ВЯЛІКАЯ ПАДЗЕЯ БЕЛАРУСКАГА ЛЁСУ
Паважаныя суайчыньнікі!
Паважаныя сябры-фронтаўцы!
Віншую Вас з 16 — й гадавінай вяртаньня незалежнасьці Беларусі!
25 жніўня 1991 года на Сэсіі Вярхоўнага Савета БССР, дзякуючы мужнаму змаганьню дэпутацкай Апазыцыі Беларускага Народнага Фронту і падтрымцы народа, была аб'яўлена Канстытуцыйным Законам Дэклярацыя аб суверэнітэце Беларусі. Адначасна — спыненая дзейнасьць КПСС і Камсамола ў нашай Краіне.
Гэтая падзея падсумавала тры гады змаганьня Народнага Фронту за вольную незалежную Беларусь, была вынікам канцэптуальнай і рашучай барацьбы дэпутацкай Апазыцыі БНФ у Вярхоўным Савеце, якая абапіралася на перадавое нацыянальна-актыўнае грамадзтва Беларусі.
Віншую ўсіх дзеячоў, змагароў і ўдзельнікаў вялікай і выніковай барацьбы! Наша сьветлая народная будучыня мае прыклад і моцны грунт.
Жыве Беларусь!
Зянон Пазьняк
25 жніўня 2007 года.