ТАКАЯ ВОСЬ ІТАЛІЯ
6 верасьня славацкая газэта “Hospodarske Noviny” апублікавала артыкул пад тытулам “Самым распаўсюджаным імем уладальнікаў фірмаў у Мілане ёсьць Мухамад”. Вось гэты артыкул:
Самым распаўсюджаным імем уладальнікаў малых бізнэсаў у італьянскім горадзе Мілане, паводле апошняга дасьледваньня, ёсьць цяпер Мухамад. Яно ўпершыню перагнала традыцыйныя італьянскія хросныя імёны. Пра гэта дала інфармацыю ў чацьвер інтэрнэт-выданьне газэты “Japan Times”.
Дасьледваньне, падрыхтаванае гандлёвай палатай камэрцыйнай мэтраполіі Італіі, сьведчыць, што ў сьпісе ўладальнікаў фірмаў сёлета фігуруюць 1595 Мухамадаў, а асобаў па імені Джузэпэ ёсьць 1383. На трэцім месцы стаіць Марка — бізнэсаў, зарэгістраваных асобамі з гэтым імем ёсьць 1131.
На чацьвёртым месцы знаходзіцца імя Марыя (1095), на пятым Ахмэд (615). У Мілане ўсяго разам знаходзяцца 34278 малых бізнэсовых таварыстваў — прыблізна 12% ад усіх па краіне, — якімі валодаюць замежнікі альбо людзі, народжаныя замяжой, напісала згаданая газэта.
TASR
Пераклаў з славацкай В. Буйвал