ГАРАЧАЯ ПАТЭЛЬНЯ
22 верасьня летувіская газэта “Lietuvos Rytas” апублікавала артыкул пад тытулам “Мінамётны снарад патрапіў у комплекс амбасады Расеі ў Дамаску”. Вось гэты артыкул:
У суботу ў сталіцы Сірыі Дамаску ў комплекс амбасады Расеі патрапіў мінамётны снарад, — паведаміла няўрадавая арганізацыя “Syrian Observatory for Human Rigths”, якая назірае за становішчам у Сірыі. Паведамляецца пра трох параненых.
У раёне Дамаска, дзе разьмешчана амбасада, цяпер дзейнічаюць сілы паўстанцаў.
BNS і lrytas.lt inf.
Пераклаў з летувіскай В. Буйвал
Масква надзьмуваецца, пагражае, выстаўляе патрабаваньні, спрабуе выратаваць свайго кліента Асада. А тым часам патэльня награецца, міністар Лаўроў ёрзае ў крэсьле, пасольская публіка ў Дамаску перасоўваецца подзьбегам і паўзком. У квартал, дзе яны хаваюцца за сэйфамі і лядоўнямі, ужо ўступілі сірыйскія паўстанцы. Кожны дзень каля брамы іхняга комплексу можа прагучаць на мясцовы лад знаёмае з гісторыі: “Которые тут временные? Слазь! Кончілось ваше время...” А можа гэта будзе: “Караул устал...”
Імпэрыя губляе чарговую экзатычную правінцыю. Замест таго, каб будаваць дарогі, школы, шпіталі і г.д. ў сваіх занядбаных вобласьцях, Масква ўбухала мільярды ў крывавы антынародны рэжым. І вось усё правальваецца, трэба эвакуіраваць сваю публіку. Цікава, дзе ж будзе наступная эвакуацыя?
Янка Базыль