні непазьбежныя. Бо трэба разумець, што дабрабыт (на жаль) зьяўляецца галоўнай каштоўнасьцю для бальшыні беларускага насельніцтва. У такім стане дух, волю і нацыю трэба пускаць паперадзе, у аваннард. Інакш параза. І ня трэба мудрыць з адваротнага. Яно было. Змагаючыся за нацыю і свабоду -- здабываем хлеб. Але не наадварот.

    Паўтаруся: мы тут не унікальныя. Паглядзіце нават на Украіну. Сёння гэта ўжо нацыянальная дзяржава (якія б цяжкасьці яна не перажывала), а ўсяго дзесяць гадоў таму такога яшчэ не было. Дзесяць гадоў таму ў іх былі фактычна такія ж самыя праблемы са свядомасцю і ўсім іншым (можа, у меншым маштабе), як і ў нас. Працэс пазбаўлення ад каланіялізму, ад каланіяльнага думаньня, ад русіфікацыі і рабскай псіхалогіі -- гэта працэс гістарычны. Выразаць яго са свядомасці немагчыма. Свабода і яднанне ў свабодзе ёсць у прыродзе чалавека. Расейцы мільёнамі забівалі вольных беларусаў, а беларус жыве, і ў кожным пакаленні паняверкі ўсё роўна вырастаюць людзі, гатовыя змагацца за волю і свой народ.

    А. А.: — Не ўсе уяўляюць маштабы, у якіх вынішчалі…

    З. П.: — Маштабы жудасныя. Пасля Рыжскай змовы ў 1921 годзе паміж бальшавіцкай Расеяй і Польшчай палову Беларусі аддалі Польшчы, палову забрала Расея. Пакінулі толькі шэсць паветаў Менскай вобласці і назвалі гэта БССР. Там было 104 кіраўнікі вышэйшай партыйнай і савецкай адміністрацыі (кіраўнікі адміністрацыйных структур). Зь іх у 1937-м расстралялі 102. І гэта я кажу толькі пра вышэйшую дзяржаўную адміністрацыю. Я не кажу пра мастакоў, паэтаў, пісьменнікаў, навукоўцаў, сялян ды рабочых. Пісьменьнікаў было прыкладна 700. Зь іх расстралялі 500. Сто з гэтых пісьменьнікаў і паэтаў расстралялі ў Курапатах за адну ноч 29 кастрычніка 1937 года. І гэта тое, што пераважна адбывалася толькі ў той частцы сёньняшняй Беларусі, а калі лічыць з 1920 па 1953 год, то, па маіх падліках, рускія камуністы знішчылі ў Беларусі прыклада 1,8 мільёна чалавек.


    Замест тых расстраляных кіраўнікоў і адміністратараў у Беларусь прыехалі тыя, хто ў камуністычнай гісторыяграфіі называюцца «выдзвіжэнцамі». Гэта камуністычныя кадры з Расеі, якіх прывезлі ў Беларусь займаць пасады расстраляных «врагов народа» (іх нібыта "выдвігалі" партыйныя і рабочыя "калектывы" ў Расеі). Прыехалі яны з жонкамі, дзецьмі. Пачынаецца верасень. «Что? Какой «вересень»? Что это за месяц? Это что, наши дети должны этот собачий язык учить? Ликвидировать беларусские школы!». Вось так гэта і працавала.

    Быў вал татальнага вынішчэння ўсяго беларускага. Тое зьнішчэньне мы адчуваем па сёньняшні дзень. Цяпер рэжым Лукашэнкі аднавіў вынішчэньне Беларусі і практыку сталінскіх рэпрэсіяў на новым маскоўскім узроўні. Турмы перапоўненыя беларусамі, арыштаваных катуюць, гэбоўскія карнікі ўломваюцца ў кватэры і забіваюць людзей.


    Але нацыя здольная адраджацца нават у такіх умовах. Ёсць палітычныя, сацыяльныя працэсы, але існуюць яшчэ і натуральныя працэсы – законы прыроды. Новае пакаленне вырасла ў ненармальных, скасабочаных палітычных умовах, але ў незалежнай дзяржаве. Людзі, якім было дзесяць гадоў у часы аднаўленьня незалежнасьці, сёньня маюць 35-40, і яны не хочуць мірыцца з хамскім маразмам антынароднай улады. Таму нічога дзіўнага няма ў тым, што пратэсты прайшлі пад нацыянальнымі бел-чырвона-белымі сьцягамі. Бо гэта ёсць нацыянальная альтэрнатыва прарасейскаму варварству рэжыма Лукашэнкі........


    Posted Oct 19, 2021, 6:18 AM by Адміністратар Навін
  • ПРА ПЕРАПЫНАК У ГІБРЫДНА-САНКЦЫЙНАЙ ВАЙНЕ

    Сітуацыя, якая створана цяпер у Беларусі і вакол Беларусі, выклікае засьцярогі сваімі працэсамі і дрэннымі вынікамі. Адбываецца нечуваны разгул рэпрэсіяў супраць беларусаў і культуры Беларусі, ігнараваньне законаў і правоў людзей. Улада Лукашэнкі праводзіць акупацыйную палітыку па вынішчэньні грамадзянскай супольнасьці і ўсяго беларускага. Рэжым апраўдвае рэпрэсіі помстай за ўвядзеньне эканамічных санкцыяў супраць Беларусі з боку Эўразьвязу і ЗША.

    Эўразьвяз і ЗША абгрунтоўваюць увядзеньне эканамічных санкцыяў парушэньнем правоў чалавека, тэрорам і рэпрэсіямі ў Беларусі.

    Пры дапамозе эканамічных санкцый супраць Беларусі Эўразьвяз і ЗША спадзяюцца ліквідаваць уладу Лукашэнкі шляхам прымусу яго да правядзеньня новых дэмакратычных выбараў прэзыдэнта, у выніку якіх Лукашэнка павінен страціць уладу.

    Вопыт сьведчыць, што эканамічныя санкцыі могуць паўплываць на прыняцьце рашэньняў альбо выклікаць адмену дзеяньняў, але не ліквідуюць уладу дыктатара. Гістарычная практыка эканамічных санкцыяў і блакадаў была адмоўнай: народ падае ў галечу, а дыктатура застаецца. Народ у галечы ня здольны да супраціву.

    Эканамічныя санкцыі супраць Беларусі могуць разбурыць нацыянальную эканоміку і дзяржаву, ліквідаваць суверэнітэт, апусьціць беларусаў за рысу беднасьці, але ў прынцыпе не абваляць рэжым Лукашэнкі, бо за плячыма рэжыму стаіць пуцінская Расея, якая зацікаўлена падтрымаць дыктатара, каб, кантраляваць ягоны рэжым і ў пэрспэктыве захапіць аслабленую эканамічнымі санкцыямі і рэпрэсіямі Беларусь і далучыць да Расеі.

    Тое, што адбываецца цяпер у Беларусі, -- гэта ёсьць гібрыдная вайна супраць беларускай нацыі і народу Беларусі, якую падтрымлівае пуцінская Расея праз залежны ад яе рэжым Лукашэнкі. У такую вайну пры пасярэдніцтве прарасейскіх апазыцыйных груп уцягнуты Эўразьвяз, санкцыйная палітыка якога рэальна спрыяе інтарэсам Крамля.

    На сёньняшні дзень мы назіраем пачатак катастрофы Беларусі. Калі працэс не спыніць, тады будзе разбуральна зьменена гісторыя нашай краіны і геапалітычныя абставіны ў гэтай частцы Эўропы (найбольш некарысна для Беларусі, Польшчы і Украіны).

    Выхадам з двухбаковай гібрыднай палітыкі зьнішчэньня нашай краіны, дзе ў закладніках ёсьць Беларускі народ, мусіць стаць найперш добрая воля бакоў, якая не супярэчыла б здароваму сэнсу. Такі сэнс існуе.

    Першым крокам магло б стаць прыпыненьне на адзін месяц палітычных рэпрэсіяў, арыштаў і судоў з аднаго боку, і прыпыненьне эканамічных санкцыяў -- з другога. За гэты час ствараецца платформа для перамоваў аб спыненьні рэпрэсіяў, аб амністыі асуджаных, аб спыненьні гібрыднай і санкцыйнай вайны, аб аднаўленьні пасажырскіх ліній авіяперавозак і г. д.

    Сам па сабе такі ход падзей не пачнецца. Добра было б, каб з прапановай пра часовы мараторый выступіла і зьвярнулася б да абодвух бакоў нейкая знаная і аўтарытэтная ў грамадзтве арганізацыя альбо асоба. Такія арганізацыі і асобы ёсьць у Эўропе і ёсьць яшчэ ў Беларусі.

    Пажадана, каб такія ініцыятывы зьявіліся якраз цяпер, бо ход падзей гібрыдна-санкцыйнай вайны ўмацоўвае прэтэнзіі і пазыцыі Расеі супроць Беларусі, пагражае стратай жыцьцёвай пэрспэктывы беларускаму грамадзтву і беларускім людзям, практычна, мінаючы аўтарытарны рэжым.

    Яшчэ раз падкрэсьлю, што працяг гібрыдна-санкцыйнай вайны ў існуючых умовах, не ліквідуе рэжым Лукашэнкі, але можа разбурыць дзяржаву, суверэнітэт, эканоміку і культуру Беларусі, умацуе геапалітычныя пазыцыі пуцінскай Расеі на мапе Эўропы.

    Магчымасьці, пэрспэктывы і паляпшэньне становішча мусілі б быць скарыстаныя людзьмі, якія разумеюць небясьпеку і дбаюць пра будучыню Беларусі і Усходняй Эўропы.

    10 кастрычнік 2021 г. Зянон ПАЗЬНЯК

    Posted Oct 15, 2021, 11:06 AM by Адміністратар Навін
  • РАЗЬВІЦЬЦЁ СТАНОВІШЧА І ВАРЫЯНТЫ

    Тут не дактрына, не прапановы, але толькі развагі, агляд падзей.

    Паспрабуем рэальна пабачыць становішча і магчымасьці разьвіцьця.

    1. Эканамічныя санкцыі Захаду накіраваныя на ліквідацыю ўлады Лукашэнкі шляхам прымусу яго да новых выбараў, якія (гэта разумеюць усе) прывядуць да палітычнай паразы Лукашэнкі.

    2. Эканамічныя санкцыі як зброя ліквідацыі дыктатуры Лукашжнкі ёсьць нерэальны памылковы праект, які не пагрунтаваны на існуючых абставінах.

    Існуючыя абставіны такія:

    а. Лукашэнка -- аўтарытарны дыктатар, для якога вышэйшай каштоўнасьцю ёсьць улада, да якой ён адносіца з псіхапатычнай і безальтэрнатыўнай адданасьцю.

    Парадыгма яго існаваньня ва ўладзе такая: улада альбо сьмерць. Нічога для яго няма вышэй за яго ўладу. Дзеля ўлады ён гатовы на любыя дзеяньні.

    б). Асобнае значэньне мае псіхічная асаблівасьць Лукашэнкі: ён ненавідзіць беларускі народ.

    в.) Улада Лукашэнкі залежыць ад Масквы. Палітыка, якую выконваў Лукашэнка, прывяла да залежнасьці Беларусі ад Расеі, асабліва ў плане энэргетыкі (нафта і газ) і рынкаў збыту.

    г). Палітыка, якую Расея праводзіць праз Лукашэнку, -- гэта стварэньне ўмоў для анэксіі Беларусі.

    Яна выяўляецца праз ініцыятывы інтэграцыі, аеннае супрацоўніцтва, захоп сфэраў уплыву і павелічэньне кантролю над краінай, эканомікай, палітыкай і асабіста Лукашэнкам.

    У такіх умовах заходнія эканамічныя санкцыі не прыводзяць да ліквідацыі ўлады залежнага ад Расеі Лукашэнкі, якая пдтрымлівае яго, але дзейнічаюць як чыньнік разбурэньня Беларускай дзяржавы, эканомікі, культуры, выклікаюць зьбядненьне насельніцтва.

    Разгром Беларусі ідзе з унутранага (рэпрэсіі рэжыму) і зьнешняга (эканамічныя санкцыі захаду) бакоў.

    Аслабленьне Беларускай дзяржавы і палітыка заходніх эканамічных санкцыяў зручная для анэксіянісцкай палітыкі Расеі. Яна гатова фінансава падтрымліваць Лукашэнку, каб, выкарыстаўшы становмшча, ставіць яму свае ўмовы на шляху да падпарадкаваньня Беларусі (ваенныя базы, забраньне прадпрыемстваў, кантроль над фінансавай і падаткавай сістэмамі і г. д.).

    Чорны фінал расейскай палітыкі можа стаць такі: страта суверэнітэту і насельніцтва Беларусі пры захаваньні ўлады залежнага ад Масквы Лукашэнкі.

    Наступны этап -- страта незалежнасьці і дзяржавы, захоп тэрыторыі ў склад пуцінскай Расеі. Тут схаваныя (але ўсім відавочныя і ня раз агучаныя) планы пуцінскіх імпэрыялістаў.

    Такім чынам (паўтару яшчэ раз) дзеяньне эканамічных санкцыяў (спыненьне вытворчасьці, страта рынкаў, крах прадпрыемстваў, пагаршэньне ўмоў жыцьця, беспрацоўе, дэфіцыт бюджэту, інфляцыя і г. д.) могуць абваліць суверэнітэт і незалежнасьць Беларусі, але не ліквідуюць улады Лукашэнкі, бо ён патрэбны Маскве (якая будзе яго фінансава трымаць), каб пры ягонай дапамозе забраць Беларусь у Расею.

    Корань зла ня толькі ў хворым Лукашэнку, але таксама ў пуцінскай Расеі.


    Цяпер апішам наступную вэрсію падзей і чаканьняў беларусаў. Напрыклад. Пачынаецца насіленьне эканамічных санкцыяў пакет за пакетам. Банкрутуюць, спыняюцца прадпрыемствы, людзі бяз працы, няма чым выплочваць пэнсіі пэнсіянерам, зарплату лекарам, настаўнікам і г. д.

    Адначасна павялічваюцца рэпрэсіі, гэбісты ўрываюцца ў дамы беларусаў, пачынаюць страляць на вуліцах і г. д.

    У выніку -- узьнікае стыхійны пратэст і масавы выхад абураных людзей, якія ліквідуюць і пахаваюць рэжым. Так думаюць некаторыя прыхільнікі санкцыяў.

    Доля верагоднасьці тут ёсьць. Але яшчэ большая доля верагоднасьці, што масавага пратэсту ня ўзьнікне, і павялічацца ўцёкі людзей ад бяды. Тым часам (ужо бяз доляў верагоднасьці) зразумела, што на гэты раз стыхійны пратэст людзей вар'ят спаткае кулямётамі.

    Але і тут ня проста. З дыктатурай і з кулямётамі беларусы ўправіліся б, калі б, ізноў жа, ня пуцінская Расея, якая ўлезе.


    Ёсьць іншы падыход, разьлічаны на вытрымку, накапленьне сілаў і натуральныя працэсы -- гэта адмена эканамічных санкцыяў, спыненьне рэпрэсіяў і транспартнай блакады, вяртаньне да статус-кво, якое было перад рэпрэсіямі і перад санкцыямі.

    Але на тое яшчэ не гатовая Заходняя Эўропа, бо не ўяўляе, які крах яна стварае на Ўсходзе.

    Лукашэнка цяпер нэрвова дэманструе ваяўнічы настрой, пагрозы Захаду, вернасьць Расеі і адначасна заяўляе, што гатовы да перамоваў, калі Захад адменіць "идиотские санкцыи", і, як знак, выпусьціў нават 13 палітзьняволеных.

    Захад на недыпляматычныя (але невыпадковыя) словы Лукашэнкі не зьвярнуў ўвагі. Аднак тое, што сатрап няўклюдна шукае выйсьця, гэта таксама відаць.

    Адмена эканамічных санкцыяў патрэбна як людзям Беларусі, так і антынароднаму рэжыму. Тут якраз ёсьць зачэпка для перамоваў. На жаль, эканамічныя санкцыі супраць Беларусі зручныя для некаторых прарасейскіх колаў на Захадзе.

    Рэальныя магчымасьці існуюць для перамоваў па адмене транспартнай авіяблакады, у чым зацікаўленыя абодва бакі, асабліва жыхары Беларусі і тысячы беларусаў за мяжой. Беларусам трэба будзе шукаць шляхі, каб хутчэй падштурхнуць вырашэньне гэтай праблемы.

    Адмена санкцыяў, транспартнай блакады, рэпрэсіяў і перасьледу людзей, спыненьне крымінальных справаў супраць пратэстоўцаў патрэбна найперш Беларусі і людзям Беларусі, хоць з гэтага ў сваёй частцы скарыстае і лукашысцкі рэжым.

    Аднак гэты варыянт больш пэрспэктыўны якраз для беларускага грамадзтва і тлумачыцца яно тым, што беларускае грамадзтва і ў цэлым нацыя знаходзіцца цяпер у стане асэнсаваньня сябе і будучыні сваёй дзяржавы. Яно ськіравана на нацыянальную салідарнасьць і грамадзкі прагрэс, яно ў стане актыўнага думаньня пра сябе і пра сваю краіну.

    Улада рэжыму і асяроддзе ўлады тым часам існуюць у стане рэгрэсу. Іхняе існаваньне няпэўнае. Ініцыятывы там штучныя і тупіковыя, нягледзячы на здавалася б вельмі агрэсіўную сутнасьць.

    Нават частковае вяртаньне да статус-кво дало б магчымасьць захаваць беларускую інтэлігенцыю, навуку і навукоўцаў, літаратуру і выдаведзтвы, прытармазіла б інтэграцыю, спрыяла б грамадзкай салідарнасьці і інтэлектуальнаму ўзроўню нацыі. Калі сталася паражэньне -- тады важна ўтрымаць пазыцыі (ці хоць частку пазыцый) і ня трапіць пад разгром, бо змаганьне прадаўжаецца.

    Насуперак гэтай палітыцы (утрыманьня пазыцый) стаіць некалькі чыньнікаў. Назаву тры. Першы і самы галоўны. Шмат людзей у беларускім грамадзтве гатовыя ўспрымаць вяртаньне да грамадзкага статус-кво праз адмену санкцыяў дзеля працягу нацыянальнага існаваньня і разьвіцьця як "зьдзелку" з рэжымам, як здраду людзям, што загінулі за Беларусь, як здраду тысячам пакалечаных, пабітых, несправядліва кінутых у катоўні і турму.

    Гэта пазыцыя высакародных пачуцьцяў без палітычнага думаньня. Растлумачыць сутнасьць іншых паводзінаў у сітуацыі паразы такім людзям, практычна, вельмі цяжка. Патрэбны вопыт. А прыняць рашэньне няма каму.

    Другі чыньнік -- Крэмль. Масква ня можа дапусьціць чарговага "фінту" сатрапа, які цяпер так рашуча нішчыць беларускую нацыю. Задушыць беларускую грамадзкую супольнасьць (а на справе нацыянальную супольнасьць) ёсьць самым важным дзеяньнем у крамлёўскай палітыцы "русского мира". (Дарэчы, пасьля маёй заявы аб адмене эканамічных санкцыяў і рэпрэсіяў найбольш узбудзіўся "русский мир" і крамлёўскія тролі.)

    І трэці чыньнік -- Заходняя Эўропа. Там яшчэ не гатовыя да дыпляматычных паваротаў. Але, магчыма, нешта зьменіцца (праўда, калі для нас, беларусаў, будзе ўжо позна).

    У гэтай сітуацыі групоўкі Латушкі-Ціханоўскай стаяць на баку санкцыйнай палітыкі Захаду і прапагандуюць яе. Магчыма, яны думаюць, што не нясуць ніякай адказнасьці, бо гэта ж Захад уводзіць эканамічныя санкцыі і з добрымі пажаданьнямі.

    Апошнім часам з асяроддзя штабных людзей загучэла нешта вельмі самаіснае, невядома дзе народжанае. Аказваецца, што для існаваньня беларускай нацыі зусім не абавязковая нацыянальная дзяржава. Беларуская нацыя, маўляў, можа існаваць і без дзяржавы, мець свой парлямант за мяжой і міністэрствы, скажам, у Аўстраліі, і па Інтэрнэту камунікавацца ды ўсё вырашаць. Беларусь тут і не патрэбная.

    Калі б я сам ня чуў у Сеціве такія арыгінальныя "мысьлі", то не паверыў бы.

    Па назіраньнях (гэта відавочна) падзеі ў Беларусі разьвіваюцца па першым (санкцыйна-рэпрэсіўным) варыянце. Яго педаліруе найбольш Масква, Эўропа і Лукашэнка. Адчуваецца, што рэжыму хочацца крыві. Лукашэнка выбірае горшы варыянт. Шукаюць зачэпкі. А калі так, то будзьма гатовыя. Зьнішчэньне без супраціву, як у 1930-х, больш не паўторыцца.

    4 кастрычнік 2021 г. Зянон ПАЗЬНЯК

    Posted Oct 15, 2021, 11:03 AM by Адміністратар Навін
  • ПЕРАМОЖАМ ЭПІДЭМІЮ і РЭЖЫМ

    (Паведамленьне)

    Назіраючы за працэсамі, прыходзім да відочнага выніку, што сьвет (і ўсё ў сьвеце) разьвіваецца па правілах і ў сваім парадку. Перамены адбываюцца ў выніку катастроф (разбурэньня існага).

    Гэтая банальная праўда вядомая даўно, але задумваемся над ёй найбольш тады, калі якраз адбываецца катастрофа.

    Мы зараз перажываем сусьветную катастрофу, якая ўплывае на ўсё чалавецтва. Назва катастрофы -- "Ковід-19", альбо папулярна -- "Карона". Чалавецтва змагаецца з агрэсіўнай малекулай, якая пагражае ўсім.

    Жыцьцё перамянілася. Перамены закранулі кожнага чалавека, і асабліва сацыяльныя, грамадзкія і працоўныя дачыненьні паміж людзьмі. Людзі ўжо ня могуць вольна зьбірацца разам, ня могуць непасрэдна кантактаваць з ворганамі і служачымі дзяржаўнай улады, і з грамадзкімі арганізацыямі (толькі, як правіла, -- праз Сеціва ды тэлефон, апасродкавана і аднабакова), ня могуць вольна карыстацца транспартам і падарожжамі -- усё з абмежаваньнямі, якія прыходзіцца пераадольваць. Абмежаваньні датычаць масавых мерапрыемстваў, падзеяў мастацтва і культуры, тэатра і кіно, спорту і палітыкі. У асобных момантах (кажу па амэрыканскім вопыце) жыцьцё робіцца невыносным, у людзей здаюць нэрвы. Ня раз чуў у ЗША і некалькі разоў у Польшчы, што чалавек не хацеў бы далей жыць у такім сьвеце.

    Выйсьце ёсьць, але яно доўгае і цяжкое, прадугледжвае цярпеньне, вытрымку і адказнасьць людзей перад нацыяй, грамадзтвам і папуляцыяй. Шмат дзе гэтай адказнасьці хапае толькі на палову насельніцтва, нават вакцынацыю ня ўсе хочуць рабіць і статыстыка сьмерцяў (99 адсодкаў інфікаваных і памерлых зь ліку не зашчэпленых) не спыняе, не змушае падумаць.

    Але гэта на Захадзе. Там іншыя праблемы. У Беларусі прамаскоўскі антынацыянальны рэжым ад пачатку стаў праводзіць палітыку падтрымкі не людзей, а эпідэміі каранавіруусу. Медыцыну пакінулі без дзяржаўнай дапамогі, лекараў звальнялі і кідалі ў турму. Тое працягваецца па сёньняшні дзень. Вярхоўны вар'ят аб'явіў, каб людзі лячыліся лазьняй, трактарам і гарэлкай, бо віруса, маўляў, не існуе, і ён яго ня бачыць.

    Беларусы сталі арганізоўвацца і ратаваць самых сябе. Тады рэжым зьнішчыў самаарганізацыю людзей супраць Ковіда-19 і засакрэціў ахвяры эпідэміі.

    Важнай задачай Часовага Нацыянальнага Ураду (калі яго роля рэалізуецца ў бліжэйшыя месяцы і гады) стане неабходнасьць ратаваць народ ад пандэміі каранавірусу. Медыцынскія працаўнікі будуць вернутыя на працу. Ім належыцца кампэнсацыя і рэабілітацыя. Тых, што, ратуючыся ад перасьледу, уцяклі за мяжу, папросяць вярнуцца. Усё, што магчыма, будзе выдаткавана зь бюджэту для ратаваньня людзей. Будзе адчынена свабода для самаарганізацыі і самапаратунку насельніцтва. Часовы Нацыянальны Урад зьвернецца за дапамогай да міжнародных мэдыцынскіх фондаў і арганізацыяў, асабліва ў патрэбе добрай вакцыны, прыбораў і мэдыкамэнтаў.

    Беларусы не павінны выміраць. Уратуем сябе як народ. Свабода, справядлівая законнасьць і нацыянальная палітыка ў інтарэсах людзей стане зарукай нашага беларускага Адраджэньня і аднаўленьня здаровых традыцыяў жыцьця.

    26 верасень 2021 г. Зянон ПАЗЬНЯК

    https://www.bns-volnayabelarus.org/post/%D0%BF%D0%B5%D1%80%D0%B0%D0%BC%D0%BE%D0%B6%D0%B0%D0%BC-%D1%8D%D0%BF%D1%96%D0%B4%D1%8D%D0%BC%D1%96%D1%8E-%D1%96-%D1%80%D1%8D%D0%B6%D1%8B%D0%BC 

    Posted Oct 15, 2021, 11:00 AM by Адміністратар Навін
  • ПЕРШЫ "ЧАРНОБЫЛЬСКІ ШЛЯХ" У РЭЧЫШЧЫ БЕЛАРУСКАЙ БАРАЦЬБЫ ЗА СВАБОДУ

          30 верасьня 1989 года 32 гады таму адбыўся першы Чарнобыльскі Шлях -- агульнабеларуская грамадзкая фронтаўская акцыя супраць Чарнобыльскага генацыду, рух за пакараньне вінаватых і за адкрыцьцё праўды пра Чарнобыльскую катастрофу.

    (Назва, як і шмат якіх іншых -- "трасянка", "Мартыралог Беларусі", "Курапаты" і г. д.-- усталявалася, дзякуй Богу, з маёй лёгкай рукі).

    Першая акцыя прадугледжвала сход і прыход у Менск людзей з усёй Беларусі на дэманстрацыю барацьбітоў супраць чарнобыльскага вынішчэньня і, асабліва з чарнобыльскіх раёнаў. З Гомеля, напрыклад, калёна каля тысячы чалавек адправілася ў Менск дэманстратыўна пешшу (адлегласьць амаль 400 км.). Гэтак жа і шмат зь якіх іншых гарадоў. Камуністычныя ўлады кінулі ўсе сілы, каб не дапусьціць людзей у Менск: заблакавалі дарогі, зрабілі засекі і перашкоды, кінулі на перахоп унутраныя войскі і ОМОН. Але некаторыя людзі прарваліся групамі і ў адзіночку.

    Каля Гадзіньнікавага завода ў скверы па вуліцы "Талбухіна" сабралася каля 30-ці тысячаў дэманстрантаў і пад моцным дажджом рушылі па прасьпекце да Дому ўраду. Дайшлі амаль усе. Пад несьціханым дажджом адбыўся мітынг (я якраз быў яго вядоўцам). Выступалі фронтаўцы, людзі з Чарнобыльскай зоны і знакамітыя асобы Беларусі. Алесь Адамовіч прывёз з Масквы вядомага тады савецкага акадэміка Веліхава, які выступіў на мітынгу і падтрымаў беларусаў.

    Пасьля мітынгу адбылася ў Чырвоным касьцёле (тады Дом кіно) вялікая прэсавая канфэрэнцыя і афіцыйнае паседжаньне кіраўнікоў і энтузіястаў Чарнобыльскага Шляху. Былі прамовы, прынятыя звароты і рэзалюцыі.

    Тут жа была падтрыманая ідэя БНФ, каб правесьці ў Менску асамблею народаў "Чарнобыльскі шлях" і стварыць там "Чарнобыльскі трыбунал", дзе прапанавана заслухаць сьведкаў радыяцыйнага генацыду, падсумаваць факты, выбраць і зацьвердзіць сяброў Трыбуналу, які вынясе вердыкт аб дзеяньнях кампартыі, савецкіх уладаў і асобаў, вінаватых у стварэньні радыяцыйнай небясьпекі для жыцьця беларусаў.

    Асамблея і Трыбунал адбыліся 25 лістапада 1989 года ў Чырвоным касьцёле пры вялікім наплыве людзей, сьведкаў чарнобыльскага злачынства, навукоўцаў, дасьледчыкаў і гасьцей з Прыбалтыкі, Украіны, Малдовы. Вердыкт і рашэньні Чарнобыльскага Трыбунала паўплывалі потым на дзейнасьць Вярхоўнага Савета 12-га скліканьня, паслужылі апорай для палітыкі дэпутацкай Апазыцыі БНФ у Вярхоўным Савеце.

    Мушу адзначыць, што высокі ўздым і ўзровень пасіянарнасьці ў 1988-1991 гадах быў вельмі вялікім, канкрэтна асэнсаваным, канструктыўным і выніковым. Гэта была, бадай, самая эфэктыўная вяршыня разумнага масавага народнага дзеяньня за ўсю нашу нацыянальна-адраджэнцкую гісторыю. Параўнаць можна хіба толькі з 1917 годам -- пэрыядам Усебеларускага Нацыянальнага Кангрэсу.

    Асэнсаванасьць і выніковасьць беларускага руху тых часоў тлумачыцца, перш за ўсё, ідэёвай і структурнай арганізаванасьцю народнай барацьбы, якую ўзначальвалі нацыянальныя арганізацыі і дзеячы Беларускага Нацыянальнага Адраджэньня. У 1988-1991 гадах адказнасьць за барацьбу супраць рускага камунізму і савецкай акупацыі ўзяў на сябе і ажыцьцявіў перамогу незалежніцкіх сіл народа Беларускі Народны Фронт "Адраджэньне".

    Цяпер, на жаль, маем (ужо амаль у гісторыі) іншы прыклад, калі ў 2020 годзе адбыўся стыхійны масавы выступ народа ва ўмовах вынішчэньня беларускіх нацыянал-дэмакратычных сілаў. Некіруемая і штурханая прафанатарамі ў тупік маса пратэстуючых людзей, кладучы крывавыя ахвяры і жывот на шляху да свабоды, была задушана прамаскоўскім рэжымам, запоўніла турмы і эміграцыю, церпіць і расплочваецца за прамаскоўскую палітыку невядамых раней асоб, за правакацыю безадказных, палітычна-інфантыльных, з большага чужых для Беларусі людзей, сваімі жыцьцямі, здароўем і свабодай, разбурэньнем нацыянальнага быцьця, эканомікі і культуры.

    І 1917-1918 гады (стварэньне і незалежнасьць БНР), і 1988-1991 гады (перамога над рускім камунізмам і аб'яўленьне незалежнасьці Беларусі) хай жа будуць нам прыкладам для далейшага змаганьня супраць прамаскоўскага рэжыму і хунты Лукашэнкі, супраць расейскай імпэрскай палітыкі за вольную сьветлую Беларусь, бо барацьба працягваецца і перамога стане за беларусамі.

    Эпізоды змаганьня супраць чарнобыльскага генацыду, першы Чарнобыльскі Шлях, Чарнобыльская асамблея, Чарнобыльскі трыбунал -- гэта толькі частка той вялікай беларускай барацьбы, той моцнай нацыянальна-дэмакратычнай адраджэнскай плыні, якая прывяла да незалежнасьці Беларусі -- мары пакаленьняў людзей.

    Уздымай вышэй штандары!

    Гучы наша Беларуская мова і песьня!

    Гартуйся наш баёвы дух!

    Слава Айчыне!

    Жыве Беларусь!

    30 верасень 2021 г. Зянон ПАЗЬНЯК


    Posted Oct 15, 2021, 10:54 AM by Адміністратар Навін
  • АБ СЬВЯТАХ

      17-ы верасень 1939 года беларусам трэба ацэньваць гістарычна станоўча ў зьмесьце беларускага нацыянальнага існаваньня.
    Але сьвятам "народнага адзінства" гэтая дата не зьяўляецца, бо яна ёсьць вынік дзеяньняў і акупацыйнай агрэсіі іншых дзяржаваў, найперш Савецкай Расеі. 17-га верасьня 1939-га года заходняя беларуская тэрыторыя была вернута, але адна акупацыя зьмянілася іншай акупацыяй.
    Гісторыя даты такая. У 1921 годзе Савецкая Расея ў выніку Рыжскай змовы з прычыны няўдалых ваенных дзеяньняў падзяліла акупаваную тэрыторыю Беларусі паміж Расеяй і Польшчай.
    У 1939 годзе ў выніку Пакту Молатава-Рыбентропа Савецкая Расея ў змове з Гітлерам і з выкарыстаньнем войска забрала ў склад  СССР частку падзеленай у 1921 годзе тэрыторыі Беларусі.
    Палітыка антыбеларускай польскай "санацыі" зьмянілася тут палітыкай рускага камуна-энкавэдзісцкага генацыду. Заходняя Беларусь панесла адчувальныя страты ў людзях, у маёмвсьці, у культуры і ў сацыяльных дачыненьнях.
    Адначасна савецкі імпэрскі акт збройнага забору ранейшых акупаваных тэрыторыяў аб'ектыўна азначаў аднаўленьне тэрытарыяльнасьці Беларусі чужымі рукамі, фармальную нацыянальную сатысфакцыю для беларусаў і рэальна -- павелічэньне ўдзельнай вагі краіны ў Савецкім Саюзе.
    Гэта паспрыяла беларускаму нацыянальнаму Адраджэньню і барацьбе за Незалежнасьць Беларусі.
     
    Сапраўднымі нацыянальнымі сьвятамі Беларускага Народу ёсьць Дзень Волі 25-га Сакавіка 1918 года, Дзень Незалежнасьці Рэспублікі Беларусь 25-га Жніўня 1991 года, Дзень Беларускай Вайсковай Славы 8-га варасьня 1514 года, Дзень Памяці Продкаў -- Дзяды 2-га лістапада, Слуцкі Збройны Чын 26-га Лістапада 1920 года. А таксама вялікія Хрысьціянскія сьвяты -- Нараджэньне (Каляды)  і Вялікдзень (Зьмёртвыхустаньне) Хрыстова. 
    Жыве Беларусь! 

    17 верасень 2021 г. Зянон Пазьняк
    Posted Sep 17, 2021, 6:39 AM by Адміністратар Навін
  • THE AGREEMENTS CONCLUDED IN MOSCOW ARE ILLEGAL. Mr. LUKASHENKA IS ADOPTING CRIMINAL POLICIES

    September 9, 2021 the usurper A. Lukashenka has committed the next crime acting as betrayer of the national interests of the Belarusian state and people. He and V. Putin have adopted the documents (“the roadmaps”) which in fact represent the plan of the gradual occupation as well as of the economic and political absorption of Belarus by Russia. November 4, 2021 V. Putin and A. Lukashenka wish to approve officially these documents and legalize “the road maps” through fictitious structures of the so called “union state”.

    Alaksandr Lukashenka has been not elected by the people. All the elections (especially the last presidential elections launched in August 2020) have been rigged. A. Lukashenkas authoritarian administration has been established with the help of Moscow as a result of a coup detat in November 1996 when the legal Constitution of Belarus had been abolished. A. Lukashenka is not a legal representative of state power. He doesnt have any rights to represent the country and all the more to sign any life-changing documents of national security. He is committing a crime of high treason.

    Alaksandr Lukashenka and Vladimir Putin are approving the unlawful documents against the sovereignty of Belarus at the moment when the Russian troops are moving into Belarus. Russia makes out like it want to establish the military instruction centers, but in fact there are the Russian military bases on the territory of Belarus. This is an act of treachery and a crime of high reason committed by the Lukashenka regime.

    The documents against the sovereignty of Belarus (28 of the “roadmaps”) have been approved in the atmosphere of mass repressions in Belarus and of the complete lawlessness. Russia is waging the hybrid war against the EU countries organizing the transit of illegal migrants from Middle Est and Africa and directing them to the borders of Poland, Latvia and Lithuania.

    Documents adopted by the illegal person of Lukashenka on September 9, 2021 in Moscow which must be signed on November 4, 2021 are legally untenable. Lukashenka’s political activity is criminal and is subject to prosecution.

    In these circumstances the international democratic society must treat the process of the integration of the Russian Federation and the Republic of Belarus (“the union state”) as an element of the hybrid occupation of Belarus by Russia. This process not only is destroying the Belarusian state, but also represents a regional security threat. This means that the Union of Belarus and Russia must become an object of the political pressure from the international society and cannot be recognized as a political subject.

    The Belarusian national and democratic movement in turn must mobilize all the forces in order to prevent anti-national activity of Lukashenka and the gradual occupation of Belarus by Russia.

    We dismiss and don’t recognize the agreements signed by the Belarusian dictator and adopted in Moscow. We witness the responsibility of Lukashenka and high-ranking officials for their activity in the process of eliminating of the independence of Belarus. They will be punished for their criminal activity.

    September 10, 2021

    The Belarusian National Secretariat

    Signed by Zianon Pazniak, Yuri Belenki, Pavel Usau

    http://www.narodnaja-partyja.org/00--Naviny-c_hyphenminus-Galownac_ja--fr--pg/00--Naviny-c_hyphenminus-Galownac_ja--bk--an--01/abnikcemnascimaskouskihpagadnennauizlacynnajpalitycylukasenki 

    Posted Sep 15, 2021, 10:31 AM by Адміністратар Навін
  • АПАВЯШЧЭНЬНЕ БЕЛАРУСКАГА НАЦЫЯНАЛЬНАГА САКРАТАРЫЯТУ "ВОЛЬНАЯ БЕЛАРУСЬ"

    АПАВЯШЧЭНЬНЕ

    БЕЛАРУСКАГА НАЦЫЯНАЛЬНАГА САКРАТАРЫЯТУ

    "ВОЛЬНАЯ БЕЛАРУСЬ"

    14 верасень, 2021 г.

    г. Варшава.

    Беларуская нацыя і дзяржава ў небясьпецы. Падзеі, якія адбываюцца, пагражаюць суверэнітэту і нацыянальнаму існаваньню Рэспублікі Беларусь.

    Працягваецца зьнішчэньне грамадзянскай супольнасьці Беларусі, усіх беларускіх арганізацыяў, праяваў беларускага нацыянальнага жыцьця. Распачаты рэпрэсіі супраць народа, створана блакада наземных і авіяцыйных сувязяў з замежжам, уводзяцца жорсткія эканамічныя санкцыі супраць Беларускай дзяржавы з нерэальным намерам ліквідаваць уладу Лукашэнкі.

    Вынішчэньне Беларусі стала вынікам сумарных дзеяньняў і рашэньняў Лукашэнкі, Пуціна і памылак замежных палітыкаў.

    Цяпер мы, беларусы ў Бацькаўшчыне і ва ўсім сьвеце, мусім выратаваць сваю краіну ад зьнішчэньня.

    З гэтай мэтай Беларускі Нацыянальны Сакратарыят "Вольная Беларусь" ставіць задачу падрыхтаваць і стварыць Часовы Нацыянальны Урад Рэспублікі Беларусь, які павінен узяць на сябе функцыю надзвычайнай улады ў час ліквідацыі рэжыму Лукашэнкі, у пэрыяд рэформаў і перамен.

    У час падрыхтоўкі Беларускі Нацыянальны Сакратарыят "Вольная Беларусь" ажыцьцяўляе функцыі і працу Арганізацыйнага Камітэту Часовага Нацыянальнага Ураду Рэспублікі Беларусь.

    Інфармацыя аб задачах, дзеяньнях, рэформах і пазыцыі Часовага Нацыянальнага Ураду будзе падавацца ў бюлетэнях Беларускага Нацыянальнага Сакратарыяту.

                                                                                        ------------

    Posted Sep 15, 2021, 10:09 AM by Адміністратар Навін
  • АБ НІКЧЭМНАСЬЦІ МАСКОЎСКІХ ПАГАДНЕНЬНЯЎ І ЗЛАЧЫННАЙ ПАЛІТЫЦЫ ЛУКАШЭНКІ

        9 верасьня адбыўся чарговы этап нацыянальнай здрады дзяржаве і народу Беларусі з боку ўзурпатара Лукашэнкі. У Маскве ён узгадніў з Пуціным дакуманты ("дарожныя карты"), якія на справе зьяўляюцца планам расьцягнутай акупацыі, эканамічнага і палітычнага паглынаньня Беларусі Расеяй. 4-га лістапада Пуцін і Лукашэнка плануюць афіцыйна зацьвердзіць гэтыя паперы і замацаваць іх праз фіктыўныя ворганы так званай "саюзнай дзяржавы".

        Лукашэнка ня ёсьць выбраны народам. Усе выбары, і асабліва апошнія, у жніўні 2020 года, былі сфальсіфікаваныя. Яго аўтарытарнае праўленьне ўзьнікла пры палітычнай дапамозе Масквы ў лістападзе 1996 года ў выніку дзяржаўнага перавароту і адкіданьня законнай Канстытуцыі Рэспублікі Беларусь. Лукашэнка не зьяўляецца легітымнай фігурай улады, ён ня мае ніякага права рэпрэзэнтаваць краіну і тым больш падпісваць лёсавызначальныя для краіны дакуманты. Гэта зьяўляецца злачынствам супраць дзяржавы.

        Чарговае ўзгадненьне антыбеларускіх дакумантаў, якія пагражаюць суверэнітэту Беларусі, супадае з увядзеньнем расейскіх войскаў у Беларусь пад выглядам стварэньня вайсковых вучэбных цэнтраў (у рэальнасьці -- ваенных баз), што зьяўляецца здрадай і дзяржаўным злачынствам.

        Факт узгадненьня антыбеларускіх дакумантаў (28 "дарожных карт") адбыўся ў абставінах маштабных рэпрэсій у Беларусі, у абставінах поўнага беззаконьня і гібрыднай вайны спраць краінаў Эўразьвязу праз арганізацыю транзіту нелегальных мігрантаў з Блізкага Усходу і Афрыкі на межы Польшчы, Латвіі і Летувы.

        Дакуманты, узгодненыя нелегітымнай асобай Лукашэнкі 9-га верасьня 2021 года ў Маскве і падрыхтаваныя для падпісаньня, ёсьць юрыдычна нікчэмныя, а дзеяньні палітычна злачынныя, якія падпадаюць пад крымінальную адказнасьць.

        У гэтых абставінах трэба, каб міжнародная дэмакратычная супольнасьць успрыняла інтэграцыйны працэс Расеі і Беларусі («саюзную дзяржаву») як элемэнт гібрыднай акупацыі Расейскай Фэдэрацыяй Рэспублікі Беларусь, які ня толькі разбурае дзяржаўнасьць Рэспублікі, але становіцца пагрозай для рэгіянальнай бясьпекі. Гэта азначае, што Саюз Беларусі і Расеі мусіць стаць аб'ектам міжнароднага ціску і непрызнаньня як суб“екта палітыкі.
    У сваю чаргу, нацыянальна-дэмакратычны рух Беларусі павінен мабілізаваць усе высілкі, каб стрымаць антынацыянальныя дзеяньні
    Лукашэнкі і паўзучую акупацыю Беларусі Расеяй.

        Мы адкідаем і не прызнаем пагадненьні, падпісаныя беларускім дыктатарам і узгодненыя ў Маскве. Мы сьведчым пра адказнасьць, якая вынікае зь дзеяньняў Лукашэнкі, ды высокапастаўленых беларускіх чыноўнікаў, якія ўдзельнічаюць у працэсе зьнішчэньня незалежнасьці Беларусі, расплата за якія непазьбежная.

    10 верасень 2021 г.

    Беларускі Нацыянальны Сакратарыят

    Падпісана: Зянон Пазьняк, Юры Беленькі, Павел Усаў

    Posted Sep 12, 2021, 7:43 AM by Адміністратар Навін
  • ЯК ПРАДУХІЛІЦЬ КАТАСТРОФУ

    Тэарэтычна адказ ляжыць на паверхні -- ліквідаваць уладу Лукашэнкі і яго асяроддзя.

    У рэальнасьці ў Беларусі адбылася параза стыхійнай электаральнай рэвалюцыі пратэсту і працягваецца жорсткі (ў форме гібрыднага генацыду) наступ антынароднай рэакцыі, арышты і рэпрэсіі.

    Беларускі супраціў знаходзіцца ў падзем'і, карыстаецца партызанскімі мэтадамі дэманстрацыі нязгоды з рэжымам.

    Небясьпечна тое, што праблему ліквідацыі ўлады Лукашэнкі ўзялі на сябе зьнешнія сілы, абапіраючыся на сумніўныя ўяўленьні апазыцыйных груповак, якія зь імі супрацоўнічаюць.

    Галоўнай прыладай пазбаўленьня ад улады Лукашэнкі стала палітыка эканамічных санкцый Захаду супраць Беларусі (тым часам палітычна выгадная Расеі).

    Задума гэтых эканамічных санкцый (якія нібыта павінны прымусіць Лукашэнку адыйсьці ад улады) памылковая і недасягальная, бо Лукашэнка мае выхад у Расею. Расея будзе падтрымліваць Лукашэнку, прымушаць яго да саступак суверэнітэту і павышаць свой кантроль над Беларусяй да таго часу, пакуль эканамічныя санкцыі, камунікацыйная і эканамічная блакада ні разбураць ушчэнт эканоміку Беларусі і ні апусьцяць у галечу народ, а Лукашэнка з свайго боку, не разбурыць нацыянальную культуру і ня зьнішчыць дазваньня грамадзкую супольнасьць краіны.

    Тады Масква, скарыстаўшы загнанага ў кут Лукашэнку, паспрабуе забраць Беларусь (і ўсё, што ў Беларусі) голымі рукамі і вызначыць лёс дыктатара.

    Гэта рэальны сцэнар і рэальны працэс, які ўжо адбываецца.

    9-га верасьня Пуцін і Лукашэнка ўзгаднілі 28 "дарожных картаў", якія на справе зьяўляюцца планам расьцягнутай акупацыі і эканамічнага паглынаньня Беларусі Расеяй.

    Засталося некалькі магчымасьцяў дзеля ўратаваньня становішча і дзеля ліквідацыі дыктатуры.

    Каб супрацьстаяць падрыхтоўцы катастрофы краіны (думаючы тэарытычна), трэба б было ліквідаваць транспарта-камунікацыйную блакаду (паветраную і наземную) і галоўнае -- прыпыніць, замарозіць хаця б часткова і выбарачна эканамічныя санкцыі пры ўмове спыненьня рэпрэсіяў і зьнішчэньня грамадзкай супольнасьці рэжымам у Беларусі.

    Паўтаруся, што эканамічныя санкцыі з мэтай вымусіць Лукашэнку адмовіцца ад улады (шляхам выбараў і т. п.) -- гэта абсалютна памылковая палітыка, якая ня ўлічвае дачыненьняў рэжыму з Расеяй і якая з гэтай прычыны не ліквідуе ўлады дыктатара, але ўдарыць па дабрабыту народа Беларусі, створыць умовы для інтэграцыі (анэксіі) Беларусі ў Расею.

    Магчымасьці прыпыненьня санкцыяў у гэтай сітуацыі невялікія (але яны існуюць), шансы на перамены таксама мізэрныя, бо яны вымагаюць палітычных і дыпляматычных перамоваў паміж бакамі, што знаходзяцца ў стане гібрыднай вайны. Прытым істотнае тое, што ў змагарных беларусаў няма такой моцнай палітычнай сілы, якая б змагла паўплываць на перамены санкцыйнай палітыкі.

    Тым ня менш, трэба скарыстаць усе магчымасьці, нават тэарэтычныя. Беларускі Нацыянальны Сакратарыят зьвярнуўся зь лістамі аб праблеме санкцый і камунікацый у структуры Эўразьвязу, да прэзыдэнта і прэм'ера Польшчы. Зразумела, што вынік гэтых лістоў мог быць толькі інфармацыйны. Але яны павінны былі быць.

    Нядаўна я праінфармаваў грамадзтва аб памылковасьці эканамічных санкцый (дзеля ліквідацыі ўлады Лукашэнкі) і аб разбуральнасьці іх для беларускага грамадзтва ў эксклюзыўным артыкуле і потым -- у адкрытым эфіры Эўрарадыё. Гаварылася аб неабходнасьці аднаўленьня транспартна-пасажырскіх авіяцыйных і наземных камунікацыяў дзеля інтарэсаў грамадзтва і аб магчымасьці прыпыненьня эканамічных санкцыяў у выніку дыпляматычных кантактаў з рэжымам Лукашэнкі пры ўмове спыненьня рэпрэсіяў і разбурэньня беларускай грамадзкай супольнасьці.

    Зразумела, што гэта патрэбна найперш для людзей, для беларускага грамадзтва. Тым часам рэжым у спыненьні рэпрэсіяў не зацікаўлены. Але аргумэнты з іншага боку былі б моцнымі. Словам, дамоўленасьці магчымыя, але патрэбная воля і разуменьне таго, што прыпыненьне санкцыяў, спыненьне рэпрэсіяў, вызваленьне з турмы (на пачатку, скажам, журналістаў) адновіць лепшыя ўмовы для далейшай нацыянальнай кансалідацыі грамадзтва.

    Нагадаю зноў. Сістэма ўлады, дэмакратыя ёсьць надбудовай. Базісам ёсьць нацыя, культура і нацыянальная дзяржава. Ніякая дэмакратыя немагчымая, калі разбураць базіс (што робіць Лукашэнка пад кантролем Масквы).

    Малаверагодна, што за карэкцыю санкцыйнай палітыкі і авіяпасажырскай блакады возьмуцца зьнешнія сілы, якія цяпер экспэрэмэнтуюць над нашай краінай.

    Але грамадзтва мусіць ведаць, што насамрэч адбываецца, каб разумець, каб супольна думаць і шукаць выйсьце.

    Перамога над рэжымам не павінна дасягацца стратай незалежнасьці краіны, бо тады зьнікае сэнс змаганьня і зьмест нацыянальнага існаваньня. Перамога не прыходзіць звонку.

    Раз за разам зьяўляюцца паведамленьні аб дзеяньнях эканамічных санкцыяў. Нядаўна Летува не прапусьціла экспарт з завода БелАЗ у Чылі. Куды пойдзе БелАЗ? Правільна -- у расейскі порт. Забаранілі лятаць самалётам Белавіі праз Польшчу ды Украіну. Самалёты лятуць праз Расею. Рускім прыбытак. Безадказныя просяць адключыць SWIFT. Тады разьлікі пойдуць праз Расею. І банкі -- туды ж. І разьлікі насельніцтва -- там жа, і г. д. Пуціну і клапаціцца шмат ня трэба. Сядзі і назірай, як працуюць загоншчыкі Беларусі ў пуцінскую Расею.

    З двух бакоў нішчаць краіну. Лукашэнка -- людзей і культуру. Захад -- эканоміку і дабрабыт. Праклятая пара.

    Разумеем, што ліквідацыя блакады камунікацыяў і прыпыненьне эканамічных санкцыяў -- задача малапад'ёмная. Гэтаму будзе скрыта працівіцца Расея. Да гэтага яшчэ не падрыхтаваны Захад. Тым больш, што рэальна няма моцнай нацыянальнай сілы ў Беларусі і за мяжой, каб тое пытаньне практычна падняць. Але паўтаруся, -- мы ставім яго пакуль што рытарычна, каб яно было, бо найважнейшым для нас ёсьць нашыя людзі, наш народ і наша незалежнасьць.

    Пастаноўка праблемы з нашага боку шырока ня выйшла ў сродкі масавай інфармацыі (бо іх у беларусаў, фактычна, ужо няма). Усё абмежавалася Інтэрнэтам. Але цікавае назіраньне. Праблема выклікала шалёную атаку рускіх троляў і прарасейскіх аматараў палітыкі ў звыклай форме зьняваг аўтара. Але тое якраз ёсьць паказчык, які карэлюецца з пазыцыяй Расеі.

    Другая магчымасьць барацьбы ў становішчы рэакцыі, тэрору і перасьледу існуе ў Беларусі здаўна. Я пісаў пра гэта яшчэ ў 2014 годзе, калі Расея распачала вайну з Украінай. Гэтая магчымасьць -- пастаяннае стварэньне схаваных групаў супраціву па 2-3 чалавекі, зьвязаных гарызантальна. Няхай такія групы ствараюцца пастаянна. Няхай існуюць нават чыста намінальна, але яны павінны быць, каб не ўтварылася сітуацыя, як у жніўні 2020-га, калі пачаўся масавы пратэстны ўздым, якога не чакалі, да якога ніхто ня быў гатовы і які паспрабавалі асядлаць чужыя людзі.

    У гэтай сувязі зноў паўтараю аб неабходнасьці пашырэньня суполак (толькі па 2-3 асобы) руху "Вольная Беларусь". Гэтае атамізаванае падзем'е можа сыграць ролю, калі настане час мабілізацыі па плану "Перамога".

    І ў Беларусі, і за мяжой ёсьць людзі, якія шчыра працуюць дзеля волі, свабоды і адраджэньня Бацькаўшчыны. Мабілізацыйны план "Перамога", падрыхтаваны Байполам, -- гэта на сёньняшні дзень адзіная канструктыўная і прадуманая схема агульнанацыянальнага рушэньня па ліквідацыі дыктатуры дзеля адраджэньня правапарадку ў Беларусі. Гэты план карэлюецца з задачамі руху "Вольная Беларусь". Яго трэба падтрымліваць, запісвацца туды, у ім трэба ўдзельнічаць.

    Якія б ні былі рэпрэсіўныя дзеяньні рэжыму Лукашэнкі супраць народу Беларусі, пэрспэктывы ў рэжыма няма. Яго падзеньне -- пытаньне часу. Але трэба вельмі супраціўляцца, каб не дазволіць узурпатару здаць суверэнітэт краіны за працяг яго збанкрутаванай улады. Важна таксама, каб мінімізаваць ахвяры і каб ліквідацыю злачыннай улады зрабіў сам беларускі народ, каб не ўмяшаліся здрайцы і чужыя "дабрадзеі" са сваімі інтарэсамі. Ня гледзячы на вельмі цяжкі час, перамога будзе за беларусамі.

    10 верасьня 2021 г.                 Зянон ПАЗЬНЯК    

    Posted Sep 11, 2021, 10:17 AM by Адміністратар Навін
  • РАЗВАГІ Ў ПАЧАТКУ ГІБРЫДНАЙ ВАЙНЫ
    У змаганьні з Эўразьвязам Масква дасягае вынікаў. Гэта факт. Эміграцыйная атака і маніпуляваньне ўцекачамі з Блізкага Усходу цалкам ізалявалі рэжымную групоўку Лукашэнкі (а рэальна -- Беларусь) ад суседзяў і ад рэшты краінаў дэмакратычнай Эўропы. Рэспубліка Польшча і Прыбалтыйскія рэспублікі ўвялі надзвычайны стан у памежнай зоне. Праз тыдзень Масква пачынае свае ваенныя вучэньні на тэрыторыі Беларусі -- "Захад-21". Усё гэта называецца стварэньнем напружаньня на межах. У такой сітуацыі палітыка міжлюдзкіх і міжнародных кантактаў не адбываецца. Мэта Крамля дасягнута -- кліент (Лукашэнка) у лапах Масквы. 
    Брусэль разглядае сітуацыю з наплывам мігрантаў як гібрыдную вайну Пуціна-Лукашэнкі супраць Эўразьвязу.
    Скандальная сітуацыя сталася ў Польшчы. На нэўтральнай памежнай паласе ўжо доўгі час днююць і начуюць уцекачы з Блізкага Усходу, якія хочуць трапіць у Нямеччыну. 
    Польскія памежнікі і войска іх не пускаюць, ствараюць засекі з калючага дроту. 
    Гэта раскалола польскае грамадзтаа. Левая апазыцыя патрабуе "чалавечнасьці" адносінаў і каб прапусьцілі гэтую групу ўцекачоў.
    Права-патрыятычная ўлада забараняе прапускаць уцекачоў, бо баіцца прэцэдэнту, пасьля якога тысячы мігрантаў (як мяркуе ўрад) хлынуць у Польшчу. 
    Праўду кажуць і першыя, і другія, але праблема не вырашаецца. 
    Улічваючы, што ў аснове праблемы ёсьць жыцьцё, здароўе і лёсы людзей, урадавая (палітычная) пазыцыя маральна будзе падаць, а апазыцыйная (нібы "гуманістычная") -- узмацняцца. 
    Наперадзе восень, халады. Магчыма і першыя, і другія палітыкі будуць стаяць на пазыцыях цьвёрда. Але толькі да першай сьмерці ўцекача, якую зваляць на ўрад. Пуцін пляскае ў ладкі.
    Выхад тут просты і відавочны, на які, праўда, сумняваюся, што палітыкі здольныя. 
    У аснове ўсяго  гэтага ёсьць адносіны да дыктатуры Лукашэнкі і да лёсу Беларусі.
    Падзеі выглядаюць так, што ў інтарэсах беларускага народа трэба адмяніць авія-пасажырскую і наземна-транспартную блакаду Беларусі. Трэба аднавіць міжлюдзкія сувязі і кантакты паміж народамі, камунікацыі з грамадзтвам. 
    Другое -- прыпыніць эканамічныя санкцыі, замарозіць іх (бо санкцыі ўладу дыктатара ня зваляць), і ўступіць у перамовы з працілеглым бокам аб спыненьні рэпрэсіяў, катаваньняў людзей, аб спыненьні перасьледу грамадзянскай супольнасьці. Яшчэ ёсьць час.
    У самым пачатку гібрыднай вайны, каб спыніць эскалацыю, трэба патушыць вогнішчы з абодвух бакоў, гэта значыць пачаць размаўляць. Палітыка загнаць узурпатара ў пастку (у Расею) коштам жыцьця беларускага народа -- гэта ёсьць эгаістычная палітыка варварства і барбажынства. 
    І справа ня ў тым, што такіх палітыкаў ня вучаць ні Куба, ні Паўночная Карэя, ні Венесуэла, ні Лібія, ні Аўганістан. Справа ў тым, што яны думаюць, што рабілі добра. 
    Тым больш цяпер трэба патрабаваць ад іх спыніцца, прыпыніць эканамічныя санкцыі супраць народу Беларусі, спыніць палітыку татальнай эканамічнай блакады, у якой выжываюць толькі дыктатары, але церпіць народ. А што датычыць нашай краіны, то эканамічныя санкцыі і блакада, гэта ёсьць загон да анэксіі, да страты суверэнітэту, да інтэграцыі Беларусі ў Расею.
    Але тое мусім зразумець мы, беларусы, бо найперш мы самы можам сябе ўратаваць. Вялікія магчымасьці дзеля гэтага ёсьць. Рэалізуймася. Пачнем з сябе. З сваіх дзяцей. Першым пунктам, самым галоўным і самым лёгкім мусіць быць Беларуская мова.
    Тут аснова, паводле якой будзем жыць, якая адчыніць магчымасьці для нацыянальных ідэй, для беларускай палітыкі, для беларускага руху і да стварэньня беларускага ўраду, да разуменьня сутнасьці нацыянальнага існаваньня.

    3 верасень 2021 г. Зянон ПАЗЬНЯК 
    Posted Sep 3, 2021, 12:33 PM by Адміністратар Навін
  • ЭМІГРАЦЫЙНЫ КРЫЗІС НА МЯЖЫ БЕЛАРУСІ І ЯГО ВЫРАШЭНЬНЕ

         На мяжы Беларусі з балтыйскімі краінамі і Польшчай узьнік штучны эміграцыйны крызіс. З Блізкага ўсходу (найперш з Іраку) у Менск самалётамі пад выглядам турыстаў едуць вялікія групы людзей (лукашысцкім распараджэньнем дазволена на 10 дзён прыехаць у Беларусь бяз візы). "Турысты" гуртуюцца ў групы і нелегальна пераходзяць межы Летувы, Латвіі і Польшчы ў якасьці ўцекачоў. Законы Эўразьвязу абавязваюць прыняць кожнага ўцекача, які перакрочыў дзяржаўныю мяжу. У гэтым заключаецца заходняя палітыка правоў чалавека.

    Аднак, калі колькасьць уцекачоў перавысіла некалькі тысячаў, летувісы сталі іх не пускаць на тэрыторыю і прымусам вяртаць назад за мяжу. Выставілі кардоны паліцыі, войска, сталі страляць у паветра, выштурхоўваць уцекачоў на беларускі бок.

    Тое ж самае сталі рабіць Польшча і Латвія. На нэўтральнай паласе паміж Польшчай і Беларусяй польскія памежнікі заблякавалі вялікую групу ўцекачоў. Людзі ўжо шмат дзён сядзяць на зямлі ў атачэньні войска з абодвух бакоў бяз ежы і вады, сьпяць на зямлі, спраўляюць фізіялагічныя патрэбы і г. д.

    Агулам гэта выглядае зьдзекам над жывымі істотамі. Але сытуацыя на простая, бо мяжа мае свае законы. Польскія апазыцыйныя палітыкі сталі прыязджаць на мяжу, абурацца і праз галовы жаўнераў кідаць уцекачам пачкі з прадуктамі.

    Тым часам беларускі бок афіцыйна стаў падвозіць заблякаваным людзям прадукты, ваду, адзеньне і нават цыгарэты. Але на беларускую тэрыторыю вяртацца ім не дазваліў.

    Гэтая нестандартная зьява выклікала буру ў польскіх мэдыях і ў польскай палітыцы. Вызначыліся дзьве супрацьлеглыя пазыцыі. Лева-эўразьвязаўская пазыцыя патрабуе праявіць чалавечнасьць і, згодна "каштоўнасьцяў дэмакратыі", прапусьціць гэтую групу ўцекачоў у Польшчу і забясьпечыць іхныя правы.

    Дзяржаўна-патрыятычная група даводзіць, што калі прыняць гэтых уцекачоў, то яно стане знакам для іншых, жадаючых уцячы з Іраку ды Аўганістану, і тады на польскай мяжы апынуцца дзясяткі тысячаў уцекачоў (адзін палітык сказаў нават, што "мільён").

    На гэтых патавых пазыцыях і адбываецца спрэчка. Ніхто ня ведае і не прапануе выхаду з абставінаў.

    Польскі ўрад, праўда, ацаніў гуманітарныя дзеяньні беларускага боку і, зразумеўшы слабасьць сваёй паставы, прапанаваў гуманітарную дапамогу Беларусі дзеля тых групаў уцекачоў, што бадзяюцца ўздоўж польскай мяжы (што, праўда, трохі дзіўна, бо гэтых уцекачоў цалкам забясьпечвае беларускі бок).

    Тым часам ёсьць некалькі вырашэньняў гэтай сітуацыі. Але трэба найперш ведаць прыроду зьявы.

    Адкрыцьцё эміграцыйных шлюзаў ёсьць адказам рэжыму Лукашэнкі на палітыку эканамічных санкцяў Захаду супраць Беларусі і зьяўляецца вынікам гібрыднай вайны супарць Эўразьвязу, узгодненай з Масквой і кіруемай з Крамля.

    Арганізацыяй уцекачоў з Блізкага Усходу, дастаўкай іх у Беларусь і да межаў з краінамі Эўразьвязу займаюцца расейскія і лукашысцкія спэцслужбы. Задума Масквы -- накаліць абстаноўку на беларуска-польскай мяжы, давесьці становішча да сур'ёзнага канфлікту і з мэтай стабілізацыі і прадухіленьня канфлікту увесьці сваё войска ў Беларусь і стварыць тут свае вайсковыя базы.

    Што гэта будўзе азначаць для Беларусі і для Польшчы -- ня буду нават казаць. (У мяне, парўда, складваецца ўражаньне, што некаторыя польскія палітыкі таго ня могуць сабе ўявіць.)

    Тым часам расейскае войска ў сувязі з вайсковымі вучэньнямі "Захад-21" ужо завезена ў Берасьцейскую і Гарадзенскую вобласьці, прытым колькасьць увезенага навейшага ўзбраеньня і колькасьць вагонаў большая, як звычайна, у шмат разоў.

    Паранойная мэта Лукашэнкі ў стварэньні эміграцыйнага крызісу -- гэта помста за санкцыі. Рацыянальная мэта -- адмена санкцый.

    Крызіс на нэўтральнай памежнай паласе можна было спакойна вырашыць паступовым забіраньнем людзей з-за пагрозы іхняму жыцьцю і здароўю, спачатку жанчын і дзяцей (праўда, тут палякі ўжо спазьніліся -- жанчын і дзяцей забралі беларусы), потым хворых, потым асобаў ва ўзросьце вышэй 50-ці і г. д., калі хацець гуманна і палітычна думаць. І ніякага "мільёна" эмігрантаў на мяжы не зьявіцца.

    Прадухіленьне далейшага пранікненьня ўцекачоў можна вырашыць дваяка. Першы спосаб (тэхнічны, але палітычна ўразьлівы і заганны) -- пабудова плоту з калючага дроту.

    Другі спосаб разумны і выніковы -- стрыманьне антынароднай палітыкі эканамічных санкцыяў, замарожваньне іх і адмена, пры ўмове спыненьня арыштаў, катаваньняў і рэпрэсіяў па палітычных матывах у Рэспубліцы Беларусь. З боку рэжыму мусіць быць мараторый на арышты і на разбурэньне грамадзянскай супольнасьці, з боку Эўразьвязу і ЗША -- мараторый на эканамічныя санкцыі. Сумняваюся, каб Брусэль пра тое задумаўся. Цяпер ён мяркуе, што "гандаль больш не прымальны".

    Але ў гэтым, калі думаць стратэгічнымі катэгорыямі, мусіла б была зацікаўлена Рэспубліка Польшча. Польшча ў яе ж інтарэсах магла б аднавіць авіяцыйную, чыгуначную і матырызаваную пасажырскую сувязь зь Беларусяй. Гэта патрэбна, перш за ўсё, беларускаму народу і беларускай народнай апазыцыі супраць рэжыму.

    Жалезная заслона і спыненьне пасажырскіх камунікацыяў ёсьць падарунак антынароднаму рэжыму Лукашэнкі і найперш -- Маскве. Я ня ўпэўнены, ці абавязкова Польшча павінна слухацца памылковай палітыкі Брусэлю, калі ў яе ёсьць свае польскія інтарэсы (і свая Канстытуцыя).

    Важны польскі стратэгічны інтэрас, які існуе аб'ектыўна, -- гэта незалежная Беларусь і дабразчычліва настроены да Польшчы беларускі народ. Ці трэба тое тлумачыць? Пакуль што гэта ўсё ёсьць, дзякуючы ў значнай ступені якраз добраму разуменьню палякамі такога становішча. Але з кожным годам гэты стан пад пагрозай. І, як некалі, наступ ідзе з абодвух бакоў.

    ЗАГАННУЮ ПАЛІТЫКУ ТРЭБА СПЫНІЦЬ

    Мушу ізноў вярнуцца да ацэнкі заганнай палітыкі эканамічных санкцыяў і эканамічнай блакады краін з мэтай зьмены ўлады ў гэтых краінах. Ні эканамічная блакада, ні жорсткія эканамічныя санкцыі не абвальваюць (і нідзе не абвалілі) антынародны рэжым. Блакада і эканамічныя санкцыі нішчаць народ і краіну, але дыктатар і антынародны рэжым застаюцца.

    Больш таго, антынародныя рэжымы для захаваньня абсалютнай улады самы зацікаўлены ў жалезнай заслоне, у спыненьні сувязяў паміж людзьмі. Жалезную заслону ў СССР стварыў ня зьнешні сьвет, а Ленін, Сталін і камуністычны рэжым. І калі зьнешні сьвет па радыё, напрыклад, нешта хацеў у падсавецкае грамадзтва сказаць, то камуністы паставілі глушылкі і глушылі вольнае слова. Тое ж самае цяпер у поўночнай Карэі, на Кубе і ў дыктатуры Лукашэнкі.

    У эўрапалітыцы, якую функцыянеры дэманструюць супраць рэжыму Лукашэнкі, усё нібы пастаўлена з ног на галаву. Тое зьдзіўляе. Але калі дапусьціць, што існуе падвойнае дно і падвойныя інтарэсы, тады няма чаму зьдзіўляцца.

    Мы, Беларускі Нацыянальны Сакратарыят "Вольная Беларусь", афіцыйна паведамілі усім кіруючым структурам Эўразьвязу і Польшчы аб заганнасьці эканамічнай блакады, спыненьні авіяцыйных сувязаў і палітыкі эканамічных санкцыяў супраць Беларусі. Слова праўды абавязкова павінна быць сказана.

    Заганную палітыку антынародных эканамічных санкцыяў супраць Беларусі пад выглядам ліквідацыі дыктатуры Лукашэнкі трэба спыніць. Такая палітыка гробіць народ і краіну, але ніколі не зьнішчае уладу дыктатара (дастаткова глянуць на Кубу ці Паўночную Карэю). На Захадзе ёсьць людзі, якія тое таксама разумеюць.

    Усё трэба рабіць якраз наадварот, паставіць рэальнасьць на ногі. Не блакаду трэба цяпер ствараць беларускаму грамадзтву, каб яно задыхалася пад рэжымам, як ў бутэльцы, і ня мела б сувязяў з сваёй эміграцыяй, а разьвіваць сувязі з гэтым грамадзтвам, транспартныя, пасажырскія, кантактныя, гуманітарныя і іншыя. Сувязі асабліва важна цяпер, калі бальшыня беларусаў супраць Лукашэнкі і супраць маскоўскага ўмяшаньня.

    Эканамічныя санкцыі першым чынам ўдараць па народзе. (Рэжым галадць ня будзе. З гісторыі прыклад -- у савецкай Расеі голад, на паволжы людаедзтва, а Ленін, Дзяржынскі, Менжынскі, Уншліхт і ўся крамлёўская камарыльля канкрэтна "балычком баловалісь, да ікрой, да рябчіком з ананасамі".) Усё ж вядома. Галодныя людзі думаюць найперш, аб тым, каб паесьці, а не пра свабоду.

    Каму выгадная блакада авіясувязяў Беларусі, справакаваная Масквой? Маскве і выгадна. Палітычна маскоўскі дыктат над Беларусяй павялічыўся, а беларусы сталі змушаныя лятаць праз Маскву, кідаючы грошы ў маскоўскую машну.

    Газпрамаўская гастрольная палітгрупа (Ціханоўская, Латушка) не перастае выпрошваць у Захада, каб Беларусь адключылі ад SWIFT. Ня думаю, каб яны ня ведалі, што гэта ёсьць. Лукашэнка ад такога адключэньня ня зваліцца. Але ўсе разьлікі прадпрыемстваў, устаноў і насельніцтва пойдуць праз Маскву, і банкі, і грошы беларускія неўзабаве апынуцца там.

    Паўтараю, Лукашэнку тое не зваліць, яно фінансава зваліць толькі Беларусь Таму патрабаваньне адключэньня Беларусі ад SWIFT -- гэта што? Гэта чыя палітыка?

    Выснова з усяго складваецца такая: Беларусы могуць толькі самы расправіцца з антыбеларускім рэжымам. Дадуць рады нават з Масквой. Толькі б Эўразьвяз не нашкодзіў.

    23 жнівень 2021 г. Зянон ПАЗЬНЯК

    Posted Aug 28, 2021, 9:41 AM by Адміністратар Навін
  • "СТРАНА ДЛЯ ЖЫЗЬНІ"

    І ўсё ж такі нешта нядобрае робіцца ў галовах некаторых беларусаў, што вырасьлі пад паранойнай уладай. Ужо 25 гадоў назіраю за цяперашнімі эмігрантамі зь Беларусі. Бывае ўсяляк. Але ў цэлым сумнае відовішча.

    Ёсьць людзі, якім ня трэба ні свабода, ні вольная Беларусь і ніякая іншая Беларусь. Яны шукаюць "страну для жызьні".

    Цяпер, выкарыстоўваючы эміграцыю, зь Беларусі ў суседнія краіны (Польшчу, Летуву, Украіну, Нямеччыну і інш.), паехаў таксама на плячах беларусаў "русскій мір" і сцьвярджае там сваю прысутнасьць. Ва Украіне ўжо сталі забіваць беларускіх патрыётаў, а ў Вільню ўжо нават рускія школы зь Менску сталі пераязджаць дзеля русіфікацыі "эмігрантаў". Скора пачуем адтуль: "Пуцін, мудрый, помогі!"

    Зразумела, што "ватную палітыку" трэба адкідаць, ачышчацца ад рэжымнай заразы. Ёсьць магчымасьці. Бларусам за мяжой цяпер трэба хутчэй ствараць свае беларускія арганізацыі, беларускія школкі, беларускія выданьні, пашыраць беларускую мову, беларускую літаратуру, ствараць беларускія хрысьціянскія суполкі і г. д., словам -- адраджаць беларускае нацыянальнае жыцьцё. Тым больш, што няма перашкодаў, ніхто не перасьледуе за мову і за Беларусь.

    Калі не ствараць нацыянальныя ініцыятывы, асяродкі, суполкі, выданьні ў роднай мове, калі нацыянальна не гуртавацца, тады беларускае жыцьцё на эміграцыі заглушыць поўрасейскае ватнае пустазельле.

    Мы ж бачым іх, тых, інфантыльных, што паддаліся чужому ўплыву і справакавалі хвалю гібрыднага генацыду у Беларусі ды шкодзяць цяпер за мяжой, патрабуюць эканамічных санкцыяў, каб пакласьці ў магілу краіну і (як на Кубе) загнаць у галечу народ. (Рэжым ад гэтага ня згіне, а толькі азьвярэе і пусьціць Маскву на парог).

    Адраджэньне -- гэта працэс, які нацыянальная цемра і ворагі Беларусі зноў хочуць пусьціць пад нож.

    Тым, хто яшчэ здольны разумець, нагадаю найразумнейшую і найсьвяцейшую праўду, зь якой пачынаецца Эвангеліе Яна: "На пачатку было Слова, і Слова было ў Бога, і Богам было Слова. Усё праз Яго сталася, і без Яго ня сталася нічога з таго, што сталася."

    Эвангелія тут падказвае: калі ня будзеце мець Беларускай мовы, тады ня будзе вам ні Беларусі, ні Айчыны, ні хлеба, ні свабоды. Будзеце бадзяцца і вечна шукаць "страну для жызьні".

    21 жнівень 2021 г. Зянон ПАЗЬНЯК

    Posted Aug 28, 2021, 9:39 AM by Адміністратар Навін
  • РАЗВАГІ Ў ПРАЦЯГ

    Тут мушу нагадаць пра вядомы факт, што стужка "Купала", якая ў Сеціве, -- гэта не фінальны варыянт, а чарнавая (пірацкая) вэрсія, украдзеная на стадыі мантажа і выкладзеная ў Інтэрнэт. Менавіта таму я не пісаў рэцэнзіі, а толькі агульны водгук на тое, што ёсьць. І тым ня менш тое, што ёсьць, выглядае вельмі прыстойна і (паколькі фільм круціцца ў Інтэрнэце) варта было б пра яго яшчэ агулам напісаць. Тым больш, што казаць ёсьць пра што.

    1. Пра давер

    У працяг абмеркаваньня ўражаньняў ад кіно "Купала" ізноў падкрэсьлю важную выснову: у фільме паказанае сьветлае ўзьнёслае пакаленьне беларускай інтэлегенцыі нацыянальнага Адраджэньня 1-й чвэрці 20-га стагоддзя, людзей сьветлых і разумных, гатовых ахвяравацца дзеля шчасьця і свабоды Айчыны. Тут жа адлюстраванае зьнішчэньне гэтага пакаленьня расейскімі акупацыйнымі ўладамі, царскімі і бальшавіцкімі. Паказана (хоць і штрыхамі) беларуская палітычная даверлівасьць і недаацэнка адраджэнцамі сатанінскай сутнасьці акупантаў, неўсьведамленьне біялагічнай нянавісьці савецкіх маскоўцаў, настроеных на сьціраньне беларусаў з твару зямлі. Беларускія інтэлігенты не прадбачылі, не былі падрыхтаваныя да генацыду.

    Паўліна Мядзёлка расказала мне такі эпізод. У сярэдзіне 20-х гадоў, калі, паверыўшы бальшавікам, вярнуліся ў Менск шматлікія адраджэнцы і частка ўраду БНР, тады было неяк застольле, здаецца ў Аляксандра Чарвякова. У перапынку выйшлі пакурыць, і тады, Аляксандар Цьвікевіч ( Старшыня Рады міністраў БНР, галоўны ініцыятар ліквідацыі Урада БНР і прызнаньня Менска адзіным цэнтрам нацыянальна-дзяржаўнага адраджэньня Беларусі), радасна кажа: "Ну, сябры, цяпер ужо нам не перашкодзяць і Беларусь ніхто ня зьнішчыць".

    Потым Масква расстраляла ўсіх (акрамя Мядзёлкі, якая абышлася высылкай), назьдзекваўшыся і намучыўшы іх уволю. Забівалі татальна ўсю беларускую кіроўную эліту, усю беларускую інтэлігенцыю, усіх навукоўцаў, усіх творчых людзей, лепшых сялян, тысячы памерлі ў ГУЛАГу.

    Тых, што ў сярэдзіне 20-х паверылі бальшавікам і вярнуліся ў Беларусь, Антон Адамовіч называў "трагічнымі героямі". Сымон Рак-Міхайлоўскі, якога маскоўцы саслалі гінуць на далёкую Поўнач, тое позна зразумеў і з горкай іроніяй казаў (зафіксавана): "Так нам і трэба, на гэта мы заслужылі". Інжэнер Сяргей Бусел (беларускі эсэр, удзельнік Слуцкага Збройнага Чыну) таксама зразумеў позна, але трапіўшы ў ГУЛАГ, выказаўся цьвёрда і па-салдацку проста (зафіксавана): "Ня будзем плакаць і ня будзем каяцца за няўмела пастаўлены крок".

    Гэтая фраза -- "няўмела пастаўлены крок" -- стала эпіграфам, цьвіком у труну для бальшыні беларускіх палітыкаў, ад прыхільнікаў Сталіна, сацыялізму, Расеі, Лукашэнкі і да цяперашняй жаночай паліткамэдыі, якая можа скончыцца для Беларусі фатальным палітычным канцом.

    Часам здаецца, што тут, у краіне, у яе гісторыі нічога не мяняецца пад сонцам і месяцам. Але, глянуўшы здалечыні на лёс Беларусі і на лёсы яе абаронцаў, разумеем, што страшная, крывавая, трагічная ахвяра цэлага пакаленьня беларускіх адраджэнцаў паловы 20-га стагоддзя лягла ў вечнасьць Беларусі, прасачылася праз жоўты пясок Курапатаў і зноў узьняла наш дух на змаганьне за Айчыну і волю.

    Пра гэта думаем, гледзячы фільм.

    2. Легенда.

    Назіраючы выдатныя вобразы Янкі Купалы (актор Мікалай Шастак), Уладзіславы Францаўны (актрыса Алена Гіронак-Пабягаева) і Паўліны Мядзёлкі (актрыса Вераніка Пляшкевіч), прыходзяць думкі, якія даўно існуюць, але пра якія не прынята пісаць.

    Гэта шчасьце Купалы, што ён ажаніўся на Уладзіславе Станкевіч. "Цёця Уладзя" была душой яго дома, яго анёлам-ахоўнікам, шчодрай, сяброўскай і дабразычлівай да ўсіх Купалавых сяброў-беларусаў.

    Легенды некаторых дасьледчыкаў з жоўтай цікавацьцю намякаюць аб нібыта не ўзаемным каханьні Купалы і Паўліны Мядзёлкі. Мае дасьледваньні і бяседы зь Мядзёлкай (я рабіў запісы яе расповядаў) падказалі мне, што там мала праўды, а больш легенды, у якой (выказваючыся часам двухсэнсоўна і намёкамі) зацікаўлена была сама Мядзёлка. Няма сур'ёзных фактаў і доказаў пра нібы та "няшчаснае" каханьне Купалы. Шмат чаго прыцягнута за вушы.

    Рэальным фактам, які паўтарала Мядзёлка, быў толькі выпадак у Пецярбургу ў 1913 годзе ў час другой пастаноўкі "Паўлінкі" ў беларскім студэнцкім Навукова-Літаратурным гуртку па ініцыятыве Уладзіслава Эпімах-Шыпілы (брата прафэсара Браніслава). Рэжысёр быў незадаволены цалаваньнем на сцэне Паўлінкі зь Якімам. Ён жартам падказаў маладому Купалу, каб той навучыў Мядзёлку цалавацца, і Купала, ня доўга думаючы (быццам бы недзе там за кулісамі), прыгожую Паўліну прыціснуў, але тут жа атрымаў жорсткі адлуп. На гэтым усё і скончылася. Але мела працяг у легендзе.

    Як актрыса Паўліна Мядзёлка была вельмі здольнай, выступала потым у Вільні і ў Менску (Першае Таварыства Беларускай Драмы і Камэдыі). Яна трымалася левых палітычных поглядаў, курыла цыгарэты і не заўсёды дружыла з прынцыпамі. Віленскія беларусы яе недалюблівалі ("круцілася з бальшавікамі"), а ўласна "бальшавікі" яе тады не прызнавалі за беларускі нацыяналізм ("круцілася з нацдэмамі").

    У выніку самотная Мядзёлка памерла ў адзіноце ў родным Будславе (1974 г.). Не было каму яе й пахаваць. Аднак пахаваньне арганізаваў старшыня Будслаўскага калгаса. Я тады вельмі намаўляў сяброў у Інстытуце Мастацтвазнаўства Акадэміі Навук (дзе я працаваў), каб ехаць на яе пахаваньне (згадзіўся адзін чалавек). Лепш сталася ў музэі Янкі Купалы. Адгукнулася Ядзьвіга Юльянаўна Раманоўская (дырэктар музея), "выбіла" ў Мінкультуры мікрааўтобус, і мы паехалі. Зь Вільні не прыехаў ніхто. Я, дарэчы, зьняў (6х6) увесь абрад пахаваньня і, здаецца, нават казаў там прамову. У апошні шлях Мядзёлку праводзіў увесь Будслаў.

    3. Грунт.

    Што да Мядзёлкі, то мне не абходзілі (і не абходзяць) ніякія там "левыя", "правыя", "лявейшыя" ды "правейшыя", калі чалавек ёсьць перакананым беларусам, ахвяруецца для Беларусі, шануе мову, народ, культуру і нацыю. З такімі людзьмі заўсёды ёсьць агульны грунт, і можна ў межах гэтага агульнага грунту дамовіцца.

    Гэты "агульны грунт" ёсьць культурная нацыя, нацыянальная ідэя, нацыянальная мова, нацыянальныя каштоўнасьці і нацыянальныя інтарэсы. Калі б тое было за душой у чалавека, то тады можна было б гаварыць хоць з камуністамі і сказаць: "Панове, вы бачыце, што робіцца, які камунізм, якая дмакратыя, якая, да халеры, стабільнасьць! Ён жа нішчыць нацыю і дзяржаву патопіць, і добра, калі не ў крыві. Давайце ратаваць краіну, народ, мову і Айчыну!".

    Але з кім гаварыць? З тымі, што мову ненавідзяць і на Пуціна глядзяць, і воля наша ім ня гонар, з тымі нельга. Няма грунту. А ў прыбалтаў быў грунт. Дык і справы іншыя.

    Рускі камунізм -- гэта была толькі форма рускага імпэрыялізму, форма палітыкі русіфікацыі. Ніхто (акрамя ідэйных ідыётаў) таго камунізму сур'ёзна не ўспрымаў.

    Нацыя і ўсьведамленьне нацыі аб'ядноўвае людзей. Нацыянальная мова аб'ядноўвае людзей, нацыянальная гісторыя і культура салідарызуе грамадзтва. Абавязкі перад нацыяй спараджаюць агульную пазыцыю яе пашаны і яе абароны.

    Камунізм у савецкіх зьнік з галавы, але русіфікацыя засталася.

    4. "Жабий язык"

    За саветамі кожны разумеў беларускую мову, бо жыла вёска, і бальшыня насельніцтва гарадоў (асабліва Менск) прыехала зь вёскі. Акрамя таго, у кожным доме і ў кожнай кватэры было абавязковае дзяржаўнае правадное радыё, якое вяшчала па-беларуску (пасіўнае засваеньне мовы). Практычна, усе школы ў сельскай мясцовасці і часткова ў гарадах (да Машэрава) былі беларускімі.

    І тым ня менш (асабліва пры Машэраве) увесь час правакавалася і штучна ўздымалася нянавісьць да беларускай мовы. Мы разумелі, што гэта была распрацаваная тэхналёгія, пушчаная ў беларускі соцыюм і быт, але ня ўсе тое ведалі.

    На сітуацыю з "жабьім языком" (як у кіно), на хамства і зьнявагу можна было нарвацца ў любым месцы, дзе аказвалася "кантора" ды прапагандовыя агрэсісты (ці проста дурні). Мардабіцьця крыўдзцеляў за зьнявагу мовы за саветамі ня памятаю. Абыходзіліся слоўным запасам. Праўда, " слоўны запас" саветаў не пераконваў.

    У сярэдзіне 1960-х група саветаў забілі ў Менску паэта Ігара Хадановача за тое, што той размаўляў па вулічным тэлефоне па-беларуску. (Мы з Лявонам Баразной і Ўладзімерам Караткевічам былі на судзе). Камуністы са скуры вылазілі, каб зацерці гэты факт.

    Моладзь Адраджэньня была крыху іншай. Алесь Бурбіс з групай маладзёнаў у час першай рускай рэвалюцыі захапілі нават мястэчка Майшаголу пад Вільняй, выставілі за дзьверы царскіх чыноўнікаў і аб'вілі беларускую "Майшагольскую рэспубліку". Так што калі ў кіно Сяргей Палуян, заехаў у лыч царскаму афіцэру за "жабій язык", то гэта цалкам у стылі часу.

    Выпадкаў было шмат і вельмі характэрных. Няма сэнсу пра іх распавядаць. (Увогуле, маё адчуваньне, што руская нянавісьць да беларускай мовы падспудна заснавана на неўсьвядомленым адчуваньні сваёй ніжэйшасьці перад беларусамі, якая прыкрываецца агрэсіяй.)

    5. Паралелі

    Падзеі жыцьця ўсплываюць з памяці, праглядаючы эпізоды гэтага фільму. Дакладна паказаны пэрыяд узмацненьня бальшавіцкай дыктатуры, рэпрэсіі, вобразы энкавэдзістаў, атмасфэра і карціна 30-х гадоў. Тут адлюстраваныя тыповыя сітуацыі і ўзьнікае асацыяцыя з тым, што зноў робіцца ў Беларусі. Бачым паралелі, бо ўсё вырастае зь аднаго кораня, з агрэсіі і нянавісьці маскоўскай арды. Пакуль арда існуе, агрэсія ня спыніцца. Яе можна спыніць толькі тады, калі, перафразуючы цытаты змаганьня, будзе добра пастаўлены крок.

    13 жнівень 2021 г. Зянон ПАЗЬНЯК

    Posted Aug 28, 2021, 9:36 AM by Адміністратар Навін
  • НАЙШЧАСЬЛІВЕЙШЫ ДЗЕНЬ У ЖЫЦЬЦІ. 30 гадоў Незалежнасьці Рэспублікі Беларусь

    Сёньня 25 Жнівень, 30 гадоў Незалежнасьці Рэспублікі Беларусь. Віншую ўсіх землякоў-беларусаў зь вялікім нацыянальным і будучым дзяржаўным сьвятам!

    Тры гады ў сьветлых 90-х была наша Воля і Школа, і Мова, і Сьцяг, і гэрб Пагоня, і вольны народ. Але потым Гасподзь паслаў нам выпрабаваньне злом, каб зразумелі, што трэба ў жыцьці шанаваць. І тое выпрабаваньне спыніцца тады, калі зразумеем. Дык разумейма хутчэй!

    У цяжкі час -- гэта сьвята ў нашай душы, найшчасьлівейшы Дзень у жыцьці, каму выпала ўсё перажыць.

    І цяпер мы бачым -- ужо шалее і курчыцца зло, спрабуе ўсіх пакусаць. Гэта знак, што скора сьвітаньне. І нішто не стрымае жыцьцё.

    Няжай жыве вольная Беларусь! Слава Айчыне! Слава героям, што памерлі за нашу свабоду! Салют Адраджэньню! Жыве Беларусь!

    25 Жнівень 2021 г. Зянон ПАЗЬНЯК

    Posted Aug 28, 2021, 9:33 AM by Адміністратар Навін
  • ПРА РУСКУЮ ШКОЛУ ДЛЯ ДЗЯЦЕЙ БЕЛАРУСКХ ЭМІГРАНТАЎ У ВІЛЬНІ

     Аб адкрыцьці школы з рускай мовай навучаньня ў Вільні для дзяцей цяперашніх эмігрантаў зь Беларусі было аб'яўлена на мітынгу Ціханоўскай. Справа выглядае так. У Вільню пераяжджае прыватная руская школа зь Менску, што па вуліцы Някрасава, 31. Навучаньне платнае -- 5000 эўра. Галоўная прычына ў тым, што апошнім часам шмат кліентаў гэтай школы пераехалі зь дзецьмі ў Вільню (уцяклі ад рэжыму), узьнікла праблема з напаўненьнем і школьны бізнэс вырашыў пайсьці ўсьлед за кліентамі.

    Адкрыць школу замежнікам у Вільні -- гэта доўгі і складаны працэс. Тым ня менш на зьдзіўленьне ўсё было прасунута і зроблена фантастычна хутка, практычна, за месяц. (Нездарма пра тое казалася на мітынгу). Школьны бізнэс зь Беларусі атрымаў вялікае памяшканьне ў цэнтры Вільні (у раёне касьцёла сьв. Ганны) па вуліцы Майронё. Русіфікацыя пайшла ўсьлед за эмігрантамі.

    У Вільні даўно існуе паўнавартасная і дабрая Беларуская школа. Але кліенты туды не пайшлі. Дарэчы, у рускай школе зь Менску па вуліцы Майроні абавязковым будзе навучаньне летувіскай мовы.

    (Інфармацыя БНС)

    Posted Aug 28, 2021, 9:32 AM by Адміністратар Навін
  • Разрыўка для лёгкага чытаньня

    Нядаўна праглядаў жоўтыя смі. Натрапіў на інфармацыю аб Дэпутатах Нзалежнасьці з партрэтамі дэпутатаў. Добрая інфармацыя. Адзінага, каго не існуе ў відэарадзе -- гэта кіраўніка знакамітай дэпутацкай Апазыцыі БНФ Зянона Пазьняка. Мэнтальнасьць часу.

    Гадоў дзесяць таму супрацоўнік радыё "Свабода" (не магу ўспомніць прозьвішча) выпусьціў фільм пра дзейнасьць і гісторыю БНФ "Адраджэньне", дзе не паказаў ніводнага відэа-кадра і нават не назваў імя стваральніка і кіраўніка Фронту.

    А некалі быў такі нібыта журналіст зь БЕЛТА, Гарэлік, які ня будучы дасьледчыкам выпусьціў чамусьці на польскай мове цэлую кнігу пра Курапаты, дзе таксама ўмудрыўся нічога ня ведаць пра адкрывальніка Курапатаў, а былі яшчэ такі Тарнаўскі з Собалевым (апошні прысутнічаў на маіх раскопках Курапатаў у 1988 годзе) яны таксама кніжку апублікавалі, ні памятаючы пра дасьледчыка. А былі яшчэ... яшчэ дзясяткі такіх арыгіналаў. Шмат хто зьдзівіўся б пачуўшы іхныя прозьвішчы. Бавае натрапіш на чарговага і падумаеш -- гэй, вы, малойцыі, дзе вы там?

    14 чэрвеня 2021 г. З. Пазьняк

    Posted Aug 28, 2021, 9:30 AM by Адміністратар Навін
  • КАРЦІНКІ

    Што пастаянна кідаецца ў вочы, гэта нават ня тое што звычаёвая, культурная, але нейкая нават прыродная небеларуская чужасьць гэтых асобін. Яны ня толькі чужым словам, чужой мовай, але ўсім сваім выглядам -- такія далёкія ад Беларусі. У рэдкіх выпадках, калі бываюць сярод беларусаў, -- выглядаюць людзьмі не ў сваёй талерцы.

    У Лёс-Анжэлесе не прынялі беларускага хлеба-солі, адмовіліся ад пачастунку, які шчодра падрыхтавалі для іх (і для Сьветы) даверлівыя беларусы, ня селі (і нават ня сталі) за госьцевы стол, баючыся, што беларусы іх атруцяць, пагражалі нават паліцыяй і важна спасылаліся на нейкі "пратакол".

    Тым часам ніякага "пратаколу" ў такіх сітуацыях не існуе. Кажу гэта як чалавек, які тое ведае. (Пачастункам скарысталіся амэрыканцы. Ніхто не памёр.)

    Ці вось іншая карцінка. На відэа прадэманстравалі спадарыню ў лукшысцкім судзе, якая па легендзе быццам бы парвала свой беларускі пашпарт (што, дарэчы, караецца законам), каб ня ехаць за мяжу. Пад арыштам у турме яна займаецца фітнэсам, дае інтэрв'ю замежным карэспандэнтам. На суд бландынка зьявілася ў новай чорнай сукенцы (што адзначылі журналісты), з новай акуратнай мужчынскай стрыжкай (пад афраамэрыканца), з пафарбаванымі на чорна валасамі, зь яркім "ліппэнштыфт" на губах. Пры гэтым спадарыня прытанцоўвала, віхляла целам, плечыкамі, сонечна ўсьміхалася і паказвала пальцамі "сэрцайка".

    Які чалавек -- такія і паводзіны, хоць бы і надуманыя. Таньчыкі ў час чумы.

    Асабліва калі ўлічыць, што 35 тысячаў арыштаваных беларусаў, што рэжымныя турмы ператвораныя ў катоўні, дзе арыштаваныя за Беларусь ня маюць правоў, дзе сьпяць на падлозе ў перапоўненых камэрах, дзе над беларусамі зьдзекуюцца, зьневажаюць, б'юць, катуюць, трымаюць у карцары, не даюць есьці і спаць, калечаць і забіваюць (як забілі Вітольда Ашурака). І спадарыня танцорка ў дачыненьні да прычан гэтых зьверстваў -- далёка ня бокам.

    А ўвогуле, уся гэтая псэўдаапазыцыйная прамаскоўская ілжа, якая імкнецца асядлаць беларускі рух ды разыгрывае з сябе нямаведама што (хаця, вядома, "што"), мае толькі адну дарогу, адзін кірунак. Гэта шлях у чарговы маскоўскі тупік, у несвабоду дурняў, манкуртаў і паразітаў на беларускай бядзе.

    5 жнівень 2021 г. Зянон ПАЗЬНЯК




    Posted Aug 28, 2021, 9:29 AM by Адміністратар Навін
  • АБ ЗЬЯВАХ

    Амэрыканская палітыка зьмянілася за апошнія месяцы. Тое, што рабіў Трамп для Амэрыкі, -- цяпер адмяняецца. Прытым складваецца ўражаньне, што дзейнічае ўстаноўка, -- "абы ня Трамп". Шмат што пераварочваецца дагары нагамі. Ну, скажуць, -- сутнасьць дэмакратыі. Хаця, па праўдзе, дэмакратыя тут так сабе. Мне тое нагадвае тым часам нашу даўнюю шляхецкую "дэмакратыю" часоў Вялікага Княства Літоўскага. Мікалай Радзівіл Чорны жыцьцё клаў дзеля Айчыны, каб вырваць яе з абцугоў змаганьня на два франты. Усталёўваў пратэстантызм (кальвінізм). Пабудаваў 160 кальвінскіх збораў, адчыніў пратэстанцкія друкарні, друкаваў пратэстанцкія кнігі. Тым часам ягоны сынок Мікалай Радзівіл Сіротка перайшоў у каталіцтва і жыцьцё сваё прысьвяціў разбурэньню і зьнішчэньню ўсяго таго, што стварыў бацька. Абодва дзейнічалі вынікова.

    З таго часу беларусы, здаецца, мала зьмяніліся, а амэрыканцы, відаць, становяцца падобнымі на беларусаў.

    Вялікім паваротам прэзыдэнта Байдэна ў эўрапейскай палітыцы стала адступленьне ад пазыцыі недапушчэньня пабудовы расейска-нямецкага газапроваду "Паўночная плынь-2".

    Капітал прагматычны. Палітыка, выбудаваная на ім, таксама без ідэалаў. Але гэтае рашэньне Злучаных Штатаў стала магутным ударам найперш па Украіне і па Польшчы. Фактычна, актывізавалася даўняя ціхая гібрыдная вайна Захаду і Расеі супраць краінаў Усходняй Эўропы, якія, абараняючыся, даўно праектуюць сабе то Балта-Чарнаморскую супольнасьць (90-я гады), то "Трохмор'е".

    Калісьці ў 2004 годзе, калі Польшча ўступіла ў Эўразьвяз, я напаўсур'ёзна сказаў польскім палітыкам: "Віншую. Але праз 20 гадоў Польшча будзе змагацца за незалежнасьць." Працэс ідзе.

    Нас тым часам цікавіць гэтая палітыка ў дачыненьні да Беларусі.

    Нядобрай зьвесткай барацьбы за беларускі плацдарм стала падтрымка Злучанымі Штатамі палітыкі сістэмных санкцыяў супраць Беларусі.

    Амэрыка увесь час ўводзіла санкцыі супраць антыпраўных дзеяньняў рэжыму Лукашэнкі. Але цяперашняя сітуацыя адрозьніваецца ад папярэдніх. Цяперашнія сістэмныя санкцыі супраць Беларусі разглядаюцца ў Эўропе як механізм, які мусіў бы прывесьці да ліквідацыі ўлады Лукашэнкі. Гэта, аднак, шаблонная памылка. Дыктатуру санкцыі не зьнішчаюць. Паўтаруся: санкцыі моцна ўдараць па беларусах. Народ упадзе на дол, а рэжым і Лукашэнка застануцца наверсе. Прытым будуць створаны спрыяльныя ўмовы Маскве дзеля татальнага кантролю над рэжымам Лукашэнкі, над эканомікай і палітыкай Беларусі дзеля ажыцьцяўленьня дэ-факто захопу краіны.

    Санкцыйная вайна абцяжараная супраць беларусаў зьнішчэньнем грамадзянскай супольнасьці і ўсяго беларускага. Прытым рэжым наўпрост зьвязаў гэта з "атакай" заходніх санкцый. Маўляў, калі ўвядзеце санкцыі, -- мы зьнішчым беларускую грамадзянскую супольнасьць. Зразумела, што прычыннай сувязі тут няма. Антыбеларускі рэжым, што распачаў гібрыдны генацыд супраць беларускага народа, вырашыў няўклюдна прыкрыцца заходняй палітыкай.

    І, тым ня менш, той, хто спрыяў бы санкцыйнаму націску на антыбеларускі рэжым, мусіў бы ў інтарэсах народа Беларусі гэта ўлічваць, знаходзіць розныя спосабы ўзьдзеяньня.

    Маніпулятыўнай прыладай цяперашняй санкцыйнай эўрапейскай палітыкі зьяўляецца групоўка Латушкі-Ціханоўскай. Амэрыка ня ўдзельнічала ў лялячнай камэдыі, якую наладзіла Эўропа са "статусам" Сьвятланы Ціханоўскай. Пра гэта была выказана выразная пазыцыя Дзярждэпартамэнта яшчэ пры Трампе. Амэрыка не прызнала фальшывых выбараў Лукашэнкі ў 2020 годзе, канстатавала, што прэзыдэнт на гэтых выбарах ня быў выбраны, і не існуе юрыдычных прававых доказаў аб перавазе ці выбраньні каго-небудзь на гэтых выбарах. Гэтай жа пазыцыі, фактычна, прытрымлівалася і адміністрацыя прэзыдэнта Байдэна. Становішча пачало зьмяняцца пасьля амэрыканскай падтрымкі Нямеччыны ў справе "Паўночнай плыні-2" і пасьля сустрэчы Байдэна з Пуціным 16 чэрвеня гэтага года.

    У канцы ліпеня групу Ціханоўскай запрашаюць у ЗША і потым, нібыта пад ціскам Кангрэса і Дэмакратычнай партыі ( але найбольш пад уплывам лабістаў) была, наладжана кароткая размова прэзыдэнта Байдэна з Ціханоўскай (якая спачаткку не прадугледжвалася). Куртуазыйна былі вытрыманыя ўсе правілы другаснага нефармальнага кантакту (гэта значыць -- Ціханоўскую запрасілі ў Белы Дом разам з дарадцам прэзыдэнта па нацыянальнай бясьпецы Джэкам Саліванам і іншымі дзяржаўнымі чыноўнікамі. У часе бяседы ў залю Рузвэльта зайшоў прэзыдэнт Байдэн, прывітаў Сьвятлану, пагаварыў аб агульных пытаньнях і ў канцы (важны штрых нефармальнасьці) пачаставаў яе пячэнькамі.

    Гэты эпізод выклікаў неадэкватны шум у заангажаваных мэдыях, аднак эпізод мае таксама ацэначнае значэньне і сьведчыць, што Байдэн падтрымлівае эўрапейскую пазыцыю санкцый, лялечную гульню Эўропы ў "статус" Ціханоўскай, і інфармуе пра гэта (дае знак) Пуціну.

    Нічога добрага для беларусаў такая пазыцыя не абяцае. Але трэба ўлічыць, што Амэрыка не зацікаўлена ў страце незалежнасьці Беларусі. Праўда, паколькі як і Эўропа, яна быццам бы схіляецца да пуцінскага праекту зьмены ўлады ў Беларусі, гэта можа абярнуцца фатальным вынікам для ўсяго беларускага народа (калі ня будзе грамадзкага супраціву з боку людзей).

    Гісторыя ў каторы раз падводзіць беларусаў да высновы, што ня зьнешнія чыньнікі, але толькі самыя беларускія людзі могуць станоўча збудаваць сваю будучыню і сцьвердзіць сваё дзяржаўнае быцьцё ў нацыянальнай дзяржаве. Але тое магла б ажыцьцявіць толькі беларуская палітычная арганізаваная сіла узброеная Беларускай ідэяй нацыянальнага Адраджэньня.

    1 жнівень 2021 г. Зянон ПАЗЬНЯК    

    Posted Aug 28, 2021, 9:27 AM by Адміністратар Навін
  • ЗАЎВАГІ АБ АХВЯРАХ І СПРАЎЦАХ

    Гэтым выказваю сваё спачуваньне сябрам, сваякам і нявесьце беларуса Віталя Шышова, забітага ворагамі Беларусі. Віталь Шышоў -- ахвяра злачынцаў злачыннай улады. Прыйдзе час -- і яны будуць пакараныя.

    Ідзе вайна супраць беларусаў, якая перакрочыла тэрыторыю краіны. Забойствы за мяжой -- гэта почырк маскоўскай Лубянкі, якая выкарыстоўвае супраць беларусаў злачынны лукашысцкі рэжым. Цяпер гэта схавана, але стане вядома ўсім.

    Вымоўны прыклад -- забойства Паўла Шарамета. Аўдыёзапісы, абнародаваныя агентурай, сьведчаць аб падрадным удзеле ў гэтым злачынстве лукашысцкага КГБ.

    Прычына забойства Шарамета -- тыповая для лубянскай мэнтальнасьці карпаратыўнай помсты і крымінальнага пакараньня.

    Згодна з аналізам дасьведчаных змагароў з рэжымам, Павел Шарамет быў зьвязаны з палітыкай расейскіх спэцслужбаў. Ён варожа ацэньваў рэвалюцыйныя дасягненьні Беларускага Народнага Фронту, грэбліва адносіўся да беларускай мовы, падтрымліваў агрэсію Расеі супраць Чачэніі і г. д.

    Пункт пералому ў сьветапоглядзе настаў у 2014 годзе пасьля агрэсіі Расеі супраць Украіны. Незадоўга да сьмерці Шарамет напісаў і публічна пакаяўся за свае дрэнныя адносіны да беларускай мовы, сказаў, што трэба шанаваць і ведаць нашу беларускую мову, паведаміў, што ён купіў падручнік па беларускай мове і сур'ёзна заняўся яе вывучэньнем.

    Беларусам, якія вырасьлі пад антыбеларускім рэжымам і яшчэ не зразумелі значэньня мовы і сутнасьці расейскай вайны супраць Беларусі, нагадваю. Палітычнае пытаньне нумар адзін па важнасьці ў расейскай антыбеларускай палітыцы, пачынаючы ад цароў, ад папоў, ад бальшавікоў, ад так званых рускіх "дэмакратаў", ад так званага рускага "народа" і заканчваючы пуцінскім "рускім мірам", -- палітычнай задачай нумар адзін ёсьць задача ліквідацыі беларускай мовы. З вырашэньнем гэтай задачы ўсе астатнія задачы акупацыі і сьціраньня Беларусі з мапы сьвету вырашаюцца лёгка.

    Расейцы ў дзяржаўнай масе сваёй, і тыя, што сядзелі, сядзяць і будуць сядзець у Крамлі, разумеюць гэта дасканала.

    Беларуская нацыя -- гэта Беларуская Мова. Беларуская дзяржава -- гэта Беларуская Мова. (Ня будзе Беларускай дзяржавы без Беларускай Мовы, не тлумеце сабе мазгі, разумнікі, каб ні памерлі ад чужога розуму.) Беларуская свабода -- гэта Беларуская Мова.

    Дык вось, Шарамета забілі. Ён перайшоў мяжу, заскочыў за чырвоныя сьцяжкі, як Літвіненка, як Скрыпаль і мноства іншых.

    Задача ліквідацыі была ськінута на Лукашэнку. Хто гэта зрабіў -- пакуль невядома. Але лубянска-лукашысцкія вушы відаць.

    Відаць яны і ў забойстве Віталя Шышова. Дзіўлюся, што ніхто не папярэдзіў яго пра вядомыя ў палітычным і крымінальным сьвеце змрочныя фігуры, якія акружалі яго асобу. Гэта той выпадак, калі палітыкай у стане вайны трэба ўважліва цікавіцца, пакуль палітыка ні зацікавілася вамі.

    Лубянскі лукашызм выйшаў за межы свайго канцлягеру. Хваля ўцекачоў зь Беларусі (як і ў 2010 годзе) падняла агентурную пену. Але цяпер сталі засылаць функцыянераў па спэцыялізацыі (па выкраданьні, ліквідацыі, "самагубствах" і т. п.).

    У Варшаву заслана некалькі дзясяткаў такіх канторскіх рабоў (вядомыя нават дэталі).

    Для эміграцыйных асяродкаў настаў час стварыць сваю службу бясьпекі. Складанасьць, аднак, у тым, што пакуль расхістаюцца аматары, такую службу створыць Лубянка. Тым ня менш, паколькі вайна перакрочыла нацыянальныя межы, ваяваць трэба. Ні там, ні тут рэжым не ацалее.

    4 жнівень 2021 г. Зянон ПАЗЬНЯК

    Posted Aug 28, 2021, 9:25 AM by Адміністратар Навін
  • РАЗВАГІ Ў ПРАЦЯГ

    Тут мушу нагадаць пра вядомы факт, што стужка "Купала", якая ў Сеціве, -- гэта не фінальны варыянт, а чарнавая (пірацкая) вэрсія, украдзеная на стадыі мантажа і выкладзеная ў Інтэрнэт. Менавіта таму я не пісаў рэцэнзіі, а толькі агульны водгук на тое, што ёсьць. І тым ня менш тое, што ёсьць, выглядае вельмі прыстойна і (паколькі фільм круціцца ў Інтэрнэце) варта было б пра яго яшчэ агулам напісаць. Тым больш, што казаць ёсьць пра што.

    1. Пра давер

    У працяг абмеркаваньня ўражаньняў ад кіно "Купала" ізноў падкрэсьлю важную выснову: у фільме паказанае сьветлае ўзьнёслае пакаленьне беларускай інтэлегенцыі нацыянальнага Адраджэньня 1-й чвэрці 20-га стагоддзя, людзей сьветлых і разумных, гатовых ахвяравацца дзеля шчасьця і свабоды Айчыны. Тут жа адлюстраванае зьнішчэньне гэтага пакаленьня расейскімі акупацыйнымі ўладамі, царскімі і бальшавіцкімі. Паказана (хоць і штрыхамі) беларуская палітычная даверлівасьць і недаацэнка адраджэнцамі сатанінскай сутнасьці акупантаў, неўсьведамленьне біялагічнай нянавісьці савецкіх маскоўцаў, настроеных на сьціраньне беларусаў з твару зямлі. Беларускія інтэлігенты не прадбачылі, не былі падрыхтаваныя да генацыду.

    Паўліна Мядзёлка расказала мне такі эпізод. У сярэдзіне 20-х гадоў, калі, паверыўшы бальшавікам, вярнуліся ў Менск шматлікія адраджэнцы і частка ўраду БНР, тады было неяк застольле, здаецца ў Аляксандра Чарвякова. У перапынку выйшлі пакурыць, і тады, Аляксандар Цьвікевіч ( Старшыня Рады міністраў БНР, галоўны ініцыятар ліквідацыі Урада БНР і прызнаньня Менска адзіным цэнтрам нацыянальна-дзяржаўнага адраджэньня Беларусі), радасна кажа: "Ну, сябры, цяпер ужо нам не перашкодзяць і Беларусь ніхто ня зьнішчыць".

    Потым Масква расстраляла ўсіх (акрамя Мядзёлкі, якая абышлася высылкай), назьдзекваўшыся і намучыўшы іх уволю. Забівалі татальна ўсю беларускую кіроўную эліту, усю беларускую інтэлігенцыю, усіх навукоўцаў, усіх творчых людзей, лепшых сялян, тысячы памерлі ў ГУЛАГу.

    Тых, што ў сярэдзіне 20-х паверылі бальшавікам і вярнуліся ў Беларусь, Антон Адамовіч называў "трагічнымі героямі". Сымон Рак-Міхайлоўскі, якога маскоўцы саслалі гінуць на далёкую Поўнач, тое позна зразумеў і з горкай іроніяй казаў (зафіксавана): "Так нам і трэба, на гэта мы заслужылі". Інжэнер Сяргей Бусел (беларускі эсэр, удзельнік Слуцкага Збройнага Чыну) таксама зразумеў позна, але трапіўшы ў ГУЛАГ, выказаўся цьвёрда і па-салдацку проста (зафіксавана): "Ня будзем плакаць і ня будзем каяцца за няўмела пастаўлены крок".

    Гэтая фраза -- "няўмела пастаўлены крок" -- стала эпіграфам, цьвіком у труну для бальшыні беларускіх палітыкаў, ад прыхільнікаў Сталіна, сацыялізму, Расеі, Лукашэнкі і да цяперашняй жаночай паліткамэдыі, якая можа скончыцца для Беларусі фатальным палітычным канцом.

    Часам здаецца, што тут, у краіне, у яе гісторыі нічога не мяняецца пад сонцам і месяцам. Але, глянуўшы здалечыні на лёс Беларусі і на лёсы яе абаронцаў, разумеем, што страшная, крывавая, трагічная ахвяра цэлага пакаленьня беларускіх адраджэнцаў паловы 20-га стагоддзя лягла ў вечнасьць Беларусі, прасачылася праз жоўты пясок Курапатаў і зноў узьняла наш дух на змаганьне за Айчыну і волю.

    Пра гэта думаем, гледзячы фільм.

    2. Легенда.

    Назіраючы выдатныя вобразы Янкі Купалы (актор Мікалай Шастак), Уладзіславы Францаўны (актрыса Алена Гіронак-Пабягаева) і Паўліны Мядзёлкі (актрыса Вераніка Пляшкевіч), прыходзяць думкі, якія даўно існуюць, але пра якія не прынята пісаць.

    Гэта шчасьце Купалы, што ён ажаніўся на Уладзіславе Станкевіч. "Цёця Уладзя" была душой яго дома, яго анёлам-ахоўнікам, шчодрай, сяброўскай і дабразычлівай да ўсіх Купалавых сяброў-беларусаў.

    Легенды некаторых дасьледчыкаў з жоўтай цікавацьцю намякаюць аб нібыта не ўзаемным каханьні Купалы і Паўліны Мядзёлкі. Мае дасьледваньні і бяседы зь Мядзёлкай (я рабіў запісы яе расповядаў) падказалі мне, што там мала праўды, а больш легенды, у якой (выказваючыся часам двухсэнсоўна і намёкамі) зацікаўлена была сама Мядзёлка. Няма сур'ёзных фактаў і доказаў пра нібы та "няшчаснае" каханьне Купалы. Шмат чаго прыцягнута за вушы.

    Рэальным фактам, які паўтарала Мядзёлка, быў толькі выпадак у Пецярбургу ў 1913 годзе ў час другой пастаноўкі "Паўлінкі" ў беларскім студэнцкім Навукова-Літаратурным гуртку па ініцыятыве Уладзіслава Эпімах-Шыпілы (брата прафэсара Браніслава). Рэжысёр быў незадаволены цалаваньнем на сцэне Паўлінкі зь Якімам. Ён жартам падказаў маладому Купалу, каб той навучыў Мядзёлку цалавацца, і Купала, ня доўга думаючы (быццам бы недзе там за кулісамі), прыгожую Паўліну прыціснуў, але тут жа атрымаў жорсткі адлуп. На гэтым усё і скончылася. Але мела працяг у легендзе.

    Як актрыса Паўліна Мядзёлка была вельмі здольнай, выступала потым у Вільні і ў Менску (Першае Таварыства Беларускай Драмы і Камэдыі). Яна трымалася левых палітычных поглядаў, курыла цыгарэты і не заўсёды дружыла з прынцыпамі. Віленскія беларусы яе недалюблівалі ("круцілася з бальшавікамі"), а ўласна "бальшавікі" яе тады не прызнавалі за беларускі нацыяналізм ("круцілася з нацдэмамі").

    У выніку самотная Мядзёлка памерла ў адзіноце ў родным Будславе (1974 г.). Не было каму яе й пахаваць. Аднак пахаваньне арганізаваў старшыня Будслаўскага калгаса. Я тады вельмі намаўляў сяброў у Інстытуце Мастацтвазнаўства Акадэміі Навук (дзе я працаваў), каб ехаць на яе пахаваньне (згадзіўся адзін чалавек). Лепш сталася ў музэі Янкі Купалы. Адгукнулася Ядзьвіга Юльянаўна Раманоўская (дырэктар музея), "выбіла" ў Мінкультуры мікрааўтобус, і мы паехалі. Зь Вільні не прыехаў ніхто. Я, дарэчы, зьняў (6х6) увесь абрад пахаваньня і, здаецца, нават казаў там прамову. У апошні шлях Мядзёлку праводзіў увесь Будслаў.

    3. Грунт.

    Што да Мядзёлкі, то мне не абходзілі (і не абходзяць) ніякія там "левыя", "правыя", "лявейшыя" ды "правейшыя", калі чалавек ёсьць перакананым беларусам, ахвяруецца для Беларусі, шануе мову, народ, культуру і нацыю. З такімі людзьмі заўсёды ёсьць агульны грунт, і можна ў межах гэтага агульнага грунту дамовіцца.

    Гэты "агульны грунт" ёсьць культурная нацыя, нацыянальная ідэя, нацыянальная мова, нацыянальныя каштоўнасьці і нацыянальныя інтарэсы. Калі б тое было за душой у чалавека, то тады можна было б гаварыць хоць з камуністамі і сказаць: "Панове, вы бачыце, што робіцца, які камунізм, якая дмакратыя, якая, да халеры, стабільнасьць! Ён жа нішчыць нацыю і дзяржаву патопіць, і добра, калі не ў крыві. Давайце ратаваць краіну, народ, мову і Айчыну!".

    Але з кім гаварыць? З тымі, што мову ненавідзяць і на Пуціна глядзяць, і воля наша ім ня гонар, з тымі нельга. Няма грунту. А ў прыбалтаў быў грунт. Дык і справы іншыя.

    Рускі камунізм -- гэта была толькі форма рускага імпэрыялізму, форма палітыкі русіфікацыі. Ніхто (акрамя ідэйных ідыётаў) таго камунізму сур'ёзна не ўспрымаў.

    Нацыя і ўсьведамленьне нацыі аб'ядноўвае людзей. Нацыянальная мова аб'ядноўвае людзей, нацыянальная гісторыя і культура салідарызуе грамадзтва. Абавязкі перад нацыяй спараджаюць агульную пазыцыю яе пашаны і яе абароны.

    Камунізм у савецкіх зьнік з галавы, але русіфікацыя засталася.

    4. "Жабий язык"

    За саветамі кожны разумеў беларускую мову, бо жыла вёска, і бальшыня насельніцтва гарадоў (асабліва Менск) прыехала зь вёскі. Акрамя таго, у кожным доме і ў кожнай кватэры было абавязковае дзяржаўнае правадное радыё, якое вяшчала па-беларуску (пасіўнае засваеньне мовы). Практычна, усе школы ў сельскай мясцовасці і часткова ў гарадах (да Машэрава) былі беларускімі.

    І тым ня менш (асабліва пры Машэраве) увесь час правакавалася і штучна ўздымалася нянавісьць да беларускай мовы. Мы разумелі, што гэта была распрацаваная тэхналёгія, пушчаная ў беларускі соцыюм і быт, але ня ўсе тое ведалі.

    На сітуацыю з "жабьім языком" (як у кіно), на хамства і зьнявагу можна было нарвацца ў любым месцы, дзе аказвалася "кантора" ды прапагандовыя агрэсісты (ці проста дурні). Мардабіцьця крыўдзцеляў за зьнявагу мовы за саветамі ня памятаю. Абыходзіліся слоўным запасам. Праўда, " слоўны запас" саветаў не пераконваў.

    У сярэдзіне 1960-х група саветаў забілі ў Менску паэта Ігара Хадановача за тое, што той размаўляў па вулічным тэлефоне па-беларуску. (Мы з Лявонам Баразной і Ўладзімерам Караткевічам былі на судзе). Камуністы са скуры вылазілі, каб зацерці гэты факт.

    Моладзь Адраджэньня была крыху іншай. Алесь Бурбіс з групай маладзёнаў у час першай рускай рэвалюцыі захапілі нават мястэчка Майшаголу пад Вільняй, выставілі за дзьверы царскіх чыноўнікаў і аб'вілі беларускую "Майшагольскую рэспубліку". Так што калі ў кіно Сяргей Палуян, заехаў у лыч царскаму афіцэру за "жабій язык", то гэта цалкам у стылі часу.

    Выпадкаў было шмат і вельмі характэрных. Няма сэнсу пра іх распавядаць. (Увогуле, маё адчуваньне, што руская нянавісьць да беларускай мовы падспудна заснавана на неўсьвядомленым адчуваньні сваёй ніжэйшасьці перад беларусамі, якая прыкрываецца агрэсіяй.)

    5. Паралелі

    Падзеі жыцьця ўсплываюць з памяці, праглядаючы эпізоды гэтага фільму. Дакладна паказаны пэрыяд узмацненьня бальшавіцкай дыктатуры, рэпрэсіі, вобразы энкавэдзістаў, атмасфэра і карціна 30-х гадоў. Тут адлюстраваныя тыповыя сітуацыі і ўзьнікае асацыяцыя з тым, што зноў робіцца ў Беларусі. Бачым паралелі, бо ўсё вырастае зь аднаго кораня, з агрэсіі і нянавісьці маскоўскай арды. Пакуль арда існуе, агрэсія ня спыніцца. Яе можна спыніць толькі тады, калі, перафразуючы цытаты змаганьня, будзе добра пастаўлены крок.

    13 жнівень 2021 г. Зянон ПАЗЬНЯК

    Posted Aug 28, 2021, 9:24 AM by Адміністратар Навін
  • СЬВЕТЛЫ КУПАЛА

    У Сеціве ёсьць кінафільм "Купала" (рэжысёр Уладзімер Янкоўскі), які зьняты год таму і які рэжым не пусьціў у кінапракат. Гэта адзіны твор, зроблены на кінастудыі "Беларусьфільм" (за ўсю яе гісторыю), дзе адлюстраваны праўдзівы беларускі дух, культура, вобразы і дачыненьні між людзьмі. Тое вельмі важна ў кіно і ў тэатры. Калі яно ёсьць, тады мастацтва характарызуе сябе як нацыянальнае. Шчыра кажучы, я нават зьдзіўлены, што у калектыва тое атрымалася (тое, што ў русіфікатарскай "Беларусьфільм" не атрымлмвалася ніколі).

    Мне добра вядомы гэты гістарычны пэрыяд (першая чвэрць 20-га стагоддзя) па роду маёй ранейшай навуковай дзейнасьці, вядомыя постаці дзеячоў таго часу. Зь некаторымі я пасьпеў яшчэ быць асабіста знаёмым, запісваў іхныя ўспаміны і іншае (напрыклад, Паўліна Мядзёлка, Язэп Сушынскі, ягоная жонка Кацярына Юстынаўна, жонка Аркадзя Смоліча (Алеся Ігнатаўна), Аляксандар Міцкевіч, асяроддзе Яна Пазьняка, Максім Танк, Антон Шукелойць, Стэфанія Станюта, Зоська Верас, Ларыса Геніюш, Пётра Сергіевіч і іншыя).

    Праглядаючы гісторыю таго часу, факты, фота і апісаньні, фармуецца ўяўленьне аб людзях, якія былі. У кіно "Купала" ўражвае "трапляньне" ў вобразы, якія ўжо склаліся ў маёй галаве. Прытым тут увогуле няма правалаў у ролях, кожная роля -- вобраз, а некаторыя выкладзеныя проста бліскуча. (Я адмыслова не разглядаю тут ролі і не называю акцёраў, бо гэта не рэцэнзія, а толькі водгук).

    Добра пастаўлены і сыграны, практычна, усе зборныя сцэны інтэлігенцыі. Гэта складана і ў кіно, і ў тэатры. Але рэжысура і акторы тут на вышыні.

    У фільме ёсьць гістарычная праўдзівасьць вобразаў, адносінаў і гістарычнай сітуацыі, і самае важнае (паўтаруся) -- тут ёсьць тое сутнаснае, характэрнае, інтэлегентнае і беларускае ў дачыненьнях людзей, дух нашай звычаёвай культуры таго часу, такі знаёмы і настальгічны.

    У культурных местачковых сем'ях (кажу пра сваё асяроддзе) дзеці не называлі бацькоў на "ты", але ў другой і трэцяй асобе; людзі ў размовах не павышалі голасу, умелі слухаць, не перабівалі адзін аднаго, не ўжывалі вульгарнай лексікі. Паважлівыя адносіны людзей (зьвярталіся адзін да аднаго "пан" і "пані") былі зазвычай, прытым пры захаваньні ветлівай дыстанцыі выяўлялася дабразычлівасьць і адкрытасьць, людзі ўсьміхаліся. Тое было нормай. Так было і паміж беларусамі першай пасьляваеннай эміграцыі ў ЗША, жыцьцё якой я яшчэ засьпеў у 90-х.

    У агульных рысах у фільме "Купала" ёсьць дух культуры, адносінаў і вобраз Беларусі.

    Фільм увогуле зроблены прафэсійна (пра недахопы тут не пішу). Гэта выяўляецца ў прыватнасьці і ў аксэсуарах, і ў касьцюмах, дасканала дапасаваных да эпохі.

    Ад сябе дадам, што мода пэрыяду сэцэсіі і мадэрну як для мужчын, так і асабліва для жанчын, была, бадай што, найпрыгажэйшай у эўрапейскай гісторыі.

    Але самымі прыгожымі ў фільме ёсьць створаныя акторамі вобразы людзей, беларускай інтэлігенцыі пэрыяду нацыянальнага Адраджэньня, змаганьня за незалежнасьць, за вольную Бацькаўшчыну і сьветлую Беларусь.

    11 жнівень 2021 г. Зянон ПАЗЬНЯК  

    Posted Aug 28, 2021, 9:21 AM by Адміністратар Навін
  • НАЙВЯЛІКШАЕ СЬВЯТА РЭСПУБЛІКІ БЕЛАРУСЬ

    Настаў жнівень. Надыходзіць вялікае сьвята Рэспублікі Беларусь 25 Жнівень -- Дзень Незалежнасьці. 25-ы Жнівень і 25-ы Сакавік -- Дзень Волі -- навечна ўвайшлі ў беларускую гісторыю. І цяпер гэтыя даты сьвецяць нам і паказваюць шлях, бо барацьба працягваецца. Яна будзе ўвесь час, пакуль на ўсходзе існуе дэфэктная шматковая дзяржава, сутнасьць існаваньня якой -- агрэсія і збочаныя ўяўленьні аб імпэрскім мінулым.

    Наша нацыянальная рэвалюцыя 1988-1991 гадоў прадэманстравала вялікі ўздым, грамадзкую сілу людзей і рашучасьць нацыянальнага авангарду -- Беларускага Народнага Фронту "Адраджэньне", які меў фэнамэнальную змагарную фракцыю ў Вярхоўным Савеце. Разумнасьць, воля і пасьлядоўнасьць кіраўніцтва нацыянальнага Адраджэньня ды падтрымка народа паспрыялі таму, што Незалежнасьць была дасягнута мірным шляхам -- не загінуў ніхто.

    У 1994 годзе Масква праводзіць на пасаду прэзыдэнта Беларусі сваю крэатуру Лукашэнку. Зноў пачалося вынішчэньне беларускай мовы і нацыі. У адказ -- пэрманэнтнае змаганьне патрыётаў супраць прамаскоўскай улады і маскоўскай палітыкі.

    Цяпер, у час разгулу рэпрэсіяў і міліцэйскай вайны супраць беларусаў, цяжка адзначыць гэтае вялікае сьвята належным чынам. Але ёсьць магчымасьці, спосабы і формы. Ворагі ня зьнішчаць беларускай Незалежнасьці, як бы ні шалелі, бо яна ў сэрцах людзей. Беларусь ёсьць, была і будзе, пакуль мы, беларусы, любім яе і дбаем пра нашу волю.

    7 жнівень 2021 г. Зянон ПАЗЬНЯК

    Posted Aug 28, 2021, 9:19 AM by Адміністратар Навін
  • ЗАСТАЛАСЯ ВЕЧНАСЬЦЬ

        Алесь Разанаў не жыве. Бяда ня ходзіць адна. У цяжкім часе для літаратуры і для краіны адзін за адным адыходзяць шасьцідзесятнікі. Той узровень літаратуры пад акупацыяй яшчэ патрабуе свайго тлумачэньня. Скончыліся сталінскія рэпрэсіі. На выкашанай пожні пачала расьці новая беларуская літаратура. Уздым. Шасьцідзесятыя далі класіку 2-й паловы ХХ-га стагоддзя. Тут і Быкаў, і Караткевіч, і Барадулін, і Мележ, і Стральцоў, і Бураўкін, і Разанаў, і маса паэтаў, пісьменьнікаў, узровень якіх цяпер недасяжны. Яны ўжо не жывуць. Цяпер адышоў і Разанаў -- паэт са сваім сьветам. Шкода. Паэт, які сваёй творчасьцю ўзвышаў эліту нацыі. Бывай, дарагі Алесь. Зямны шлях скончаны. Засталася вечнасьць. Вечная памяць.

    26 жніўня 2021 г. Зянон Пазьняк

    Posted Aug 27, 2021, 4:44 AM by Адміністратар Навін
  • НАЙШЧАСЬЛІВЕЙШЫ ДЗЕНЬ У ЖЫЦЬЦІ. 30 гадоў Незалежнасьці Рэспублікі Беларусь
            Сёньня 25 Жнівень, 30 гадоў Незалежнасьці Рэспублікі Беларусь. Віншую ўсіх землякоў-беларусаў зь вялікім нацыянальным і будучым дзяржаўным сьвятам!
    Тры гады ў сьветлых 90-х была наша Воля і Школа, і Мова, і Сьцяг, і гэрб Пагоня, і вольны народ.  Але потым Гасподзь паслаў нам выпрабаваньне злом, каб зразумелі, што трэба ў жыцьці шанаваць. І тое выпрабаваньне спыніцца тады, калі зразумеем. Дык разумейма хутчэй!
    У цяжкі час -- гэта сьвята ў нашай душы, найшчасьлівейшы Дзень у жыцьці, каму выпала ўсё перажыць. 
    І цяпер мы бачым -- ужо шалее і курчыцца зло, спрабуе ўсіх пакусаць. Гэта знак, што скора сьвітаньне. І нішто не стрымае жыцьцё.
    Няжай жыве вольная Беларусь! Слава Айчыне! Слава героям, што памерлі за нашу свабоду! Салют Адраджэньню! Жыве Беларусь!

    25 Жнівень 2021 г. Зянон ПАЗЬНЯК
    Posted Aug 25, 2021, 3:12 AM by Адміністратар Навін
  • ЯКАСЬЦЬ УЛАДЫ І ЯКАСЬЦЬ ГРАМАДЗТВА
    (Кароткія зацемкі)
    Складвецца ўражаньне, што гісторыя прыходу Лукашэнкі да ўлады некаторых беларусаў нічаму не навучыла. Псіхалагічная прычына адна -- безадказнасьць. І прычына безадказнасьці таксама вядомая. Гэта адсутнасьць адчуваньня прыналежнасьці да нацыянальнай сям'і (да нацыі). Адпаведна і адсутнасьць дбаньня пра нацыянальныя інтарэсы, пра будучыню нацыі, пра свой нацыянальны дом (дзяржаву і кіраўніцтва).
    Савецкая псіхалогія ("савок"), заснаваная на адлучэньні ад прыватнай уласнасьці і на сацыяльнай безаблічнасьці, была вытворнай ад дэнацыялізацыі грамадзтва. Дэнацыялізаваная асоба становіцца аб'ектам палітычных маніпуляцыяў. Дэнацыялізаванае грамадзтва ператвараецца ў масу, якой могуць маніпуляваць у антынацыянальных інтарэсах.
    У 1994 годзе маніпулятыўны лёзунг "абы ня Кебіч" быў праглынуты апалітычным насельніцтвам без разваг і сыграў злавесную ролю. Абяцаньне мінімальнага дабрабыту і ўраўненьне па беднасьці, як пры СССР (маўляў, насуперак разбагацелым нуворышам і карупцыі), было ўспрынята. Масавы электарат не цікавіла паходжаньне Лукашэнкі, яго адносіны да Беларусі, да нацыі, да Бога, да культуры і нацыянальнай будучыні краіны. Электарат не цікавілі адносіны Лукашэнкі да сям'і, да жонкі (якую ён пакінуў), не цікавілі яго крымінальныя адносіны да калгасьнікаў, нарэшце, электарат наўпрост аказаўся няздоольным заўважаць псіхічныя адхіленьні прэтэндэнта, яго ілжывасьць і махлярства, цемрашальскія разважаньні пра нацыянальную мову і нацыянальныя каштоўнасьці, хаця ўсё было на паверхні. Глядзелі -- і наўпрост ня бачылі, слухалі -- і ня чулі, не хацелі ўбачыць, што перад імі хворая, ілжывая асоба, хам і нягоднік, вораг нацыі. І так парцягвалася 26 гадоў.
    Апамяталіся толькі ў пачатку 2020-га, калі ўзьнікла эпідэмія каранавірусу, калі сталі паміраць людзі і ўсе ўбачылі, што вар'яту, якому яны дазволілі абсалютную ўладу над сабой, пляваць на іхняе жыцьцё, здароўе і існаваньне.
    Эпідэмія саўпала з фальшывымі выбарамі. Пачаліся масавыя пратэсты. Уключылася Масква са сваімі кандыдатамі (Бабарыка, Цапкала) і выбарчымі планамі (Ціханоўская), зьявіўся лёзунг: "Абы не Лукашэнка!". І ўсё пайшло па кругу, быццам і не было 26-ці гадоў сьлепаты, вар'яцтва і нацыянальнага вынішчэньня. На паверхню ўсплыў новы "савок", які зноў спадзяецца на свае ілюзіі: хто на Захад, хто на Маскву ды на жаданьне паставіць над сабой новага лепшага пана.
    Даведзеныя да адчаю злачынствамі антынацыянальнага рэжыму шмат хто (магчыма, нават бальшыня) ня могуць уявіць, што маскоўскі варыянт Бабарыкі, увезены на плячах Ціханоўскай, можа аказацца для будучыні Беларусі ў канцовым варыянце яшчэ горшым, чым рэжым калгаснага вырадка. Гэта цяперашнім людзям (як некалі іхным бацькам) немагчыма зразумець. Але пазьней, калі ўбачаць рэчаіснасьць, іхні лямант нікому ня будзе патрэбны.
    Сьвятое месца ня будзе пуставаць. Калі душа пакідае Бога, яна ня стане парожняй. Туды прыйдзе іншы, што ня будзе любіць Бога, і пакіруе душой. Калі ў грамадзтве нішчаць сваё, яго заменіць чужое.
    Выхад з заганнага кола -- зварот да свайго, да нацыянальнага адраджэньня, да сваёй мовы, культуры, да свайго парадку і галоўнае -- да свайго беларускага думаньня, да сваіх ідэй.
    Будучыня нацыі залежыць цяпер ад хуткасьці і эфэктыўнасьці яе нацыянальна-культурнага і палітычнага адраджэньня. Гэта кажацца цяпер, калі ў Беларусі шалеюць рэпрэсіі супраць беларусаў, арышты і перасьлед, разбурэньне ўсяго беларускага, зьнішчэньне беларускай грамадзянскай супольнасьці. Адбываецца гібрыдны генацыд. Рэжым распачаў фізічную паліцэйскую вайну супраць беларусаў. Ахвяры вялікія. Але не забывайма, што ва ўмовах наўпроставага разбурэньня выяўляецца і адкрыта бачны вораг нацыі. Яго вайна супраць народа можа выклікаць супраціў, ўмацаваньне нацыянальнага духу людзей, прасьвятленьне ў галаве, арыентацыю ў падзеях, арганізацыю барацьбы. Тут не павінна быць ніякага расчараваньня і нявер'я ў перамогу над злом. Чым больш шалее зло, тым больш беларусам трэба гартавацца, рыхтавацца да апошняй бітвы за волю Айчыны.
    Нашай унівэрсальнай зброяй ёсьць наша Беларуская мова, нашым ідэалам ёсьць вольная Беларусь, нашай сілай ёсьць наша культура, нашай каштоўнасьцю ёсьць незалежнасьць і свабода, вобраз Пагоні і беларускі Бел-Чарвона-Белы сьцяг лунаюць над намі.
    Спакойна рыхтуемся, шануем сваё, ведаем, што трэба рабіць, моўчкі парцуем, набліжаем сьвітаньне, дзе беларус беларусу будзе беларус, абаронца і гаспадар у сваёй краіне.
    22 ліпеня 2021 г. Зянон ПАЗЬНЯК
    Posted Jul 28, 2021, 8:05 AM by Адміністратар Навін
  • МАСКОЎСКІ ПАДСТАЎНЫ ПРАЕКТ ПРАЦЯГВАЕЦЦА
    Масква занепакоілася крытыкай санкцыйнай палітыкі супраць Беларусі. Нядаўна вуснамі Ціханоўскай група няўклюдна агучыла свае апраўданьні. Гучыць надумана. Маўляў, мы патрабуем выпусьціць палітвязьняў, спыніць катаваньні, арышты, перасьлед і пачаць перамовы з апазыцыяй (гэта значыць зь імі). Ну, але паколькі рэжым нічога ня слухае (а групоўка, хоць і на ўтрыманьні Эўропы, ніякой рэальнай сілы не ўяўляе), то яны запатрабавалі санкцыяў. Запатрабавалі каб чужыя сілы і чужыя краіны эканамічна ўдарылі па Беларусі, спадзеючыся такім чынам чужымі рукамі зьнішчыць уладу Лукашэнкі (насельніцтва тут не ў разьлік).
    Подласьць такога апраўданьня антынароднай пазіцыі нават не настолькі ў тым, што да санкцый заклікаюць асобы, якія існуюць за мяжой на чужым фінансаваньні, але найперш у ашуканстве людзей ігнараваньнем агульнавядомага гістарычнага факту -- санкцыі ніколі і нідзе не прыводзілі да ўпадку дыктатара. Дыктатары заставаліся, а народ гінуў, гібеў, галадаў і пакутваў. Найбольш вымоўныя прыклады -- Куба, Паўночная Карэя, Венесуэла. Санкцыі выгадныя тым, хто іх уводзіць.
    Нават цёмнае няведаньне гэтай праўды не пазбаўляе ад крымінальнай адказнасьці розных васалаў чужых інтарэсаў (не кажам ужо пра несумленнасьць паводзінаў).
    Пры гэтым прамаскоўская накіраванасьць іх застаецца нязьменнай. Яе прапагандуюць, практычна, усе ўдзельнікі газпрам-крамлёўскай групоўкі. Вось тут (https://www.youtube.com/watch?v=AxqJ_D8oikI , 25.50 -- 29.13) можна паглядзець вымоўны кавалачак відэа з выкладам пазыцыі аднаго такога групніка В. Кавалеўскага.
    Гэта былы службіст у лукашысцкай амбасадзе ў Вашынгтоне. Пасьля сканчэньня тэрміну ён апынуўся ў Амэрыцы, перайшоў у апазыцыю, але пачаў дрэнна выказвацца пра беларускую нацыянальную эміграцыю, Беларускі Народны Фронт, здабыцьцё незалежнасьці і г. д. Нядаўна ён "апынуўся" ў групоўцы Латушкі-Ціханоўскай і адразу ўліўся ў асноўны "пул" дзеячоў супраць Лукашэнкі з пазыцыяў Масквы. Маўляў, у антыбеларускай агрэсіі Масквы вінаваты Лукашэнка, каб ня ён, то можна б было з Пуцінам дружыць і хораша супрацоўнічаць.
    Заварушылася агентура ў беларускай эміграцыі ЗША, прачуйшы аб падрыхтоўцы візіту групоўкі Латушкі-Ціханоўскай у Амэрыку. Маскве хацелася б замазаць Беларускую Праваслаўную Аўтакефальную Царкву і беларускую нацыянальную эміграцыю ў калабарацыі з маскоўскім праектам, стварыўшы прэцэдэнт нібыта супрацоўніцтва з газпрам-крамлёўскай групай расейскіх інтарэсаў. Ня думаю, што такі спэктакль службістам ўдасца сыграць зь Беларускай Царквой, хіба што зь "невераятнымі", якія прыехалі з-пад лукашызму ў Амэрыку ў вялікай колькасьці.
    Сітуацыя паказвае, што падстаўны пуцінскі праект разварочваецца на шырэйшы абсяг. Крэмль, здаецца ўвачавідкі ўявіў, што можна скарыстаць Захад і рэальна мяккай сілай захапіць Беларусь без адзінага стрэлу, пакінуўшы страляніну, рэпрэсіі і забойствы беларусаў на хворую волю Лукашэнкі.
    З Бабарыкі (якога Пуцін меціць у прэзыдэнты Беларусі), здаецца, ёсьць намер ствараць Мандэлу і пакутніка за свабоду -- так ўзялася за яго газпрамаўская рэклама і прапаганда. Палітыка, аднак, капрызная пані. І ня выключана, што банкіру насупраць чаканьняў Масквы, прыдзецца адматаць свой тэрмін ужо пасьля пацьвярджэньня суда вольнай Беларусі.
    Вольныя беларусы, дзейнічайце абдумана, спакойна і пасьлядоўна. Гуртуйцеся не на паказ. Не гуляйце на публіку ў "тэатр і кіно". Набліжайма час і разумейма абставіны. Адсталасьць і цемра не павінна мець улады. Ворагі Беларусі і вырадкі не павінны кіраваць краінай. Будучыня павінна належыць разумным. Будучыня для беларусаў.
    14 ліпень 2021 г. Зянон Пазьняк
    Posted Jul 28, 2021, 8:01 AM by Адміністратар Навін
  • АБ ІНТАРЭСАХ
        У палітыцы санкцый супраць Беларусі заходняя Эўропа мае свае інтарэсы. Гэта перш за ўсё інтарэсы Нямеччыны (узгодненыя з Францыяй), якія яна каардынуе з інтарэсамі Расеі. Бізнэс зацікаўлены ў перадзеле рынкаў; палітыкі -- у падзеле сфэраў уплыву.
        Калі сказаць коратка, спрошчана і лапідарна -- Мэркель і Макрон хацелі б сесьці  за стол перамоў разам з Пуціным і зрабіць трэці ўмоўны падзел Беларусі*. У гэтай парадыгме яны скарыстоўваюць гаворачую ляльку Ціханоўскую. 
        З Меркель-Макронаўскага плану нічога не атрымаецца, бо Пуцін хоча вырашыць патаньне Беларусі сам, без эўрапейскіх "чэмбэрленаў". Але нават калі б "атрымалася", то Пуцін бы іх тут аб'ягорыў ушчэнт, таму што яны паўтараюць крамлёўскую нарыхтоўку, агучаную праз групоўку Ціханоўскай: новыя выбары прэзыдэнта пад міжнародным наглядам (па лукашысцкім выбарчым законе зь Ярмошынай у ЦВК). Пры такім падыходзе выбраны будзе прамаскоўскі прэзыдэнт з абсалютнымі паўнамоцтвамі ўлады.
        Нагадаю зноў пра найпадлейшую ролю, якую адыгрывае ў гэтай сітуцыі групоўка пад эгідай Латушкі-Ціханоўскай.  Тут тыповая антынацыянальная марыянэткавая група і антыбеларуская пазыцыя.
    -------------------------------------
        *(Заўвага. Маюцца на ўвазе падзелы Беларусі ў 1921 і ў 1941 гг.)

    30 чэрвень 2021 г.  Зянон Пазьняк

    Posted Jul 28, 2021, 7:57 AM by Адміністратар Навін
  • КАНФЛІКТ ЧУЖЫХ. ЗМАГАНЬНЕ БЕЛАРУСАЎ НА ДВА БАКІ: З АНТЫБЕЛАРУСКАЙ УЛАДАЙ ЛУКАШЭНКІ І ЗЬ ЯЕ ГАЗПРАМ-КРАМЛЁЎСКАЙ АПАЗЫЦЫЯЙ.
            На саміце НАТО 14-га чэрвеня  гэтага года прагучэлі паведамленьні (міністар МЗС Латвіі) аб падрыхтоўцы Расеі да рэальнай анэксіі Беларусі і аб неабходнасьці Прыбалтыйскім краінам рыхтавацца да гэтай падзеі. Іронія ў тым, што самы Прыбалтыйскія краіны (спадзеючыся на парасон НАТО) спрыяюць анэксіі Беларусі Расеяй і падтрымліваюць эўрапейскую агрэсію санкцый. 
    Групоўка Латушкі-Ціханоўскай тут, фактычна, служыць шырмай (Траянскім канём) для эўрапейскай палітыкі пераразьмеркаваньня рынкаў і спрыяе інтарэсам нямецка-расейскай дамінацыі на кантынэнце. 
    Шкода ад ролі і рыторыкі гэтай групоўкі вялікая, бо калі б газпрам-крамлёўскі план цяпер быў бы рэалізаваны, ён паспрыяў бы рэальнаму аншлюсу Беларусі Расеяй, выклікаў бы небясьпечныя геапалітычныя перамены ва Ўсходняй Эўропе.
    Ня выключана, што Пуцін у адпаведны момант можа скарыстаць гэтую групу непасрэдна ў наўпроставым дзеяньні, калі яму спатрэбіцца рэальна пазбавіцца ад Лукашэнкі. Магчыма, гэтым выклікана нядаўняе выключэньне Ціханоўскай з расейскай базы МУС міждзяржаўнага вышуку. (Крэмль на будучыню хацеў бы мець Ціханоўскую ўяздной у Расею дзеля магчымых захадаў па ажыцьцяўленьні газпрам-крамлёўскага электаральнага плану.) 
    Варыянтаў тут некалькі -- і ўсе злавесныя. Найбольш небясьпечным быў бы той, калі б крамлёўцам ўдалося стварыць востры крызіс ўлады ў Беларусі, прызнаць міфалогію аб Ціханоўскай, запрасіць яе ў Маскву (гэтая падзея пастаянна мадэліруецца ў прапуцінскай рыторыцы Ціханоўскай, значэньня якой яна, відаць, не разумее) і пераможна ўехаць у Беларусь, выстаўляючы Сьвету як плякат свабоды з усходу перад павержаным Лукашэнкам.  Далейшыя падзеі: усеагульная любоў да Пуціна з боку "брацкіх" народаў, выбары Бабарыкі, пераразьмеркаваньне (забор) беларускай маёмасьці, русіфікацыя, аншлюс, стварэньне прадпасылак "канца беларускай гісторыі" (канца, праўда, ня будзе, але пра тое пакуль не гаворым).
    Такая верагоднасьць авантурная, складаная і, з гледзішча абмежаваных эўрапейскіх уяўленьняў, нерэальная. Але для Масквы тое амаль руціна, усё магчыма. Нездарма там узьнікаюць разважаньні  пра рэжым "ваеннага стану". Лукашэнка мячык злавіў. "Ваенны стан" быў бы крокам да краху дзяржавы (разам з сатрапам). 
    Да вар'яцкага намеру сатрапа ўвесьці ваенны стан трэба аднесьціся сур'ёзна. Па сваёй прыродзе Лукашэнка -- гэта забойца з хворай псіхікай апантаны  нянавісьцю да беларускай нацыі. Трэба ведаць, што нянавісьць -- гэта паталагічны трансцэндэнтны стан душы. Нянавісьць безаблічная, існуе ў пацыенце сама па сабе як сутнасьць, але канцэнтруецца на канкрэтных раздражняльніках. Паталогія псіхікі павялічвае ўзровень нянавісьці да поўнага абсурду. Аб'ектам нянавісьці дзеля ўлады псіхапата могуць стаць групы людзей, цэлы народ і ўсё чалавецтва. 
    Беларусам (шмат каму) да сёньняшняга дня яшчэ цяжка ўявіць, каго яны пасадзілі сабе на галаву, бо, як недапалітычнае грамадзтва, яны любяць і абіраюць сабе ўладу, зыходзячы з  сваіх прыемных ілюзій, з свайго хаценьня, але не з рэальнасьці (з Ціханоўскай дакладна такая ж праява ўяўленьняў. Адукаваныя людзі сантымэнтальна ўяўлялі яе Эміліяй Плятар, наўпрост ня бачачы, што за нацыянальна чужая і пустая істота ўсплыла перад імі на хвалі вады). 
    Беларусы, магчыма, ўжо забыліся пра пагрозу пацыента роўна год таму перад выбарамі. Яна гучэла так: "Забыліся, як былы прэзідэнт Карымаў у Андыжане задушыў путч, расстраляўшы тысячы чалавек? Ну дык мы нагадаем!” 
    На жаль, маё веданьне і сьведчаньне пра гэтага пацыента, якому беларусы (пры ўдзеле і задуме Масквы) далі ў рукі абсалютную ўладу над сабой, гэтак жа як і 27 гадоў таму, наўрад ці прымусіць каго задумацца. Надта ж "невераятна" здаецца тое, што пацыент можа расстраляць народ. Хаця ў рэальнасьці ня толькі можа, але і хоча, каб адпомсьціць, і рыхтуецца да таго. Калі тое пачнецца, то спыніць генацыд зможа толькі ліквідацыя вар'ята. А гэта дрэнны варыянт, бо павінна абавязваць права і суд над злачыннай зьявай нянавісььці да народа.
    Супрацьстаяць маскоўскім планам ня проста з прычыны страты за гады рэжыму беларускага нацыянальна-дэмакратычнага палітычнага класу. Рэшта яго цяпер у турме, у падпольлі, альбо выгнана за межы краіны. 
    Адсутнічаюць беларускія нацыянальна-дэмакратычныя сродкі масавай інфармацыі. Тыя фармальна беларускія СМІ, што яшчэ засталіся ў Беларусі (і якія, практычна, падтрымліваюць газпрам-крамлёўскі праект) рэжым ліквідуе поўнасьцю (канфармізм ім не дапаможа). СМІ за мяжой існуюць па-за нацыянальна-адраджэнскай палітыкай Беларусі і таксама прапагандуюць газпрам-крамлёўскую групрўку апазыцыі рэжыму.
    Гэтым найперш тлумачыцца пашырэньне чужой рыторыкі і прапаганды нацыянальна забойчай пэрспэктывы. 
    У нацыі парушаны імунітэт супраць варожага і чужога. Сімвалам такога стану, амаль метафарай, мог бы стаць факт абыманьня і цалаваньня бандытаў спэцназу жанчынамі пратэсту (калі толькі гэта ні была варожая задумка і не адмысловае апаганьваньне Народнага руху). 
    А тым часам усё рабілася адкрыта: і Бабарыка, і ягоная сакратарка, і Ціханоўская, і ўся група, і ўсе невядомыя людзі, што павыскоквалі, як чэрці з табакеркі ў "каардынацыйную раду", -- усе яны ад пачатку адзінадушна і рытарычна сьведчылі сваю накіраванасьць пад Маскву і адмаўлялі базавыя каштоўнасьці беларускай нацыі, яе гісторыі і барацьбы за незалежнасьць. 
    Ёсьць тэставыя прыкметы для варожых і чужых. Калі людзі ахайваюць і не прызнаюць барацьбу і гістарычны подзьвіг Беларускага Народнага Фронта "Адраджэньне" ў перамозе над камунізмам, у дасягненьні незалежнасьці Беларусі, у стварэньні заканадаўчых асноў незалежнай беларускай дзяржавы, калі такія людзі не прызнаюць гэтыя заканадаўчыя асновы і ўсю гісторыю ахвярнага змаганьня беларусаў, пачынаючы ад стварэньня БНР, калі ўрэшце яны не прызнаюць законнай Канстытуцыі 1994 года, дзяржаўнай Беларускай мовы і дэманстратыўна не карыстаюцца ёй, -- гэта ёсьць суб'екты, варожыя Беларусі. 
    Апазыцыя супраць Лукашэнкі, створаная з такіх людзей пры дапамозе Масквы, такая ж чужая для Беларусі, як і лукашысцкі рэжым. Яна мосьціць дарогу Маскве. Зь ёй трэба змагацца гэтак жа, як і з рэжымам. 
            Не забывайма, што пазбаўленьне ад Лукашэнкі гэта яшчэ не канец рэжыму, але пачатак падзей, якія (калі імі не апанаваць) могуць стацца фатальнымі для Беларусі. Туды, у постлукашызм, павінна быць заранёў накіравана беларуская думка, дзейнасьць і сіла. Інакш -- параза. Інакш беларусаў скарыстаюць для расчысткі дарогі Маскве (чым і займаюцца групоўкі газпрам-крамлёўскіх "невераятных").
    Шмат каму ў Беларусі трэба хутчэй абуджацца і абараняць беларускія асновы нацыі, дзяржавы, волі і незалежнасьці нашай краіны. Стварайма суполкі "Вольнай Беларусі". Будзьма гатовыя да мабілізацыі і сур'ёзнай барацьбы з ворагамі нацыі і свабоды нашай Айчыны. 

    25 чэрвень  2021 г. Зянон ПАЗЬНЯК

     
    Posted Jul 8, 2021, 6:26 AM by Адміністратар Навін
  • ПРА БЫКАВА

    19-га чэрвеня 1924 года нарадзіўся Васіль Быкаў.

    Уражлівае адчуваньне. Чым далей аддаляешся ў часе ад далёкай пары, тым больш разумееш, як не хапае Быкава. Той цяжкі час, калі змагаліся за волю і, як на крыльлях, жылі надзеяй, калі дасягнулі Незалежнасьці любай Айчыны, калі за плячыма заўсёды былі Быкаў, Барадулін, Караткевіч, Бураўкін, Баразна, браты Грыцкевічы, Конан, на словы якіх можна было абаперціся, як на рыцырскае кап“ё, той час застаўся ва ўяўленьнях, як вецер, як брацтва сваіх, што шчымліва жыве ў памяці.

    Нічога няма лепшага за духоўнае адзінства людзей, калі нават можна не казаць, бо гаворыць маўчаньне.

    Быкаў вельмі перажываў за Беларусь, за лёс краіны, але не паказваў сваіх перажываньняў. Часьцей за ўсё ён маўчаў. Ён мала гаварыў пра літаратуру, жыў па разуменьні Гётэ: "Твары мастак -- не гавары". Ён глыбока ведаў душу беларуса, асабліва простага чалавека, выяўляў у творах спагаду да яго і сваю любоў.

    Вялікі пісьменьнік -- гэта той, хто ведае, увекавечвае ў творчасьці лёсы людзей як лёсы народа.

    Якая добрая, якая чалавечая, якая магутная беларуская літаратура.

    Зазьзяе сонца -- і ўсё адродзіцца.

    19 чэрвеня 2021 г.                 Зянон ПАЗЬНЯК 

    Posted Jun 20, 2021, 11:58 AM by Адміністратар Навін
  • АБ СУТНАСЬЦІ САНКЦЫЯЎ СУПРАЦЬ БЕЛАРУСІ

    Тое, што эканамічна-фінансавыя санкцыі супраць Беларусі не ліквідуюць рэжым Лукашэнкі і тое, што яны выгадныя Маскве, каб забраць беларускую эканоміку і засмаргнуць Лукашэнку, і тое, што гэты працэс разьвіваецца ў выніку актыўнай маскоўскай палітыкі з выкарыстаньнем груповак Латушкі-Ціханоўскай, -- гэта факт відавочны.

    Масква пасьлядоўна падключаецца пад апазыцыйныя адносіны беларусаў супраць Лукашэнкі і робіць сваю расейскую справу. (Прытым, для разуменьня "масаў" гэтая простая тактыка, на жаль, маладасяжныя.)

    Падрыхтоўцы да санкцый спрыялі даволі якасныя відэафільмы з крытыкай Лукашэнкі, зробленыя праз маладзёна ўплыву (напачатку непаўналетняга) Сьцяпана Пуцілу. (Дарэчы, у гэтых фільмах -- ні слова пра Расею -- тыповы пракол расейскай агентуры.)

    Далей расейцамі была кандова разыграна камэдыя з падрыхтоўкай замаху на Лукашэнку і арышт "змоўшчыкаў", куды трапілі гаваруны ў Сеціве.

    І, нарэшце, апошняя апэрацыя з прымусовай пасадкай чужога пасажырскага самалёта нібыта для захопу "апазыцыянера", якім аказаўся маладзён Раман Пратасевіч з групы інфарматараў "Нехта", што выконваў там службовую журналісцкую працу.

    Адным словам лукашысцкі рэжым пад уплывам маскоўскіх "радцаў" бабахнуў з гарматы па вераб'ях. Але план пасадкі самалёта дзеля захопу маладзёна спрацаваў фэнамэнальна.

    Шматгалосьсем загучэла патрабаваньне санкцыяў супраць Беларусі (ніхто ўжо не зьвяртае ўвагі на юрыдычны бок справы, тым больш на здаровы сэнс). Забыліся і пра змоўшчыкаў "тэрарыстаў", што нібыта рыхтаваліся забіць Лукашэнку (яны, дарэчы, сядзяць), амаль ніхто не кажа пра катаваньні беларусаў у турмах рэжыму, пра беларускіх вязьняў, схопленых на зьнішчэньне -- Аўтуховіча, Севярынца, Маёраву, Шарэнду-Панасюк і сотні іншых.

    Эўразьвяз цяпер цалкам заклапочаны арыштам Рамана Пратасевіча, што "без лішней дракі попал в большые забіякі". Маладзёну, як можна здагадацца, падрыхтаваны шлях Васкрасенскага, а ўсім астатнім вязьням рана ці позна -- лёс Вітольда Ашурака -- забойства ў турме. (Прычым Эўразьвяз з сваімі сантыментамі пра Пратасевіча і без разуменьня рэчаў сядзе ў галёш).

    Ніхто ў Эўразьвязе не кажа (ім не падалі "дэмсмі") пра лёс сапраўднага патрыёта і героя Беларусі Дзяніса Івашына, які за кратамі даўно бяз вестак і якога, гэтак жа, як і Ашурака, бандыты, магчыма, зьбіраюцца забіць.

    Чаму так -- зразумела. На парадку дня санкцыі. Усе трубяць толькі пра санкцыі. Расея дамаглася свайго.

    Трэба ўлічваць тое, што ўлічыла Масква. Санкцыі супраць Беларусі на гэтым этапе зручныя для прагматычнай Эўропы. І найбольш для Нямеччыны, якая фактычна, дзейнічае супольна з Расеяй.

    Немалаважнае значэньне для Эўропы мае танная рабочая сіла (за якую ўжо йдзе канкурэнцыя). Але галоўнае -- гэта эканамічныя і геапалітычныя інтарэсы Нямеччыны і Расеі.

    Назаву толькі чыньнікі. Паўночная плынь газапровада (завяршальным этапам якога кіруе афіцэр былой Штазі) насуперак краінам Усходняй Эўропы будзе дабудавана. Гэта дасьць магчымасьць Нямеччыне стаць разьмеркавальнікам газавай энэргетыкі ў Эўропе, што ўзмоцніць ролю Нямеччыны і аслабіць Украіну (аблегчыць там расейскую інвазію). Гэта ўмацуе пазыцыю Эўразьвязу, каб прымусіць Польшчу адмовіцца ад цеплавой энергетыкі (важнай для Польшчы) і ад здабычы каменнага вугалю (тут моцны ўдар па Польшчы). Нямеччына павялічыць сваё лідэрства ў Эўразьвязе і ўрэшце прымусіць краіны адмовіцца ад права "вета" (тады далейшая будучыня Эўразьвязу -- новы "Савецкі Саюз")

    А каб найбольш рэвалюцыйны народ у Эўропе і, практычна, адзіная рэальна каталіцкая краіна ў Эўразьвязе -- Польшча не нарабіла тут клопатаў, дык расейскія войскі (у выніку санкцыяў супраць Беларусі) могуць стаць за Бугам. Руку на пульце ў гэтай "палітэканоміі" будзе трымаць Расея.

    Паўтараецца нямецка-расейская схема ХХ-га стагоддзя. Так будзе заўсёды, пакуль існуе Расея і расейскае "скопішча зла".

    Аб'ектыўна ацэньваючы, трэба спыніць паліт-гастралёраў з гаворачай лялькай на авансцэне, гэтых агітатараў за забойныя санкцыі супраць беларускай Незалежнасьці, што пад выглядам змаганьня супраць Лукашэнкі капаюць яму народу Беларусі. Беларуская эканоміка адкрытага тыпу (ад пачатку такой была). Страчаныя рынкі назад ня вернеш. Адчыніцца маскоўская кабала. І рэжым, і Лукашэнка, і гэтыя гастралёры аднолькава гатовыя ўгробіць краіну і народ дзеля сваіх палітычнх інтарэсаў. Але тое ім ня ўдасца.

    15 чэрвень 2021 г.                     Зянон Пазьняк

    Posted Jun 16, 2021, 3:04 AM by Адміністратар Навін
  • САНКЦЫЙНАЯ ПРАВАКАЦЫЯ І ПАЛІТЫКА МАСКВЫ

    З дня ў дзень група, сфармаваная на грунце газпрамаўска-крамлёўскага электаральнага плану 2020 года (П. Латушка, В. Цапкала, В. Бабарыка, С. Ціханоўская і інш.), няспынна патрабавала ад Захаду і паўтарала: Санкцыі! Абкласьці санкцыямі і спыніць "Беларуськалій", гродзенскі "Азот", "Нафтан", МАЗ, БелАЗ, Трактарны завод і г. д., спыніць інвестыцыі ў беларускую эканоміку, адключыць ад Беларусі міжнародную фінансавую сістэму разьлікаў SWIFT, ануляваць крэдыты для Беларусі, не купляць беларускіх тавараў, спыніць палёты беларускіх самалётаў "Белавіа", спыніць беларускія чыгуначныя перавозкі і т. п. І ўсё гэта, маўляў, для таго, каб фінансава задушыць дыктатара Лукашэнку, ліквідаваць яго ўладу. (І ні слова пра санкцыі супраць Расеі, якая фінансуе тэрарыстычны рэжым Лукашэнкі.)

    З боку ўлады Лукашэнкі выступае міністар МЗС У. Макей і заяўляе, што калі Захад увядзе санкцыі, тады ўлада зьнішчыць беларускую грамадзянскую супольнасьць.

    Працэс пайшоў. Захад уводзіць санкцыі, а рэжым Лукашэнкі нішчыць беларускую грамадзянскую супольнасьць, ліквідуе беларускія арганізацыі, тэатры, мастацтва, сродкі масавай інфармацыі, блакуе Інтэрнэт, рэпрэсуе разумных людзей, душыць эліту нацыі, катуе і забівае беларусаў у турмах, выганяе з краіны. Разбурэньне Беларусі йдзе з двух бакоў.

    Вялікая колькасьць акалпачаных дэнацыяналізаваных беларусаў пры падтрымцы Эўропы і разам з Латушкам-Ціханоўскай, патрабуюць, вобразна кажучы, спаліць свой Беларускі дом разам зь ненавісным сатрапам. ("Абы ня Лукашэнка!"). Што будзе потым -- пагарэльцы ня ведаюць.

    А будзе вось што. (Але спачатку пра сатрапа.) Ніякія эканамічна-фінансавыя санкцыі, нават самыя жорсткія, усеагульныя і татальныя, не ліквідуюць рэжым Лукашэнкі. Яго возьме на паўгалоднае ўтрыманьне пуцінская Расея, каб за бясцэнь (ці нават за свае ранейшыя пазыкі рэжыму) забраць беларускую эканоміку, якую перад гэтым разбурыць санкцыямі і пакладзе на лапаткі Захад. Санкцыі супраць Беларусі перш за ўсё адпавядаюць інтарэсам Расеі.

    Дзеля ўтрыманьня рэжыму Лукашэнкі на пэрыяд захопу нацыянальнай эканомікі рускім алігархатам у Расеі ёсьць усе фінансавыя магчымасьці. Тут для Масквы не вялікія грошы.

    Пасьля захопу прыбытковых беларускіх прадпрыемстваў і ключавых пазыцый вытворчасьці стратэгічнае пытаньне "беларускага балькона" вырашаецца хутка, прысутнасьць рускіх войскаў у Беларусі забясьпечана. Фармальна тут ня будзе ніякай адказнасьці Крамля. Адказным будзе "суверэнны" сатрап Лукашэнка, якога гэты статус таксама задаволіць.

    Далейшая палітыка -- жорсткае задушэньне народа і ўсяго беларускага аб'яднанымі сіламі Масквы і мясцовых прыслужнікаў. А ў выніку мусіў бы стацца "канец гісторыі" Беларускай нацыі. Такая вось ілюзорная, але злавесная крамлёўская візія "рускага міра".

    Шкодную ролю супраць беларускіх нацыянальных інтарэсаў адагрываюць тут групоўкі Латушкі-Ціханоўскай (і гэта толькі частка іхняе шкоды).

    Нельга дапусьціць, каб антыбеларуская палітыка "русского міра" і Крамля разьвівался. Складанасьць у тым, што ўтварылася становішча, дзе ўвесь народ стаў закладнікам вар'ята Лукашэнкі. Калі яго цяпер раптоўна выдаліць ад улады ці ліквідаваць, то найбольш верагодны сцэнар, што ўладу могуць зноў захапіць і пераняць прамаскоўскія сілы, -- і тады запрацуе разбуральны для Беларусі электаральны крамлёўска-газпрамаўскі план 2020-га года.

    Калі ж лукашысцкі рэжым застанецца, то ён зьнішчыць, выдушыць і перадушыць усё жывое ў Беларусі і ўрэшце таксама здасьць краіну пад Маскву. Нельга, каб такі рэжым існаваў у Беларусі.

    Станоўчы выхад з прамаскоўскага "клінчу" (імпэрцаў і канторскай "апазыцыі") толькі адзін -- гэта шлях, які паказаў і праклаў Беларускі Народны Фронт "Адраджэньне" ў 1988-1991 гадах, калі збавіўся ад камунізму і дамогся Незалежнасьці краіны.

    Мусіць быць арганізавана і адроджана беларуская нацыянальная палітычная сіла (а яна жыве), якая шануе нацыянальныя каштоўнасьці, незалежнасьць, свабоду, беларускую мову, беларускі народ, законную беларускую Канстытуцыю, законы і зыходзіць зь беларускіх нацыянальных інтарэсаў. Такой сілай будзе народны рух "Вольная Беларусь". Апора -- на сябе, на свой народ. Рэвалюцыйная барацьба з бандыцкім рэжымам і яго каланіяльнай палітыкай. Мабілізацыя барацьбы і ліквідацыя антынароднай улады (так будзе) павінна весьціся ўсімі спосабамі (народ мае права), якія дадуць жыцьцё і вольную будучыню Беларускай нацыі.

    12 чэрвень 2021 г.                     Зянон ПАЗЬНЯК

    Posted Jun 14, 2021, 5:26 AM by Адміністратар Навін
  • ВЯРТАЕМСЯ ДА ПРАЧЫТАНАГА

    Мне неаднаразова і мякка (наколькі магчыма ў нашай палітычнай сітуацыі) прыходзілася казаць і пісаць, што пасьля ліквідацыі антынароднага рэжыму Лукашэнкі і ўсталяваньня беларускай народнай ўлады Сьвятлана Ціханоўская (абавязкова) мусіць пайсьці пад сьледзтва разам з ўсёй групай, якая яе выкарыстоўвае. Вынікі сьледзтва магчыма ўразяць шмат каго.

    Цяпер лямант і патрабаваньні фінансава-эканамічных санкцыяў супраць Беларусі (прыкрытыя тэрміналёгіяй "супраць Лукашэнкі") ахапілі ўвесь заходні сьвет. Тут відаць разбуральны прарыў маскоўскай палітыкі па захопу Беларусі, носьбітамі якой сталі бесталковыя, дэнацыяналізаваныя беларусы, што заблудзіліся ў палітычных джунглях.

    Магчама гэтыя людзі не разумеюць (але Захад ня можа не разумець), што ніякія самыя жорсткія эканамічныя санкцыі Захаду не ліквідуюць рэжым Лукашэнкі, якога ў гэтай крызіснай сітуацыі будзе ўтрымліваць пуцінская Расея. Тое мы зноў адмыслова адзначылі ў мэмарандуме да саміту НАТО (гл. перад гэтым). Перш чым змагацца, трэба зразумець.

    Раю беларусам яшчэ раз пачытаць дасьледваньне Дзяніса Лінкова, апублікаванае ім яшчэ ў сьнежні мінулага года. Тэкст ніжэй.

    Зянон Пазьняк, 11 чэрвень 2021 г.

    -----------------------------------------------------


    10 снежня 2020 г. ·

    ЦІХАНОЎСКАЯ ПРАЦУЕ НА РАСЕЙСКІ АЛІГАРХАТ

    Дзяніс Лінкоў:

    "Няма нiчога таемнага, што ня выйшла б на яву, ні схаванага, што не зрабілася б вядомым і ня выкрылася б."

    Частка I

    Расея увесь час намагалася захапiць беларускую ўласнасць, дайшло аж да таго, што з'яўляючыся паслом i адначасова спецпрадстаўнiком Пуцiна, грамадзянiн Бабiч М. пачаў iнспектаваць беларускiя прадпрыемствы i праводзiць там рабочыя нарады.

    Пад патранажам Бабiча, як у Маскве, так i Менску быў створаны i правёў паседжаннi "Расейскi-беларускi Дзелавы Савет".

    https://www.cci.by/.../soglashenie_o_sotrudnichestve...

    "Бабич: бизнес формирует повестку для рабочей группы по интеграции."

    "Мы для себя поставили задачу в самый короткий срок создать Белорусско-Российский деловой совет из двух частей, где есть представители бизнеса, имеющие свои интересы, смогут объединиться в едином формате, для того чтобы в режиме реального времени обсуждать самые насущные экономические, социальные, стратегические задачи, которые стоят как перед предприятиями, так и нашими государствами в целом", – отметил глава российской дипмиссии.

    На площадке Торгово-промышленной палаты России 19 декабря прошлого года прошло установочное совещание российской части этого совета, где он был создан. Его возглавил известный российский предприниматель Дмитрий Мазепин.

    При этом Михаил Бабич пошутил, что всегда говорит бизнесмену, что "главное его конкурентное преимущество – что он выпускник Минского суворовского училища".

    http://ross-bel.ru/.../babich-biznes-formiruyet-povestku...

    Мала хто звярнуў увагу, але 14 жнiўня, пасля трох дзён забойстваў i катаванняў беларусаў, арганiзаваных расейскiмi агентамi ў сiлавых структурах i ў вышэйшым кiраўнiцтве краiны, у СМI з'явiўся ўладальнiк Уралхiма, i адначасова саўладальнiк Уралкалiя Д. Мазепiн, i ад iмя вышэйазначанага "Расейскага-Беларускага Дзелавога Савета", кiраўнiком якога ён з'яўляецца (з беларускага боку такiм з'яўляецца грамадзянiн Машэнскi) выступiў са зваротам да Лукашэнкi аб неабходнасцi бакам сесьці за стол перамоваў, адначасова ён звярнуўся да пратэстуючых з заклiкам стварыць: "Камiтэт Нацыянальнага Выратавання" каб па яго словах "мець магчымасць весьцi перамовы з ўладай":

    "Владелец "Уралхима" Мазепин призвал создать в Беларуси Комитет национального спасения

    Российско-Белорусский деловой совет (РБДС) выступил за формирование интеллигенцией и бизнесменами Беларуси Комитета национального спасения для диалога с властями и за начало президентом Александром Лукашенко мирных переговоров, направленных на выход из политического кризиса.

    "Первое, к чему мы призываем руководство Беларуси, - немедленно остановить бессмысленное кровопролитие, прекратить насилие против мирных граждан! Второй призыв - к белорусской интеллигенции, бизнесменам, политикам: необходимо сформировать Комитет национального спасения, который от имени населения сможет разговаривать с властью на равных", - говорится в обращении председателя РБДС, владельца "Уралхима" Дмитрия Мазепина. В настоящее время "официальной власти просто не с кем вести эффективный диалог", так как протесты "не имеют очевидного лидера", отмечает он.

    "От лица российского и белорусского бизнеса обращаемся к президенту Александру Григорьевичу Лукашенко с просьбой признать очевидные факты протестной напряжённости в обществе - и не теряя времени, сесть за стол мирных подробных переговоров, которые должны увенчаться выходом из политической нестабильности. Эта возможность может скоро стать единственной, поэтому она не должна быть упущена", - заявил Мазепин.

    https://interfax.by/news/policy/raznoe/1280867/ 

    II

    Амаль адразу пасля заклiку Мазепiна, узнiк збегшы ў Маскву i затым перабраўшыўся ў Кiеў Цапкала В., якi падтрымаў гэты заклiк Мазепiна аб стварэннi "Камiтэта нацыянальнага выратавання":

    "Цепкало назвал прекрасной идею создания Комитета спасения Белоруссии"

    Незарегистрированный кандидат в президенты Белоруссии Валерий Цепкало считает прекрасной инициативу российского бизнесмена Дмитрия Мазепина по созданию Комитета национального спасения Белоруссии. Об этом сообщает «РИА Новости».

    «В данном случае инициатива главы «Уралкалия» просто прекрасная, так как она прекрасно ложится в концепт поддержки белорусской диаспорой принципов демократического развития. Это мы, безусловно, поддерживаем», — заявил Цепкало.

    Он отметил, что еще не обсуждал эту идею напрямую с Мазепиным.

    https://amp.rbc.ru/.../rbcfreenews/5f36cd3c9a79478f962822cf?

    Аднак сам Цапкала нягледзячы на заявы, што ён не абмярковаў гэтую iдэю з Мазепiным, яшчэ 11 жнiўня з Кiева зрабiў аналагiчны па зместу заклiк аб стварэннi "Фронту (цi Камiтэту па ягоных словах) нацыянальнага выратавання".

    Цепкало объявил о создании «Фронта национального спасения» Белоруссии

    Его основной задачей будет «защита демократического выбора белорусов от силовых фальсификаций со стороны властей». Цепкало также сообщил о скором проведении «чрезвычайного саммита по Белоруссии в Евросоюзе»

    https://amp.rbc.ru/.../12/08/2020/5f33c3f49a7947bd18eeb82c?

    Пасля якога, Цапкала распачынае замежныя камандзiроўкi па Лiтве, Польшчы, Эўропе.

    III

    У гэты ж самы час, КДБ-ФСБ арганiзоўваюць выезд Цiханоўскай з Менска ў Лiтву, дзе пасля невялiкай паўзы i цмянага вiдэазвароту, Цiханоўская актывiзуецца, анансуе стварэнне Каардынацыйнай Рады (для перамоваў з Лукашэнкам), i распачынае такiя ж ваяжы i сустрэчы з заходнiмi прадстаўнiкамi, сумесна з Цапкаламi, напрыклад у Вене i iнш. Разагнаўшыся маскоўскi цырк i т.з.Трыюмвiрат, за выключэннем цi то зьеўшай цi то разарваўшай беларускi пашпарт мадам Калеснiкавай, узьяднаецца ўжо ў замежжы (Цiханоўская+абодвы Цапкалы) i распачынае сумесную замежна-палiтычную дзейнасць, асновай якой робяцца падрыхтоўка ў тым лiку эканамiчных санкцый да беларускiх прадпрыемстваў.

    У асноўным бюджэтастваральнай групы ГроднаАзот, Беларуськалiй, нафтаперапрацоўка. Да iх пазней далучаецца член КС Павел Латушка. Камiтэт цi Фронт нацыянальнага выратавання такiм чынам замяняецца на КС, пазней Латушка анансуе утварэнне Антыкрызiснага Нацыянальнага Кiравання, парасейску " НАУ", адной з мэтай якога ёсць:

    Формирование списка компаний, связанных с финансированием режима, для применения экономических санкций"...

    Якiя яны,пасля фармавання, выводзяць праз Цiханоўскую i яе каманду на мiжнародны ўзровень, у тым лiку ў санкцыйныя пакеты для разгляду Эўропай i Захадам.

    Неабходна нагадаць, што Беларуськалiй (як i ГроднаАзот) зьяўляюцца прамымi канкурэнтамi расейскiх УралХiма i Уралкалiя, выключэнне якiх з гульнi дазволiць Уралкалiю i УралХiму не толькi захапiць частку беларускага экспартнага рынка, але i самi прадпрыемствы.

    У 2017 (i раней) Мазепiн ужо прадпрымаў спробы стварыць калiйны альянс, для чаго прыбываў у Менск для размовы з Лукашэнкам, але зьехаў тады нi з чым.

    Пры гэтым на самiм Уракалii мелiся фiнансавыя праблемы.

    https://m.sputnik.by/.../uekhali-ni-s-chem-peregovory...

    Асаблiва сiтуацыя ўскладнiлася ў гэтым годзе, пасля таго як Беларуская Калiйная Кампанiя заключыла кантракт з Кiтаем на пастаўкi прадукцыi па нiзкай цане, фактычна выбiўшы з рынка Уралкалiй.

    5 траўня Уралкалiй выступае з спецыяльным паведамленнем, ў якiм крытычна ацэньвае дэмпiнг беларускага пасташчыўка. Якi фактычна выводзiць з рынку Кiтая Уралкалiй.

    https://eurasia.expert/kitay-vospolzovalsya-krizisom.../

    IV

    21 жнiўня Цiханоўская заклiкае рабочых Беларуськалiя, ГроднаАзота i iншых беларускiх прадпрыемстваў працягваць забастоўку:

    «Дорогие мои белорусы, работники «Беларуськалия», МТЗ, «Гродно Азота» и других предприятий. Вы – символ новой, свободной Беларуси. Мы – мирная трудолюбивая нация, мы сила, которая может изменить и уже меняет будущее нашей страны», – обратилась Тихановская.

    Она в очередной раз призвала последователей объединиться, поблагодарив протестующих невероятное единство и проявили стальную выдержку, за это вам большое спасибо.

    «Забастовки – это абсолютно легальное и мощное оружие (…). Помните: вы не одни, с вами вся Беларусь. В фонды поддержки уже пожертвованы миллионы, чтобы помочь вам выдержать давление и не сломаться под угрозами. Будущее Беларуси, а значит и будущее наших детей зависит сейчас от вашего единства и вашей решительности. Поэтому я прошу вас : продолжайте и расширяйте забастовки, не ведитесь на запутывания, объединяйтесь», – призвала Светлана Тихановская.

    https://newgrodno.by/.../tihanovskaya-prizvala-rabochih.../

    Непасрэдна зварот:

    https://www.youtube.com/watch?v=_RKyRtD5Npk

    13 кастрычнiка 2020 года Цiханоўская выдвiнула ультыматут лукашэнку:

    «Если до 25 октября наши требования не будут выполнены, вся страна мирно выйдет на улицы с Народным Ультиматумом. И 26 октября начнётся национальная забастовка всех предприятий, блокировка всех дорог, обвал продаж в государственных магазинах."

    https://telegraf.by/.../tihanovskaya-vydvinula.../

    19 кастрычнiка Цiханоўская правяла абмеркаванне з работнiкамi Беларуськалiя пытанняў звязаных з забастоўкай на прадпрыемстве:

    Тихановская поблагодарила шахтеров и других работников предприятия за инициативность и выразила надежду, что их смелость «вдохновит других присоединяться к забастовке». Экс-кандидат в президенты подчеркнула, что все данные по нарушениям на предприятии, которые допускаются в отношении работников, «вносятся в санкционные списки»

    http://www.belmarket.by/tihanovskaya-obsudila-s...

    5 лiстапала 2020 Цiханоўкая падчас "анлайн-званку" з рабочымi Беларуськалiя абмеркавала пазiцыю кампанii Yara International, нарвежскай кампанii, якая зьяўляецца буйнейшым партнерам Беларуськалiя на эўрапейскiм рынку.

    «Компания уже поддержала беларусских шахтеров – и потенциально может заморозить контракты с режимом», - говорится в сообщении телеграм-канала Тихановской.

    «К тому же, как сообщили работники Беларуськалия, план на сентябрь-октябрь предприятие не выполнило. Но основные проблемы начнутся после Нового года, потому в это время происходит заключение новых контрактов – а они под большим вопросом», отмечается в сообщении.

    http://www.belmarket.by/tihanovskaya-obsudila-s...

    7 лiстапада Цiханоўская праводзiць анлайн-сустрэчу з актывiстамi ГроднаАзот:

    Встреча прошла с участием Павла Латушко, представителя Тихановской по вопросам экономики Алеся Алехновича, активистки инициативы «Честные люди» Зарины Сорокиной и представителя фонда солидарности Ярослава Лихачевского.

    Обращаясь к сотрудникам «Гродно Азота», Тихановская заявила, что это предприятие стало примером для рабочих всей страны.

    Латушко предложил активистам вместе разработать планы по остановке цехов, чтобы бастующие знали, «что делать изо дня в день».

    Алехнович рассказал о работе экономической группы команды Тихановской над разрушением «мифов, распространяемых режимом», в частности, об успешности белорусских госпредприятий и стабильности экономики."

    https://www.belnovosti.by/.../vasha-smelost-vdohnovlyaet...

    V

    Паралельна 16 лiстапада Цiханоўская заявiла, што будзе дамагацца адключэння Беларусi ад мiжнароднай сiстэмы SWIFT:

    "Оппозиция будет добиваться отключения Белоруссии от международной системы SWIFT и прекращения кредитования иностранными финансовыми структурами белорусских банков. Об этом сегодня, 16 ноября, заявила экс-кандидат в президенты, лидер белоруской оппозиции Светлана Тихановская.

    «Мы работаем, чтобы иностранные банки прекращали кредитовать и сотрудничать с белорусскими, в первую очередь государственными — это Беларусбанк и Белагропром (Белагропромбанк. — EADaily)», — говорится в распространенном ее пресс-службой заявлении.

    При это она добавила, что оппозиция обсуждает возможность «отключения режима Лукашенко» от межбанковской системы организации расчетов SWIFT.

    https://eadaily.com/.../belorusskaya-oppoziciya-planiruet...

    "Также, по словам Тихановской, обсуждается ограничение на закупку нефтепродуктов из Беларуси и другой продукции госпредприятий."

    https://interfax.by/news/policy/vneshnyaya_politika/1287000/

    Не паспелi высахнуць чарнiлы пасля азначанай заявы, як у сваю чаргу Лаўроў выступiў з рэплiкай, што мол SWIFT ненадзейная структура, таму Расеi i Беларусi трэба пераходзiць на сваю. Хаця нiякiх каментароў ад SWIFT яшчэ не выходзiла адносна магчымага адключэння.

    https://news.mail.ru/politics/44380686/

    _ _ _

    I нарэшце 25 лiстапада 2020 Цiханоўская заклiкала "эўрапейскiя кампанii спынiць супрацоўнiцтва з дзяржпрадпрыемствамi Беларусi".

    Об этом она написала в твиттере.

    "Stop any cooperation with Belarusian state-owned companies or induce them to uphold the rights of their employees. Condemn publicly their top management and regime's leadership in the strongest possible terms."

    Тихановская обратилась к нескольким производителям из Норвегии, Германии и Австрии: Yara (минеральные удобрения), Eickhoff (различная техника), Teufelberger (стальные канаты и тросы).

    "Прекратите любое сотрудничество с белорусскими государственными компаниями или побудите их отстаивать права своих работников. Публично осудите их высшее руководство и руководство режима самым решительным образом", – призвала Тихановская.

    https://www.currenttime.tv/.../belarus.../30968694.html

    На думку экспертаў:

    Забастовочное движение на "Беларуськалии", ведущем производителе калия в мире, может привести к сокращению экспорта из Белоруссии и увеличению спотовых цен, если забастовки будут продолжаться в течение длительного времени, считают аналитики Fitch Ratings.

    Как следствие, отмечают они, другие мировые производители калия могут увеличить свои поставки и средние цены реализации.

    Мировой рынок калия очень концентрирован: на четырех крупнейших производителей ("Беларуськалий", Nutrien, "Уралкалий" и Mosaic) приходится почти 2/3 суммарного производства. Доля "Беларуськалия" в 2019 году составляла около 20%.

    Основная часть производственных мощностей "Беларуськалия" по-прежнему работает, хотя, вероятно, с более низкой загрузкой, но ситуация может измениться в случае усиления политических волнений, отмечает Fitch.

    По оценкам CRU, к производителям, имеющим наиболее благоприятные позиции, чтобы заместить объемы "Беларуськалия" на рынке, относятся российский "Уралкалий" и канадская Canpotex, которая экспортирует калий производства Nutrien и Mosaic, ввиду сходных характеристик в плане производства и экспортных направлений.

    "ЕвроХим" также может получить преимущества за счет использования свой сети продаж. Первоначальная годовая мощность Усольского рудника, основного калийного актива "ЕвроХима", составляет лишь 2,3 млн тонн в год – это примерно в 6 раз меньше мощностей и "Беларуськалия", и "Уралкалия". Однако Fitch ожидает, что "ЕвроХим" вместе с ICL и K+S получит некоторые дополнительные объемы в Европе в результате сокращения производства у "Беларуськалия" ввиду географической близости и меньшего присутствия Canpotex в регионе.

    https://www.interfax.ru/amp/723306

    VI

    2 снежня адзiн з дарадцаў Цiханоўскай Ф.Вячорка заявiў, што блiжэйшым часам рыхтуецца i будзе прыняты "трэцi пакет" санкцый, якi прадугледжвае ў тым лiку эканамiчныя санкцыi супраць беларускiх кампанiй, якiя не раскрываюцца, але можна меркаваць, што сярод гэтых кампанiй апынуцца галоўныя бюджэтастваральныя кампанii Беларусi, такiя як Беларуськалiй i iншыя:

    "В Народном антикризисном управлении (НАУ) рассказали, что приоритет будет отдан организациям, связанным с грубым нарушением прав человека.

    В санкционный список могут попасть компании, где происходили массовые увольнения работников за участие в забастовках;

    https://naviny.media/.../1606918117-obeskrovit-lukashenko. ..

    Такiм чынам, можна канстатаваць, што праводзiмая НАУ, камандай Цiханоўскай, Цапкаламi санкцыйная праца выгадная Маскве, так як у цэлым падрывае беларускую дзяржаву, а таксама выгадная непасрэдным расейскiм канкурэнтам азначаных беларускiх прадпрыемстваў па нейтралiзацыi iх, вываду з рынкаў i магчымаму далейшаму рэдэрскаму захопу. Ва ўмовах санкцый i справакаванага крызiса, калi iх актывы будуць прадстаўляць найбольшую прывабнасць.

    Па паведамленням некаторых рэсурсаў, пасля пачатка забастовак на Беларуськалii Мазепiн выходзiў з прапановамi даслаць замест бастуючых беларускiх рабочых, рабочых з Расеi.

    _ _ _

    Тым часам 2 снежня Мазепiн i выкупiў у Rinsoco Tranding долю ва Уралкалii, павялiчыўшы сваю з 46,3 до 81,4%.

    Здзелка была пракрэдытавана Сбербанкам "в рамках долгосрочного кредитного соглашения, структурированного как синдицированный кредит"

    «Приобретение «Уралхимом» пакета в «Уралкалии» является коммерческим проектом, обусловленным высокой маржинальностью рынка калийных удобрений, уверенностью в его дальнейшем росте и стабильным спросом на продукцию компании», — цитирует «Уралхим» председателя совета директоров и владельца компании Дмитрия Мазепина.

    https://www.rbc.ru/.../02/12/2020/5fc73c509a79476a07f44320?#

    VII

    Безумоўна, праз адключэнне SWIFT, санкцыi супраць бюджэтастваральных кампанiй,

    пераследуецца мэта не толькi паралiзаваць гэтыя кампанii, знiзiўшы iхны рынкавы кошт, але i поўнасцю паралiзаваць беларускi валютны экспарт/ iмпарт на эўрапейскiм i заходнiм накiрунку, пакiнуўшы толькi расейскi накiрунак.

    Гэта нават i не хаваецца: "Беларуская экономика не может оперировать без притока иностранной валюты, так как является экономикой открытого типа и целиком зависит от поставок из Европы. Импорт. Практически все, что производится в РБ, имеет импортные компоненты. Если за них не получится платить, остановится больше, чем можно себе представить. Пример. Машины «Белкалия» обслуживает Eickhoff — минус 11% валюты в казну. Автомобильный, тракторный, мотовелозавод и многие другие используют запчасти Schaeffler — ещё 6%. Беларуские трактора ездят исключительно на шеффлеровских сцеплениях, поскольку беларуские сцепления сгорают. Весь агросектор живет химикатами Bayer. АЭС работает на системах от Siemens. Итого: всего 3-4 немецкие фирмы — 20% валюты и немаленькая доля ВВП. Без расчетов в валюте не прожить. Экспорт. «Беларуськалий», «Гродно Азот», «Нафтан» и другие не смогут получить оплату по контрактам."

    https://sites.google.com/view/swift2020/

    Таксама перакрыць Беларусi знейшнiя займы на Захадзе i зрабiць Крэмль адзiнай крынiцай фiнансавых рэсурсаў. З улiкам знешняга доўга i таго, што Беларусi у наступным годзе спатрэбiцца выплацiць болей 3 млрд. $ прыбегнуць да займаў на заходнiх фiнансавых рынках стане немагчымым.

    Сумнiўна, што праводзячы на такiм высокiм узроўнi працу па ўсiх накiрунках у "офiсе" мадам Цiханоўскай гэтага не разумеюць. У такiм разе ўзнiкае пытанне ",

    дык хто замаўляе музыку i за ўсiм гэтым стаiць?"

    Эксперт Atlantic Council Андэрс Ослунд Андерс Ослунд полагает, что наибольший интерес для России сегодня представляют несколько белорусских компаний, которые обеспечивают значительную часть белорусского экспорта. - В первую очередь это «Беларуськалий». Возможный кандидат на его покупку с российской стороны - «Уралкалий», который контролируется уроженцем Беларуси Дмитрием Мазепиным. Мазепин также является председателем российско-белорусского делового совета и основным собственником «Уралхима», который хочет купить «Гродно Азот». Также российскому бизнесу интересна белорусская нефтепереработка, - считает Ослунд. По его мнению, продать нескольким российским бизнесменам предприятия, которые генерируют более половины доходов от экспорта в Европу, - «далеко не самая лучшая инвестиционная стратегия», хотя она может дать деньги, необходимые для решения насущных финансовых проблем. Андерс Ослунд считает, что наихудшим вариантом развития событий была бы продажа предприятий не за деньги, а за долги.

    С этим мнением согласен Владислав Иноземцев, который отметил, что белорусские госпредприятия могут стоить намного больше, чем предполагается, - считает он.

    https://news.tut.by/amp/economics/709886.html

    У вынiку расейскi алiгархат атрымае беларускiя прадпрыемствы проста за даўгi.

                                                                                ----------------------------------

    Posted Jun 13, 2021, 11:23 AM by Адміністратар Навін
  • ІНФАРМАЦЫЯ ДА САМІТУ НАТО

    14-га чэрвеня 2021 года ў штаб-кватэры НАТО ў Брусэлі пад старшынствам Генэральнага сакратара НАТО адбудзецца сустрэча кіраўнікоў дзяржаў і ўрадаў НАТО. На Саміце, сярод іншага, будуць абмяркоўвацца пытаньні Ўсходняй Эўропы.

    У сувязі з гэтым неабходна давесьці да ведама кіраўнікоў дзяржаваў НАТО беларускую пазыцыю аб ліквідацыі антынароднай тэрарыстычнай улады Лукашэнкі ў Беларусі.

    1. Ніякія самыя жорсткія эканамічныя санкцыі Захаду не ліквідуюць рэжым Лукашэнкі, якога ў гэтай сітуацыі будзе ўтрымліваць пуцінская Расея, і гэта ёсьць у межах расейскіх фінансавых магчымасьцяў.

    2. Жорсткія эканамічныя і фінансавыя санкцыі прывядуць да татальнага ўплыву Крамля на рэжым Лукашэнкі, да стварэньня ўмоў гібрыднай анэксіі Беларусі. Ваенная прысутнасьць Крамля ў Беларусі стане фактам.

    3. Санкцыі балюча ўдараць па народу Беларусі, паралізуюць кантакты супраціву, ня спыняць рэпрэсій народа.

    4. Міжнародныя эканамічна-фінансавыя санкцыі мусяць быць ськіраваныя супраць Пуцінскай Расеі, якая падтрымлівае і фінаісуе тэрарыстычны рэжым Лукашэнкі ў Беларусі.

    5. Ліквідацыя тэрарыстычнага антынароднага рэжыму ўлады ў Беларусі магчымая толькі знутры краіны шляхам рэвалюцыі народнага супраціву.

    6. Першым рэвалюцыйным дзеяньнем народа павінна стаць вяртаньне законнасьці і законнай Канстытуцыі 1994 года, растаптанай і адкінутай Лукашэнкам.

    Другім дзеяньнем павінны стаць выбары парляманту па Канстытуцыі 1994 года і па мажарытарнай сістэме.

    Трэцім дзеяньнем -- выбраны парлямант ліквідуе выканаўчую сістэму ўлады прэзыдэнта і стварае ўрад парляманцкай Рэспублікі Беларусь.

    7. Растлумачэньне.

    Паралельна з патрабаваньнямі нацыянальна-дэмакратычных вызвольных сілаў Беларусі існуе пазыцыя Крамля, якая праводзіцца праз расейскі Газпрам, спэцслужбы і абапіраецца ў Беларусі на групы П. Латушкі, В. Бабарыкі, С. Ціханоўскай. Гэтыя групы падтрымліваюць татальныя эканамічныя санкцыі супраць Беларусі, выступаюць за новыя выбары прэзыдэнта па антыканстытуцыйным лукашысцкім заканадаўстве.

    Такі падыход дае неабмежаваныя магчымасьці Маскве зноў правесьці на прэзыдэнцкую пасаду ў Менску сваю крэатуру з магчымасьцямі абсалютнай улады ў краіне.

    8. Беларускія нацыянальна-вызвольныя сілы змагаюцца супраць гібрыдных планаў Масквы і яе палітыкі ў Беларусі, супраць тэрарыстычнага прамаскоўскага рэжыму Лукашэнкі за вольную дэмакратычную Беларусь.

    11 чэрвень 2021 г.

    Беларускі Нацыянальны Сакратарыят "Вольная Беларусь"

    Posted Jun 11, 2021, 3:37 AM by Адміністратар Навін
  • ІNFORMATION BY THE NATO SUMMIT

    June 14, 2021 the summit of chiefs of the NATO states and governments will take place at the NATO headquarters in Brussels chaired by the NATO General Secretary. The questions of Eastern Europe are on the agenda of the summit.

    Thereby it should be made clear to the chiefs of the NATO states the Belarusian position on the issue of the elimination of the anti-popular terrorist Lukashenka regime in Belarus.

    1. It is impossible to eliminate the Lukashenka regime by any most tough Western sanctions because Putin’s Russia will support the Lukashenka regime. Russia has the financial capacity to do this.

    2. The tough economic and financial sanctions will lead to the total influence of Kremlin on the Lukashenka regime, as well as will create conditions for the hybrid annexation of Belarus by Russia. The Russian military presence in Belarus would be a fact.

    3. The sanctions will strike very hard the people of Belarus and paralyze the resistance. The repressions against the people will be not stopped.

    4. The international economic and financial sanctions must be directed against Putin’s Russia which is supporting and financing the terrorist Lukashenka regime in Belarus.

    5. It is possible to eliminate the terrorist anti-popular regime in Belarus only from within by the popular resistance and revolution.

    6. The first revolutionary action of the people will be the restoration of the rule of law as well as of the 1994 Constitution of Belarus which has been trampled and rejected by A. Lukashenka.

    The parliamentary elections in accordance with the 1994 and to a majority system will represent the second action.

    Тhe third action will be undertaken by the elected Parliament. It will eliminate the executive power of the president and establish the Government of the parliamentary Republic of Belarus.

    7. Explanation

    The national and democratic liberation forces of Belarus express their demands. At the same time the Kremlin has its own position based on the Russian Gazprom, Russian secret services as well as on the groups of P. Latushka, V. Babaryka and S. Tikhanouskaya which have been set up in Belarus. These groups are supporting the idea of total economic sanctions against Belarus as well as are in favour of the new presidential elections under the unconstitutional law of the Lukashenka regime.

    Тhis position of the mentioned groups provides Moscow unlimited opportunities to put in presidential office its new creature which would have the absolute power in Belarus.

    8. The Belarusian national liberation forces are struggling against the hybrid Moscow’s plans and the Russian politics in Belarus as well as against the terrorist pro-Moscow Lukashenka regime for free and democratic Belarus.

    June 11, 2021

    The Belarusian National Secretariat “Free Belarus”

    Posted Jun 11, 2021, 3:33 AM by Адміністратар Навін
  • МЭМАРАНДУМ АБ ТЭРАРЫСТЫЧНАЙ УЛАДЗЕ*

    (*Гэты мэмарандум пасланы ў структуры кіраўніцтва Эўразьвязу і АБСЭ дзеля інфармацыі аб ацэнках і пазыцыі беларускага нацыянальна-вызвольнага змаганьня супраць прамаскоўскага тэрарыстычнага рэжыму ў Беларусі.)

                                                                           --------------

        Аўтарытарны пэрсаналісцскі рэжым Лукашэнкі, устаноўлены ў Беларусі 26 гадоў таму пры дапамозе Расеі, сканцэнтраваў у сваіх руках неабмежаваную ўладу ў дзяржаве. Улада Лукашэнкі на сёньняшні дзень зьяўляецца адной са злавесных зьяваў ў гісторыі антынародных рэжымаў ў Эўропе. Існаваньне такой сістэмы ўлады ёсьць выклікам для Эўрапейскай цывілізацыі.

        Палітычная дзейнасьць Лукашэнкі і незаконнае ўтрыманьне ім пасады прэзідэнта накіравана на выкарыстаньне дзяржавы і грамадзтва для ўласных інтарэсаў і патрэбаў бліжэйшага атачэньня.

    Характэрнасьцю рэжыму зьяўляецца яго агрэсіўная антынацыянальнасьць. Улада Лукашэнкі арыентуецца на Маскву і вядзе палітычную вайну супраць беларускай нацыі. На працягу 26 гадоў праводзілася мэтанакіраваная палітыка па вынішчэньні беларускай культуры, беларускай мовы, беларускай самаідэнтыфікацыі і беларускай нацыянальнай эліты. Такі падыход рэалізоўваўся праз працэс сістэмнай русіфікацыі ў інтарэсах чужой дзяржавы. Гэты працэс меў ўсе прыкметы этнацыду, які ў апошні год набыў форму генацыду Беларускага народу. 

        У пэрыяд пратэстных мірных дэманстрацыяў 2020 года сілавыя структуры па загаду Лукашэнкі забілі больш дзясятка людзей, пакалечылі ў турмах у выніку катаваньняў тысячы беларусаў. Праз вязьніцы прайшло больш за 34 тысячы чалавек, сотні людзей пазбаўлены свабоды на доўгія тэрміны. Мноства людзей зазналі перасьлед і вымушана пакінулі Беларусь.

    Вельмі часта пад рэпрэсіі трапляюць людзі, якія апранутыя ў колеры нацыянальнага бел-чырвона-белага сцьяга, альбо маюць ў адзеньні камбінацыю гэтых колераў. Апошнім часам ўлада намагаецца пераўтварыць нацыянальны сцяг і гэрб у сімвалы гітлерска-нацыскай акупацыі Беларусі.


    Судовая сістэма цалкам пераўтварылася ў механізм рэпрэсій; факты гвалту, палітычна матываваныя забойствы ігнаруюцца, непасрэдных ўдзельнікаў злчынстваў (забойстваў) апраўдваюць, а ахвяры пераўтвараюць ў злачынцаў. Так было, напрыклад, ў справе Генадзя Шутава, які быў забіты вайскоўцамі спэцназу 11 жніўня 2020 году ў Берасьці.
    Міністар унутраных справаў і кіраўнікі сілавых структур ня толькі пагражаюць забойствам людзей, абяцаюць страляць і "палонных ня браць", але непасрэдна ўдзельнічаюць ў рэпрэсіях супраць грамадзян.
     

    Фактычна, у Беларусі ўсталявалася калектыўная вайсковая дыктатура, што было канчаткова аформлена дэкрэтам Лукашэнкі “Пра абарону суверэнітэта і канстытуцыйнага ладу”, які надае неканстытуцыйнаму воргану, Радзе Бясьпекі, надзвычайныя паўнамоцтвы. 17-га траўня 2021 года быў прыняты чарговы "закон", згодна якога войска, міліцыя, іншыя сілавыя структуры, функцыянеры судоў, пракуратуры і дзяржаўных устаноў улады маюць права страляць у дэманстрантаў з баявой зброі на паражэньне і не нясуць адказнасьці за забойствы і калецтвы людзей.  Гэта сьведчыць аб заканадаўчым афармленьні тэрарыстычнай улады. Тэрарызм стаў калектыўным прадуктам лукашысцкага кіраваньня, што зьяўляецца злачынствам супраць чалавецтва.  За ўзор палітыкі гэты рэжым узяў дзейнасьць ўлады часоў гітлераўскай Нямеччыны і сталінскага СССР, аб чым асабіста заяўлена Лукашэнкам.  Пацьвярджэньнем антыбеларускай палітыкі Лукашэнкі ёсьць нядаўняя заява Міністра замежных спраў рэжыму Уладзімера Макея, які папярэдзіў Захад, што ў выпадку санкцыяў супроць рэжыму ўлада зьнішчыць у Беларусі грамадзянскую супольнасьць.

    Гэтая антычалавечая палітыка абцяжарваецца небясьпечным дыягназам здароўя Лукашэнкі, які ацэньваецца спэцыялістамі як паранойнае расстройства псіхікі асобы, якая характарызуецца маніякальным шуканьнем ворагаў, змоваў і пабуджэньнем адпомсьціць усім нязгодным.  Маніякальным станам сьвядомасьці абумоўлена прымусовая пасадка у Менскім аэрапорце па загаду Лукашэнкі пад пагрозай ваеннай авіяцыі пасажырскага самалёта Афіны – Вільня зь беларускім апазыцыянерам-эмігрантам Раманам Пратасевічам на борце і незаконны арышт гэтага чалавека. Мы інфармуем міжнародную супольнасьць, усьведамляючы, што зьмяніць уладу антыгуманнага рэжыму, у якім ўжо адкрыта праяўляюцца якасьці фашыскай дыктатуры, можа толькі сам Беларускі народ. Але мы спадзяемся на разуменьне нашай барацьбы і на падтрымку міжнароднай супольнасьці.   Відавочна, што Лукашэнка намагаецца захаваць сваю ўладу шляхам сістэмнага тэрору і застрашэньня людзей, тым ня менш, беларускае грамадства будзе працягваць сваю барацьбу дзеля свабоды, дэмакратыі і незалежнай будучыні Беларусі.  

    9 чэрвень 2021 г.

    Беларускі Нацыянальны Сакратарыят



    Posted Jun 10, 2021, 2:49 AM by Адміністратар Навін
  • Memorandum on the Terrorist Regime in Belarus*

    (*Гэты мэмарандум пасланы ў структуры кіраўніцтва Эўразьвязу і АБСЭ дзеля інфармацыі аб ацэнках і пазыцыі беларускага                      нацыянальна-вызвольнага змаганьня супраць прамаскоўскага тэрарыстычнага рэжыму ў Беларусі.)

                                                                                                                 ------------------

        The authoritarian personalist Lukashenka regime has been established in Belarus 26 years ago with the assistance of Russia. This regime has concentrated in its hands unlimited state power. The Lukashenka regime is one of the most sinister phenomena in the history of the antinational regimes in Europe. The existence of a such system of power represents a challenge for the European civilization.

        The Lukashenkas presidency is illegal. His political activity is aimed at using the state and the society for his personal and his entourages benefit.

    The regime is aggressively anti-Belarusian and oriented to Moscow. The Lukashenka government is waging political war against the Belarusian nation. During 26 years the regime is carrying out a systemic policy with the purpose of elimination of the Belarusian culture, Belarusian language, Belarusian identity, Belarusian national elite using the method of the consistent Russification which benefits only Russia. This process have had all characteristics of an ethnocide. The last year this process has taken a form of a genocide of the Belarusian nation.

        During the peaceful protest actions in 2020 the security forces have killed more than 10 persons, following the orders of Lukashenka. Thousands of persons have been wounded and tortured in the prisons. More than 34 000 of persons have been imprisoned and several hundreds of them have get a long sentence. Thousands of persons have been compelled to leave Belarus because of the terror.

    Very often the regime persecutes the persons which are dressed in clothes of the white and red colours (modelled after the national white-red-white flag), or whose clothes have a combination of these colours. The regime is trying to present the ancient Belarusian flag and coat of arms as the symbols of the Nazi German occupation.

    The judicial system has been transformed into a mechanism of repressions. The courts are ignoring the facts of police violence and politically motivated killings. The participants of these killings are acquitted at trials. The victims are treated as criminals. An example for this is the case of Mr. Henadz Shutau, who has been killed by the military special forces on August 11, 2020 in Brest.

    The minister of the Interior and the commanding officers of the security structures threaten to kill the protesters, to shoot the patriots andnot to take prisoners. They also personally participate in the repressions against the citizens.

    In fact, a military dictatorship has been installed in Belarus. This dictatorship has been finally formalized by the Lukashenka’s decree On the Defence of the Sovereignty and Constitutional Order which has provided the extraordinary authorizations to the unconstitutional body – the Security Council. On May 17, 2021 a newlawhas been passed. In accordance with this law the army, police and other security structures as well as officials of the courts, procurator offices and state institutions have right to shoot protesters on site using combat weapons. At that the state officials aren’t answerable for the killing and crippling of people. This this is an evidence of the legal implementing of the terrorist regime. The terrorism became a product of the Lukashenka regime. This is a criminal act against the humanity.

    The Lukashenka regime has taken as a model the Hitler regime in Germany and the Stalin regime in the USSR. A. Lukashenka has declared this idea personally. The Lukashenka’s minister of the Foreign Affairs Mr. Uladzimir Makey has confirmed the anti-Belarusian politics of regime. He has warned the Western countries that the regime will eliminate the civil society in Belarus if the sanctions would be applied against the regime.

    This inhuman policy is exacerbated by the dangerous health status of A. Lukashenka which is estimated by specialists as a paranoid psychic disturbance. The mentally ill dictator is maniacally searching for the enemies, complots and is ready to take revenge on all dissenters. The illegal forced landing of the passenger air liner Athens – Vilnius with the Belarusian opposition activist and emigrant Raman Pratasevich on board using a military aircraft is explained by the Lukashenka’s manic state. The dictator has ordered to use the military air force and to arrest the opposition activist.

    We inform the international community that only the Belarusian people could eliminate the inhumane regime which is demonstrating the qualities of the fascist dictatorship. We hope the international community will understand our struggle and support it. It is obvious that A. Lukashenka is trying to preserve his power using the continuous terror. But the Belarusian society will continue to struggle for the freedom, democracy and independence of Belarus.  .  

    June 09, 2021

    The Belarusian National Secretariat “Free Belarus”



    Posted Jun 10, 2021, 1:24 AM by Адміністратар Навін
  • ДАДАТАК ПРА БАЙПОЛ І "ПЕРАМОГУ"

    Тэкст да патрыётаў Беларусі)

    Байпол (міжнародная абрэвіятура, што абазначае "беларуская паліцыя") -- гэта самастойная група, якая складаецца з былых супрацоўнікаў Міністэрства абароны і Міністэрства ўнутраных спраў (пракуроры, сьледчыя, апэратыўнікі і інш.), якія адмовіліся працаваць на тэрарыстычны антыбеларускі рэжым Лукашэнкі і выехалі за мяжу, дзе працягваюць змаганьне з рэжымам за вольную Беларусь.

    Байпол не карыстаецца з фінансаваньня групоўкі, што створана вакол Ціханоўскай і Латушкі. Сьціплыя сродкі для дзейнасьці Байпола складаюцца з ахвяраваньняў беларусаў і грамадзкіх арганізацыяў. З прапановай аб гэтых ахвяраваньнях Байпол зьвяртаецца да суайчыньнікаў. Дзеля гэтага ўжо створана фундацыя "Байпол". Байпол -- гэта самадастатковая група, якая кантактуе зь іншымі групамі.

    -- Дачыненьні --

    Адносіны Байпола да групоўкі Ціханоўскай і Латушкі вынікаюць з дыпляматычнага разуменьня салідарнасьці пазыцыяў супраць лукашысцкага рэжыму (там, дзе пазыцыі супадаюць). Пазыцыя Байпола -- абарона суверэнітэту і незалежнасьці Беларусі, аднаўленьне законнасьці, вяртаньне законаў і законнай Канстытуцыі 1994 года; першая справа -- правядзеньня выбараў у Вярхоўны Савет па мажарытарнай сістэме.

    Тым часам пастава насьледнікаў крамлёўска-газпрамаўскай палітыкі (Ціханоўскай-Латушкі) іншая -- выбары не парляманта па законнай Канстытуцыі 1994 года, а новыя выбары прэзыдэнта па існуючым лукашысцкім заканадаўстве. Пры такім падыходзе Масква атрымлівае вялікія магчымасьці зноў правесьці сваю кандыдатуру на абсалютнага правіцеля Беларусі.

    * * *

    Групоўка Ціханоўскай-Латушкі не зацікавілася праектам "Перамога" і не падтрымлівала яго. Але калі план быў публічна аб'яўлены Байполам, дык яны кінуліся вяшчаць аб падтрымцы плану "Перамога", ствараючы ўражаньне, што быццам бы гэта іхняя праца, што яны яе разам з Байполам рыхтавалі. Такая гэта ёсьць публіка і такія іхныя паводзіны. Яны імкнуцца дэманстраваць «ініцыятывы», бо зацікаўленыя, каб Захад іх за гэта падтрымліваў.

    -- Па сутнасьці --

    Нагадваю, што план "Перамога" -- гэта ёсьць не палітычная платформа, але прылада, механізм ліквідацыі тэрарыстычнай ўлады ў Беларусі. Гэта механізм апэратыўнай народнай рэвалюцыі, які рэальна можа спрацаваць пры масавым удзеле людзей у мабілізацыі ў адпаведны час.

    Пасьлядоўнікі Адраджэньня, беларускія патрыёты і прыхільнікі Беларускага Нацыянальнага Сакратарыяту "Вольная Беларусь" (БНС) могуць запісвацца ў мабілізацыю "Перамога" і ў патрэбны час дапамагчы Беларусі.

    Аднак усім трэба працягваць фармаваньне сваіх гарызантальных структураў (ствараць зьвязы па два чалавекі) у руху "Вольная Беларусь", рабіць усю працу, задэкляраваную намі яшчэ з 2014 года. Суполкі "Вольнай Беларусі" робяцца часткай мабілізацыі "Перамога», але застаюцца таксама асобнымі ў сітуацыі, якая створыцца.

    -- У нацыянальных інтарэсах --

    Трэба разумець, што ў аўтарытарным, антыбеларускім, тэрарыстычным рэжыме міліцыя ня можа быць "з народам" (як тое гукаюць некаторыя людзі). Тым больш, трэба цаніць тых нешматлікіх сумленных супрацоўнікаў у сфэры ведамства унутраных справаў, якія ахвяраваліся дзеля краіны і народа Беларусі, эмігравалі за мяжу ў цяжкае існаваньне, каб змагацца і працаваць дзеля волі і свабоды Айчыны.

    Чаму мы (БНС "Вольная Беларусь") падтрымалі Байпол і праект "Перамога"? Перш за ўсё таму, што гэты план арыентаваны на ўнутраннае вырашэньне праблемы ліквідацыі рэжыму Лукашэнкі сіламі самога Беларускага народа (без прэсаваньня народа чужымі санкцыямі, абяцанкамі «дыялогаў» з бандытамі і т. п.). Арыентацыя на ўнутраннае народнае вырашэньне праблемы ўлады -- гэта падыход, які адпавядае беларускім нацыянальным інтарэсам.

    Тым часам рыторыка груповак Латушкі-Ціханоўскай, якія бяруць пачатак ад газпрамаўска-крамлёўскага праекту перамены ўлады ў Беларусі, з'арыентавана на зьнешняе вырашэньне беларускага пытаньня чужымі сіламі -- Эўразьвязу і Расеі, якія шляхам "дыялогу" (з удзелам гэтых груповак) павінны сесьці за стол "перамоваў" з бандыцкім рэжымам і вырашыць лёс Беларусі (у сваіх інтарэсах, вядома). Групоўкі Латушкі-Ціханоўскай тут, у ілюзорных перамовах (калі б яны адбыліся), удзельнічалі б толькі для антуражу, бо гэта марыянэткі, якія кантралююцца спэцслужбамі і ўтрымліваюцца на грошы перамоўшчыкаў. Але праўда такая, што ніякія «дыялогі» і «перамовы» са злачынцамі не адбудуцца, бо немагчымыя.

    -- Шырма павалілася --

    3--5-га чэрвеня, напрыклад, быў наладжаны чарговы спэктакль з візітам гэтай кампаніі ў Польшчу. Слабая арыентацыя ў палітыцы і прыблізнае ўяўленьне аб тым, куды іх прывезьлі, прывяла да паказальнага скандалу. Сьвятлану Ціханоўскую запрасіў у госьці прэзыдэнт Варшавы лібэрал Рафал Тшаскоўскі, які ёсьць у апазыцыі да кіруючай партыі і ўраду і які рыхтуе вялікае апазыцыйнае мерапрыемства "Campus Polska Przyszłosci" насуперак кіруючай партыі. Тшаскоўскі запрасіў Ціханоўскую на Campus Polska, і яна пагадзілася ўдзельнічаць. Тады Тшаскоўскі падзякваў яе за згоду ўдзельнічаць у "Кампусе" і паведаміў: "Ціханоўская будзе з намі на @Campus_Polska. Нас чакае незвычайнае і несумненна павучальнае спатканьне."

    У выніку тут жа пачуўся рэзкі выкрык намесьніка старшыні польскага Сэйму і кіраўніка парляманцкай бальшыні Сэйму спадара Рышарда Тэрлецкага, які прагучэў дакладна так: "Калі Ціханоўская хоча рэкламаваць антыдэмакратычную апазыцыю ў Польшчы і выступаць на мітынгу Тшаскоўскага, дык няхай шукае дапамогі ў Маскве".

    Цяпер гэты скандал абмяркоўваюць польскія палітыкі і журналісты. (Пакуль што бальшыня на баку Тэрлецкага. Сьвятлана адказала: "Хай ён (Тэрлецкі) паглядзіць у вочы маім дзецям" і г. д. https://wiadomosci.onet.pl/).

    Камэнтары тут не патрэбныя. Так маглі пакрыкваць на прыслугу ў гістарычныя часы, а не на "пані прэзыдэнт", якую вось ужо паўгода з фальшывым пафасам разыгрываюць у Эўразьвязе. Камэдыя пагарэла. Шырма павалілася. Глядач убачыў рэчаіснасьць. А ўвогуле ўсё гэта ганебна.

    -- Пазытыўная справа --

    План "Перамога" -- гэта сур'ёзны праект, падрыхтаваны беларусамі, якія прафэсійна разьбіраюцца ў тым, што прапануюць. Небясьпеку плана "Перамога " рэжым Лукашэнкі ўспрыняў зь непакоем. Пачаўся трольны галас, пасыпаліся розныя фальшыўкі, залемантавала агентура, неўрастэнікі ў сацыяльных сетках і т. п. -- усё, як звычайна.

    Дзелавыя людзі на лямант і на троляў не зьвяртаюць увагі, не марнуюць час на пустыя гаворкі з заўзятарамі, калі ёсьць ідэя, мэта і праца. Павінна рабіцца пазытыўная справа і падрыхтоўка вызвольнага Праекта.

    -- Рашэньне --

    Першыя дні пасьля абвяшчэньня плану паказалі, што найбольшай перашкодай да хуткага дзеяньня зьяўляецца зразумелы недавер беларусаў да рэжымнай міліцыі і асобаў з судова-міліцэйскага асяроддзя. Нянавісьць да міліцэйскіх садыстаў і судовых мярзотнікаў такая, што яна аўтаматычна экстрапалюецца на ўсіх, хто належыць да судова-сілавога ведамства. Але ёсьць выключэньні. Хоць і няшмат, але ёсьць патрыёты.

    Адзінае, што тут можна параіць, -- супакоіцца, уключыць галаву, падумаць і прыняць рашэньне ўдзельнічаць у праекце. Рызыкі тут няма. Ні прозьвішчы, ні адрасы дабраахвотнікаў нідзе не фігуруюць. Іх не існуе. Сувязь праз Тэлеграм адразу выдаляецца. Застаецца толькі аднабокі канал у "Перамозе", які недасяжны.

    -- Працяг --

    Зразумела, што найважнейшымі будуць дзеяньні пасьля рэалізацыі плану "Перамога" (гэта значыць пасьля ліквідацыі ўлады тэрарыстычнай хунты і вяртаньня ў законнае прававое поле). Тут важна будзе прадухіліць умяшаньне зьнешніх сілаў і забясьпечыць беларусам магчымасьць самым ажыцьцявіць перамены, перабудову ўлады і грамадзтва.

    Праграма "Вольная Беларусь" (абмеркаваная яшчэ ў 2017 г. і вядомая грамадзтву) прадугледжвае стварэньне тымчасовага пераходнага рэвалюцыйнага ўраду, які забясьпечыць парадак, абарону суверэнітэту, верне законнасьць, адновіць законную Канстытуцыю 1994 года, правядзе выбары ў Вярхоўны Савет, які сфармуе законны урад.

    Палітычную ініцыятыву стварэньня пераходнага рэвалюцыйнага ўраду і адказнасьць у дзеяньнях бярэ на сябе Беларускі Нацыянальны Сакратарыят "Вольная Беларусь", які з каардынацыйнага воргана за мяжой будзе пашыраны на ўсю Беларусь. Беларусы самы ўладкуюць сваю краіну, зробяць парадак і вызначаць самастойную будучыню Беларусі.

    5 чэрвеня 2021 г.                      Зянон ПАЗЬНЯК  

    Posted Jun 7, 2021, 5:53 AM by Адміністратар Навін
  • ЧАМУ БЕЛАРУСАМ ТРЭБА ПАДТРЫМЛІВАЦЬ ПЛАН "ПЕРАМОГА"

    1. План.

    План "Перамога" -- гэта мабілізацыйны план насельніцтва краіны на выпадак экзыстэнцыяльнай пагрозы існаваньню для нацыі і дзяржавы.

    Мабілізацыйныя планы для мужчынскага насельніцтва краіны існуюць, практычна, у кожнай дзяржаве (і ў Беларусі таксама) на выпадак зьнешняй пагрозы для існаваньня дзяржавы і народу.

    Асаблівасьць плана "Перамога" ў тым, што ён ствараецца альтэрнатыўнымі да кіроўнай хунты ўлады нацыянальнымі сіламі і зьяўляецца дабраахвотнай альтэрнатыўнай сістэмай мабілізацыі ўсёй нацыі (мужчын і жанчын) супраць унутранай і зьнешняй акупацыі Беларусі.

    Мабілізацыйны план "Перамога" -- гэта ёсьць інструмэнт, сістэма і тэхналогія абароны дзяржавы і нацыі, прылада для ліквадацыі улады антынароднага рэжыму. У межах патрыятызму ён безадносны да палітычных накірункаў. Сістэма мае народазьберагаючае значэньне і датычыць кожнага жыхара Беларусі. Гэта падпольнае апалчэньне нацыі дзеля свайго самазахаваньня.

    Вось чаму Беларускі Нацыянальны Сакратарыят "Вольная Беларусь" падтрымлівае гэты план. Мы лічым, што план "Перамога" мусіла б падтрымаць кожная беларуская арганізацыя і кожны жыхар Беларусі.

    2. Стварэньне.

    Стварэньне плана "Перамога" арганізавана Байполам і Аналітычным Цэнтрам Байпола, які складаецца з прафэсіяналаў. Гэтыя людзі зьяўляюцца патрыётамі Беларусі. Яны разумеюць варожую анэксіянісцкую палітыку Расеі і спадзяюцца на свой Беларускі народ.

    Мэтодыка ўтварэньня падпольнага апалчэньня праз альтэрнатыўны мабілізацыйны план агалошана ў Сеціве і зьяўляецца надзейнай сістэмай.

    3. Мэта.

    План "Перамога" ўзьнік як рэакцыя беларусаў на ўнутраную прамаскоўскую акупацыю Беларусі хунтай Лукашэнкі, якая, адкінуўшы законы і права, распачала рэпрэсіі, тэрор і вайну супраць Беларускага народа.

    План "Перамога" -- гэта рычаг, скарыстаўшы які, беларусы могуць не ваенным шляхам пазбавіцца ад акупацыйнага рэжыму антыбеларускай улады і абараніць суверэнітэт краіны ад зьнешняй пагрозы.

    4. Рэалізацыя.

    Кожны апалчэнец у пэўны момант атрымлівае свой расклад дзеяньня. План "Перамога" можа спрацаваць і ажыцьцявіцца толькі адзін раз і ў кароткі час. Дзеля гэтага мусіць быць спраўджаныя тры ўмовы:

    -- масавы ўздым беларусаў дзеля мабілізацыі;

    -- давер людзей да каардынатараў Плану;

    -- надзейнасьць каардынатараў.

    Пры масавым апалчэньні ў адзін мільён апалчэнцаў перамена ўлады, практычна, непазьбежная (пры гэтым, масавых дэманстрацыяў можа ня быць).

    5. Падтрымка.

    Чакаецца, што План (як інструмэнт перамены) падтрымае шмат людзей і арганізацыяў. На сёньняшні дзень ужо заявілі пра сваю падтрымку таксама тыя, што існуюць у рэчышчы крамлёўска-газпрамаўскай небеларускай палітыкі (Латушка, група вакол Ціханоўскай і нават гэбіст Цапкала і т.п.). Тлумачыцца гэта супадзеньнем бліжніх інтарэсаў, бо Газпрамаўска-эфэсбоўская групоўка таксама зацікаўлена ў ліквідацыі ўлады Лукашэнкі. А вось наступныя паводзіны гэтых людзей пасьля ліквідацыі ўлады Лукашэнкі будуць цалкам залежныя ад Масквы і "мудрого Пуціна". У гэтым можна не сумнявацца, і тое трэба ведаць. Таму ўжо цяпер беларускім палітыкам неабходна думаць аб недапушчэньні здрады ненадзейных асобаў, аб прадухіленьні вынікаў такой здрады і аб беларускім уплыве на становішча.

    3 чэрвень 2021 г. Зянон ПАЗЬНЯК

    Posted Jun 5, 2021, 2:37 AM by Адміністратар Навін
  • Сумная вестка
    Сёньня, 4 чэрвеня 2021 г., на 75-м годзе пайшла з жыцьця спадарыня Аляксандра Гаеўская, ветэран беларускага нацыянальна-вызвольнага руху, сябра Беларускага Народнага Фронту “Адраджэньне” і Кансерватыўна-Хрысьціянскай Партыі — БНФ.

    30 апошніх гадоў свайго жыцьця прысьвяціла змаганьню за незалежную і вольную Беларусь, выхаваньню беларускай моладзі ў любові да сваёй краіны, сваёй зямлі.

    Разьвітаньне адбудзецца заўтра, 5 чэрвеня, на вуліцы Малініна 35В (Серабранка). З 12 да 13 гадзінаў.

    Выказваем спачуваньні родным у страце цудоўнага чалавека.
    Сьветлая памяць!

    Кіраўніцтва і сябры Кансэрватыўна-Хрысьціянскай Партыі — БНФ
    Posted Jun 5, 2021, 2:34 AM by Адміністратар Навін
  • ЗРОБІМ ТОЛЬКІ МЫ -- БЕЛАРУСКІ НАРОД

    Цяпер усё шкодніцтва, якое плодзяць калабаранты з пуцінскай Расеяй і зь левай Эўропай, не пасьпяваеш нават фіксаваць.

    Нядаўна ў замежных "дэм. СМІ" зьявіўся зварот гэтых асобаў да беларускіх чыноўнікаў усіх узроўняў. Вось што яны прапанавалі дзяржаўным чыноўнікам:

    «Падавайце ў адстаўку, далучайцеся да дэмакратычных сілаў, на вас цяпер глядзіць уся краіна." https://www.svaboda.org/a/31281250.html 

    Палітычны сэнс гэтай правакацыі зразумелы. У час рэпрэсіяў і тэрору выцягнуць з дзяржаўнай сістэмы ўсіх крытычна думаючых сумленных беларусаў і падставіць іх пад удар, а ў сістэме пакінуць толькі маскоўска-лукашысцкіх службістаў.

    Зразумела, што гэта азначае для рэвалюцыі і для магчымасьці ліквідацыі ўлады лукашызму.

    І сацыяльны аспэкт. (Калі б чыноўнікі паслухалі калабарантаў.)

    А куды падзецца тым адстаўным ва ўмовах тэрору? За што ім існаваць? За мяжу выехаць ня змогуць, бо, дзякуючы калабарантам (Латушку, Ціханоўскай, жонцы Цапкалы і інш., якія прыдумалі правакацыйны зварот да чыноўнікаў), Беларусь закаркавалі, як бутэльку, пазбавіўшы авіязносін са сьветам -- адзінай дарогі выязду з краіны, бо наземны выязд даўно спыніў рэжым. (Гэта калабаранты крычалі, каб забаранілі палёты "Белавія" ў Эўропу.)

    У канцовым сэнсе адстаўных службоўцаў чакае пазбаўленьне класнасьці чыноўніка, урэзваньне пэнсіі, адабраньне службовых кватэр, зьняцьцё зорак з пагонаў і перасьлед, які скончыцца кратамі па надуманым абвінавачваньні.

    Вы куды штурхаеце гэтых людзей, спадары калабаранты, агенты і гламурныя лялькі?

    Мой зварот да разумных беларусаў, што вымушаныя працаваць у сістэме антынароднай улады. Калі можаце, не пакідайце дзяржаўнай службы. Паўтараю, "калі можаце", бо бывае, што цярпець немагчыма. Вашая прысутнасьць у сістэме спатрэбіцца рэвалюцыі. Падтрымлівайце мабілізацыйны план "Перамога". Ён добра прадуманы разумнымі людзьмі (не калабарантамі) і забясьпечвае ананімнасьць удзельнікаў. Уступайце ў беларускае рэвалюцыйнае апалчэньне. Ня бойцеся! Дыскрэтнасьць працуе. Калі пачнецца ліквідацыя лукашысцкай банды і арышт злачынцаў -- вы дапаможыце.

    Уладу можна перамяніць толькі знутры. Калабаранты і прыслужнікі чужой палітыкі хочуць, каб тое для іх зрабіла Масква і Эўропа. Але зрабіць можам толькі мы -- Беларускі Народ.

    Жыве Беларусь!

    1 чэрвеня 2021 г.                          Зянон ПАЗЬНЯК